扒王之王 (已結業)

曾幾何時扒王之王係中學時代規模最大嘅扒房，之後執晒🙈 今日Lunch特登黎回味下叫左個西冷同牛柳，加左件鵝肝同轉龍蝦湯。個沙律份量唔細，啲蔬菜好新鮮，Olive Oil+黑醋+沙律醬好味過出面好多西餐廳，連朋友平時唔食菜都掃晒反而個龍蝦湯同羅宋湯都好一般，因為好淡好稀，龍蝦湯得啲蝦毛仔好搵笨，唔洗upgrade😂上菜好快，好快已經上晒鵝肝牛扒同餐飲。鵝肝都煎得幾香，兩安士一人一件啱啱好。我叫左五成熟西冷扒，唔鍾意熟晒，至少有肉味。$100嘅扒算係咁啦，感覺上好味過X尾、X鳳。另外薯菜一般，啲薯條唔脆。朋友叫左七成牛柳，佢話Ok，連配菜都清晒。見到其他評語話服務差，確實係有個部長亞叔係有啲串，但我相信佢唔係有惡意地亂咁爆客嗰啲。因為聽到隔離枱落單，有個女仔話要六成熟，部長話一係五成一係得七成。女仔：我響出面食開係medium。部長：你都識講medium點會係六成？你問廚房佬都話一半係五成。被串嗰個實會話人地服務態度唔好，但黎得呢啲地方無得要求咁多，扮晒野抵比人串。

細細個成日都會去扒皇之王食早餐 以前仲未物價高 而且扒皇之王周圍都有 好方便而家香港就好似得返沙田呢間 聖誕夜 毒丁找毒丁朋友食飯大家一齊毒毒据下扒朋友帶左我黎 好懷念以前風味 聖誕當然會貴啲㗎啦 不過冇辦法 朋友叫左豬 我叫左肉眼牛朋友嘅豬都幾淋 而小弟嘅牛本身叫左7 成熟 但點知都係黎左5成熟 食唔慣血淋淋 切左一半比朋友分享不過其實岩5成熟嘅人就覺得好好味而且牛肉厚身另外薯菜分量亦多有啲遜色係佢嘅甜品 覺得唔太新鮮最後仲送左分聖誕帽套裝 走嘅時候發現都幾多毒丁一齊食飯 都唔錯呀

今日同朋友行完年宵，行到餓餓地，係附近見到間扒店，一入場，環境尚可，裝潢不錯，略帶老舊。但員工態度很差，人手不夠，只有3人，最重要3位員工都是上了年紀，很萌塞，對客人的意見有意見，非常守舊。到食物時間，前菜尚可，湯都入得下口，但最大問題係塊扒，鐵板有點舊，木板發黑，肉質極孩，猛火煎到皮燶哂，入面完全係生，扒既新鮮度極差， 每切一下，不斷出血水，皮難咬，肉難食。極度失望，只可一不可再。

和朋友去扒王之王聚餐，食物出乎意料的有水準，龍蝦湯香甜，裡面還有新鮮的蝦肉，牛扒都非常出色喜歡他們的色拉，上面有一些牛肉碎和特色醬汁好好味。還有黑毛豬排，也是值得一試的，期待下次

記得細個成日食扒王之王，但係自從元朗個間執左就冇再食過。之前知道沙田仲有一間之後就同左朋友去食。我叫左一份肉眼扒，肉質鮮嫩，份量充足。而朋友則叫左一份牛柳，同樣十分美味，但份量略少。套餐同時有前菜、餐包、餐單、甜品及餐飲。

今日黎左沙田拎回鄉證，拎完去左隔黎既曾經盛極一時既扒王之王食午餐。餐廳環境唔錯，卡位係梳化櫈，幾舒服，而且服務態度都唔錯。叫左個午餐，黑椒汁阿根廷扒飯，餐包暖暖地都幾好食，但個正餐就真係普通。首先肉質雖然唔錯，軟身但有口感，但肉既份量有d偏少，食完仲覺得唔係好飽，而且最大問題個黑椒汁係甜既，令到成個餐變得有d奇怪，如果個汁正常d既話其實個午餐都幾好味的。上網睇番先知，原來呢間扒王之王係全香港最後一間，希望佢唔會成為大家既集體回憶。

