拍板小館 (已結業)

踏入十二月，仲有大半個月就做冬，跟住就係過年。我細個時曾經响錦田生活，記得當年到咁上下時候，就有我最鍾意嘅盆菜食。雖然我早已搬咗出市區住,可能基於懷舊嘅情懷，每逢到呢個時候，我就會食指大動，周圍揾盆菜食。細個時食嗰啲盆菜，由於當時農村比較貧苦,盆菜啲料不外魚蛋、豬皮、蘿蔔等cheap嘢,依家嘢盆菜，啲料就名貴好多，好似最近我去佐敦偉晴街拍板小館，一坐低就見到「金牌盆菜」嘅海報，都唔使經理介紹，我已經二話不說，指住張海報，話其他餸慢慢點，先嚟呢個「金牌盆菜」。嘩，呢個「金牌盆菜」真係包羅萬有，比張相仲靚，事關張相得色，實物就加埋香和味。鮑魚彈牙、蠔豉濃郁、大蝦香甜、柱甫大粒、發菜爽口、海參軟腍、枝竹入味……講都講唔晒。我食嘢一向唔問價錢，海報雖標明幾多錢，我都冇乜在意。埋單之時，點解張單咁平？以為伙記計錯數，叫人埋嚟問下，先知道個盆菜咁正咁豐富，原來只收1888！我心諗，你收我三千我都覺得超值抵食，依家唔係抵食，係超超超級抵食！踏出拍板小館門口，我只有一種感覺：賺晒！

今晚一家六口提前做冬，早前去拍板小館食晚飯，睇見有盆菜推出，價錢可以接受，同家人商量後，決定打電話訂一個金牌6人堂食，開餐：盆菜足料鮑魚汁底👍另叫上湯龍蝦新鮮👍上湯汁帶少少牛油香不太濃👍其他試試新菜：分蹄小食OK不太肥，千秋小蘢包👍做得很好，皮夠滑、不會太厚、不穿、內有鮮肉汁👍👍👍

今次在openrice看了食评而选择了拍板，是多么的正确，五个菜都好满意! 特别是金沙茄子，这么简单的食材，可以做的那么好吃，服务又好，就是后来坐满了客人，很嘈很嘈，基本上听不到同台的朋友说话。下次会再光顾，不过会早点，然后八点埋单走人，因为实在好嘈，希望老板能改善这点。

一行六人慶祝同事生日提前預訂左價值68大元既半打壽包今次第2次幫襯，食物質素同份量已經大不如前！吾緊要，但話晒生日，竟然可以比個甘樣樣既硬壽包我地食？究竟雪左幾多萬年？個壽包得個湯匙甘大，硬到甘，同我講蒸出黎？定系微波爐翻叮吾夠時間丫？同個侍應講都肯承認硬，有d良心無死撐！重肯蒸一份馬拉糕比我地代替添！多謝晒～絕對吾會再有第3次好開心成為你地第1個劣評！

啪啪啪! 啪啪啪! 啪啪啪! 今昤今日聽到呢三個字，你我他她祂都會諗起衰野，覺得俗不可耐。無聊話說完，要入正題說今次的啪啪啪! 這一個 "啪啪啪" 代表的是一間餐廳，是一間位於佐敦，深入了官涌街一帶的一間馳名的粵菜館，名叫《拍板小館》。據說，這《拍板小館》的大老闆是電影業人士，所以 "拍板"，就是拍電影開鏡的那一個 "拍板"，而這店的內外，充滿了影視界明星的合照，就知道好多明星俾面而來，當然，地點既就腳又隱蔽也是受明星歡迎的完因。 是次來，是為了一個我好耐都沒有 show up 過的 "窮L飯局" 而來的。是晚大概開了五席，又是一向的熱鬧場面。而第一說先來的，是一個湯。是日，見到太多老朋友了，執筆時才知道，我只影了湯渣卻沒有湯。是日的湯，是他們的招牌，叫拍板老火湯。一看湯渣就知道，這是一個非常足料的湯，是一個有魚有肉的鮮味老火湯。起初，我還以為一格格白色的為豬天梯 (也就是我們口腔內，頂部一格格的地方，不信可以用自己的舌頭舔一下，是舔口腔的上部而不是小妹妹的腿。) ，後來吃入口，才知道這是魚，而湯的獨特鮮味，也就是從這魚而來。 風沙茄子，是用了咸蛋黃混合了炸漿，茄子沾上了這炸醬再炒再炸

