拉麵達人 (已結業)

今日黎到呢間朋友介紹既拉麵店食晚飯黎之前上網睇左都OK多好評點左一個達人拉麵同櫻花蝦拉麵豬骨湯同蝦湯都好濃 叉燒好好食細問下發現係慢煮叉燒 而家好難再搵到咁有心既小店 值得一讚！

作為拉麵迷嘅我, 每次收工都會 Search 一下附近有冇拉麵店未試過, 今日去左佐敦呢間拉麵店搵食｡  店舖門面唔算好大, 但有大大隻字寫住 “達人”｡ 店內座位唔多, 周圍都擺滿好多日式懷舊小玩意、飲品 & 零食嘅裝飾, 非常特別 激辛火藥達人由於俾佢個名嚇親, 所以特別叫店員將個辣肉醬另上｡ 碗麵有兩塊叉燒, 配菜有粟米粒、木耳、蔥｡ 拉麵好有咬口, 湯底有豬骨味, 但唔夠濃厚｡ 如果加少少辣肉醬入去, 即刻變得好開胃｡ 雞軟骨餃子餃子外皮煎得非常香脆, 入面嘅雞軟骨令咬落去變得好有口感, 而且味道都唔錯 

相隔一段時間，今日中午再次幫襯，估唔到今我比失望更甚。叫了達人拉麵，飲左一口湯，湯底似是加水加調味料溝出嚟，相比之前香濃的豬骨濃湯是沒法比，其他就不用說了，這是我最後一次幫襯，很可惜失去左一間好味的拉麵店

係OpenRice 見到佢係佐敦區拉麵最高分，所以特登同男友去試下係米真係咁好食，我叫左個赤海老拉面，男朋友叫黑蒜達人。因為好餓，全日無食野，個拉麵一到，咩都唔理，食左先講，點知，原來只係一碗重味精既拉麵，要一路食一路飲水，黑蒜拉麵塊肉係碎嘅，赤海老拉麵一啲蝦味都無，我唔敢講佢係全港最難食既拉麵，但一定係九龍之最，最難食！一間咁無心既餐廳我唔明點解仲可以生存，無下次。裝修幾好，但服務同味道一定係零分。

話說今日星期六放假，下午兩點半，諗住難得岀下佐敦，就搵d好野食。 睇完推介就開開心心搵路啦，一入去個下，裝修ok wor,係店員黑面左d果陣仲心諗，無野gei，可能岩岩太多人，忙到佢無表情姐。睇餐牌果陣仲滿心期待，呢間咁日本舊式風格餐廳，唔知有幾好食呢。 點知.....個麵黎到，食左兩啖，我就覺得怪怪地，舊叉燒老過我阿媽，一夾上黎就散開，個湯係好普通的味精湯，個麵真係唔好提，一舊餅咁。話說我平時食拉麵連湯都飲得曬，今次都真係投降了。 你好野

係佐敦附近返工男朋友放工順道過來陪我食飯上openrice見到呢間拉麵店之後咁岩又見到佢wo就決定入去試下啦我好中意食辣既所以諗都吾洗諗就揀左個（激辛火藥拉麵）事實上吾辣若果真係要辣 我諗要叫佢再加辣先得麵我就order左硬身(中意食硬D😝）但就略微未夠硬🤔男朋友本來想食飯但6點半呢個時間未有飯食結果就揀左牛肉達人我地仲叫左2個小食日式餃子（6件）已經迫不及待地食左幾隻先影相😂😂😂另外就係炒雜菜味道偏鹹（食淡口味既唔建議選擇）男朋友同我都覺得咸咗啲整個裝潢好有日本feel雖然係坐位不多但總體而言尚算不錯仲有好多日本玩具

快靚正，豬骨湯夠濃🐷🐷🐷，冇味精，飲完湯唔會好口渴👍🏻👍🏻👍🏻👍🏻👍🏻溏心蛋超好食，加碼叫多兩隻😂😂😂😂😂😂（一般拉麵舖只俾一半，佢地俾晒成隻！）拉麵冇皀水未，彈牙👍🏻👍🏻👍🏻👍🏻👍🏻👍🏻小食特別推介雞軟骨餃子同八爪魚餅👍🏻👍🏻👍🏻一個人浪漫又得，一班朋友食都得，會再黎👍🏻👍🏻👍🏻👍🏻👍🏻👍🏻👍🏻👍🏻👍🏻

今天天寒地凍，食碗熱辣辣嘅麵是常識吧！經過裕華百貨後街，看見一間日式風格嘅餐廳，我知道可能有熱辣辣嘅拉麵食一拉開趟門，侍應有禮及笑著地上前接待及遞上菜單，室內裝修勁有日本 feel,配埋日文歌同牆上貼滿的日式用品、玩具、擺設，簡直以為去左日本菜單設計簡潔，圖文並茂，牆上還貼有其他優惠麵的粗幼，軟硬，湯的濃淡都可以選擇經侍應介紹，最後點左炭燒雞肉串同達人拉麵炭燒雞肉串：雞肉大大件，沙律加照燒醬，配上香脆嫰雞肉另一串加檸檬汁，就更加酸酸開胃達人拉麵：豬骨味濃，個嘴食完黏實左，木耳爽口，叉燒薄滑，流心蛋甜甜的，麵彈牙有湯味

