拍板小館 (已結業)

今日做完野係佐敦周圍行，本來諗搭西鐵走，跟住突然見到呢間餐廳.之前係朋友度都有聽過，今日咁岩見到就走左入去試下。一入去可能我地都比較早，所以唔洗等都已經有位。紅燒乳鴿根據餐廳職員講呢個紅燒乳鴿係要提前預先準備的，我地好好彩咁岩有客人取消預訂，我地今晚就有口福食，乳鴿入口夠晒嫩滑，一啲都唔會乾，仲好多肉汁，而且外皮又燒得夠晒脆，餐廳果然係即叫即整，一啲都無花假。水煮魚水煮魚最重要嘅一點係魚肉入口要夠滑，餐廳呢碟水煮魚入口夠晒滑，而且辣味十足，份量亦都好足唔會太小，不過花椒有點過多，小一點花椒讓食客不要太麻了，影響水煮魚真正的味道。豉油皇炒面豉油皇炒面最緊要係麵要炒得夠乾了，廚師炒得唔錯，份量十足嘅同時炒得夠乾身，個人係豉油皇炒面嘅粉絲，餐廳絕對值得一讚因為麵唔會濕，味道又夠平均。二個人食三個餸食到飽晒，真係好滿足，絕對值得再黎

佐敦雖然唔係好出名食野 但原來都有隱世好菜避風塘炒菲律賓大肉蟹 時價$484 好食指數: 4.8/5抵食指數: 4.2/5隻蟹唔講得少 係魚缸拎上黎一磅 重量已經嚇親人算係食咁多之蟹中最重秤一次拎左入廚房處理 當然對佢好高期望好在師傅手勢好 無令我失望避風塘蒜粒加左大量乾辣椒 炒得好香但唔會好辣蟹身肉夠甜夠實淨 證明大肉蟹非常新鮮蟹鉗肉好嫩 而且仲有海水鹹味加上蒜粒一齊食 夠惹味 當然要加上絕配啤酒喇清蒸大連飽魚 $25/隻好食指數: 4.6/5抵食指數: 4.2/5唔好睇少呢碟清蒸鮑魚 廚師非常注重細節第一就係鮑魚已經脫殼起肉 一夾起就可以大啖食第二就係果皮切得好碎 好入味完全帶起鮑魚本身鮮味 又唔會有一條條絲見到而且好彈牙鮮甜 值回票價豐料老火湯(兩位用) $68好食指數: 4.5/5抵食指數: 4.5/5餐廳每日都用足料泡製老火湯今次就係沙參玉竹翅裙湯老火湯經過多個小時熬製不單飲落好膠口 而且味道仲好濃郁咁價錢飲到咁靚湯 抵到爆 唔好錯過

老公特登過來同我lunch, 一於帶佢食好野，呢間經過路口成日見佢張banner, 好似好唔錯。2人餐都多野揀，有2個點心，又有魚肉瓜、炸魚炆河粉、番薯糖水。點心叫左蝦蛟、燒賣，2樣都係大大粒蝦，個人覺得有茶樓水準。魚肉節瓜個湯幾甜，奶白色的。最好食係炆河粉，炸魚外翠內嫩，河粉夠油(夠正宗！）

傳統手功粵菜買少見少，無他，功夫多，就算易學亦難精。有些菜式一把年紀的我都未聽過未見過！母親節，一於帶媽咪(嗲地都可以)去食一頓她年代的好菜！媽媽煲靚湯，少年你懂欣賞嗎？街外的味精湯，多喝無益。這裡的例湯，絕非例水，足料，味濃，無味精！廣東湯水，大有學問，如果工作夜了，回家有一碗媽媽靚湯，再飽都一定要喝清啊！（是晚有木瓜南北杏煲豬骨！）避風塘瀨尿蝦，拆了肉，像是天婦羅一樣！我覺得瀨尿蝦用來炸是有點土豪，但不得不說的是真的好好味，如果不吃下辣椒，其實只是微辣，不吃辣的都應付得來的。椒鹽鮮魷，用的是新鮮魷魚，所以完全不韌，彈牙但口感不是橡膠魷魚。新鮮炸起，好難不吃上癮！黃金茄子是一些漸見失傳的菜式，炸醬用上全蛋黃，一上桌已經傳來陣陣的蛋黃香味，茄子本身並沒味道，肉依然有水份，兩者好夾。街外的通常都用厚粉炸漿，完全是兩回事吧！另一款失傳菜是柚皮燉屙掌！我是第一次聽，媽媽說是她年代的名菜，功夫多，買少見少。柚子皮有這麼厚真的不吃過不知道，鮑魚汁超入味的，感覺骨膠原滿滿的！牛肋肉原條上，拆了肉，看到那條大骨頭真是嚇一跳！肉炆得好稔，好入味，有台灣牛肉麵的感覺。蝦膏啫啫芥蘭，蝦膏和芥蘭本來在碟上，

