慢煮兩餐 (已搬遷) 新店位置

其實起初是因爲大台重播一些經典舊劇，我偶爾網上搜尋吳啟明，才無意中發現他在中環開了餐廳，主要是慕他的名而來試試。第一次來已是上年十月還是十一月的事，還記得一場來到，卻遇著「試業」，要第二天才正式開門。吃了一記閉門羹。結果今年一月才來試。後來已來過好幾次。在這區以這個價錢（約$78左右）吃到這個質素的住家飯，真係抵到爛。我一有空便會來吃。店內空間不算太多，但很整潔舒適。店員服務也很細心體貼，經常主動加茶。那碗飯真的跟平常吃的有點不同，好像特別彈牙有味（飯有飯味），感覺上只吃那碗白飯也好吃。湯很濃（但不會太鹹），裡面有些瑤柱及金華火腿碎。排骨飯的豉油也很美味，感覺跟平常吃的不同。而且每次那杯茶，都總有一朵花（菊花？），很細心。喺中環$78食個套餐仲咁高質，真係冇咩再求了。希望遲些有機會試晚餐。

這天是三人行的晚餐，用餐地點位於上環E2出口的慢煮兩餐。店內有4桌，大小不一，位子不多但也不擠逼，坐得相當舒適。飲料部份選擇挺多，我喝的是生榨椰子汁，喝了一口發現有椰肉。讚不絕口，肉嫩多汁，口味不會太重或太淡，剛好。服務生說原隻上會比較好，因為汁不會溜走，但因為我們為求方便，選擇了切件上。同樣是人見人愛的一道菜，朋友特別好羊肉，他說進口肉嫩易嚼，實在是吃不夠，湯汁配飯又能多吃幾口飯，他非常喜歡！我很喜歡煎魚，所以一眼看上菜單裡唯一這道青根魚。煎得香口不過火，味道適中。量多，後來主廚還多給我們另外一盤。喜歡蝦米，所以也是必點啊。經過幾道菜的洗禮，再將酸酸的醬放進去排骨，讓人耳目一新。牛奶布甸也太好吃了，非常滑，好甜品的我可是很喜歡這個飯後。至於分甘同味，裡面有人參玉米等等，是熱食，第一次糖水有加玉米呢。一頓飯下來，服務生眼觀四方，無論上菜收盤甚至是點飯後甜品，時間都配合得剛剛好，也非常有耐心解答問題。主廚在餐前也出來打招呼，每桌客人到來都會出來，非常好客，看上去當中也有熟客，如沐春風的招待。整體而言，位置方便，環境舒適，服務周到貼心。無味精料理當然是重要的，但環境和店內的人也是關鍵所在，

今晚一行四人（3大1小）首次到訪慢煑兩餐，從上環MTR行數分鐘便到，十分方便。餐廳面積較預期小，但布置簡約，燈光柔和。侍應哥哥招呼周到，不慍不火，恰度好處。至於主角（食物），其中豉油雞翼及乳鴿是必吃的，肉嫩入味。煎焗青根魚肉質清甜。咖喱牛腩有驚喜，咖喱汁有少少辣，但很惹味，連小朋友也讚不絕口。酸梅醬蒸排骨很入味，用來送飯一流。紹菜炆蝦米就表現一般，不甚突出。養生排骨湯很清甜，誠意十足。總括而言，食物可口，沒出現爬文所述過咸情況。飲品中，值得推介的是生榨椰子汁，不太甜，很美味可口。至於甜品共有四款，木糠牛奶布甸香滑可口，不過我最愛的是紅豆沙，陳皮味十足，令人回味無窮。

