拉麵達人 (已結業)

尖沙咀返工的同事們，天天吃Food court悶悶地，突然想去遠少少吃個日式拉麵。在Openrice找到這家拉麵餐館，去試試看！餐館是個人點餐的，可依個人口味加肉和配料。日式五花肉醬油湯底拉麵咸香的湯底和日式叉燒的配搭，有味道又不肥膩，officer lady首推！日式叉燒黑蒜香湯底拉麵黑蒜香湯底油份較充足，適合男同事。如果上班族厭倦了又迫又嘈又急趕的Food court, 可以行去佐敦吳松街口的小型拉麵店，吃完了會有一種Refresh感覺，慢慢行回公司剛剛好，有個靚MOOD，繼續比心機工作！

近一、兩年愛上吃拉麵，試過多間不同的日式拉麵店. 想起位於佐敦的拉麵達人未嘗吃過，就趁到Sogo購物前先來吃點東西. 店子不大，但充滿和風感覺，到處放滿不同的小擺設，裝潢都幾有心思~ 達人拉麵($85) 初次到來，當然要試試一番人氣的達人拉麵. 當中包括:糖心蛋、叉燒、木耳& 粟米等. 呷一口湯，熱度十足，是濃濃的豚骨湯味. 叉燒是偏瘦的，但也軟稔入味，其後再吃麵條，預先要求硬麵，也做得到. 麵條嚼勁十足，再配上香濃的豚骨湯底，實在令人回味無窮! Miso達人($85) 友人則要了北海道味噌湯底的Miso達人. 這款拉麵的配料包括: 叉燒、木耳、竹筍以及凍牛油. 試喝了一口，湯底濃稠度比達人拉麵更高，喜歡吃濃味湯底的可以一試. 雞軟骨餃子 ($38) 一客5件的雞軟骨餃子，外皮相當香脆，內裡充滿肉汁，超好吃的，非常推介! 佐敦吳松街108號顯發大廈地下4號舖 3484 2343

今晚向 iSQUARE 睇完戲，就慢慢行落佐敦覓食，到了吳松街見到間店面裝修得幾有日本 feel 的店舖，上前看下餐牌，都想食拉麵(日本所有食物我都百吃不厭)看店面係咪好似去左日本呢，入到仲得意 Tim達人拉麵～配上濃豬骨湯底，麵質適中，兩塊叉燒亦有稍為燒過美味MISO 達人～配上北海道味噌湯底，我第一次見有食店會放磚牛油在麵上(我真係大鄉里)，但真的有誠意，為湯汁添上了色彩芝麻雞翼～芝麻很香，雞翼外皮很脆，肉質十分嫩滑，真的想食來多一客店內放了很多精品亦有兒時的回憶，太空糖

今日同朋友仔睇完場7:30跟住就搵地方醫肚，朋友仔介紹我去食拉麵，於是就跟佢去試下啦😍門口裝修都好吸引👍🏻入面位置唔太多，但擺設好特別，好似去咗日本古玩店咁有拉麵、小食，仲可以加錢配多個飯，抵食呀😱博多達人湯底好濃厚，麵質唔淋，有彈口火藥玉拉麵（都幾辣架）我like 👍🏻叉燒帶少許甜味，夠淋身，good 唐揚炸雞好鬼脆口，熱辣辣好新鮮我非常欣賞呢個自家制蒜蓉，配落拉麵度十分夾，胃口大增👍🏻，好少地方食拉麵會配蒜蓉，呢間拉麵店仲要成樽任你加，值得一讚👏🏻

