手作餃子專門店 (荔枝角道) (已結業)

今日諗住食餃子，就嚟到依家成日食嘅手作餃子，發現原來佢有下午茶餐都幾抵食，$27就有五隻椰菜雲耳鮮肉餃子，餃子嘅肉好似半熟狀態，餡料比較黏，但勝在老火湯湯底超濃。仲跟埋番薯糖水或者豬紅，份量少少哋啱晒我呢啲細食人士☺️

同女友行過見到手作餃子所以試下，叫左煎韭菜餃同煎芝士餃，1份豬耳小食另外叫左2個花膠淮山豬骨湯先講2款餃子：佢可以選擇7隻或10隻，韭菜餃味道正常，煎得好香口；芝士餃就好好食，煎得香口的同時d芝士會噴出黎，女友食第一隻時唔小心滴到成枱都係⋯但煎芝士餃食曬7隻有少少「漏」⋯個湯方面非常好飲，真材實料又冇味精，雖然花膠得1片，但淮山同豬骨有唔少，鍾意食「渣」既朋友值得叫佢。豬耳小食就正常啦，小心辣就得了（我個人食得辣）下次2個人去食會試1個湯餃1個煎餃加個湯加多個小食～我相信應該都夠食

太子出名多餃子店，當中有幾間更係賣餃子賣到街知巷聞，身為餃子愛好者既我一早就想黎掃餃子店，可惜一直都未有實行。今次食完正餐，見個胃仲有少少空間，決定食多個餃子做宵夜。餐廳除左一般大路既白菜、韭菜、椰菜餃外，仲有特色餃子如冬蔭功餃、咖哩雞肉薯仔餃、鮮肉粟米南瓜餃等。價錢屬於中等，十隻由$40-$49不等，煎餃或雙拼需另加錢，配搭方面幾彈性。一向勇於試新野既我揀左冬蔭功香辣餃拼咖哩雞肉薯仔煎餃十隻 $46煎餃賣相唔錯，煎炸到兩邊金黃，面頭幾隻都有少許脆口感，但下面果D就好似浸左係D油度，唔脆之餘仲好油……😨煎餃唔係應該食脆架咩?!☹️冬蔭功香辣餃香料味幾濃，味道唔差，但又稱唔上好味；咖哩雞肉薯仔餃更差，薯仔半生熟，影響口感，而且肉既存在感好低，似素餃多過肉餃….😦可能我本身對呢間餐廳抱有期望，但結果卻與我所想既有出入，因而有點失望☹️。

眾所週知，太子向來是個餃子店集中地，當中大部分都享負盛名，每一間都各有支持者，手作餃子店則是好評如潮的其中一間。大概是因為附近實在太多競爭對手，當天週日中午前來亦無需排隊等候，不過店內空間狹小，而座位數量亦寥寥可數，故此大部分客人都需要搭枱用餐。面對太子星羅棋布的餃子店，決定選擇到手作餃子店正是因為其特別的餃子餡料，正正滿足了貪新鮮的我。上湯蘿蔔豬紅 ($18)簡單一道小食沒有甚麼特別之處，勝在白蘿蔔清甜多汁亦沒有渣滓。酸辣土豆絲 ($22)土豆絲爽脆入味，酸辣並重相當開胃，不過對我而言辣度實在有點高鮮蝦海鮮餃拼鮮肉粟米南瓜餃 ($48)湯餃湯底為淮山花膠豬骨老火湯，清淡健康不會搶去餃子風頭，餃子皮較大而厚薄適中，口感略帶煙韌。鮮蝦海鮮餃較為扁平不夠飽滿，餡料偏軟口感欠佳，感覺上像是以魚肉或蝦膠之類等混合少量蝦仁及蔬菜絲，寡淡乏味。相反，另一款鮮肉粟米南瓜餃驚喜十足，南瓜蓉綿密香甜，混合粒粒爽甜粟米粒口感豐富。鮮肉冬蔭功香辣煎餃拼咖哩雞肉薯仔煎餃 ($46)煎餃外皮酥脆但質感偏硬且相當油膩，鮮肉冬蔭功香辣煎餃辛辣惹味但較為平凡。反而咖哩雞肉薯仔煎餃更另人喜出望外，咖哩味香濃而薯仔粉糯綿

