慢煮兩餐 (已搬遷) 新店位置

餐廳非常靜，只有一枱客。我們三個人，叫了一個排骨湯，蒸荳腐，炸雲呑，蝦米菜粉絲，白飯。可能無乜客，點菜後，幾分鐘便上菜，非常快。點的餸，全是清淡，很清新。但如想食重口味的餸，這店應不太合。排骨湯似屋企煲那些，排骨滑要食。炸雲吞皮薄有料，幾好味。蝦米菜粉絲也足料也似是屋企做的菜。蒸豆腐滑，有荳味。雖然也只是一些家常菜，但也不是平，也要五百多元。

話說約左好朋友lunch, 想食清淡d,經過見到好有人排，個menu又吸引，決定要試下。佢一個set $80-90 ，好住家feel, 有啲期待！我叫左個豉油王雞翼，有個湯，飲得出無咩味精，個雞翼好滑，飯幾有咬口，個菜好香！中環人值得一試，不過上菜慢左d,自己都預時間la!

心機之作嘅小店 👍 lunch set 望落好簡單，不過用心煮點都可以令佢不平凡瑞士雞翼鮮茄魚麵 📍新加落menu 嘅lunch set 😁 又係番茄呀，岩哂我🙆‍♀️ 清清地嘅湯底，飲落好舒服.. 唔好以為個啲係烏冬呀，佢係用魚肉整架，好有心

食咗豉油雞翼飯.個豉油味教得好好，濃郁，有層次。撈飯一流！雞翼剛熟，完美。跟餐配一個粉絲節瓜。節瓜啱啱好稔，調味亦都剛剛好。仲有一個老火湯跟。好似係紅蘿蔔豬骨湯。絕對唔係茶餐廳嗰啲吉水，而係真材實料燉湯嘅味道！總括而言，佢跟本係好似你好識煮飯嘅阿媽，走嚟中環即場整 lunch比你食嘅味道。換言之，佢嘅嘢食唔覺加咗味精，唔油膩，唔咸。最啱中環打工仔食厭咗大魚大肉，或者掛住媽媽嘅住家飯去幫襯。環境嚟講，由於樓底夠高，枱夠濶，非常清靜。裝修仲有日系feel。絕對值得一試再試！

今天想食咖喱，朋友就介紹這間叫「慢煮兩餐」食咖哩一定要配合一熱騰騰的白飯，最佳拍檔！👍⋯⋯這間餐廳原來是一間私房菜，主打慢煮和特式！它們的米，叫做混合米（台灣，中國，泰國）用接近溫泉水酸鹼性而弄出來，值得一試！一間好精細的餐聽，得五六張枱，絕對稱得上係一間私房菜。廚房話今日湯是排骨瑤柱金華火腿湯。那就來一碗。湯的顏色絕對知道佢是煲了一段稍長的時間。但是味道我就覺得偏鹹了，可能是落多了金華火腿的原故。而我的主角混合米白飯，並沒有熱騰騰的感覺，飯囗感並沒有想象有層次，有少許失望😞⋯⋯，咖哩牛暔是不錯，味道並不太辣，味道有層次，牛的口感👌唯一是買相，感覺去了普通飯店。鼓油皇乳鴿，味道恰到好處⋯⋯乳鴿滑，燜煮恰到好處。😋😋最後老闆送了二個甜品，一個是木糠鮮奶布丁🍮⋯⋯嘩，好似BB皮膚，好滑，淡甜芳香。而另一個人參粟米杬肉，好特別，甘甘甜甜，好滋潤。平均每一位晚飯消費$200至$300。

本身以為慢煮一定好貴，但他的午餐價錢很合理而且不收加一服務費。很有住家菜的感覺，今日的堂有瑤柱熬得很入味。食落感覺沒有味精很健康。雖然我不吃雞皮，觀察到雞翼的雞皮還是「完好無缺」，也沒有煮得「乾了」，可見是真的「慢煮」。

