捌哥.捌哥特色馬拉茶啡廳

营业中

休息中

呢間又係Mark左好耐想試下既最近想食D外地口味就黎轉馬來西亞餐廳啦🤣order完就會上一碗湯玻璃魷魚雍菜本身就不太玻璃魷魚見都有推介就叫黎試下呢道吳可以分開講因為各件都 無問題但合埋一齊就無化學作用(姐係 菜有菜味咁🤣🥴)菜同魷魚上面有xo醬只食到油啦，之後餘韻就辣一下最後個口得油，無味咁🙈串燒(雞，牛，豬)有得揀3串/6串想試下所以叫各1款呢味餸又吳可以 仔細咁講🤣3種肉 正常發揮👌🏻都食到有醃過既➕分既係上面 沙爹色既醬(之前係一個 泰國餐廳都食過呢款醬👍🏻)不過實際一D都同辣丫鹹丫無關係甜啦 有D蓉應該係 花生醬底➕燒烤醬咁醬👍🏻細滲熱辣辣有蓋上開蓋有股當歸味飄出黎🤨滲係 馬來果邊係 夾雜(姐係 咩都有)當中 有豬腸，豬腩肉，豬手，一字骨各款肉有味，不過就無邊款覺得 特別好食🙊個湯先係 精髓🤩鮮牛油咖央多士又係熱辣辣上場🤨多士有咁上下厚，但都做到脆身😲牛油feel到表面因為多士熱係有D溜油😏夾埋 咖央醬到結: 必食 推介 鮮牛油咖央多士👍🏻👏🏻🎉因為無論 質感，定味道都配合得好好🙋🏻‍♂️p.s. 咁上先$2xx(2個人已經好夠)如果3-4細食叫反咁多既都底食💰#玻璃魷魚雍菜#串

𖣓•𖣓•𖣓幸好不是真的辣死你嗎的辣度咖喱雞飯入口只是微辣的程度 配料份量正常然而咖哩雞肉卻只有一件雞腿 肉類份量連女生大概也不太夠吧肉骨茶配搭的肉類部位有十多種選擇砂煲上枱時嗅到一陣陣的藥材香味 色澤濃厚今次選的大骨肉質不錯 煮得夠腍也入味還有很多超會吸湯的豆卜 大愛大愛最驚喜的是肉骨茶湯水可以無限添飲 完全滿足湯水怪𓏭𖤥 捌哥.捌哥特色馬拉茶啡廳深水埗汝州街188號地下༶ 辣死你嗎配娘惹咖喱雞肉 ₇₈༶ 大骨肉骨茶 ₁₁₈𓏭

見到前面有個食評投訴”態度”， 著實有些擔心，但總要去第一次，否則也不會死心，誰叫我是肉骨茶的“fan屎”呢。 既然去時不抱希望，反倒有驚喜，就餐半個小時，特登有留意員工‘態度’😀，至少聽到兩次‘多謝’，五六次‘唔該’，標題我寫”非常好的態度”其實夸張了，但至少幾客氣禮貌，反而隔離街那家唔會這麼主動和客氣（可能生意好吧）期間起身示意添加肉骨茶， 茶壺亦都好快到。 食物方面，我只點了肉骨茶(細）和鮮牛油咖央多。（有大份肉骨茶可選，但一個人根本吃唔完，細份我剛剛好夠太好了）。鮮牛油咖央多要贊下， 是原件的一片牛油，而不是抹上去的， 这样口味上多了層次感，好食！。 不足的地方： 裝飾掛畫等是這類餐廳的一慣特點，但枱枱凳凳間隔和一般茶餐廳冇異好普通。肉骨茶我希望可以溫度再熱啲。 價錢呢？比隔離街稍貴，但可以用八達通哦， 隔離街那家仍然只可以用現金，今時今日感覺有啲怪。香港多咗好多肉骨茶店，有競爭是好事，有改進動力啊。

服務態度非常差，員工大聲傾計（有點嘈喧巴閉果種）服務的人完全沒禮貌，凶神惡煞態度晦氣，以后不會再嚟受氣（況且食物不是特別），老鼠粉沒什麼特色普通銀針粉撈甜豉油一舊肥都食唔到的豬腩肉，椰漿飯冇椰漿味買成70幾蚊一個，其他同類型的馬拉星加坡餐廳比它好吃！