中午經過沙田 突然想据下牛扒🍽聽聞呢間得返全港唯一一間 就黎試試落餐既時候本來打算牛扒配意粉但突然諗到想轉薯菜都唔錯喎之後就開口提出了 服務員嘴邊戚左幾下😞好不滿我突然改變主意其實想食薯菜都係為想食薯條😋好意外 以為係餐包 但點知連烘底都無既白方包😅<蜜汁肉眼牛扒>牛扒有兩小塊 但都偏比較細汁配上牛扒整體都幾夾而且牛扒都幾 幾容易咬口👍🏻<牛扒併雞扒>由於都係煎過都係建議點一點醬汁一齊食都偏向少少乾 但肉質都容易咬😃

今日lunch同同事去左食扒王之王，但就真係有d失望。叫左個午餐，洋蔥汁阿根廷牛扒飯餐。午餐跟湯同包，個包要讚下既，通常呢d連鎖餐廳個包多數都係凍既，唔會吸引到去食，但係佢就相反，夠熱得黎有d香，加埋牛油都幾好。但係個飯就麻麻喇，首先份量都夠既，個汁都正正常常，問題出左喺塊牛扒，塊扒太過生，同埋多根，搞都好韌，切又難切，咬又咬唔開，食落又完全無味，似一塊烚過龍既牛肉咁，完全唔掂。本身都好耐無食過扒王之王，點知食完真係無下次。

去攞回鄉證預約左都勁多人，於是去左隔離扒王之王食午餐。環境懷舊，老待應表現專業。全部食物包括湯、飯、餐包、飲品，極速喺落單後8分鐘內到齊。👍🏼我叫左午餐B蜜糖雞扒飯、忌廉湯、奶茶。原本無諗住寫呢篇食評，所以無影雞扒飯嘅相，但因為食物質素太差，所以不得不寫......雞扒一般茶餐廳質素無特別，但配菜煮到淋晒無味，飯多啱男人食，但得一塊扒，相對少餸。忌廉湯「杰」到好似糊仔。😖奶茶係我飲過咁多不同鋪頭最差嘅頭三位之一。總括來講，我不會再去，也不會推介，如果唔係等辦證，一定唔會去。如果你睇到呢篇文，而你嘅籌號仲有70個先到你，你絕對有足夠時間去附近其他餐廳食飯！50蚊仲要加一，即係55蚊，咁嘅質素......P.S. 時間參考：我等70個號碼等左一個幾鐘，食完午餐都仲等左over 半小時，夠你去影埋即影即有相。另外，即影即有有得影印埋身分證，回鄉證，共4元，平過喺櫃枱影（2蚊張）

已前經常去的，但不是這店，其他店很多已關，今日放假同小朋友們揸車出去玩玩，我的寶貝們很喜歡食肉，剛好見到門口可以泊車，就呢間，進入時已經係晚飯時間，人不多，只有兩三枱，心想唔會中伏？點都要叫野食，睇睇餐牌每個餐大約1佰多，各自點餐！每人一個餐，經理算成熟穩重型，出來的扒有心思擺設過👍食落是0k的，什扒葉制得很好，肉質鮮嫩、調味剛好，不會太咸，牛扒煎得不會太熟剛好八成，採用安格斯牛，有牛肉味，這餐都很滿意，簡單的一杯餐飲也可以，一定會再來