【慢煮兩餐】Environment: ★★★★★Service: ★★★★★Taste: ★★★★★ 慢煮兩餐主要以家常小菜作為其賣點，小菜雖然簡單，但味道卻挺好吃。今天就和大家談談我於慢煮兩餐的用餐經驗吧。1️⃣肉碎蒸咸蛋:味道偏濃，咸蛋有很香濃的咸蛋味，咸蛋黃的味道不會過咸，十分好吃。2️⃣紹菜炆蝦米:紹菜和粉絲煮得剛剛好，不會過淋，粉絲十分彈牙，蝦米的味道浸入了菜和粉絲，味道很好。3️⃣煎焗青根魚:青根魚有兩條，煎得香脆，魚肉鮮味，十分有彈性，有淡淡的咸味。4️⃣豉油王乳鴿:乳鴿是原隻上碟，肉汁不會流失。乳鴿肉十分鮮嫩，充滿肉汁。脂肪方面，乳鴿肥瘦得宜，不會有過多油脂。調味方面，豉油甜甜的，配上十分入味的乳鴿肉，非常好吃。乳鴿的用料和烹調都十分出色，值得一試。5️⃣木糠布甸:布甸以牛奶製成，入口即溶，有很香濃的牛奶香味。牛奶布甸十分香滑，製作得十分出色，非常好吃，值得一試。總結:慢煮兩餐的用料和烹調技巧都不錯，豉油王乳鴿和木糠布甸製作出色，值得特意前往一試。

星期一既晚上，同屋企人一行四人去左慢煮兩餐試食，位置較近上環地鐵站，可能唔熟港島區，所以覺得位置有點偏僻 😅 舖頭面積較細，坐位大約二十個，但星期一下雨天晚上都坐滿人，相信質素都有保證。職員及大廚都好有禮貌，上菜時會介紹一下菜式名稱～其中我最鐘意既係排骨湯同埋煎魚，湯好鮮甜，排骨好淋，想飲多碗 😝煎魚看似平平無奇，但係食落外脆內軟，肉質好滑， 呢兩碟真係可以encore!梅子醬豆腐就冇咩特別，上面有鹹香既醬汁，不過唔啱我口味。 至於酸梅醬排骨我都鐘意食，調味同蒸既時間控制得啱啱好，肉質同樣地好軟滑，唔會好似出面啲排骨咁要用力咬先咬得開豉油皇乳鴿初初覺得喺街食原隻乳鴿好唔方便，但餐廳好貼心地準備膠手套，乳鴿肉質好結實，有肉味，唔會得豉油味或鹹味，比出面食既乳鴿相對大隻蝦米紹菜煮得淋左少少，冇左菜既口感，但好有家既感覺甜品低糖少甜，食哂成碗都唔會覺得好滯，牛奶布甸如果牛奶味再濃厚啲會更好

豉油皇乳鴿: 味道和質感有別於一般的燒乳鴿﹐原隻上碟的乳鴿新鮮出爐並散發出陣陣白煙。店員表示店主建議原隻進食﹐使肉汁鎖緊。味道濃淡適中﹐咬開乳鴿皮內更有肉汁流出﹐嫩滑美味﹐十分值得一試。煎焗青根魚: 魚皮煎得很香脆﹐魚肉也很滑﹐味道鹹了些。紹菜炆蝦米： 紹菜被切得很幼細﹐加上粉絲﹐吸收了蝦米和上湯的精華 很有媽媽煮小菜的味道。肉碎蒸鹹蛋： 外觀平平無奇，鹹蛋很有鹹香，又有蛋味，與肉碎味道很夾養生排骨湯: 排骨湯的味道很濃﹐排骨的肉味雖然不重﹐但加上配的梅子醬﹐加上肉質很腍仲有個飯 用幾種米mix 好有飯香 又有口感 懷念仲有2杯餐前紅酒 好飲過之前HH個杯Cheers 支持小店

常常去九如坊鄰近的餐廳，每次經過此店，都想入去試試，今天，終於有機會幫趁呢！店內燈光柔和，設計簡約，枱並不多，襯托着柔掦音樂，招呼很好，令人感覺很舒坦...relax 先前已經預訂的：煎焗馬頭魚，看似很乾身，食落魚皮很香脆，魚肉很嫩滑，很有魚味👍👍肉碎蒸鹹蛋，外觀平平無奇，鹹蛋很有鹹香，又有蛋味，與肉碎味道很夾，正咖喱鮮牛腩，出乎意料之外的超好味，牛腩件件都靚仔，不鞋口，不靱，嫩滑多汁，多骨膠原，咖喱很mild，香濃幼滑，沒有蓋過牛腩的鮮味👍👍👍蒸布包豆腐，清清淡淡，有豆香黃芽白炒粉絲，黃芽白煮得夠冧，有清甜味，連汁都甜美，粉絲沒有過糊，好正👍👍👍牛奶布丁，充滿牛奶香味，好味👍很有係屋企食飯feel，很満足的一餐，值得推薦惟一美中不足是，洗手間設在店外後面的小巷內，有女侍應陪同的，及上鎖的！

今日約左免費試食lunch,因為地點有些偏僻，為免行錯路，最好用GPS和問人，發覺其實就在蓮香樓的左邊不遠處，是一間小店，但整潔寧靜，讓人可靜靜地享受用餐。食物本身很有住家菜特色，感覺很健康，而且配上一杯好茶，可以好優閑地休息，飯後又有甜品，令人帶着開心的心情離開心，值得推薦!