同老公放工之後就行過嚟食飯，跟住Google Maps行好快就由上環地鐵站行咗過嚟。一入到去侍應已經好貼心咁斟咗杯茶俾我哋飲再介紹今晚有咩好嘢食我同老公都係唔食魚，所以食唔到佢哋嘅招牌煎魚啦，我哋分別揀咗排骨同埋瑞士雞翼同另外兩杯嘢飯。兩個餸都好有住家嘅味道，排骨味道有少少咸，雞翼係出其地重香料味😳淨係呢兩道餸已經送晒成碗飯即刻叫定碗靚仔食其他嘢另外大廚都招呼左我哋試佢地嘅雜菜粉絲、蒸豆腐同乳鴿，一上枱已經好香好想食，無奈我有濕疹只可以食豆腐🥺不過老公食得津津有味應該都非常好食成餐飯都好好食，最重要嘅係我食完之後啲濕疹一啲都無發到，證明到呢間餐廳就好似佢地所講係無味精添加落啲飯菜到，令每位食客都食得健康啲有皮膚問題嘅朋友都可以安心食用！

與家人參加了慢煮兩餐的試食活動﹐店舖位置較隱閉﹐但用Google map搜尋位置﹐從上環地鐵站出發﹐步行約10分鐘﹐店內的燈光柔和﹐餐桌數量不多﹐環境十分舒適﹐適合與朋友相聚談天﹐品嚐美味的家常小菜。我們4人共點了5餸1湯﹐包括豉油皇乳鴿、咖哩濃湯牛筋腩、豉油皇雞翼、煎焗青根魚、紹菜炆蝦米、養生排骨湯。甜品則點了陳皮紅豆沙和牛奶布甸﹐而飲品點了生榨椰子汁、檸檬柚子蜜及天山雪菊露。豉油皇乳鴿味道和質感有別於一般的燒乳鴿﹐原隻上碟的乳鴿新鮮出爐並散發出陣陣白煙。店員表示店主建議原隻進食﹐使肉汁鎖緊。味道濃淡適中﹐咬開乳鴿皮內更有肉汁流出﹐嫩滑美味﹐十分值得一試。咖哩濃湯牛筋腩味道香濃﹐牛筋腩亦炆得十分腍和入味。因咖哩味道較重﹐所以配白飯一同進食會較合適。豉油皇雞翼味道與豉油皇乳鴿的汁料很相似﹐都是有些偏甜﹐雞翼煮的時間剛剛好﹐十分入味。煎焗青根魚魚皮煎得很香脆﹐魚肉也很滑﹐味道偏重了一些。盛魚的碟也是熱的﹐十分細心。紹菜炆蝦米紹菜被切得很幼細﹐加上粉絲﹐吸收了蝦米和上湯的精華。雖然菜式簡單﹐但很有家庭小菜的感覺。養生排骨湯排骨湯的味道很濃﹐排骨的肉味雖然不重﹐但加上配的梅子醬﹐味道不俗﹐加

四位朋友申請了慢煮兩餐的試食活動，很有幸抽到一頓晚飯。首先必須稱讚餐廳的服務很好，我們原先被安排於六點半用膳，但後來改到七點半也沒有任何問題。而我們其中一位朋友因為加班而遲來，員工亦非常友善的為他的食物加熱。先說一下食物，我們每人可以選一個主菜，他們亦送了一個廚師推介的小菜給我們。不得不稱讚手撕雞和豉油雞翼非常入味好吃，而且汁調得剛好不會太鹹，反而有甘甜的味道。另外亦要稱讚一下排骨蘿蔔湯的排骨燉得軟，蘿蔔很清甜，但湯頭有一點咸。另外，鹹蛋肉碎蒸蛋亦是一個偏鹹的菜色，配白飯吃剛好，但淨吃會有點過鹹。最後要推薦紹菜蝦米粉絲，因為菜闊度設得剛剛好，配飯起來的時候很順口，而且鹹度適中，蝦米的味道亦非常香。所有小菜一律也沒有加任何味精，所以是非常健康的港式家常菜。甜品和飲品我們點了牛奶布甸還有杞子茶，杞子茶的顏色很特別是偏藍色，喝起來沒什麼大分別，但感覺很健康。牛奶布甸則是用鮮奶所製成的，甜度剛好。老闆一直在後面小心觀察我們吃飯時的情況，在晚飯後告訴我們原來那個手撕雞的雞脾是要其中一位乘客自己一個享受，品嘗那肉汁，好可憐啊。感覺到老闆誠意十足，而且對客人的態度非常友善和細心，也建議大家可以來試試