睇完tbb介紹後一直想來試試，既然放假，約埋班fd出黎聚一聚佢先。先叫個老火靚湯，呢度強調無味精，試一試佢先，真係無味精喎，好濃好鮮甜，真材實料。湯渣，有紅蘿蔔，木瓜，豬骨等，簡單又好飲。椒鹽瀨尿蝦，拆肉去殼先拎去炸，好多功夫，炸起上黎香脆帶微辣，十分惹味，最正係唔使拆殼，啖啖肉好正呀。金沙茄子，優惠價一蚊一件，咁抵食梗系要叫黎試試。一上枱已聞到好香咸蛋味，咬落每一片茄子都包滿咸蛋，勁正喎，茄子多汁，食落一啲都唔乾身。椒鹽鮮魷，本來想叫軟殼蟹無貨，侍應堆介改叫鮮魷，又好呀，魷魚都好味。上枱時香噴噴，魷魚彈牙，又係幾正喎。蜜絲骨，甜甜的入口勁正，咬落啖啖肉，濃濃嘅蜜糖味，下面仲有片水蜜桃壇住，好味賣相又靚。柚皮鵝掌，傳統菜而加好難揾囉，試下得唔得先。柚皮軟腍，上面灑滿蝦子，個汁調得好好味，柚皮吸哂啲汁超正喎，鵝掌亦炆得好入味，值得一試。牛肋骨，平時食啲牛仔骨通常都係橫切面，嘩嘩，呢度成條骨上好有霸氣喎，牛肉煮得剛好，入味又有咬口個汁勁好撈飯。啫啫芥蘭，上枱時咋咋聲又勁香，芥蘭條條翠綠，鮮味帶咸香，仲要無油，勁正。最後整多個乾燒伊麵，炒得乾身夠鑊氣。食到咁多特色小菜，好味又唔貴，唔怪得電視

有咩開心過三五知己吹水食飯飲啤酒，天口熱唔去大排檔改黎炒兩味。見佢係夜宵麿堆介，試下先。叫左柚皮，果然係有料到，汁好味，功夫菜已加好難食到啦。瀨尿蝦又係正野，已拆肉連殼都唔洗搞，啱哂懶人，仲要勁多辣椒好正囉。牛肋骨幾型，有無見過咁上碟先？！！啖啖肉唔哂吐骨，又係啱哂懶人。最後叫番個乾燒伊麵咁就完美了，色香味俱全。

今次係同事搵到呢間任飲啤酒既餐廳，一圍$4000，食物非常豐富，環境就一般餐廳咁啦，唔係特別好，但我地可以包房任玩，食到勁飽之餘同事們又盡興，我地仲話下次再食team飯可以揀番呢間!!餐牌事先已經寫定俾我地，唔同款式，絕對夠飽。除左任飲啤酒外，我地仲自攜紅白果酒 小菜全部都好出色，大家都食得非常滿足！鼓油皇海中蝦，好新鮮，而且夠入味每人一隻蒸飽魚，老細話獎我地食好西鮑汁柚子皮扣鵝掌小好第一次食柚子皮呀，好得意，估唔到口感係咁既