今日去開佐敦又想食拉麵，所以就搵呢間試下。店內不大，座位唔算多，卻有一份親切溫暖小店的感覺。食物方面，佢地都有好多款拉麵同小食。叫一碟小食仲有飲品送添達人拉麵 - 湯底個人覺得唔算好濃，但飲完唔會口喝。叉燒算多，有三片而且唔係好薄，入味得來都算淋。溏心蛋醃得唔錯，又有溏心流出來。拉麵都有標準質素。吉列芝士蝦球 - 上碟時熱辣辣，似剛剛炸起。炸得好脆好香口，咬落去會有芝士流出來。唯一覺得可以整大粒少少😛整體來說，佢唔算有傳統日本拉麵的味道，但有小店的風味，可以一試。

呢間拉麵店係經朋友介紹，今日難得經過佐敦就過黎試下。間店都血細，得十幾個位，6點9黎到教等左成半個鐘先入到坐，之後就即刻落單。今次就試左店主推薦既達人拉麵同埋加多左個38蚊既鰻魚飯。D野都上得幾快，等左十幾分鐘就有得食。首先試左個鰻魚飯，我幾欣賞佢係塊鰻魚下邊加左層蛋絲，咁d鰻魚汁就唔會滲透落d飯到整淋曬，鰻魚都燒得唔錯，係d骨硬左小小，不過都可以照吞跟住就到拉麵，一上黎就試啖湯先，個湯有非常溫厚濃郁既豬骨味，正! 偏幼既拉麵，加塊半肥瘦既叉燒再加啖湯仲正!最後要讚下隻蛋，個流心蛋簡直係成個拉麵既精華，得一隻完全唔夠

第一次黎食呢一間略有名氣既拉麵店，等位等左半個幾鐘，幸好味道不俗，值得花時間去排隊。叫左一個拉麵套餐（一碗拉麵加$28-$36就可以加配一個迷你飯），好抵呀呢個combo ，可以滿足我又想食飯又想食拉麵既慾望拉麵方面，選擇左櫻花蝦達人($108)，份量對於一個女仔黎講好多呢！一上枱已經聞到好香既蝦味，配料幾豐富，最鐘意係個炸蝦，口感結實，炸得好脆好好味不過炸蝦得一隻呢。湯底果然一如其他評價既描述，好濃另外飯就選擇左鰻魚飯($36)，份量其實唔算少，都有滿滿一個飯碗！味道唔錯，可惜鰻魚唔夠肥，缺少左小小鰻魚既油脂香。食到最後，真係飽左上心口，下次一個人黎都係叫一碗拉麵已經足矣！總括而言，值得再次光顧

今日去尖沙嘴探舊同事，傾傾下傾到距收工，就順便等埋距一起食晚飯我個朋友話想食拉麵，係openrice search就發現有間叫拉麵達人，而且好多人都話好味，所以我地都去試下！行到門口已經好有日本feel 而且店入面都好多人等左幾分鐘 我地終於有位坐店舖既空間唔大 得4張檯 人山人海牆身都係用日本舊式糖果裝飾 好特別！招牌拉麵 濃郁既豬骨湯底 食得出係真材實料熬製既豬骨湯 而像其他重味精既湯底 豚肉大概有3-4塊 不會很油膩 肥瘦適中！辛辣火藥達人 大顆辣醬球 非常辣 很刺激味蕾 豚肉都是一樣 美味可口炭燒雞肉寸 我比十個讚！實在太好味 難以形容！齒頰留香