天氣終於都好返啲，即刻過咗深水埗買電腦嘢順便食個lunch，呢幾年都好興食馬拉嘢，其實除咗好出名嘅嗰間之外仲有好多其他餐廳，今次我就食咗一間叫做捌哥.捌哥特色馬拉茶啡廳。｛Nasi Kerabu 辣死他啦配仁噹牛肉 $78｝其實馬來菜除咗我哋平時食開嘅椰漿飯之外，仲有好多其他嘅香草飯，例如呢度就有好靚嘅藍花飯，配蛋、參巴醬、椰絲、椰菜絲、紅洋蔥、豆角同魚餅，非常豐富，而主菜仁噹牛肉係半筋半肉，又夠香辣惹味！｛Nyonya Laksa 娘惹喇沙 $78｝除左豐富配料，咖哩喇沙湯底加入椰奶去煮，入口係少少甜，帶好重好濃嘅椰奶味，食得辣既朋友記得加辣椒油，感覺更鮮同惹味！

【肉骨茶無限添飲😆亞參喇沙配大愛甜甜蝦膏】新馬菜餐廳除左蘇媽，仲有捌哥！呢間馬來西亞餐廳入面人流唔多，藍色瓦磚配啡角吊扇，有種說不出的風味！最推肉骨茶，仲有無限添飲！✏✏✏✏✏✏✏👅味道：7.5/10 🌌環境：8/10👍🏻推薦：7.5/10 ______________________________【食評篇👇👇👇】🤓🤓評分benchmark參考🤓🤓✏10分 - rare heaven😇✏8, 9分 - 屬高分之作✏7分 - 正正常常，同平時食到嘅差唔多 ✏6分 - 有d失望，expect佢會好食d✏5分 - 伏野，零分重作細滲肉骨茶 $108 (💝8.5/10)-肉骨茶有好多款，我地揀細size既，咩都有d既，細滲肉骨茶，有五花腩、雞腳、豬肚、豆卜、金菇、連肉豬肋骨、豬手-肉骨茶有藥材成份，都算濃，不過安心唔會係廿四味果種苦澀，係有骨湯既甜、微甘涼茶，有d似五花茶、蛇舌草果種回甘既味，但放心，唔係好涼茶，呢種回甘係我飲左三四碗先明顯少少😬-最好係佢可以任飲架！我今日做野無時間飲水，去到餐廳好口乾，我真係飲左五六碗😇-豬手唔多肉，唔太淋，五花腩肥瘦分明-最有趣係我同fd都唔食雞腳同豬肚

要咗一個麵-食落同平時米線唔同-麵質咬落有口感-湯底麵本身惹味，好掛湯，特別好味Kaya多士-多士炕到好鬆化-牛油同Kaya 醬 一半一半，咬落好有質感-雖然好有邪惡感，真係值得一試XO醬蘿蔔糕-XO醬本身有油，所以蘿蔔糕成碟油膩感比較重-蘿蔔糕切做方型，一口一塊，方便食叫咗拉茶☕️-唔記得咗嗌走甜，唔知道可唔可以走甜，本身茶有甜味，可以走埋甜，更加好！茶味會更加出色總結：去深水埗地鐵站行2分鐘就到，位置方便。長期都有人排隊等食，餐廳冇得book位，所以先到先得，會特登再嚟食下次試叻沙湯麵同埋肉骨茶

捌哥. 捌哥特色馬拉茶啡廳坐得office多又少運動 成日都會比人話手腳冰冷又面青口唇白，所以呢排都成日搵肉骨茶飲，想改善一下血液循環，今次就黎到捌哥捌哥，想試下肉骨茶係咪真係傳說中咁好飲~捌哥肉骨茶 (豬腳灣) HK$53呢到嘅肉骨茶有好多選擇今次我地就試咗豬腳灣啲肉偏實 有啲難咬開 但係肉骨茶嘅肉味勁濃 而且可以任添 飲完兩碗之後嗰人已經暖返~保怡芽菜雞飯 HK$73我地一入去已經見到每枱都嗌呢道菜好奇心驅使底下我地都order咗呢道菜試下滑嫰嘅雞肉 配搭住黃姜飯 份量都算多但本身我地都麻麻地生嘅芽菜所以都係覺得一般般~咖央多士 HK$24咖央多士係每次食馬來西亞野都必點嘅小食香脆嘅多士配搭埋椰香味濃嘅咖央醬感覺有啲偏甜~佢嘅肉骨茶絕對值得再encore多次係香港唔易搵到間肉味咁濃嘅肉骨茶下次仲可以試埋其他馬來西亞特色野食~

