成發潮州菜館

营业中

休息中

價格不算十分便宜，但份量很少，經常漏單，一餐飯追了十多次。阿姐不停推介，很煩厭。如果不order 阿姐推介，份量感覺上更加少。食物質量還可,鹵水例外。蠔餅不太油但沒有提供豆瓣醬，炒菜夠鑊氣，咕嚕肉不知所謂，水晶包只是蒸到剛解凍一絲煙也沒有；外層水晶皮比腳皮還要厚。馬友等魚類聲稱來自台灣，不敢點，沒有評論。order了反沙芋，但因漏單沒有品嚐。新頂手時，質量份量皆有但每況愈下。未來過的可以一試，試一試為何不再來。來過的，可以再來因為食慾會大減。

呢間全店免收加一茶芥既打冷店, 成為我去開九龍城好多時唔食泰菜時既開飯地點之一, 店舖面積唔大, 一眼見晒, 舊式裝修, 牆上貼上食物照片但好多已褪晒色, 轉變既只係價錢!餐牌上有打冷,亦有小炒, 粥麵粉飯類亦有, 食物種類選擇都唔少! 今次人少叫左幾下呢幾款 :滷水鵝片拼墨魚 - 鵝片唔肥又夠味, 墨魚片幾有嚼口, 底層以一貫滷水豆腐墊底, 一味有三樣食材, 點醋汁食豐富味道既層次!打冷必點既係呢碗韮菜豬紅, 豬紅夾係黎唔會散開, 口味幾滑口, 濃味醬汁賜予佢既味道, 但有D過咸, "輕手"返D會好D囉, 食完唔會要飲好多水!想食蜆但又唔想成日都叫豉椒炒蜆, 清清地黎個鹽水煮蜆, 配以芹菜及炸蒜粒增加香味, 蜆唔會得個殼, 肉量都唔少同最緊要食落無沙粒, 仲可以食埋D索左鹽油水粉絲, 幾滋味!呢碟半煎煮沙蜢, 一客都有唔少魚塊, 喜歡沙蜢係鐘意佢少骨多肉, 用黎送白飯都好好味, 個汁煮到味道咸香, 加上大量䓤條可以當菜咁食, 成碟食晒!!

九龍城，除了泰菜，仲有好多老式潮州菜館-成發，細細間30-40人maximum, 街坊浸大人多，今日我五个人，叫左成十様野，様様都好味呀👍🏻👍🏻👍🏻👍🏻👍🏻

今晚同家人去九龍城食吃晚飯，揀了成發潮州菜館，點了秘制咸雞，咸道適中，香煎倉魚，皮脆肉滑，椒鹽蠔仔，蠔仔夠大隻，乳香骨夠味又不硬，而且價錢可接受，平均約每人$100。洗手間亦算清潔，整體來說都頗滿意。

去開九龍城開餐, 唔一定要食泰國菜, 打個冷都得! 行過見到呢間店門面裝修格局都咁傳統, 應該有返咁上下"店齡", 就試下!食店面積唔大, 一眼見晒, 兩邊貼上餐牌, 仲有菜式相片, 方便食客落單!見佢有海鮮類, 就點左個鹽油水煮蜆($55)蜆既份量適中, 但頗細隻兼食到有少少沙, 加有粉絲及芹菜一齊煮, 味道OK!呢碟係半汁煮沙猛魚既份量頗多, 亦都配以大量芹菜, 啖啖魚肉, 引唔住要叫個白飯一齊食打冷又點少得卥水, 呢碟係三併, 有鵝片(唔肥), 墨魚同生腸(爽口)加埋碟咸菜花生配潮州粥, 一餐美味既打冷就由此完成

本想到「清真牛肉館」吃晚飯，回味它的招牌牛肉餅的一個周末，一見到「清真牛肉館」門前排隊的陣勢，便決定轉軚，就近在附近吃點甚麼算了。來到這間潮州小館，見潮州怒漢金牌莊家詹培忠當年也曾幫襯，而且店中客人雖多，一時間仍未有位，但只需稍待便可有位，便決定幫襯。沒吃潮州鹵水，只象徵式地叫來潮州館子打冷常吃的「韭菜豬紅」和「胡椒豬肚湯」，再加一個自己頗有興趣，侍應阿姐也推薦的「潮香骨」做餸。「潮香骨」果然不錯，是這晚最讚的菜式。以酸梅做配料的這道「潮香骨」帶有微微的酸味，可以刺激食欲，所用的腩排是好貨色，肥瘦比例適中，肉味亦好，吃來感覺甚佳，就連一向不大愛吃肉的老婆仔也讚好。只可惜「韭菜豬紅」的豬紅硬而不腍，「胡椒豬肚湯」的胡椒也下得太重手，味道過濃，豬肚亦不靚，味道欠佳，都令自己感失望。這間自己暫時只喜歡它的「潮香骨」的潮州小館子，不知它的鹵水和其他菜式水準又怎麼樣呢？