今日下班後相約友人一起到佐敦吃晚飯！正當討論想吃什麼的時候，我倆突然一股無明的拉麵癮起，在佐敦來來回回走了幾趟，終於發現了這間玩味十足的拉麵小店- 拉麵達人。這間拉麵店的裝横走懷舊風，跟日本街頭拉麵店無異！走進店內看到人頭湧湧，非常熱鬧！右手邊有一塊大型木牌寫着「一碗入魂」，頓時令我對這碗拉麵的期待度大增！每張桌子上都放有冰凍的檸檬水供客人享用，驅走悶氣！打開餐牌，看見餐牌上的達人拉麵$85旁寫有一番人氣，所以我便二話不說，叫了這款拉麵！小食方面，我則選了雞軟骨餃子$38！等了大概五分鐘，先來雞軟骨餃子！餃子皮煎至焦香，呈金黃色！咬下去，餃子皮又薄又脆，雞軟骨非常有「咬口」，味道偏啖不太鹹。在等拉麵期間，看到店舖原來隱藏了很多不同的日本裝飾物（如招財貓、鯉魚等）和玩具！玩味十足！店內亦有小紙條作溫馨提示，客人有任何要求，餐廳也會細心聆聽！一會兒過後，我的「達人拉麵」終於到了！碗呈上來時碗邊稍熱，要小心呢！拉麵的豬骨湯非常濃郁，有厚度！湯面灑滿白芝麻，散發陣陣芝麻香味！叉燒邊烤至微脆，入口有煙燻的味道。至於麵條，硬度適中，不會偏淋或硬，配合上煙燻叉燒和濃郁豬骨湯，絕對是啖啖滋味！

入到去感覺幾好，大約坐左七至八人，諗住應該無死錯人，點知個麵一黎，湯唔夠熱，但味道正常，麵一般，叉燒極之差，以為食緊湯渣，唔係冰水，可能本身碗麵都唔熱，去過日本食都知冰水作用，本身諗住食熊拉麵，不過想試下新野，點知就中左大伏，講完

拉麵這玩意耐不耐便會想念，每隔一兩個月都想食返一碗。今晚放工便近近地去了佐敦的達人拉麵，為的只是尋回久違了的豚骨拉麵......位於吳松街街頭(佐敦方面)，屬小店格局，沒華麗的裝潢，但與一般日式拉麵小店的木系風格差不多。共12款拉麵，包括豚骨/ 海老/ 鰹魚/ 味噌/ 醬油/ 辣醬的多個組合，其中最大眾化的豚骨湯較多選擇，價錢由$75-$108元，無須加一。Zoom近點來看吧......特盛叉燒達人(濃厚豚骨湯@$95): 特濃豚骨湯底，濃郁香甜，毫無味精痕跡，光喝也不感膩，出色! 特盛叉燒也者，竟附五至六塊叉燒，實屬慷慨，對比一般拉麵店的約莫兩塊叉燒，已是多出兩倍麵底造功也不錯，麵質爽滑，且浸泡在此特濃豚骨湯底下，麵底相當入味。燒豬軟骨($48): 含七至八件，以日式照燒醬入饌，香濃而入味，從來都與豬軟骨是絕配。肉質軟腍，質感細膩，感覺一絲不掛。唯乏爽脆骨感。日式煎餃子($38): 混入豬肉及椰菜等餡料，餡料充足，外皮煎至香脆，味道較大眾化

老婆又去FACIAL,  佢叫左我9點半去佐敦接佢. 由於我怕餓, 6點幾就食左少少野. 而且糧尾...所以今晚就唔食大餐又唔食咁貴喇....拉面就岩岩好. 拉面達人係我等老婆果陣search到的. 店子外觀很有日式風格, 店內大約可以坐20 人左右.侍應遞上餐牌, 價錢尚算合理, 款式也有十二款. 很不錯. 個人的好奇心很旺盛. 看見限定兩個字就問了一下. 可惜這次的限定是冷面. 第一次來當然要吃熱呼呼的正宗拉面呀. 我點了最基本的達人拉面, 老婆點了個MISO達人. 再要了一客餃子.  達人拉面等於豚骨拉面. 豚骨湯底見到脂泡. 豚骨味濃郁, 但湯底不會很咸. 而且湯的稠度剛剛好. 不錯. 配料方面也很豐富. 溏心蛋效果不錯, 半肥瘦豚肉大大塊, 軟硬適中, 入口即溶. 面條是幼身的細面. 店方內有貼MEMO, 可以跟他們提出自己要什麼軟硬度. 十分貼心.老婆的MISO達人其實是豚骨+面鼓湯底. 比我的還要咸一點. 但這面特別之處, 就是多了一塊牛油. 令湯底除了面鼓味外, 還額外多一陣牛油香味. 而且還有三塊叉燒. 與我的達人拉面各有千秋. 餃子煎得頗香脆. 點汁食很開胃又能減少