做了openrice的CDR已很長時間,今趟終於心血來潮來寫返個食評!(其實本人亦是Batman系列電影的粉絲)之前約了幾位好友在長假期前來一個平凡的小聚,每人都帶上好的葡萄酒出席;大家商量之時,與其中一位好友不約而同地想到--拍板小館,好,就如此拍板定案吧!......畫面一轉來到星期三晚,由於一早有預約,七時許到達即時可入座,好友們亦已齊至;不知是否外面下著微雨,餐廳未算爆滿,六人竟然有九人檯坐,真的太好了!拿起菜單細看,心中盤算點幾道下酒好菜,再與朋友商量一下;決定點上金沙茄子/欖角排骨/啫啫鮑魚雞煲/椒鹽豬手等等的小菜.....正式入鏡的作為前菜有金沙茄子以及豬耳三絲;金沙茄子的茄子切得有點薄,但外面炸得夠脆,鹹蛋黃醬亦做到起沙效果,配襯著意大利的清爽白酒;酒中酸度剛好中和鹹度與油份,令本身黏韌味淡的茄子竟然多了些肉感!至於豬耳三絲整體都不錯,但生洋蔥味太搶,很容易破壞與葡萄酒的和諧性,就此略過......茄子其後上來的啫啫鮑魚雞煲,全晚最欣賞的一道菜!上檯時熱氣翻騰,啫著鮑魚同雞件,彷彿餐廳内充斥著薑蔥醬油的香味:急不及待即夾一件鮑魚來嚐嚐,處理得十分乾,薑蔥味幾乎融入整個鮑

昨晚大人大日子，雖然我們不好美酒，但也要上好佳餚。約在半年前在OPENRICE見到拍板小館，立即被小館的門面深深吸引。心想：拍板好！跟大人的工作息息相關嘛！再者，餸菜一致好評，就這間吧！第一碟上枱的是冰鎮鮑魚，夠爽口彈牙。嘆過美味的鮑魚後，當然要試鎮店名菜的鮑汁花膠扒，我們也是慕名而來，一定要試。侍應姐姐在花膠扒未烹調前，先讓我們看看其真身，好讓我們的相機先吃，服務相當體貼，值得一讚。短短數分鐘，馳名的鮑汁花膠扒就隨即送上。見到已經大食大動，花膠十分粘口，厚薄適中，味道更是一流，鮑汁相當入味。網友們話鮑汁很美味，一定要叫一客麵，別浪費鮑汁。第三碟是牛肋骨，無論味道、肉質及賣相都給我們驚喜，沒想到有原件牛肋骨伴碟，廚師不但廚藝了得，而且很有心思。平日對於飯後送的糖水，已到達無欲無求的境界，真想不到小館會提供落足料的清甜喳喳。這裡無論食物質素、員工的親切及專業的服務態度，都令人有賓至如歸的感覺。相信小館是良心食肆，而且老闆是一位對員工好，又很有心搞食肆的朋友。臨走前，經理送我們到門口，並再次為大人送上生日的祝福。相信我在不久的將來，會再來幫襯。我們當然有在拍板前，拍下多張照片留念及寫食評喇

佐敦偉晴街的拍板小館，由今年初與家人團年起，已經光顧過四次。對一個經常到不同地方嚐新的好食之徒而言，可說是一個異數。其中三次用餐經驗，早已在我的部落格紀錄，剛剛在整理電話裡面的相片發現，這些還未儲存在電腦內，年初與朋友們在這裡聚會的紀錄。一切，由台北回港過年的D先生而起，相約數位圍內朋友，開年逗利是為名，聚會為實。拍板小館不收開瓶費，自然識趣地帶瓶紅酒出來，與眾同樂，雖然，價值只是百多元的table wine。是日例湯為發財好市大利湯，非常好意頭，瓦煲盛著的是濃郁，鮮甜，充滿蠔豉與豬骨精華的湯頭，幾個大男人，每人平均分到兩碗。沙巴石斑，一個價錢，兩種做法，炒球與蒸斑頭腩，各自各精彩，個人最喜歡是肥美中帶有膠質的蒸斑頭腩。下酒菜之椒鹽鮮魷，薄如蟬翼的外表酥化，魷魚彈牙，高水準之作。在現今講求環保，吃魚翅都要冒著被人X之險的世代，拍板小館沒有炒桂花翅，有一道蟹肉瑤柱桂花銀芽，炒得乾爽不油，瑤柱的香氣，盡被蟹肉，粉絲等吸收。一份海中蝦，只賣＄108，豉油王煎，香到連蝦殼也吞下。每一次在飯桌上，見到鹹豬手的菜式，我不斷去提醒自己：（寧醉莫衰！）何出此言？因為之前在blogger圈子裡面，有位飲

