懷歐敘

营业中

休息中

女朋友訂位同我食生日飯,一向對酒店既質素好有信心.坐低打開menu,好頭痛,選擇太多 最終還是order了4 courses set dinner with wine.麵包 – 唔算特別好但牛油好香滑,肉醬少少咸,跟餅干一齊食啱啱好.Appetizer:-Foie Gras – 好油好香,不過一個人食實在有點膩Scallop with asparagus – 帶子有d細,不過緊熟,gd! 露筍就有少少渣.Soup:-Lobster bisque – 龍蝦味濃又夠creamy, 加埋d龍蝦肉,滿分! French Onion Soup – 湯底味夠濃,洋蔥可以多d,加芝士法包,整體好好味,輸少少俾龍蝦湯.Main:-King Prawn with Tenderloin – 賣相唔駛講,蝦肉夠爽,牛柳燒得恰到好處,不過唔夠羊架做得好King Prawn with Double Lamb Chop – 羊架肉質好嫩,好淋,好juicy.推介! Dessert:-Souffle – 焗得好鬆,蛋味好香,不過四個source都唔吸引.Dessert Sampler – 有Tiramisu, 奶凍

難得小妮子與小伙子有空陪我們一整天，由中午直落至晚餐，心知這種日子得來不易，來日可預計的路大多是出國讀書，然後拍拖，結婚，工作等，那有兒女長大後還日夜陪伴身傍，始終有一天會離開自己，有機會便要珍惜。天氣轉涼了，我為他們往添置寒衣後，便到金鐘吃飯。甫坐下，侍應沒有硬銷我們要「有氣」或「無氣」的水，祇是輕輕帶過，這較有些地方動輒飲水也要一百幾拾來得「條氣順」，而且頻頻為我們添麵包，皆因小伙子對其雀肉甚感興趣，塗滿麵包吃完一個又一個，而我對那些薄脆片較有好感。由於天氣已是入冬，餐牌上已有野味供應，這方面我還是較喜歡吃蛇王二，對西洋野味興趣不大。最後，我們點了三文魚拼盤頭盤，海鱸魚，石斑，燴牛尾和大蝦燴麵，加一個炒雜菌。頭盤是一個三文魚和鱒魚的組合，三款三文魚各有特色，三文魚他他是將三文魚剁碎，味道較清淡，凍燻三文魚配其沙律菜墊底，汁醬酸酸的，甚開胃，而另一件熱燻三文魚則有西柚肉襯托，肉質較嫩，兩者互相匹配，叫人開顏，味道較重的油浸鱒魚則留至最後才吃，肉質雖粗，但配上酸果子的果膠也令人刺激食慾。大蝦配幼條麵，一送到面前已嗅到濃濃的龍蝦味，原來是用了甲殼類的海產熬汁，幼條麵是自家製、手切的，爽口

是日來食lunch，真系估唔到，餐廳居然full house，相信金融海嘯對食市來講都無0羊大影響。頭盤有得撿salad bar 或mushroom soup。我們都要了salad bar。選擇都很多，不過食完一round，服務員就走來問個主菜上得未。oh my god, 我只系試了4款野ja wor。我當然叫他 hold 一 hold 先。salad bar 有salad 啦當然，冷盤有生蚝（我覺得有點唔新鮮，所以吃了一隻都停了，怕肚子受不住呢），但沒有我最愛的cheese。有tomato soup，都幾好飲，很開胃。還有些，smoked salmon 等等。。。主菜：我點了lamb chop，煮得很好呢! 肉地很軟，很juicy! 正! 但朋友點的魚就好像不太好0我。她的回應不是太正面。總結：window seats個景好正。服務都唔錯。來到餐廳時，我見到窗口位超正，我問可以轉到那兒嗎？服務員唔會淡淡的回應話滿洒，他真的會走到reception幫我check check。雖然fully booked，他也建議另一張有0的景睇的位卑我0地。由於頭盤點了salad bar，我們出出入入

15/6(一) 7pm因HSBC寄來的生日優惠,阿梁牛一的飯局,免費心神!大約七時抵達,甫進餐廳,察覺座位密集得如buffet餐廳的格局,確然有些微言.坐於較寧靜的角位,要了4-course作晚餐.($568&$748連house white & red各一杯).Bread--軟硬兼備的款色,,配以硬法包及薄脆芝麻片,配以幼滑的什肝醬House white & red--來自2007年法國的一紅一白,個人較喜好紅的順喉.Appetizersan-fried foie gras--鵝肝外型頗肥碩,無奈鵝肝弄至過熟,豐腴而不軟滑...Pan-seared scallop--烤帶子頗彈牙味鮮的,以嫩綠青露筍伴碟及black bean sauce提味,打?了味覺的門匙!Lobster bisque--鮮橙色的龍蝦湯入口creamy,味道討好,沉底的龍蝦肉也不失禮,爽朗味鮮!French onion soup--牛肉湯的霸道征服了洋蔥的幽香,說到底湯頭是挺濃郁的!Main coursesan-seared black cod--鱈魚煎至僅熟,魚肉細緻,魚油豐富,魚皮微有脆意;蘸上龍蝦汁,水準更上