有個久違的棋友，在佐敦偉晴街開了間辦館，昨日突然打電話來，叫我去跟他捉象棋，因為他看舖好悶。捉完棋，他說這條街有間食晚飯好正，他做東，請我品嚐一下。棋友指的是拍板小館，所謂好正，我以為他隨口噏噏，點知食落竟然有很大驚喜。佢一家大細連我七人，由那裡嗰位經理介紹，點了六道菜，食完之後，先知道呢間嘢有隱世小廚神稱號！其中兩味，一是花膠，另一個是柚皮鵝掌，都以鮑汁為主，鮑汁肉味夠濃，花膠軟滑，而柚皮鬆化，口感極佳。而豉汁蒸蟠龍蟮，則食材新鮮，有蟮香而無蟮腥，入口彈牙。瀨尿蝦仔，帶微辣，能托起蝦肉的鮮甜。牛肋骨則肉味濃郁，啱晒我呢個「牛魔王」。尚有欖角排骨，塗了一層蜜糖，頗有吃燒烤的風味。食完棋友呢餐，想起下星期跟一班舊同事聚餐，個倜嘴刁，尚未諗到那間食肆可符合所有人要求，於是二話不說，便向經理訂定位。我揸主意再次光顧拍板小館，包保佢哋食後冇得詐型！

22/9/2016 星期四/四個人小菜晚飯四個人豪食七個餸加一個倒湯1）金沙茄子2）炸乳鴿（兩隻）3）薑蔥炒蟹4）蝦子柚皮扣鵝掌5）蒜蓉粉絲蒸貴妃蚌5）豉汁炒聖子6）蔥椒炸瀨尿蝦（起肉）7）菜心炒龍躉球8）例湯好味！整體不錯！伙計招呼周到！服務中高！佐敦有很多隱世小炒，海鮮新鮮豐富！值得推介！

鯪魚球做得很好，不會死實，有魚味、彈牙，下午茶時間$11.8蝦餃保持水準，內有原隻蝦爽口及有荀粒，非常Match蝦餃皮薄又唔會骨肉分離，掌握時間剛剛好正價沒有優惠蒜茸蒸新鮮鮮魷，一食落口就知道新鮮（彈牙），蒜茸不會太咸，但太多蒜蓉！又係正價豉汁蒸魚雲，味道有點像面醬蒸魚雲，味道可以，沒有腥味魚頭新鮮，重點$11.8勝瓜煮魚滑$78，湯底經理介紹濃湯底無味精，勝瓜煮得剛好（不會太淋）日本芝士年糕，芝士味好濃，又係正價羅白𢇁脆脆腸，皮滑，內脆，夠特別，$11.8大中小點都有約20個，只是我們點自己喜歡食物

有朋友在電視上曾經看到某電視節目有介紹過這間位於佐敦的隱世小菜館。相約了一班朋友多時，終於夾岩時間可以一起到來一試，不竟是吃小菜嘛，還是要一班人才能盡慶還沒走進小館內，經已看到$1大優惠，$1元美食共有7款供選擇，有老火湯,花尾龍躉球,蝦子柚皮,椒鹽瀨尿蝦仔起肉等等...優惠更適用於星期一至日，非常難得雖然只是一間小菜館，但竟有提供魚翅鮑魚及燕窩，實在令人意外。其他菜式方面就有滋補靚湯,海水活海鮮,時令煲仔菜,肉類小炒,豆品蛋類,小食,時蔬及主食飯麵等豐料老火湯 $98先來一個豐料老火湯，老火湯天天不同，而當日就有沙參玉竹魚翅裙煲豬骨。"豐料"這一詞果然有名有實，湯渣多得盛滿了一整隻碟子。除了有大量的豬骨外，魚翅裙的份量亦不少呢，而且每塊也是大大件的。至於老火湯的味道，入口又濃郁又鮮甜，味道一流，每人只有一小碗的份量實作不夠紅燒乳鴿 $156/2隻紅燒乳鴿原來是需要提早預訂的，幸運有店員幫我們問問廚房，竟然還有存貨！兩只乳鴿熱辣辣的即時炸起，傳出了陣陣誘人的香氣。乳鴿的外皮又薄又香脆，內裡鴿肉嫩滑非常，撕開時還有肉汁滲出，加上乳鴿醃得入味，即使沒有沾上任何醬料調味也不會太淡名門雪影蝦

