拉麵達人 (已結業)

由於午餐吃得太飽，今晚決定清清地，吃拉麵！朋友説這間拉麵雖然細小，但是拉麵相當美味，今天決定試一試！餐廳只可以坐到約二十人，但擺設卻絕不馬虎，亦很有特色。拉麵有十多款，亦有小食，定食類。叫了兩個招牌達人拉麵，麵質是我喜歡的質地，彈牙，而且不會很快變軟。而叉燒共有三塊，吸收了湯的精華，湯底滑而濃，差點像日本人般把湯底全部喝掉。如果胃口好，可能會加28元換購飯呢！鰻魚飯感覺很吸引(要加36元）。不夠味就自助吧！流心蛋是我的最愛。一碗有一隻流心蛋另叫了一個炒雜菜，有木魚，紅蘿卜絲，菇，椰菜等。清清地，正適合不太餓的我。如點小食還送無酒精飲品呢！加錢就可轉特飲。

嗰日約咗朋友食飯，朋友話想食拉麵，咪係佐敦附近搵吓囉。之後搵到一間拉麵店，就入去試吓。入到去座位唔算太多，裝修好有日本風格，仲播住我細個時候嘅日本歌，我哋九點鐘到達，可能因為比較夜所以即刻就有位。四周圍擺放住好多我細個時嘅零食同玩具，好有童年回憶。拉麵同小食都有好多選擇，除此之外可以食定食添。仲有其他升級優惠。雞軟骨餃子皮薄而且煎嘅時間剛剛好，啲肉汁留係餃子入面，咬落去嘅時候仲有爽脆嘅雞軟骨，口感一流。博多達人叉燒加蟹棒同蟹子，好香豬骨湯味。達人拉麵材料豐富，仲有好靚嘅流心蛋。食之前仲可以隨自己喜好，加入配料。麵條爽口彈牙，豬骨湯味濃，叉燒好有肉味肥瘦均勻，食到停唔到口之餘連湯都飮晒。餐廳環境唔錯而且店員態度友善。

無錯我哋又去咗食拉麵，我哋最鍾意食拉麵嘅原因係因為佢哋鋪頭細細，係橫街窄巷底下都可以食到好嘢！一嚟就叫咗佢個達人拉麵，但係今次唔同嘅就係我叫咗淡湯，因為我唔希望食完之後仲要飲好多好多嘅水。濃湯對我來講真係太過濃啦！呢一個面嘅硬度啱啱好，淡湯亦都十分之適合我，佢仲有我最鍾意最鍾意食嘅糖心蛋，仲有兩隻！！之後就叫左一個辣嘅拉麵，因為我哋兩個人都想試吓辣嘅拉麵好唔好食但係今次就叫左濃湯，但濃湯配合辣嘅拉麵係啱啱好，佢嘅辣度唔會太辣，非常之適合香港女仔食。之後我哋仲叫咗一個雞翼，佢個雞翼炸得啱啱好仲要配合沙律汁，正！

小店離地鐵站不遠，但是不夠醒目。東西非常有誠意，拉麵套餐裡的鰻魚飯，以為只是普普通通，沒想到非常好吃！拉麵店最重要的餃子也非常讚！別的拉麵店餃子都比較鹹，這是唯一一家有點點甜甜的還有股香味的店～～主題拉麵也是一點都不膩，滿滿的骨膠原！另外配菜辣菜非常推薦！

逢星期六都係我係佐敦出沒即日子,上個星期食完burger ,今星期就食埋同一條街即拉面啦,哈,收銀位有可愛即達麼日式小店FEEL2個人食真係好抵,加$28多一個飯小食都幾多款好得意,自己磨原粒蒜頭,勁香口就係呢個秘製辣菜,好味到震辣得黎又好香味,真係想打包招牌逹人拉面,好靚糖沁蛋又燒好淋好入味~面條粗糼平均,比較挺身,口感唔錯豬骨湯底好夠味,唔會太咸又無味精食完唔會口乾北海道拉面,無蛋但多左條北海道蟹捧好鮮甜,一絲絲好結實,唔錯~最後加多個紫薯波波新鮮炸起,又唔算多油紫薯茸好滑,甜甜地好好味整體真係唔錯,不過為左佢自製辣菜,真係要再食多次~

究竟「一碗入魂」的精神係乜？終於有機會試試「達人拉麵」！門面以木材裝飾，店面細而內籠骨子。入到去，唔洗諗，梗係整番碗signature達人拉麵啦！拉麵軟硬度，湯的濃淡度可以隨客人喜好調較。凡點小食，送non-alcoholic飲品一杯。達人拉麵賣相不錯。湯底夠濃郁，不算太多肥油浮面，熱度也足。流心蛋生熟度佳，半肥瘦日本叉燒也幾好味。麵條吃到尾有點腍，如果喜歡麵身彈身的話，或像我食飯速度比較慢的朋友，可以指明麵身要「生」一點。一口紫芋丸炸得夠香脆，帶Q彈感，充滿芋香，是不錯的佐食。很欣賞店家用心的佈置。每個角落都充滿個性化和心思，風情滿瀉，令人彷佛置身東瀛，看得出老板真心喜歡日本文化和產品，不同大小及款式的達摩更令人留下印象。可能「一碗入魂」的拉麵魂，著重的不只是食客的味覺，而是整體的用餐感覺。雖然這裡的拉麵未算最top，但是整體感覺及配套討好，尤其那份不可多得的溫暖小店感，會令人有興趣再光顧。希望店家繼續努力，令更多人體會到吃拉麵的幸福感！