大約八點半到達餐廳，都大約有一半坐滿，環境好舒服氣氛好好．要了一個4道菜和一個兩道菜，點菜後待應先會送上一些麵包，不過唔係太熱。除麵包外還有吞拿魚醬和牛油，嗰吞拿魚醬好香好好味．頭盤要了兩個鵝肝，每人有三片，嗰鵝肝外面煎得好脆內裏入口即溶"正"，要了一個龍蝦湯，分量好大可以兩個人分來喝，好香好滑有幾粒龍蝦粒，雖然加了酒，但不會有苦味．主菜要了一個蝦加羊，另一個要了蝦加牛．兩個主菜一齊上枱時買相好好和好夠熱．隻蝦好有鮮味而且又彈牙, 兩個肉都好嫩好有肉味，要了個Dessert Sampler，買相好靚，不過我個人就覺得比較甜咗一d,要了兩杯cuppucino，好香咖啡味，最後還有兩條朱古力餅和兩條杏仁條，不過我都係覺得朱古力餅較甜，杏仁條又實咗d。服務很好待應好細心．滙豐白金咭而家做緊七折，所以好抵食．

上星期六晚我同老公N仔仔在這兒吃晚餐, 我哋點了４個courses ($558) and 2個courses($398), 點菜後當然要吃麵包先啦，暖暖哋很好吃。仔仔 N Honey 很欣賞D Tuna醬, 仔仔仲食了很多Tuna Cracker。頭盤我要鵝肝 and Clam Clowder, Honey要帶子。個鵝肝很好味，外面仲煎得脆脆哋tim, Yummy 個湯也很creamy。 Honey 話帶子都OK， 主菜我要 Black Cod, 很肥美呢! 個Lobster sauce 也不錯。 Honey就食King Prawn with Tenderloin. 佢話隻虾好正, 有虾味又彈牙, 個tenderloin 就一般la。跟住喺Dessert, 我哋點了 Dessert Sampler (有5小件dessert)味道也不錯, 最後是 coffee, 還有朱古力餅tim。 Service很好, 仲送了一只鴨仔比仔仔tim。HSBC 白金咭仲有30%off(until 30 June 2009)，很抵呢今晚真喺食得很開心。

今晚老闆請我食飯...因為剛幫佢完成一個Project既data collection所以佢一早應承左請我食餐好既結果就黎左呢度啦一黎到有一種好懷念同熟悉既感覺因為數年前我地一家人都黎過呢度食飯不過這些畫面只能於回憶裏出現了.......回到現實中...想了很久終於決定了吃什麼了不過講真...我今晚真係食左好多好多野老闆非常客氣.... 隨便我叫咩就叫咩連我無話要叫既佢都叫埋俾我不過無影相真係唔好意思...因為我實在不好意思拎部相機出黎左影右影好似同個場合唔係好配合講下食左咩先:麵包"哈哈....一黎到已經有籃麵包等緊我我最喜歡食包既當然唔客氣啦個麵包配佢個吞拿魚醬真係好正! 個吞拿魚醬好香...同個麵包非常夾Appitizer combination"佢呢個係一個頭盤有哂 3 樣野包括日式剌身沙律、煎帶子和香煎鵝肝刺身係三文魚同吞拿魚...超厚..絕不吝嗇，非常新鮮，配返沙律...實在非常好帶子都幾新鮮...同埋有d牛油香味...唔會un...幾好鵝肝就又係好香...佢煎到個面脆脆地，一咬落去有種濃郁香味的感覺，入面好嫩滑，直頭係正呀!煎鵝肝"老闆見我鍾意食〝竟然二話不說再叫多個煎鵝