今天點了四味餸：1）胡椒豬肚湯 首先，啲鹼酸菜淋得滯，冇乜鹼酸菜味；胡椒味比較淡，人地出面果啲用好重手白胡椒，飲到個胃暖唒，但這裡欠奉。2）潮式鹼香雞 味道普普通通，但份量比預期中大碟，半隻雞賣相齊齊整整，都算盡咗力，好過啲連鎖快餐店咁啦！3）椒盬蠔仔 中伏之選，本來諗住未喺其他打冷見過，有創意喎！ 可惜，細細粒的蠔仔，外面不夠香脆，冇乜味，內裏更是一泡野咁，唉！食蠔冇蠔味，就係呢種感覺喇！4）油浸筍殼魚 魚不算大條，但炸得很恰當，外層香脆，內裏滑溜溜，魚味不俗，值得一讚！服務方面：樓面寫單時有點急進，但用餐時有主動換過幾次碟，整體滿意番啦！既然潻哥都嚟食，下次試埋其他食家嘅推介菜式先再決定會唔會再幫襯啦！

是日往九龍城吃潮洲菜，這間是不錯的選擇。價錢相宜但質素不錯。服務態度很好，親切，家庭式，但很有潮洲家庭的風味，雖然多人但等位也不會太久。椒鹽九肚魚，推介，非常鬆化特別。不錯的選擇。鵝片墨魚，鵝片味道不錯，不會太肥。墨魚沒染色，很欣賞。糖醋面，不錯，但油份可能會比較多了一點。蠔餅，香口但唔夠乾身同脆。咸菜胡椒豬肚湯，必試之一，豬肚唔會太淋，個湯唔會太咸，胡椒味好香。清心丸綠豆蓉，值得一試，清甜味道。

又到宵夜時間…今天突然間想吃牛肚河…但人在九龍城….逛了好一會兒都找不到想要進去的店…最後還是去吃潮洲菜…九龍城吃潮洲菜的選擇很多…經過這裡…友人說印象中好像評語不錯的…所以我們就決定試試看…反正大家都沒有吃過…宵夜時間不想吃太飽…所以先點了必點的韮菜豬紅…大概友人和我都打算吃遍全香港所有韮菜豬紅…現在大概吃了十多間…最好還是在大坑…不過這裡有些不同的是…有韮菜豬紅和韮菜花豬紅…韮菜與韮菜花中間…其實我比較喜歡吃韮菜花…因為爽一點也甜一點…想再多點一樣…心大心細之下…最後還是叫了蠔仔粥…~韮菜花豬紅上檯…第一樣不合格的就是不夠熱…韮菜豬紅要熱辣辣才好吃…這裡只是比暖多一點點…其實離開店的時候我看到師傅的整法是把韮菜淥熟…然後再在面加上已預先整好一大碗的豬紅…那些豬紅看起上來也不怎麼熱的…~豬紅的口感和味道只屬一般…當然至少不是膠膠的…另一樣吃韮菜豬紅常備的就是潮式辣油…但這裡的辣油不辣之餘又沒甚味道…~韮菜花鮮甜無渣…最好吃….蠔仔粥份量不少…這裡的蠔仔比平常吃到的大…大概有兩倍吧…肥美而且新鮮…吃下去不會覺得霉…不錯~可以叫做合格吧…友人離開的時候說…他應該是記錯了…不是這一定…我再

真佩服宣傳的威力,某飲食集雜誌上期介紹這裏,結果一間平凡小店立刻坐無虛席,客似雲來!這間潮州舖我相信在九龍城不算出名, 因openrice的食評只有翏翏數個!!某閒日下午6點來到,已有一張大枱有客人, 聽他們說也是看雜誌來;地方頗細,一個舖位幾張枱,家庭式作業,人手明顯不夠, 啤酒都要自己攞!但是這裏免加一,叫了以下食物:鵝肉拼掌翼($70)掌翼細隻肉小, 太咸, 豉油味比滷水味重;鵝肉廋,份量小, 件頭細, 雖然沒有韌口但不算嫩滑, 醃得也不夠入味!大眼雞($58)細條肉小, 不太肥, 煮得剛好,肉算嫩味,可以!!馬友($58)肉頗濕, 不夠乾身, 缺乏魚肉應有的質感,但肥美嫩滑帶回韻!餅($40)粉太多, 像吃薄餅, 但算香口, 仔細隻且味淡!炒蜆($45)最差的一味菜, 那個不倫不類的芡汁, 又咸又酸又甜, 眞係”一次過滿足曬你所有要求”; 蜆不算細隻, 但有沙, 不甜!!蟹粥($68)最後才來的蟹粥, 即叫即煮, 看雜誌也有推介, 先不論好食與否, 價錢實在便宜!一大窩, 二隻奄仔羔蟹, 爆曬橙色的羔, 肉嫩算甜,羔甘甘地, 很新鮮的蟹!潮州粥底味單薄, 剛香花的米應該很清