我同男朋友都好鐘意食拉麵, 間唔中就會搵下香港有邊間拉麵店可以試下今次就揀左無論內定外都好日式既拉麵店入面擺放左好多日式擺件, 好吸睛我就揀左達人拉麵, 雞軟骨餃子, 仲送左杯海鹽柚子蜜梳打雞軟骨餃子, 食到好少量既雞軟骨, 整體上都OK, 但就無咩特別達人拉麵, 個豬骨湯好濃郁, 幾好味, 而且一啲都唔重味精味, 個蛋帶有甜味, 亦有少少酒香, 而拉麵既口感就普普通通不過見佢可以揀麵既粗幼同埋溫既濃淡, 有機會, 都會想試埋其他拉麵

係油麻地繁榮的街道上，由廟街轉入吳松街直行都尾，係普通的街道上，竟然搵到一間門面用木設計而且比較舊時代的拉麵，名字叫做拉麵達人那日大慨下午二時，都見到有不少人在排隊等位，於是我們由於被門口傳統日式拉麵滿吸引都決定等一下。大概等左15分鐘，女侍應引領我們到一張靠牆的卡位。餐廳由打懷舊日式裝修餐牌主打幾款拉麵如果叫小食仲可以獲增一杯無酒精飲品經過一輪挑選，叫咗一碗達人拉麵用濃厚豬滑湯做湯底，有兩隻流心蛋仲有配上粟米，Yummy另一碗，叫咗博多達人拉麵，有一條長蟹柳，仲有叉燒，醬油湯底不錯另外，值得一讚係桌上客人可自由調味，特別喜歡原粒蒜頭可隨便加入麵，增加蒜汁及蒜粒另外，小食點了炭燒雞肉串，雞肉滑滑，有炭燒的味道，配上特有醬計調味，不錯！

同朋友剛好經過佐敦，正值午餐時間，見到呢間叫拉麵達人嘅日式拉麵小店，外觀好似日本居酒屋，掛住大大個日式紅燈籠入到去舖頭雖然唔大，但好有日本色彩，特別係右手邊嘅座位，一個個客人並排坐，真係好似去左日本拉麵檔舖咁呀，店入面仲擺放左好多日本裝飾好似不倒翁、招財貓咁，牆上仲掛左好多舊式日本文具同玩具。餐牌有多款拉麵、小食、飯類定食同飲品選擇，拉麵套餐加$28有套餐飯一碗，叫小食就送一杯無酒精飲品，加$5可以升級做特飲。我地叫左特盛叉燒達人拉麵同黑蒜達人拉麵，仲叫左小食香煎八爪魚餅，送一杯凍柚子蜜梳打。香煎八爪魚餅香煎八爪魚非常值得推介，一碟切開八份，方便同朋友share食，八爪魚餅外層煎成橙黃色，淋上秘製醬汁，睇見已經吸引，咬落好彈牙，八爪魚肉鮮甜，配埋沙律醬，味道一流！柚子蜜梳打要先搞勻再飲，柚子蜜加冰凍梳打，唔會太甜，飲落冰冰涼涼，最適合夏天飲。特盛叉燒達人拉麵特盛叉燒達人拉麵好大碗，有紫菜、竹荀、海帶絲、蔥花、芝麻等配料，湯底好香濃，麵爽彈牙，叉燒係半肥瘦，雖然厚身，但肉質軟嫩唔覺肥膩。黑蒜達人拉麵朋友嘅黑蒜達人拉麵亦都好大碗，湯底比我嘅拉麵濃味少少，好香黑蒜味，配料大致相同，但比我多一