作為餃子控，緊係要周圍食下唔同嘅餃子啦🥟🥟🥟今次就試下呢間手作餃子，一入到去覺得個環境好傳統小食店feel ，有小小迫🧐今次叫左芝士同韮菜煎餃再加個老火湯😚😚碗湯都幾大碗，又好足料，紅蘿蔔🥕整得好林，飲落又唔覺有味精😍😍所以鐘意飲湯嘅你就一定要黎試下佢有幾正啦🙂🙂至於佢嘅餃子，個人認為芝士同韮菜食落好似差唔多味😂😂只係芝士會再香口小小。但我覺得佢嘅煎餃油左小小，食左十隻之後就好口渴，之後一口氣飲左三大杯水😂

The soup is really nice. The fried dumplings are a bit oily, but are crispy. The meat portion of the dumplings is large, and they have many different flavors! The noodles portion is less than expected however.Staff are nice and the price value for the dumplings is nice.

食左好多年都依然食唔厭每次黎都一定係嗌餃子套餐，可以揀跟蘿白或者菜心同埋可以揀一半煎餃一半湯一黎唔洗咁熱氣，二黎又有得飲佢但湯。呢度既餃子係用老火湯既湯底，係屋企既味道非常之岩我地呢d 成日出街食既朋友。呢個老火湯勁足料同勁好飲，100% 零味精。餃子方面，我勁like 紫菜餃，其實所有款我都食過除左羊肉餃我覺得唔係幾有羊味，同埋個冬蔭公個個唔係幾夾老火湯之外，其他真係是但一個都好好食。溫馨提示一定一定要飲晒個湯，因為姐姐每次都會叫我飲晒，老火湯真係唔少心機，唔好浪費呀

發覺太子有好多間主打食餃子嘅麵店，今次就嚟試下呢間手作餃子。舖頭面積細同狹窄，客人坐得迫，冷氣亦都唔係好夠。舖頭提供嘅餃子款式都幾多，除左常見嘅韮菜同白菜豬肉外，仲有豬肉芝士、冬陰公、日式紫菜同薯仔雞肉等等比較新穎嘅餃子，今次我地就叫左雜錦湯餃套餐A同B，另加8蚊叫埋上海麵底。餐廳標榜湯餃嘅湯底喺老火湯，用上淮山花膠同豬骨嚟煲。一試之下味道清甜唔油膩，飲得出淡淡淮山味，仲有紅蘿蔔、豬骨同黃豆湯渣，成碗飲哂都唔口渴。上海麵麵質爽硬但無咩麵粉香味，味道比較普通。餃子每隻都包到脹卜卜，落足料去整，而且餃子皮薄所以隱約會透到入面餡料嘅顏色。韮菜豬肉餃嘅韮菜比例幾多，豬肉餡味道也不錯。薯仔雞肉餃入面以薯仔為主，雞肉份量偏少，味道似我地平時屋企食開嘅咖哩薯仔炆雞翼。而我最鍾意嘅就係日式紫菜餃同豬肉芝士餃，紫菜餃食落有濃濃海水咸香味，而豬肉餃嘅芝士味比想像中重，味道唔錯。食完7隻餃子加麵底已經好飽，下次諗唔到食咩都可以嚟呢到食抵食又大隻嘅水餃。