今晚帶屋企人係上環食晚餐，已經食厭哂d西餐日本野，之前行過見到有間慢煮兩餐，又有明星黎食過，就打算帶屋企人黎試試新意思一行入呢間餐廳，待應已經超有禮貌咁招呼我地，幫我地披餐巾，小店就有酒店既服務，然後介紹下餐廳出名既菜式首先就一定要叫佢哋嘅招牌菜豉油王乳鴿，我哋每人一隻，原隻乳鴿上，帶手套用手食，成隻熱辣辣咁食真係好正，乳鴿又夠入味，啲肉又夠嫩滑，煮到啱啱好，一定要叫呢個！！之後叫咗d家常小菜，有酸梅醬蒸排骨，豉油雞翼，煎焗青根魚，咖喱濃湯牛筋腩同埋紹菜炆蝦米，全部都好好味，排骨又夠嫩滑，雞翼夠大隻又入味，煎魚又夠鮮甜，咖哩牛腩牛味好濃又夠淋，紹菜都好好味！最特別係我地叫咗個menu上面無既鵝肝蒸蛋，唔係講笑啲蛋真係整得超滑，係我食過最滑嘅蒸蛋，每一啖都有鵝肝，真係超好味最後叫咗個甜品叫分甘同味，店員推介呢個所以就試吓，佢係有人蔘龍眼等等嘅材料，食落有人參嘅甘但又有甜味係入面，感覺幾好滋潤，啱晒想補身嘅人士！如果喺上環，真係要試吓呢間餐廳，非常用心，服務又好，最重要佢嘅食物都冇加味精，主打慢煮健康嘅生活，加上店入面嘅環境舒適寧靜，啱晒幾個朋友過嚟一齊食飯傾計，佢哋除咗Menu上面嘅菜式

有別於一般中菜館，這裡提倡“OFF THE MENU” 廚師預約，針對個人口味，定下菜式及廚師，度身訂做一個晚餐，所以需要提前預約！真心說價錢不是便宜，但吃下去會感受到廚師嘅用心，對味道質素的追求及以客為本，這是一般中菜館少有的人情味！一坐低貼心既為我地鋪好餐巾，送上普洱雪菊茶，茶的選擇便看得出店主的心思和食物追求！雪菊是雪線上生長的野生純天然菊花，是養生、保健的天然植物，具高效降血脂、軟化血管、去除體內垃圾，達到人體的體液平衡，絕非一般貨色！店員提供menu，亦都好有心機推介美食，呢到主打是什麼，建議我們吃什麼，服務加分！養生排骨湯 $88中國人習慣在用飯菜的同時桌上亦照例有湯，所以點了養生排骨湯！這家的養生排骨湯，鮮香可口，入口湯底卻十分濃郁，零味精，而且排骨煲得很軟腍，吸收了湯嘅精華，還可搭配梅子醬更加惹味！而店家亦會另外提供盛載骨的碟，店員亦會清理一下，幫忙換骨碟！豉油手撕雞  “OFF THE MENU”這是廚師特別為我們制作的，是menu所沒有的！餐廳提供手套，可以好滋味地咬著雞脾！豉油手撕雞的汁好惹味，沒有死咸，雞都好入味，但略嫌雞胸不夠嫩滑！豉油皇乳鴿 $98係外邊吃通