朋友介紹去左佐敦食拉麵，入到餐廳多款有趣的擺設，比較親切的氣氛。睇完menu，即時輕易算定招牌拉麵～達人拉麵$85，濃厚豚骨湯底，價錢合理，一大個湯碗，有幾塊薄义燒，唔會太肥膩，拉麵麵質，唔會太腍，太軟， 煙煙韌韌的，而且湯底嘅調味，有濃烈的豬骨味，最心怡係隻糖心蛋， 蛋黃黏口，香滑。喜愛辣的我，放了自家製的辣粉 ，夠晒惹味。朋友見到有樽酸蕎頭，中和味蕾感覺，另胃口更加開胃，朋友先吃一粒才食飯。另外朋友叫了汁燒义燒飯定食$80，份量夠填飽肚呀！义燒燒過至微燶，夠香口，肉身帶點肥膏唔算太多，但足以另肉質更嫩滑，飯用了珍珠米夠黏有飯香。再叫了份小食，燒爪魚丸$32，外皮微脆，八爪魚粒夠彈牙。牆上還掛上激安賞，優惠客戶，很親切的感覺。

一入門口個女待應塊面已黑到出汁，我地話兩位唔該，佢頭也不回調頭走，我地見有張吉枱就坐底，個女待應掉低個餐牌就走左去，係掉低。我見佢去左後面斟水，如果你係做茶餐廳的話，咁就算，但你一碗野賣成舊水，啲員工態度差到咁真係趕客。我地實在食唔落間咁燶既日本餐廳，啲野幾好食都假，態度差到咁坐一秒已經走，真係食唔落。

本身鍾意食拉麵，見同澳洲返黎既朋友諗住試下，於是就黎到佐敦呢間拉麵達人試下喇!!入到去見到個裝修覺得好有格調! 好似日本既小店，佈置左好多公仔令到好有日本既氣氛!我叫左個達人拉麵，姐係豬骨湯底，至於朋友就叫左個黑蒜達人，大家都覺得個湯底偏淡... 我朋友仲要落好多7味粉先夠味添!至於個麵.. 個人認為比較淋，下次食可以叫硬身小小!  值得讚既係佢隻蛋既生熟啱啱好! 正!另外呢個芝士丸真心推介! 入面炸到拉絲!!! 好正! 40幾蚊有D 貴但包杯飲品~ 即刻抵左!

平日去佐敦，發現這間很日式的拉麵店，已經很想試，但見有人龍就放棄了。怎知昨天沒多少人，當然入去試下。其實我很少吃這類很日式的拉麵店，計埋去日本食的，五隻手指都數齊。但一入去看見這麼有懷舊日本風的格局，就讓我懷念起不久前才去完日本食拉麵，所以還是很期待。店內有好多懷舊玩具，朋友見到哇一聲，問可不可以買。不過原來這些都是裝飾來的。這裏講明如果對拉麵有要求，可以和店員提出。我這個食拉麵初哥當然相信師傅的選擇了。就讓師傅做出高水準的拉麵讓我品嘗啦！連湯底也可以提出要清湯。我要了達人拉麵。$85。見這裏說湯底是由多種豬骨新鮮製成，含豐富骨膠原，當然要飲一口試試。湯底很稠身，有濃濃的豬骨味和骨膠原質感。好味到忍不住喝多幾口。隻雞蛋鮮美得難以形容。好糖心好滑好軟好新鮮。叉燒很稔。有好幾塊。拉麵吸晒湯汁每一啖都好水潤好入味。但麵質一點都沒變稔。配料也新鮮，特別粟米粒好鮮甜。朋友要了激辛火藥達人。$85。其實材料和我的差不多，就是很辣罷了，所以比較惹味。店員很貼心，落完單又不放心走來同朋友講這碗是很辣很辣的，要是吃不得辣會很辛苦。但經她這麼一說，朋友更想試了，但又怕吃不了最後浪費掉。店員就提議另外上激辛

最近睇Do姐再shopping 節目介紹日本，又勾起我想食日本拉麵的意欲。今日下午走遍佐敦找到一間小型拉麵店，踏入店內己感受到日本風格，裝潢，音樂全部都另你置身曰本的感覺。人氣之選達人拉麵當然首選。先嚐湯底，味道濃郁有肉的鮮味，感覺漿口，豚骨煲出來的骨膠原勁出。麵質幼，有彈口感。义燒薄燒香口，肉質軟腍。糖心蛋效果很好，滑溜。還有大量木耳絲，蔥絲另層次豐富。凈吃拉麵有點不夠喉，點了一個小食芝麻雞翼。即叫即製熱辣辣，雞皮沾上芝麻份外香口，肉質嫩滑無比，正！

放工嚟到佐敦搵嘢食, 見倒食評唔錯, 今晚就試下呢間拉麵達人~呢間拉麵嘅環境走昭和風, 用好多懷舊嘅玩具做裝飾~幾得意。不過同一般拉麵店居酒屋一樣, 啲位唔算好好坐~如果想慢慢坐坐咁傾計就唔建議食達人~至於拉麵, 我本身最concern係個湯底。平時好驚食啲好咸嘅。佢個拉面湯底都唔算好算好咸倒又幾濃, 又唔算真係好好味。拉面都係咁樣, 冇咩特別。不過佢啲配菜就幾足料。總括而言, 呢間嘢唔算好差, 但我又唔會再特登嚟食。

之前同朋友食過一次,店面雖然唔大,但係睇得出好用心佈置。入內除了看餐牌,真是很多小玩意可看上半天餐廳的招牌以濃厚豚骨為湯底,配上三塊厚切叉燒,兩半隻溏心蛋,.一上枱時已經有陣陣的香味撲鼻而來,吃麵前先喝一啖湯汁，就會體驗到個湯底真的無敵濃黑蒜達人,主要材料是叉燒、溏心蛋、粟米及木耳絲,溏心蛋做到半流心的效果, 蛋香味濃, 味道很讚香煎八爪魚餅作小食,一咬有驚喜,超級彈牙,煙煙韌韌的,每口都有好幾粒八爪魚,味道咸味適中!!炸大蝦因為我沒有即時吃，所以沒有預期中好食~~~