朋友知我鍾意食新加坡馬來西亞野所以推介我要試呢一間娘惹菜，不過呢間野成日排長龍，今日下午茶時間4點幾鐘無乜人終於可以試到。先叫咗個咖央多士配半熟蛋一隻，經典新加坡食法。咖央多的多士焗得夠乾夠脆，佢個咖央醬好食嘅，如果鍾意佢有得成樽買走。半熟蛋加埋甜豉油食扮自己去咗新加坡旅行。另一個餐叫了迷你咖哩喇沙，喇沙最緊要就係個湯底要掛麵，香港好少地方做到不過呢間唔錯。豆腐卜同炸腐皮吸晒D喇沙湯加上唔同的口感感覺非常好。入面有一隻蝦，都算新鮮。佢嘅麵係跟新加坡嗰種鴛鴦麵，即係油麵加米粉，夠地道。飲品就叫咗桔仔冰同埋羅漢果菊花茶，天時暑熱梗係飲凍啦。

出咗消費券，疫情緩和番少少，梗係要周圍食下。深水埗一日遊，搜尋特色美食及咖啡。午餐到呢間富有特色的南洋餐廳，淨係經過見到個門口都想探頭入去八卦一下，更何況美食雲集，今次要食呢度好出名嘅肉骨茶同砂煲老鼠粉。砂煲老鼠粉佢有砂鍋煲或者一碗上，但同朋友覺得砂鍋煲用火一邊熱住唔使凍哂，又有隻流心蛋黃開心好多，就要一大煲。你睇下，原來「老鼠粉」其實係銀針粉，將隻流心蛋攪拌同老鼠粉仲有其它蔥粒、辣椒粒配料搞埋一齊，原來裡邊有好多一條條嘅銀魚仔同埋肉碎粒，食落去慢慢會食到一種銀魚仔嘅鹹香味，仲有辣味會慢慢滲透出來，加上佢地嘅調味料，其實都幾惹味，而且銀針粉幾乾身爽彈，唔經唔覺食下食下就係咁番咗2碗。肉骨茶(三層肉)最主要嘅目的，就係想試佢嘅肉骨茶其實佢原本都有好多唔同材料嘅肉骨茶可以選擇，有雞腳,有一字骨，唔食肉食素嘅都有佢哋嘅肉骨茶主要喺藥材湯底，賣飛佛湯色及味道比較濃厚，絕對係覺得落足料煲嘅，飲落口會覺得比聞起上嚟嘅藥材味冇咁重，容易入口多啲。呢度嘅重點，好似話你飲完嘅肉骨茶都可以無限添飲，不過我已經一個人飲左兩碗啊，要留番個肚飲咖啡同食咖央多士咖央多士望到都知道佢脆卜卜，多士緊係要烘到少少燶先好

之前都有幫襯開，出咗消費券諗住嚟支持下。疫情前繁忙時間要等位，今日入去唔洗等暗喜，但原來係有原因既。坐低打開餐牌覺得加左價，單叫最少$7x。點左碗老鼠粉，朋友就點左個午餐牛肉飯。大家加多杯野飲，見咁貴都唔敢點小食。個老鼠粉拎到嚟我哋都呆左，又細碗啲料又渣，但收同我朋友個飯一樣價錢，想攞張紙巾都話要收錢。埋單時出錯單仲要俾老闆串，我明白市道唔好要將貨就價，但都唔可以太過份，咁既食物同服務質素我真係唔會再幫襯。