一講起食中餐，身邊都覺得啱長輩食，今日就同兩個朋友黎慢煮兩餐食飯，我地抱住怕味道太淡既心態入場。店內裝潢幾有情調燈光黑黑暗暗係另一種氣氛，服務員全程好好服務。一開始我地三個人就叫左養生排骨湯＋蘿蔔，豉油雞翼，煎焗青根魚先。✌🏻✌🏻✌🏻養生排骨湯＋蘿蔔：店長推薦比我地。湯味好濃，試到係老火，打算味道清清地既朋友仔就未必好啱啦，排骨就煮到好𣺉既，就咁食冇味，要點店配既梅醬點埋味道同口感就唔好唔差既。豉油雞翼：朋友第一下見到就叫左，好中意食雞翼。豉油既味好香麻味，亦係好正宗既瑞士豉油味。雞翼方面口感唔差但食入面見每隻都有好多血紅色，問過師傅話冇問題。可能係店既特別煮法我地都相信師傅既，不過食落就唔係好盡興啦。煎焗青根魚：靚魚單靠煎焗就好出味，依條魚就係。冇咩醬汁但都好有味，酸酸咸咸，肉質都易入口。我同一個少食既魚朋友都中意依個。係好食既。🙌🏻🙌🏻🙌🏻另外我地仲食左乳鴿，粉絲 ，同醬油雞胸肉。乳鴿：原隻上，正宗既瑞士豉油味，肉質鮮嫩，好味。粉絲：比較家常，味道令我地失望，有淡淡既菜味但唔濃醇。醬油雞胸肉：有麻醬味瑞士豉油，雞胸唔粗鞋，我覺得比雞翼好味，但第一最好味既係乳鴿。👍🏻👍🏻👍🏻飲品方面

適逢媽媽生日，所以帶佢去食返餐。今次去咗位於九如坊既慢煮兩餐，跟Google map喺上環站行過去，行咗大約十分鐘，舖面唔難搵。餐廳主張廚師預約，根據客人口味度身訂造菜式，所以需要提早預約。一坐低貼心既服務員為我地鋪好餐巾，送上普洱雪菊茶，媽媽大讚好飲，不過由於我地係食晚飯，怕飲得太多夜晚會瞓唔着，所以都唔敢飲太多。可能因為慢煮關係，上菜需時，不過又唔算好耐。第一道菜：日式蒸水蛋食落感覺特別，不過味道少少偏鹹，個人認為成碗撈埋一齊食會好味d，最終我都食哂成碗。第二道菜：煎焗青根魚，平時屋企煎魚會煎得比較脆，雖然佢地煎得唔脆但入口都好好味，好有家的感覺。第三道菜：紹菜炆蝦米，除咗紹菜同蝦米，仲有粉絲撈埋一齊，所有材料都切得好細，但係就非常有咬口，呢個我好鍾意食！第四道菜：小辣羊肉鍋，我本身食到少少辣，但係呢個我覺得好辣食唔到，所以留返俾先生食，我覺得唔應該叫小辣。第五道菜：酸梅醬蒸排骨，個人覺得都好味，不過較為普通，冇乜特別。第六道菜：豉油手撕雞，呢個好好味，雞肉好嫩滑又唔鞋口，而且雞肉唔會太鹹，不過因為太飽既關係我食咗少少就食唔落喇！雖然已經好飽，但食甜品係第二個胃，所以點咗牛奶布甸及

這是家用心經營的餐廳 <3雖然店舖不算太大，但一入餐廳已被其柔和的環境所吸引了，店面設計、燈光及音樂都令人十分舒適，而店員的招待更是殷勤周到，他們會不停觀察食客有沒有特別需要，值得一讚。店長更會親自打招呼說明招牌菜式，有如高級西餐廳的做法，十分親切！而食物方面則是現今少有的沒有/少味精菜式。其他餐廳進食後可能會感到口渴，但這餐廳並不會讓我及家人有口渴的感覺呢。份量而言對於食量大的客人對說可能會不足，大家可能要多叫一點菜式。餐牌上的食物種類不是很多，但當天店長給我們炮製了一些特別菜式，所以大家下次出席的時候可以碰碰運氣呢！總括而言這餐廳很適合一家人(特別有長輩人士)食用的，但記得去之前要先訂座呀～

一入黎店員服務好好～會招呼同幫你擺好餐巾！有兩道廚師預備菜色：1.咖哩蝦蝦好大隻同好爽～咖哩汁吾會太濃味可以食到蝦既鮮味！2.豉油手撕雞原隻雞上碟！排得好靚～加分！雞肉都幾嫩！重點欣賞雞皮～爽口吾會好油食既時候有好香麻油味！整體都好好食呀！大家要預約先黎食呀～