「避風塘賴尿蝦」我是第一次來這間餐廳，叫做「拍板小館」是因為有很多演藝圈朋友都會來這裏吃飯消夜，因而得名。幾款小菜如啫啫芥蘭煲，紅燒牛肋骨都做得不錯，惹味。「避風塘賴尿蝦」最好吃，原因除了夠香口惹味之外，重點是它的賴尿蝦是全部已經去殻，啖啖肉！那就不用為剝殼而煩惱啦，這菜值得推薦。

好近地鐵站，同朋友行街行到累就去左食呢間(￣∇￣)兩個人食，叫左個蝦子粉絲，咸咸地，熱辣辣拎比我地食，即叫即整，服務員好好人，唔似其他靜係叫我地等等等等，食完都已經好飽，但見再個芒果布丁好靚就叫左😍😍❤👍好食，啲芒果又多，顏色又靚，20蚊有找，最衰已經好飽，唔係既過，一定要再叫多個!!!!

朋友介紹下去拍板小館晚飯，又得知最近有新菜式，正好遇上我家人生日，當然要去食啦家人都比較愛吃海鮮 加拿大象拔蚌刺身超新鮮 又好食 一開始食都好開胃。之後點個 蒜香BB鴿 皮脆肉滑，還有肉汁同深井燒鵝相比 我覺得哩個好食好多啦咁再點左個 賀年金裝盆菜絶對有驚喜，鮑魚汁不用講，盆菜用料新鮮..全部都好足料..不得了 最後家人覺得食不夠太好味仲想再食 所以再加點左個特大元貝好鮮味..蒸得剛剛好不得了家人都食得好開心好中意.. 尤其是生日個個大愛吖~~

呢間野菜式好多，但每碟份量好少😞而且都幾貴下😭不過一分錢一分貨，係貴既，就一定好好味👍🏻例如我今日order左雪影蝦，個賣相一流，加上入面都係海鮮，配上涼浸浸既沙律醬，夏天食簡直別有一番風味🙈雖然分量係少，值得一試！但我就覺得個空間唔算大，容納唔到好多人😢但地面都幾乾淨，會定時有人出黎汁下野，所以都食得幾開心💋另外仲想介紹一款菜式，就係芒果布甸😍去到邊都一定會order既甜品😉呢個芒果布甸入面有好多芒果肉，都好甜，好令，食落去好有口感，好好味，賣相方面好有心思，所以我覺得值得食🙈各位可以去試下！

又一推介力作!!上星期夜晚同幾個朋友係佐敦附近想搵間特別的餐廳，之後就路經偉晴街，酸辣遠方見到間新開張既川菜餐廳， 之後就膽粗粗入試下，雖然我自己真的吾太鍾意食辣！不過朋友鍾意冇計啦!!8點左右吾洗等位就入去坐下，一坐低部長就好有禮貌問我地開咩茶！ 茶黎到就放低左一啲前菜小食有花生同甜酸鳳爪，試食左鳳爪比較特別甜甜酸辣！非常開胃!食完小食後就正式點菜3人一人點1樣野，我們點了水煮魚（小辣）、拔絲糖醋骨和黃金蝦，和白飯。大約等十分鐘左右竟然全部菜上齊，速度都非常快，好啦甘我地唔客氣啦!!先試水煮魚！ 我們叫了小辣但好似好多辣椒但試試吧，我們吃魚吃下就不是這麼辣，還有小小麻的味道，魚非常新鮮， 食得出吾係雪藏食物，應該係係大門前魚缸養，仲有芽菜滲入了辣味，之後試第二道拔絲糖醋骨，嘩！一夾起真係拔絲有糖漿絲拉起!非常特別，一口食落去十分脆口，肉排十分大粒，肉下面有水果放低，，肉汁鮮甜又係新鮮既材料！最後一道菜係黃金蝦，蛋黃味同7味粉味道好夾，蝦肉爽口鮮甜！其實川菜原來冇我想像中辣！如果得閒會約多幾個朋友去試多幾味菜，因為碟碟份量都好足，價錢合理。因為香港宜家有用新鮮食材的餐廳都比較少 不防試