路經門口見到個招牌幾特別於是行入去試下，行到入去望下周圍環境啲裝飾都古色古香，都幾特別！行入去同個講廣東話唔正女樓面講一位（之後我聽到佢同人傾偈所以知道佢講嘢唔正），佢望一望我就唔理我，跟住我再講多一次一個，佢都係唔理我有另外一個馬來西亞女樓面人（我估係馬來西亞）就叫我隨便坐！於是我自己搵位坐，望下個餐牌同埋個價錢都比較貴少少，如果好食或者服務好我都覺得值得不過就食物就一般般，服務就非常差叫左過福建蝦面試下個廣東話唔正嘅女樓面攞碗面過嚟就大大力劈落嚟！心諗服務唔好可能啲食物好食可以補救！點知試咗啖湯都係麻麻地同埋個辣椒醬有啲苦味，同埋份量都係一般般！（肯定冇下次）總括嚟講（10分為滿分）味道6分環境8分服務1分價錢5分

食得舒適嘅馬拉午餐！相比起隔離街嘅同類型餐廳，呢間捌哥捌哥少啲人等位，餐廳環境闊落啲，感覺食得舒服啲好味啲！辣死你嗎配娘惹咖喱雞肉$65- 雞腿肉唔算大份，不過咖喱非常惹味，用嚟送飯食一流。個飯冇乜椰漿味道，不過賣相幾靚。推介！辣死他啦配仁噹牛肉$65- 個飯用咗碟豆花嚟調色，其實味道同綠色嘅椰漿飯差唔多，牛肉煮得好軟同入味。呢個飯同其他配料唔係好夾，比較分開嚟食，鹹蛋有鹹蛋嘅味道，生洋蔥有生洋蔥嘅味道，不過整體都係好味嘅。招牌老鼠粉$58- 老鼠粉即係銀針粉，調味較淡，仲有幾塊魚片同五花腩肉。我哋用咖喱飯嘅參巴醬撈落老鼠粉一齊食，惹味好多！餐飲都好有特色，朋友試咗拉茶，我就叫咗美祿，好大杯好濃味！今次嘅午餐體驗唔錯，下次有機會都想推介俾朋友！

我本身都幾鍾意食馬拉菜，最近知道大圍開左呢間馬拉餐廳即刻約埋朋友嚟！🤩2點到都仲係滿座，果然受歡迎！⚪️ 肉骨茶豬腳彎 + 藍花飯 ⚪️肉骨茶係藥材味果種，個人感覺同蘇媽蘇媽既肉骨茶差不多，好好飲～亦可以添飲，豬腳彎就好腍，整體唔錯。藍花飯就賣相幾吸引，有少少椰汁味，但唔會好濃。😋🟠 我知你啦薄餅配娘惹咖喱雞 🟠咖喱好香好濃郁，係好適合點薄餅黎食，咖喱算係偏辣，仲係越食越辣😂哈哈～幾惹味😋雞肉煮到入曬味但又唔會好乾。我同朋友都鐘意飲肉骨茶，所以我地都添飲多一碗冇叫其他嘢飲。本身仲想試蝦麵，但當日賣哂 😟整體都幾好食～可以再幫襯

云云馬來西亞菜中，我對肉骨茶和蝦麵情有獨鍾，每次點餐必定選擇這兩款菜式。不執著於菜式是不是正宗馬來西亞烹調方法，用心嘗試每間餐廳廚師的手藝。若大家坐下來抬頭望望牆上手繪畫和馬來風光相，配以淺色的牆身和深色的木柱，彷彿置身於馬來西亞。我點選午餐肉骨茶細滲配椰漿飯及檳城福建蝦麵。肉骨茶的濃烈藥材，香味撲鼻久久不散，深色的湯令人急不及待試一啖，味道甘甜帶少許苦味。配菜主要有金菇、豬手、鳳爪、三層肉。爽脆的金菇吸收湯汁，入口清新。豬手和鳳爪比較硬，準備時間不足。三層肉的肉質比較滿意，脂肪比例低，肉質軟滑，唔錯。檳城福建蝦麵中規中矩，油麵無驚喜，蝦🦐香味撲鼻，可惜入口無味，失望😞。三層肉比較稱心。美祿恐龍一點也不馬虎，每一啖都好濃郁，不會因為冰碎溶化影響味道，杯內放上一兩粒蜜糖星星，令視覺上有點新意。