今晚同朋友一齊去慢煮兩餐吃飯，餐廳吾難搵，從威靈頓街出發，大約行三分鐘就到，白色簡潔既門牌，顯示餐廳主打簡潔低調既裝修，店內的裝修與門口一致，同樣比人舒服既感覺，而每一張枱既擺位都幾寬鬆，好好坐。一人到去，侍應哥哥就送左三杯茶過黎，係普洱雪菊茶，都幾好喝同好特別，之後我地點左杯農村有機蜂蜜水，餐廳用左暖水沖D蜂蜜，冇破壞到D靚蜂蜜既結構同味道，係令人舒服既甜感，冇果種奇怪既化學感。飲完蜂蜜水之後，養生排骨湯就黎左，同埋配左一碟酸梅醬，個湯好有屋企既感覺，D排骨肉配酸梅醬都ok好味，係一個吾錯既開胃湯。等左好一陣，可能因為係慢煮既關係，上菜有D耐，豉油王乳鴿終於黎la，熱辣辣既乳鴿充滿住足夠既咸香味，慢煮既煮法鎖住左乳鴿既肉汁，肉質亦非常鮮嫩，非常好吃。 吃完乳鴿之後，侍應哥哥再上左飯同煎焗青根魚，用簡單既鹽醃制既魚，充滿住魚既鮮味，超適合送飯，魚肉都相對嫩滑，配上新鮮既青檸汁，一流。吃完魚後一道餸就梅子面豉蒸日本豆腐，E一道餸係我最仲意既一道，豆味非常香濃，入口即溶，老板話係用日本豆腐整，推薦encore。最後一道主菜就係酸梅醬蒸排骨，味道正常，仲意吃肉可以一試，不過排骨上面D辣椒直

老實說，原本對這一餐，沒有抱太大的期望，品嚐前亦沒有預先搜索任何資料，可能正因為如此，給予了我不少驚喜，亦成為2018年，最難忘的一餐。店位於九如坊，在上環及中環之間，由上環E1出口，步行約十分鐘。九如坊，有不少門面簡單，但內藏乾坤的餐廳，今晚的目標，慢煮兩餐，正是其中之一。這裡提倡廚師預約，針對個人口味，定下菜式及廚師，度身訂做一個晚餐，所以請提早預約。店內裝修簡潔，燈光柔和，讓客人的心安靜下來，準備品嚐當晚美食。店內其中的一面牆，刻有店主的理念，中式食譜，法式慢煮，以及日式的仔細。此時，開始感受到，這餐廳的不簡單，輕視之心收起。下單時，部分菜式，待應會問客人的口味，想要濃或淡，很細心！先來的是三碟，家常小菜，酸梅醬蒸排骨，煎焗青根魚，及紹菜炆粉絲。三款平凡小菜，但調味剛好，下飯一流。魚既煎且焗，外香內嫩，味道上佳。配的白飯，飯香四溢，口感軟熟，煙韌，粒粒分明，後來才從其網頁得知，由三種米混合以成，分別是中國東北，泰國絲苗及台灣九號。這時，豉油王乳鴿亦奉上，原隻乳鴿發出的白煙，證明是新鮮出爐，帶上手套，可以輕易將肉撕開，同時肉汁流出，肉質嫩滑，甜美多汁，即使胸部亦不粗糙，是必食菜式。

係中環無飯家庭的恩物 ，位置稍為偏遠少少，如果係大街上應該會更受中環上班人士的注目。當天，7點左右book左位，兩人去食。環境很靜 ，幾合適傾計。以為呢類型餐廳應該環境很務實為主，沒想到裝碗筷各方面都好講究，音樂播都係英文音樂‧服務很好。睇得出店主很有心思。家常便飯中，又有少少驚喜。如果再次幫襯，一定會首推佢既鼓油王乳鴿，第二度食唔到佢既口味。很香既鼓油味 ， BB乳鴿肉又嫩滑。 貪心少少，如果有中式甜品選擇，應該會更爽皮一點。