上週相約舊同學聚餐，其中一位建議佐敦的拍板小館，聞說海鮮做得不錯。偶爾能與舊同學相聚，彌足珍貴，總想吃好一點、總捨得吃好一點，最後大家一致「拍板」。拍板小館位置很方便， 特別對乘西鐵的朋友來說 (即是我)，一出柯士甸站轉彎就到了。 朋友一早訂了位子， 約7點半來到，人客不算太多，可能時間尚早 (而其實是愈夜愈多人)。 細看檯上餐牌及推介，才發現拍板小館早前上了大台節目 “夜宵磨”， 店更因此推出promotion，某幾款指定菜式有 “1蚊” 優惠 (只限一道菜)，太幸運了!!百里香牛筋骨賣相很漂亮，如手臂長的大牛骨裝飾十分吸睛；牛筋肉起肉並切粒，燴得軟腍入味；百里香調的醬汁香甜，跟牛肉很配，大家忍不住立即點白飯伴菜。避風塘瀨尿蝦仔將瀨尿蝦起肉、油泡、再炒，這種食法真是第一次；喜歡吃瀨尿蝦但又怕弄髒手/ 插傷手指的人終於可以霸氣地吃而不失矜持了﹗瀨尿蝦肉加入乾辣椒和蒜蓉炒香，的確十分惹味；矛盾的是︰對於很喜歡啜蝦殼的我 (還要沾上蒜蓉啜!! )，剝了殼好像少了一點風味….. (席間夥計/老闆 (?) 徐徐走過來說我們真幸運，早兩天來貨的瀨尿蝦太瘦，「冇肉食」，因此暫停供應並全批倒掉，今天

今日做完野係佐敦周搵野食，跟住突然見到呢間餐廳啲介紹，好似幾好食咁，所以諗住入黎試下。一入去見到餐廳都幾大，跟住就乖乖叫野食。椒鹽排骨排骨入口依然嫩滑，一啲都唔會乾，仲好多肉汁，餐廳果然係即叫即整，唔呃人架。秘制蜜絲骨蜜絲骨入口醬唔會太甜，而且肉質唔會太軟身，份量亦都足，不過份量再多一點就更完美了。翠蓋鹽焗珍寶蠔一上枱就令人非常咁驚喜，因為蠔真係珍寶size架，而且夠晒鮮嫩多汁，廚師為蠔沾上嘅粉又唔算厚，簡直一試難忘喇。名門雪影蝦聽侍應講呢個名門雪影蝦都幾出名，我地成班緊係要試下喇，蝦炸得好香脆，上面嘅沙律醬唔會太多，入口彈牙嘅蝦球配上沙律醬，超級刺激食慾金銀瑤柱炒花膠條呢個金銀瑤柱炒花膠條廚師炒得夠乾，份量十足嘅同時炒得夠乾身，餐廳絕對值得一讚因為花膠夠晒多嘅同時成個菜式唔會濕，味道又夠平均。桂花杞子糕餐廳最後仲送左個甜品桂花杞子糕俾我地，桂花杞子糕夠晒冰凍嘅同時甜度岩岩好，又夠多杞子，作為飯後甜品真係唔錯幾個人食幾個餸都食到飽肚，真係好滿足，絕對值得推薦喇

今次嚟到拍板小館搵食！之前睇睇吓電視～竟然見到有黃金茄子！由細到大只係食過黃金蝦～原來我心愛嘅2種東西可以合併㗎！諗都唔諗就叫朋友陪我朝聖！老火靚湯主張冇味精～的確飲落去非常濃郁！飲到材料嘅清甜～有家的味道！前菜青瓜新鮮爽甜～不會俾醋味蓋過～不錯！但其實我好怕餐廳有強迫性前菜....如果可以刪除呢個前菜就好了！黃金茄子主角登場！一放低已經覺得被蛋黃味包圍！炸得好脆～蛋黃足料～每一啖都感受到滿滿嘅蛋黃！但因為茄子比蝦吸油～食落去比食黃金蝦油膩～食第二件已經有啲滯～不過為咗佢嘅創新同香氣～真係值得試一次！椒鹽瀨尿蝦平時食椒鹽瀬尿蝦就係怕佢油淋淋咁剝殻～但呢度係拆殻炒的咁方便～即刻想試吓！炒出嚟係好香～但就係因為蝦肉已入味～反而冇哂瀬尿蝦本身嘅淸甜～我還是喜歡連殻炒或白烚版～瑤柱蛋白炒飯因為叫白飯太唔抵嘅關係～我哋就揀咗瑤柱蛋白炒飯～雖然比較油～但飯係粒粒分明～香氣四溢～但味道就比較普通。