喺太子忙完已經係食飯時候，唔係太肚餓但想食少少野先返屋企，上網搵到呢間小店，近近地行過去試下舖面唔大最多坐到廿個人，座位與座位之間幾逼，而且冇冷氣，天時熱會食得有啲辛苦，喺咁樣嘅環境都坐滿人，呢間舖頭或者有過人之處想一次過試曬四款餃子就要嗌什錦湯餃系列，但我想食豬紅，於是叫咗優惠套餐，六隻鮮蝦海鮮餃+滋味滑豬紅湯餃一到，發現豬紅係直接加喺湯裡面，用匙更巡咗個圈，得四粒..呢四粒豬紅等同一碟油菜，奉勸各位嗌其他（平心而論，豬紅味道唔差，質感結實，但非常唔抵食）鮮蝦海鮮餃，皮厚有𡁻口，餡料以蝦、韮黃同(相信係)肉末為主，但完全食唔到肉嘅質感，口感稔滑似食咗大堆韮黃溝粉漿，外加每隻餃裡面有一隻細小嘅蝦。有個小驚喜係餡料裡面加咗薑末，食落去尚算清新湯底標榜係用淮山花膠豬骨老火靚湯，從湯渣嚟睇見到豬肉、紅蘿蔔、黃豆、薏米，都算甜，飲曬成碗湯唔會覺得特別口乾每一份餃子都會跟一碟菜甫，菜甫爽脆，雖然溝咗蔥同辣椒，但呢幾樣野嘅味道完全係分開架，加埋一齊食總算挽救返餃子嘅敗筆雖然個湯還好，但作為主角嘅餃子完全唔得，呢種質素收咁嘅價錢，唔會再食

由於事忙到十點都未吃晚餐，想起有次行經這家餃子人山人海，於是與同行友人專程去這裡嚐嚐，店內已有不少人，但總算有位，坐下便叫了一個B餐及一個C餐，加兩杯豆漿，等了一會餃子便來了，友人吃了三四隻餃子後突然吐出了一粒核，她一直看餐牌上有甚麼餃子，有甚麼餡料有機會有核的 ? 但沒有呀 ! 她說那是話梅核，我還笑說不可能。由於店子已差不多關門，友人面對包餃子及洗碗那邊，我是背對的，她告訴我那個穿水鞋的阿姐脫下水鞋，脫下穿著的臭襪在洗碗盤上沖洗，而下面就是大家剛吃完的碗，更神奇的是，原來店內沒有洗潔精的，她只是用水沖一沖便放回架上，如果不是明天要返工，我一定報食環的。回到車上，友人面色發青，她告訴我那粒真是話梅核，而且是已啜乾淨的，加上臭襪水，很嘔心呀 ! 我比較幸運，因背對著看不到，加上核不在我餃子禋，但以後也不會去了 ........

今晚咁岩要黎太子做野，順便試埋bookmark左好耐既手作餃子店😋😋門面係有啲簡陋，但好重住家手作感覺，最鍾意呢類型小店😆七點去到，基乎滿座，舖頭細細，大概容納到十幾人左右，位與位既空間唔多，加上好似無咩冷氣，單靠幾把風扇叫做好過無😂😂夏天黎食應該會有些少辛苦，友人食到大汗搭細汗😂講返重點～水餃😍😍😍好快決定左要十隻鮮肉栗米南瓜湯餃及鮮肉芝士湯餃$46，雙拼$2再加$8上海麵，而且叫左上湯菜心苗$15首先黎左菜心，真係嚇左一嚇🤣🤣🤣🤣原來係有湯渣既，有大量黃豆同少少淮山，菜心唔係特別嫩同稔，正常啦😌幾分鐘後主角都到啦😆我滿心期待住～首先講講栗米南瓜餃扁身啲，咬落去八成係南瓜蓉😍栗米佔一成😍😍鮮肉佔一成，完美比例👍🏻👍🏻👍🏻南瓜栗米好夾好夾，陣陣既南瓜蓉係你個口到翻騰😂😂真係好食架！！！芝士餃就比較飽滿，一咬落去已經有淡淡既芝士味，但又唔會搶走肉既鮮味😂成粒餃好juicy又係好好食🥰餃子皮方面我覺得唔算薄，但食落又唔係厚，適中啦😌而個湯底係淮山花膠，所以比較杰身啲啲😆我都飲左幾啖～友人鍾意佢地醃既菜莆，微辣有咬口，開胃又惹味，佢每食一啖都要加啲菜莆先放入口😂😂😂下次一定要食埋其他味既水餃