今次係第二次黎Brasserie on the Eighth, 之前對呢度印象都唔錯, 不過經過今次之後有d失望~都好似其他人咁, 用HSBC 張50%off 生日coupon, book 枱時已經講左用呢張coupon, 不過去到個waitress 以為我地黎食Asia Miles 個 set dinner.....心感不妙..........咁我地之後澄清返~~ 因為經濟唔好, 呢間野近期做promotion, 食野送coupon, 所以勁多人, 坐坐下, 人越來越多, 好嘈呀!!! 好似街市!!!食物方面: 前菜個鴨肝麻麻地, 超油同太"林", 食到一半已經唔想食.......主菜食素, 味道都ok....不過個汁酸左d.....甜品併盤都ok, 幾靚!開頭睇完Tiramimi 個食評, 都唔expect 有生日bear bear, 不過食食下見到隔離枱有, 就問下啦........佢話要book 枱時講有人生日先有.......hm.......我book 枱時講明用生日coupon, 唔通咁都唔知有人生日?? 之後佢又話要VIP 先有, 咁我話我地有VIP card ,

昨晚是太太生日，本來太太的中銀白金卡已經有8折，不過之後我們由太太的老闆那裡得到了一張Conrad的餐飲75折咭，所以便來一試。麵包是免費兼會refill，我們兩人都吃了一盆。我們兩人都要了$495的三道菜晚餐。第一道我們都要了鵝肝，因為平時實在太少機會吃了。我覺得它愈吃愈好吃。之後我要了龍蝦湯，太太不要喝湯，選了甜品。這龍蝦湯很不錯，我覺得比在Cafe Deco的更好。太太老闆上星期才來過，提醒我們不要吃雞或牛膝，因為他們上星期去吃時很不滿意。因此主菜我要了蝦和羊架，太太要了Black Cod。我的羊架配了mints jelly，十分好吃，我還要侍應添多一些mints jelly給我。蝦也很好。太太說Black cod幾好，煎得幾香，很滿意。最後是太太的desserts sampler，侍應在碟子上加了蠟燭，又為她唱生日歌，之後更替我們拍了兩張照片。一張寶麗萊即映即有照片，他馬上貼在卡上，再加一個小熊公仔送給我太太。另外請太太寫下自己的電郵，把另一張電子照片發給她。太太很高興。最後再為我們送上了兩杯很不錯的咖啡及petit fours。很滿意的一餐。

由於我的生日是臨近大時大節的日子，不免要早點兒訂位，所以生日前三星期已經做research，看看去那裏慶祝。收到HSBC的生日優惠，知道生日的一位有50% off，就「拍板」決定要去豪一次！近年發現，訂了位之後餐廳很喜歡在用餐當天打電話來confirm booking，忙的時候收到這些電話會覺得很煩人，但Brasserie on the Eighth就沒有這樣做，這在我心裏加了一點點分。環境優雅，佈置溫馨，桌子與桌子間有足夠的空間，每張餐桌也是一是自成一角，私穩度高。看餐牌看了很久，侍應都沒有催促。叫餐之前，跟侍應說我們是用HSBC的coupon，也沒有遭到白鴿眼，真的很pro。叫了一個$498/3 courses跟一個$598/4 courses，要求餐廳4 courses的要50% off也沒有問題。但要注意，那個+10% service charge是沒有50% off的。餐包－麵包籃跟牛油和肉醬：正！可以refill。頭盤－煎鵝肝：ＯＫ。煎得很香很脆，但略嫌切得太薄和份量太少，不夠大方。頭盤－煎帶子跟鮮露筍：ＯＫ餐湯－龍蝦濃湯：正！溫度夠熱！龍蝦肉美味鮮甜！主菜－牛柳伴虎蝦：Ｏ

(7/11)　　收到一個遠方的長途電話，使范平的心躍動。她說：「很久沒有聽到你的聲音，你好嗎？明晚我會到達香港，不知道你週五晚是否有空......」范原聽到這把動聽的聲音，心中理應是高興，不過無奈的感覺隨之而起。　　那一夜，范平早於半小時前到達，侍應安排他於窗邊就座，微微的燈火，恬靜的環境，遠眺五光十色的維港，乍看來十六年前的畫面浮現，由一起上學，玩樂，遠足，還有於啟德機場離別時的情景。回望現實中的維港被侵蝕、風化，浪濤兒，能否讓我乘風而去？　　她緩緩地從遠處走近，她纖瘦了，臉上增添了幾分成熟韻味，她笑道：「范平，你好嗎？」他想如實回答，不過他還是說：「不錯，你呢？」眼前的她侃侃而談，說了一會後才發現：「真的忘記了，快快看今晚的菜餚吧！」翻閱餐牌後，侍應有禮地替他們點菜，還端上了美妙的麵包，麥脆片，伴以吞拿魚醬、牛油。她笑說：「快吃吧，真的很餓了。」范平發現眼前的她與昔日沒有兩樣，笑容親切，還有那率性的性格。她看那熱烘烘的麵包、脆片說：「怎能不叫人垂涎？」麵包鬆軟美味，其實不用蘸上醬料也可，當然這裡的吞拿魚醬還是不可錯過，質料幼滑，促使令你一再蘸上，麥脆片香脆可口，同屬佳品。　　緊接其