今日又去咗沙田，同事又帶我去搵嘢食，嚟到扒王之王，而家扒王之王分店已經唔多，原來呢度食lunch都幾平，而且好多選擇。未試過食lunch有餐廳俾咁多選擇你，因為通常要夠快，廚房唔會預備咁多餐牌畀你揀，見到咁多選擇，已經好開心！ 揀咗極黑豬扒配雞扒飯$58，餐飲熱咖啡，餐湯紅湯。餐包先上，熱辣辣軟綿綿的，口感好，食得又開心。餐湯揀咗紅湯，喜歡羅宋湯，裏面有什菜，感覺健康啲。用料充足，洋蔥蘿蔔唔少得，煮到出曬味，羅宋湯微酸，飲完好開胃。見到分量都唔算少，豬扒同雞扒大小差不多，看似細塊，但因為厚身，所以感覺都幾抵食，有豆角，粟米，甘筍做配菜。雞扒好厚肉，形狀又切得靚，果然係扒王之王。外面香煎過，所以皮有少少脆，肉質嫩滑，最緊要厚身啖啖肉，又有肉汁，雞扒超推介！豬扒就唔係想像中咁特別，邊位有筋，但其他部分豬扒肉都好爽口，煎得都唔乾，幾好食，比雞扒薄身小小，但都比起其他茶餐廳算大塊。餐飲熱咖啡，淡咗啲，唔夠咖啡味，可以濃番少少就更加好。

今晚同朋友係沙田食飯諗吾到食咩突然經過扒王之王發現已經係香港惟一一間我們決定入去食一次懷緬過去讀書時成日去食既回憶我地大概6點幾去食一入去成間餐廳都冇人感覺有點似傳統舊式餐廳佈置好有聖誕氣氛🤣我們一行四人每人點一個肉眼牛扒晚餐整體評價餐包、餐湯味道依舊沒太大分別前菜點了鵝肝味道不錯反而主菜肉眼牛扒已經5成熟但肉質比較靭而伴菜都是凍的最後甜品藍梅芝士蛋糕都沒有特別整體價格係比較貴同食物不太達水準但如果以一種回憶心態食物質素我想同當年不差太多雖然侍應服務態度不太好但其實我又覺得幾個上左年紀既伯伯可能佢地係度都做左好耐一間咁傳統既餐廳而人手又不是太多都好難要求佢地有很好服務只係我們現在要求要有服務同食物質素

上星期帶小朋友去拎回鄉證，拎完都已經係3點幾，小朋友大叫肚餓，心知佢地偏好西餐，又因為小朋友多要坐得好少少，就決定入扒王之王食個下午茶。我叫左個煙雞肉雜菜沙律，估唔到沙律菜又幾新鮮，煙雞肉又唔會鞋身，仲夠味道，連我唔中意食肉嘅女都食。西多士：剛好炸起，好味道，但中間都係冇花生醬。記得十年前左右，扒王之王周街都係，好似7-11咁多，味道又好，但隨住大家對牛扒要求高左，慢慢地扒王之王就開始沒落，分店一間一間地減少。但平心而論有d食物係不錯嘅。

下午4點鐘去吃, 怎知到一入了去就說已經截單 準備晚市, 被人趕了出來。 下午茶和午餐不是去到6:00咩? 你地準備晚市不用這麼誇張吧，都冇咩人來吃晚市啦，午餐場如果沒有學生餐3x 優惠, 你地一半場地都坐不曬啦

平安夜，老婆話想食西餐，於是就去左瀝源邨的全港最後一間的扒王之王，因之前食過都覺得幾好。一去到，見到客人比平時多，而現場亦好有聖誕氣氛，侍應都好好招呼。一坐下，就派左兩份聖誕節禮物，有聖誕帽，吹bb，真係好窩心。平安夜，冇左平日既餐，只有特定聖誕大餐，於是就點左兩份肉眼五成熟再加多份小食焗田螺。龍蝦湯味濃又唔咸，好好飲。頭盤雜菜沙律配火雞絲，味道較得好match。小食田螺好香，肉質唔硬，配埋薯蓉食真係一流。主菜上場，五成熟牛肉好有牛味，唔難切，煎得恰到好處，最後還有甜品芝士蛋糕。總結就係好食，好坐，過左一個warm既平安夜。希望全港最後呢間扒王之王可以繼續經營下去。