終於揾到我喺餃子界嘅白馬王子喇🤴🏽如果你同我一樣係南瓜+餃子lover pls pls pls u have to try this!!!!-✅優惠套餐 湯餃($40) 雙拼 (+$2)鮮肉粟米南瓜餃 拼 鮮蝦海鮮餃配上湯蘿蔔佢呢個set有6隻餃，加配一款小食～1. 餡兩款餃咬完一啖浸一浸湯，唔會有好多油沖咗出嚟，證明冇落好多油/肥肉👌🏽鮮肉南瓜粟米餃嘅餡我影咗三次都影唔到佢個 南 瓜 飽 滿 嘅 程 度！！！南瓜：粟米：豬肉比例大概係 7:2:1咁濟！而且調味唔多，比起美味餃子店，會食到食材的味道南 瓜 好 很 十 分 甜🤤 真 係 好 好 食❤️鮮蝦海鮮餃唔似有落豬肉，似係一堆用蒜/蒜蓉醬調味過嘅菜s+兩隻蝦。唯一美中不足係餡嘅菜煮到淋哂，冇crunchy的口感😪2. 餃子皮係厚皮煙韌chewy的口感，煮得啱啱好唔粉唔淋🥟3. 湯底好甜！唔鹹！我飲咗半碗有多👻啲蘿蔔冇渣，又係超甜！如果你嗌普通湯餃set佢會比埋啲湯渣你😆-唔知佢普通嘅韮菜白菜餃會唔會肥肉比例多啲，下次可以試下🤔BEST DUMPLING PLACE IN HK🥳📍手作餃子專門店 (太子)

喜歡餃子一定聽過呢間餃子店手工即包既餃子加上老火湯住家既感覺係小編諗唔到食咩既不二之選.今次試什錦湯餃🥟鮮肉粟米香菇餃🥟京䓤羊肉餃🥟鮮蝦海鮮餃🥟鮮肉粟米南瓜餃.試完覺得鮮肉粟米南瓜餃最好味南瓜粟米好夾同微微甜味，肉既比例小一啲，食得多都唔會膩京䓤羊肉餃第二好食京䓤味比較出，唔會好大陣羊味，怕食羊既都唔覺騷其他餃子都唔錯，真材實料.加上湯底係准山花膠豬骨老火湯仲會有湯渣附上證明真才實料九成九既食客都會飲埋啲湯.未試過既你，會一試愛上💁🏻‍♀️.人均消費：$39推介指數：👅👅👅👅👅👅👅👅👅（9/10）Encore指數：🤙🏻🤙🏻🤙🏻🤙🏻🤙🏻🤙🏻🤙🏻🤙🏻🤙🏻（9/10）

我好鍾意食水餃，老公見到蘋果報導時，就一齊黎試下。點知食完好失望😣。我叫咗一碗什錦餃子B, 有鮮肉芝士味、冬陰公味、鮮肉紫菜、咖哩味。等咗15分鐘左右，碗餃子一上枱已經有一隻散左，係散到得返塊皮😓。飮一啖湯，清清地都算 ok。第一隻食到鮮肉芝士果集，都幾好味。但第二、三隻係鮮肉紫菜＆咖哩味，好怪好難食，好似酸左咁🤢。到最後都都係食唔到冬陰公味，估計係初初散開曬果隻😑總結來講，唔會再黎食，呢間完全唔合格。暫時都係覺得荃灣個間「餃子X」最好食。

今日男朋友又話帶我食好嘢，嚟到太子呢間手作餃子店，佢話係我之前講過要食喎🤔我其實完全無印象，不過唔緊要啦，照食😋入面其實都好迫好細，不過好彩都唔算多人，係食食下中段有人搭枱，一張原本已經細嘅枱仲要坐滿四個人🤣我哋嗌咗鮮肉雲耳椰菜餃(湯)，鮮肉冬陰公香辣餃(湯)，鮮肉芝士餃(煎)。湯餃先上場，椰菜餃正常無特別，反而冬陰公餃真係有驚喜，微辣開胃惹味，不過一碗七隻有三隻係散開嘅，呢度有啲美中不足。仲有個湯底都要讚下，好順口好好飲，一向唔飲中式列湯嘅我都忍唔住飲晒個湯👍🏻煎餃都好出色，雖然芝士唔係流心，但都好香芝士味。每款餃子仲配上一碟辣菜莆，惹味非常😋