第一次試食體驗估唔到首次試食係家常小菜今次係同朋友2個人參加試食菜式有：養生排骨湯，個湯係我覺得最有驚喜既湯味非常濃郁😍飲得出好足料蘿蔔好入味，平時飲湯，都比較少食豬肉嘅湯渣但呢個湯既排骨肉質仲係好嫩滑再配埋佢嘅酸梅醬，食落感覺好清新紹菜蝦米粉絲呢道菜係我第二覺得驚喜嘅因為平時呢種菜式，相信好多家庭都會有煮但呢個紹菜煮得夠淋，味道亦保持到清甜試飲佢嘅菜汁，都係鮮甜，唔係味精煎魚本人平時係唔食魚嘅，但因為今次嘅試食我都嘗試左，佢個肉質比我平時食開嘅煎魚滑唔會煎得過老嚡口，係我比較怕嘅亦都冇腥味，我怕食魚係因為都怕佢嘅腥味但今次煎魚，我食咗幾啖，可以接受到👍🏻豉油皇乳鴿聞到好香嘅豉油味，亦都非常細心提供手套好彩係同熟嘅朋友去食，可以豪邁啲用手去撕同埋原隻拎起嚟食🤣味道唔錯豉油味好香，肉質亦都好滑自己一個人食一隻乳鴿，非常開心然後再選擇甜品，木糠牛奶布甸牛奶味就唔太出，所以對於唔太好奶類既我可以接受仲包一杯飲品，我就揀咗蜂蜜水佢係淡淡的蜂蜜味，飲得出唔係溝平時出面買嘅蜜糖朋友就叫咗椰漿水，佢話非常之好飲整體來講，今次嘅試食都非常滿意因為雖然係試食，但食物方面絕不馬虎分量亦都唔會因為咁而減少，

是日試食，菜式包括：.養生排骨湯紹菜炆蝦米酸梅醬蒸排骨煎焗青根魚肉碎蒸咸蛋豉油王乳鴿.雖然係免費試食，不過都算係誠意之作。菜式係家常小菜，送飯一流。侍應服務態度良好，吳啟明仲好友善咁一齊合照。總括來說是一次不錯的用餐經驗。

如果你同我一樣厭倦左一啲連鎖餐廳出品嘅流水式食物，咁你真係要試一試佢，有驚喜。不過真係首先要講講佢個位好難搵，足足搵左15分鐘。佢所有菜式嘅出品無論賣相定係款式都勁似屋企阿媽煮出嚟嗰啲～係無得影相呃like的，餐廳環境都係好平實但係舒服同乾淨的。菜色方面我哋首先飲咗佢個湯～唔記得叫咩名不過有排骨有蘿蔔，真係好飲到一個點，我同我朋友都超級鐘意，成餐飯覺得最正係個湯🙆🏻‍♀️跟住仲食咗佢個蝦米🦐粉絲菜，又係將普通家庭菜式發揮到淋漓盡致，連個湯汁都好飲。仲食咗個魚同埋乳鴿都好好食～最尾嗰個木糠布甸都好食唔會太過死甜有奶香。我成日出街食厭倦左嗰種味道反而鍾意呢種屋企味希望餐廳可以好好經營落去。👍🏻

與朋友聚會，去了一間由明星開辦的餐廳，每一道菜也是老闆很用心煮出來，每一道家常菜在平凡中也充滿著不平凡，十分令人驚喜﹗黑杞子茶：味道淡雅清甜，令人清心安神，十分舒服﹗白飯：軟硬適中，又綿又香又有飯味﹗蘿蔔排骨湯：一端出來己經有芬香撲鼻，入口味道濃郁。排骨配上精心調配的獨特醬料吃，十分惹味﹗鹹蛋蒸肉碎：從來未吃過這麼嫩滑又有鹹香味的鹹蛋蒸肉碎！煎焗青根魚：魚肉十分新鮮，而且又香又嫩又滑！紹菜蒸蝦米：一道美味清淡的家常菜，但是煮得絕不馬虎，紹菜清甜細嫩，蝦米又鮮香又大粒！酸梅醬蒸排骨：排骨鮮嫩多汁，味道酸甜可口！豉油王乳鴨：乳鴨肉質鮮嫩，十分入味！紅豆沙：甜蜜香濃，口感細膩，而且甜度可自己調較。牛奶布甸：奶味香濃，口感幼滑！老闆雖然是明星，但是為人十分隨和！十分欣賞他對廚藝的執著的和求！這裡的菜式在其他餐廳肯定吃不到！