一大班朋友去食飯多數都會比較嘈,所以多數都會去返啲類似大排檔,小菜館嘅地方今次就約係佐敦一間唔係好顯眼嘅小菜館食佢地星期一至日都有$1蚊雞優惠,只要加$1蚊就可以加多樣野食我地就要咗椒鹽瀨尿蝦仔起肉原本椒鹽瀨尿蝦仔起肉係辣嘅,好似辣子雞咁,基本上成碟都滿晒辣椒睇落有啲恐怖,但其實唔算太辣好香好惹味瀨尿蝦仔炸到好似天婦羅咁,好香好脆!而且因為已經起咗肉,所以食起上黎勁方便,好有特色!!而且入面隻瀨尿蝦仔起肉起得超好,唔會爛晒,抵讚!第2樣海鮮就有翠盞鹽焗珍寶蠔,翠盞唔知係咪指底下片生菜,珍寶蠔就夠晒大隻,出面有層脆脆地嘅面包住入面隻蠔就好肥美又無腥味食完個椒鹽瀨尿蝦仔之後重想食下辣野,所以就叫咗碟水煮魚,不過依到嘅水煮魚唔似出面用紅油浸住晒,有啲似酸菜魚,但食落去又辣辣地啲魚肉都幾滑,整到好似魚柳咁,好食食完海鮮之後食返啲普通小菜,第1樣黎嘅係椒鹽排骨排骨細細粒,入面唔會有太多骨出面鬆鬆地,入面又唔會太硬太老好似香口小食多過主菜另一樣係惹味安格斯牛柳粒,不過安格斯牛柳粒唔似得椒鹽排骨咁淨係得肉,重炒咗好多翠玉瓜入去,不過覺得好似油咗啲,牛柳粒一樣整得好淋,翠玉瓜就脆脆地,整體上都幾惹味送

今午公務繁忙，一点半才與同事吃午餐，點知原來拍板两点有下午茶，大、中、小點一律11.8元，知道两点才入座啦。所有食物即叫即煮，好正。日本芝士年糕，24.8元外脆內軟，煙煙靭靱，好有芝士味。至尊柚皮，20.8元。有两件西蘭花伴碟，柚皮好入味，咬落軟棉棉，配上鮑魚汁，好豪的感覺。金沙茄子，58元。太肥膩，茄子吸了好多油，冇下次了。雲腿野菌泡米線，68元。 有木耳、冬茹及勝爪，米線好彈牙，真是意料不到，好過好多米線專門店，湯底不用味精但都好好味。蒸魚云，20.8元。魚頭好滑，味道不錯。以上蝦餃是送的。熱騰騰送上枱，蝦仁大大粒，好爽口，正。

拍板小館做街街坊生意而且小菜特別又好味 所以好full架最好預先book定 先黎一碗溫暖既老火湯 無添加真健康~~避風塘炒瀨尿蝦仔 $128 4.8/5超級美味既海鮮菜式相信好多人都對瀨尿蝦又愛又恨 又好想食又吉損哂手指 冇有怕！呢道菜非常有心機 先將蝦蒸熟拆肉再炸好再加入辣椒同香料一齊炒辛辣度唔會太過火 辣椒味香濃入味 而且蝦肉肉質鮮甜如果份量再多d就正喇 太美味！大連飽魚 $25一隻 4/5飽魚非常肥美新鮮 而且廚師細心清理哂d內臟 非常貼心 飽魚以香蔥同切左粒既陳皮一齊蒸 吸收哂香料既精華 認真值得一試!蝦籽干燒粉絲 $88 3/5粉絲煮得恰到好處 爽口彈牙配料有蝦乾同香菇一上檯d香味已經飄哂出黎 雖然加入左蝦籽 不過略嫌整體淡味左少少 如果可以再濃味d就會更加好食避風塘炒菲律賓大肉蟹 時價$484 4/5超大隻既大肉蟹 雖然唔算特別肥美 冇我最鍾意食嘅橙色膏 但係佢既蟹肉都非常鮮甜彈牙而且真係好好肉 配以避風塘香料炒熟又香辣又惹味 配埋啤酒就冇得輸啦地址:佐敦偉晴街14號地下