與一班舊同學到九龍城吃飯聚舊, 經過這間店鋪,見到門口的菜式相片相當吸引, 內裏亦算企理, 便一行十人進去了, 成班餓鬼一坐低即點了九菜豬紅, 唔錯, 豬紅夠爽滑, 再嚟一個椒鹽蚝仔, 正呀, 我第一次食, 好香, 好脆, 送啤酒一流, 但係要快快趣食, 因我們掛住傾偈, 攤一輪後已經「林」晒了明爐烏魚, 有點像泰國菜館的明爐魚, 配料有些少不同, 酸酸地好開胃, 啲汁煲乾了, 老闆還主動幫我們加汁, 真係唔話得, 服務一流蟹粥, 非常正, 值得推介, 係羔蟹仔, 好新鮮, 好清甜, 豉椒炒蜆, 味道尚可, 唯略嫌多獻汁及比較細隻椒鹽九肚魚, 非常鬆化, 正 鵝片墨魚, 墨魚比較特別, 沒有染色, 滷水鵝片味道適中, 啖啖肉好好味 炸大脹, 大脹沒肥膏, 不錯, 但一時失手, 燶了少少吃完正餐後, 叫了甜品反沙芋及清心丸綠豆爽, 反沙芋好粉, 好脆, 但我怕肥, 不敢多吃, 我們坐下坐下不經不覺坐了三個鐘, 埋單每人只是63元, 成班同學都話下次再嚟

完了歌唱比賽，便和舊莊員來到這兒慶功，只因吃開的「大大碟」要等位，果真是個錯誤的選擇。其實在外面已經見到只得小貓兩三隻在堂食，不過也罷，反正肚餓，管不了那麼多了。店內張貼了多款小菜的相片，並列有價錢，總算能吸引食客，因為我們就被那蟹粥的圖片吸引住了。既然是打冷，少不了會點韭菜豬紅、蠔仔粥和欖角肉碎炒飯。今次不要蠔仔粥而要蟹粥，並點了不少非潮洲小菜，這就出事了。分別點了蒜茸炒西蘭花、班塊豆腐煲、金銀蛋豆苗和椒鹽骨。蒜茸炒西蘭花：沒有甚麼蒜茸味，但西蘭花都幾新鮮，普通。班塊豆腐煲：沒有味道，只是上了色的班塊和豆腐罷了，而且班塊不新鮮，像是炸完放了很久一般...金銀蛋豆苗：中規中矩，不過略嫌咸蛋太咸了。椒鹽骨：都是一般貨色，感覺上普通小菜的水準很差。蟹粥：好味，口感豐富，湯底夠濃並有點點蟹味，而蟹亦算新鮮，是全晚最好的一道菜了。韭菜豬紅：配著的汁料頗咸，完全沒有水準，大失所望。欖角肉碎炒飯：新鮮熱辣炒起，是不錯的，但略嫌有炒得不夠乾。總括來說，此店的非潮汁菜色水準低，但來吃潮菜都可一試，當然，在龍城附近有更多更好的選擇！不過今次會給它一個OK面，因為老闆主動幫我們換散紙方便找績，走的時候也說

尋晚想食蠔仔粥,同老公仔兩個人去左九龍城.咁啱行到呢間潮州飯店.結果叫左一碟鵝片拼墨魚58元.鵝嫩墨魚鮮,仲係白色果隻,夠晒完汁完味,係潮洲人屋企嘅煮法.一碗蠔仔粥26元,二人份量,蠔仔新鮮就不在話下,D料仲多到嚇死人,啖啖都有粥有料有蠔.係多左少少我唔鍾意食嘅蔥.最後0黎一碗咸菜胡椒豬肚湯26元,二人份量.湯面無油,豬肚淋得0黎有咬口,飲完成身暖晒,真係值得一試再試.可惜我0地得兩個肚,試唔到其他好0野.我老公最想試嘅糥米食釀大腸,唯有留番下次.