自從去年七月和好友在此吃過生日dinner後，一直念念不忘。今年的一月頭正好是我的生晨，便選擇和老公到此吃生日飯。打開menu一看，原來全部加了價。原本是$368+10%的2-course set沒有了，取而代之的是大約$489+10% 的3-course set和 $558+10%的4-course full set。我在上次的食評中提過，原本是想用匯豐生日coupon補錢試試龍蝦做主菜的，但一看價錢，居然要補$440！嘩，去年才是大約$160。就算有生日coupon的半價我都覺得太貴，所以我最後都是order了一個$558的4-course full set。 再向好人的waiter哥哥查詢一下是否沒有了2-course set, 佢居然費神地跑到老遠去問經理，然後回話說經理話可以有2-course set，價錢是$388。老公當然say yes 啦。因為這裏很多食物都可以refill，又可以share。一個full set 一個人吃真的會吃得人很飽…很飽的。細看menu的內容, 變化不大。只是多了點選擇。前菜只要補$60，就可以選appertizer sampler，也就是一個有

睇到間餐廳咁高分, 就走去試下啦! 點知, 又再一次中招.兩個人去, 叫左兩個餐, 一個連wine既4 courses set dinner $798, 一個3 courses $398鵝盰 煎得算不錯, 標油情況適中, 唔算過份, 外邊少少脆, 入面都算軟, 但作為5星級酒店, 我會要求更高, 所以只係緊緊合格洋蔥湯 全晚最失敗既作品, 洋蔥唔覺有炒過, 湯底唔夠濃, 味道好淡, 就好似烚洋蔥湯, 唯一抵讚既係芝士夠多.Slow Cooked Baby Veal Shank 好似完全無落鹽, 口感似煲完湯既豬展, 肉質滑但無味.Dessert Sampler 全晚最出色既一個course, 每一款甜品都好好味, 特別欣賞佢既朱古力軟心蛋糕整個dinner既服務都好好, 你一行開, 就有waiter去幫你摺餐巾, 一埋位, 就有人同你拉椅, 最驚喜就係餐後總結既Petit Fours, 食完waiter會即時幫你refill, 味道仲唔錯添, 恨自己無留肚食. 食材好新鮮, 但係, 味道就唔係好得, 如果係一般餐廳, 我會俾3分, 但係conrad既出品既話, 就唔合格了

女友在Boxing Day生日，到此和女友慶祝生日及聖誕。餐廳沒有華麗的裝修，但高樓底、暗暗的燈光加上落地大玻璃，幾舒服。幾鐘意唔太拘謹，但又唔會覺得嘈，只係檯與檯之間有D密。由於女友生日Set Dinner 有50% off (HSBC白金卡優惠)，所以她點4個courses，我點 3個courses。先來一個麵包籃，有牛油同吞拿魚醬，吞拿魚醬好香，塗在薄脆和麵包上吃十分的夾。接著頭盤是煎鵝肝和煎帶子，鵝肝外脆內軟，水準不錯。湯只點了一個，因為經理話Portion幾大，建議兩個人Share。經理推介了龍蝦湯，味道較濃，裡面有好多龍蝦肉，非常唔錯，女友話可媲美Bouillabaisse 個龍蝦湯。飲飲下服務員突然取走還有半滿的麵包籃，原來係Refill 返熱既麵包，真係細心! 由於麵包好味食得太多，Main Course未黎已經飽飽地啦。Main Course只有四個選擇，我點了虎蝦+羊架，而女友點了煎銀鱈魚。味道普普通通，沒有驚喜，我諗a la carte 既選擇應該會好食D。食完Main Course後，服務員便拿著的生日蛋糕出來唱生日歌，還有一隻Conrad熊仔作生日禮物，逗得女

While we waited for our food, my colleagues were hungry and dug into the fatty, delicious rillette on the table. These are absolutely irresistable, being made from shredded pork and lard. Yes, lard. That is what makes it soooo yummy and irresistable. Once you dig into it, it takes a lot of will power to stop. One of us - who shall remain nameless - had three serving of it, and in fact took to stuffing it inside a baguette to make a "sausage roll" out of it...I started with my old standby: caesar