達人拉麵整體已經非常高質，可以媲美日本過江龍嘅拉麵店。隻蛋真係超級好食！入口即溶！又煮得入味！係我食過最好食嘅日本糖心蛋！湯底非常濃厚！不同的配料令味道很豐富。叉燒三份二瘦肉，三份一肥肉，非常標準。可以自己按量加生蒜，芝麻粉，七味粉，辣椒粉。叫咗一個好似好普通嘅炒雜菜，點知都有驚喜。椰菜炒得好爽好甜，加上毫不吝嗇的木魚嘅點綴，冇得彈！雖然小食比較貴，但係送一杯野飲，都幾超值！成間餐廳裝飾都好有日本特色！係一間好值得支持嘅餐廳！！

先唔講好唔好食，一坐上bar枱，好大陣up味，同埋好熱，眼見開一部冷氣，同樓面講左都無咩反應到講面啦，達人拉面（濃豬骨湯）好淡味黑蒜拉麵冇黑蒜味，又係勁淡，同第一次食完全唔同一句講完，未試過既，可以唔試 886Thx

之前放工屋企冇煮飯就喺佐敦附近食左呢一間拉麵。俾佢鋪頭個門面吸引左，入到去好友傳統嘅日式拉麵店風格，裏面亦都有啲懷舊嘅海報同埋有啲應該係舊式嘅日本玩具係度做擺設。叫咗個達人拉麵同埋個雞軟骨餃子。拉麵個面煮得好大牙，個留心蛋裏面仲係留心嘅好軟滑，兒歌叉燒就搬肥瘦剛剛好唔會太大做肥膏喺度，兒歌湯就係傳統嘅日式豬骨湯。到個雞軟骨餃子，初頭來到嘅時候個賣相真係麻麻，以為係嗰啲包裝野，然後食咗一舊，發現裏面好多雞軟骨好友拗口好好味，初頭睇過餃子以為一啲都唔趣，點知食落就好爽脆，配埋個柚子汁去食簡直一流。

隻身由伊利沙伯醫院步行大約十分鐘，到達佐敦地鐵站附近的拉麵達人。之前同朋友食過一次，今次一個人再訪，唔洗排隊。店面雖然唔大，但係睇得出好用心佈置。店舖入面放面小擺設，包括小型汽水罐同不倒翁，仲有其他日式玩具。餐廳提供多款拉麵，同時又有好多種小食可以揀，最貼心既係拉麵既濃淡、軟硬等，都可以按顧客需要調教，不過就要落單果時講清楚。小弟本身鍾意食濃湯拉麵，同時都係蝦湯控，之前食過櫻花蝦達人，今次就緊係試下赤海老達人。離遠都聞到好香既湯，蝦味撲鼻而至。赤海老達人用上特式辣醬，第一啖先飲湯，飲落有少少似上海擔擔麵，不過越食越上癮，少少辣配上蝦既香令人特別開胃。蝦好爽口，總共有三隻；麵質彈牙，不過份量for男仔有啲唔夠；蛋同紫菜都合格但無乜驚喜。總結都有7/10分。之後有各種調味料任君選擇～蒜頭，七味粉，辣酸菜，應有盡有。叫小食送特飲，可惜今日無我最愛既巨峰柚子soda雞軟骨餃子，餃子皮剪得岩岩好，味道都唔錯，不過餡料有啲少，如果五隻變四隻不過餡多啲就perfect雖然今次都幾好食，不過都係比唔上櫻花蝦達人，再黎既話一定係食櫻花蝦達人！待應態度好好，坐得都好舒服。

這晚又去食拉麵啦~~第一次來試這間拉麵達人，來到門口已有人等位，幸好等一會兒就可以進去了！天氣很熱，所以店裏有準備很多小風扇，這樣就不怕大熱天時吃拉麵吃到滿頭大汗啦！這是我第一次見到有這樣的貼心服務。我點了激辛火藥達人 $85不錯，真的辣辣的，而且豬骨湯濃而甜，他們還有個服務很貼心的是，如果覺得豬骨湯太稠的話，可以提出加點清湯，我是怕膩的人，所以有提出呢，但仍然是很甜的，無損味道，最難得的是食到最後不會覺得咸，不會有味精。男朋友叫了拉麵達人 $85這隻流心蛋真是不得了，平時只有蛋黃部分是半熟，這隻連蛋白都半熟，對於我這個不喜歡食熟蛋的人是一大恩物！食完無耐之後很快湯面就有一層油瓊著，代表豬骨湯真的很真材實料都是豬油。另外叫多個小食是炭燒雞肉串 $38雞肉很大，一點都不吝嗇，肉很滑不過醬汁方面略重味了點，放多了點，吃完會有膩感，但總括來說還是不錯的，沙律醬很開胃！

上網睇過尼間食拉麵既食評好似唔錯～餐廳近油麻地地鐵站～係吳松街都好易搵到～但真係名副其實～餐廳門口係裝修得唔錯既～但入去坐低之後，服務員話店鋪內既冷氣壞左，而店員都有主動借左把風扇俾我地吹。因為友人唔介意熱，所以我地繼續留係鋪頭食野，於是一路食拉麵一路汗流浹背。達人拉麵～服務員推薦係最多人點既拉麵～但食物質素差～拉麵一d唔好食～以後都唔會再黎～夏日淡淡～友人想試下店鋪內張貼海報既冷麵～當友人問服務員冷麵內有既配料～連店內既服務員都唔知道～仲話冷麵已經售罄～我與友人用餐期間，聽到對面對情侶講，餐廳既冷氣已經壞左好內，但都仲未去整返好。當佢地食曬碗麵同埋碗飯之後～見佢地都有抱怨～話嗌咗個菜～等左咁內都未仲黎～應該落少左單～

其實拉麵達人係同同事去佐敦覓食無意中發現,間舖頭裝修好有日本特色,有好多日本嘅擺設,播放著日本嘅歌曲,令人有好relax ga感覺,今次係第二次幫趁,同事係第三次,上次同同事兩個都係嗌豬軟骨拉麵($65),佢個豬軟骨係另上,分量好多,好入味同埋煮得好林(唔記得影相),我同事係因為對豬軟骨念念不忘所以再去幫襯,佢3次都係食豬軟骨,而我通常都會試新嘢,所以我今次揀咗炸餃子拉麵($50),送熱柚子蜜,餃子裏面有菜同肉,都好足料同好好味,另外我哋追加左一個小食燒八爪魚丸($8),好味,呢度嘅豬骨湯底好濃郁但又唔會過鹹,我覺得拉麵嘅分量同味道比一蘭更加出色,埋單時候發現原來呢間舖頭有印花卡,佢集齊五個印花就可以有指定小食一款,集齊十個印花就有指定拉麵一款,值得一讚係張印花卡無有效日期,由於我同同事都見證咗唔少佐敦食肆未夠一年就執笠,同事仲講笑話希望可以係間舖執笠前及滿張卡,我答佢話我要去openrice寫篇讚文支持下,喺寫之前睇下人地D comnent,發現原來呢間舖係人氣拉麵鋪,咁我呢個憂慮應該唔存在,睇得出lee間係幾個年輕人用心經營嘅鋪頭,希望佢哋可以維持落去啦, 題外話,臨走嘅時候個後生

今日，25/6/2017, 出去佐敦揾食，突然想食拉麵，記得佐敦有間出名嘅拉麵達人，所以就去食個lunch, 試一試佢。間舖門面細，明顯係細舖仔，入到去只有3 張4 人枱，再加8 個面壁單人位，全是日式隔局，環境一般，員工暫見有3 人， 2 厨男+1 服務女，女的不見得主動招待,地方總算企理。我叫了這裡招牌的： 達人拉麵 $85 (膿湯豬骨湯) 麵係算大個的，尚算大碗，豚肉有3 小塊，有配菜： 流心蛋1 隻，1塊紫菜，小小木耳絲，葱，栗米粒。湯係好膿，亦好溶，唔太多湯，(食時比我諗起會唔會係日本味精溝出黎) 我食落唔覺得特別好味我唔多鐘意；豚肉係ok嘅，但未見得d 人講到咁正食完個咀係有d黏笠感，介錢比較貴，覺得唔太值，因為去商場舖食都唔駛咁嘅價。* 只覺得可以，但可以有更好的選擇。

今日同朋友黎到拉麵達人食晚餐 之前係openrice已經留意到呢間拉麵店既排名一直人氣高企 今日試完覺得值得推介地方唔難搵 見到個紅燈籠就係喇 ！店裡店外既設計以木為主 令人感覺好溫暖牆身貼有日本懷舊食品同玩具 初時仲以為可以賣 但原來係非賣品櫻花蝦達人拉麵金黃色既賣相很誇人除左櫻花蝦 仲有原隻大蝦 鮮蝦 同流心蛋做配料 單係一碗拉麵就有三款蝦類入饌 可想而知個湯底有幾濃郁流心蛋煮得剛好 唔會過熟 蛋黃呈膏狀煎雞軟骨餃子餃子皮薄兼足料 軟骨唔會好硬