文興酒家 (大明里)

营业中

休息中

今日朋友上嚟探香噴噴👶🏻，帶咗佢地去食遠近馳名嘅文興酒家，連查理斯王子🤴🏻都食過😱😱燒味雙併泰國櫻桃鴨配文興叉燒皇💖櫻桃鴨外脆內軟，肉質鮮嫩，最好係起晒骨，而叉燒選用半肥瘦豬肉，夠哂juicy🤤太白花雕醉鮑魚花雕酒好入味，酒香撲鼻👃🏻濃郁，鮑魚爽口，配上蓮藕，帶微辣🌶️，雙重口感與享受😋黃金炸大腸🐷炸大腸外皮香脆，有光澤，配菠蘿🍍墊底，酸酸甜甜又幾夾，可以中和一下，食多啲都唔怕滯文興香酥鴨🐦店員即場開鴨，提供京蔥、青瓜🥒條同新鮮出爐餅皮，餅皮夠晒薄，配上特色海鮮醬，超級惹味豬油渣炒芥蘭🥬文興招牌炒飯🍚炒飯粒粒分明，飯有蛋香，配上鮮蝦仁🍤、蛋白等，好有特色，份量十足，足夠五人食用中式心太軟🍮燉蛋白，中間有桃膠，面頭配上雪燕，仲有淡淡嘅杏汁味，夠晒矜貴滋補，秋天🍃食真係好潤呀

入嚟大埔踩完單車🚴‍♀️喺大埔墟附近搵美食呢間週末一樣好多人😆 好多外國人都好鍾意嚟呢間❤️ 隔離就有一檯英國人食緊🔆燒味雙併泰國櫻桃鴨和文興叉燒皇叉燒肥瘦均勻充滿蜜香味 肉質腍軟櫻桃鴨嘅皮燒得好脆🔆太白花雕醉鮑魚鮑魚切咗薄片 花雕酒味勁濃郁香甜 仲有蓮藕片 作為前菜好開胃👍🏻🔆黃金炸大腸大腸切開一半 內外都炸得勁脆 送啤酒🍻一流嘅小菜🔆文興香酥鴨（半隻）香酥鴨喺第一次食 鴨醃得鹹鹹香香 好似食片皮鴨咁 有一張張薄皮包住啲鴨 加上青瓜，蔥甜酸海鮮醬包埋一齊食 😆幾新奇好食😋🔆文興招牌炒飯一上菜就聞到好香嘅蛋味 有好多蝦、海鮮、菜、蛋白炒飯 炒得好乾身 好好味🤤🔆豬油渣炒芥蘭 豬油渣真喺好香 芥蘭菜唔會太生太硬 大家都話好出色 又唔會覺得好油🔆中式心太軟個個都讚甜品 第一層喺雪燕絲 然後有杏仁汁燉蛋白 中間仲有桃膠 唔會好甜 📍 文興酒家 (大明里) (大埔)大埔大明里5號地下2號舖

*****不外如是叉燒飯*****有日突然好想食叉燒，見openrice d 食評話呢度叉燒唔錯，好，咁帶著期待既心情黎試下啦。賣相OK既，但食落點知得個甜字😅，唔係我想像中小小燶邊果種🥺，好普通，唔覺得有幾好食，吹到咁巴閉🙄個人覺得唔值呢個價錢。。。😅差唔多成舊水埋單，環境又細又迫，感覺污糟，坐得唔舒服，只想拿拿臨食完走。🥲#又比食評呃左🤷🏿#唔建議！#唔推介！#無下次！P.S. 呢度落單呀姐態度好差。

今日捉埋男朋友黎文興酒家食lunch 聽講呢間文興酒家喺英國好出名，依家喺大埔都有分店啦，黎之前已經好期待食完勁滿足果然無令我失望🫶🏻咁難得嚟到梗係要叫哂佢地嘅招牌嗌咗個燒味雙拼🤟🏻泰國櫻桃鴨加文興叉燒王佢哋個招牌泰國櫻桃鴨真係超香煙燻味好好味，而且啲肉好嫩調味好適中仲好juicy 啖啖肉😍😍😍而叉燒皇亦都係超靚位仲要半肥瘦 軟腍入味😋前菜我地仲點咗個太白花雕醉鮑魚酒味好香濃！鮑魚爽口，彈牙好味仲有啲醉蓮藕拌碟，同樣係好爽脆另外金沙琵琶豆腐，超有驚喜嘅炸豆腐。出邊包咗一層鹹蛋黃😍外酥內軟鹹鹹香香香，真係講起都想再食！仲有胡椒豬肚雞，啲雞好嫩滑個湯都好香！最後要大讚呢個文興炒飯，真係我食過最好味嘅炒飯！飯粒粒分明再加埋脆卜卜嘅櫻花蝦，超香口超有鑊氣🥳🥳🤩咁高興梗係食埋甜品啦，點咗中式心太軟，原來係類似蒸蛋白嘅甜品、裏面仲加咗桃膠等等嘅配料，勁滿足🤓🤓下次會帶埋屋企人再去食！

這次週末去了大埔，聽聞呢度有間出名的燒鴨店，所以來試了。午市時間來到，差不多滿座，所以要搭枱，午市有套餐點，較為化算。燒鴨好食，好香鴨香，皮脆，肉質偏瘦但一啲都唔柴。燒肉皮唔算超脆，但質素尚可叉燒普通 但合格咕嚕肉有好多新鮮水果配菜，味道可以，但不是外脆內軟

想食香港正宗又好味嘅燒鴨同埋叉燒，唔係咁易搵到。今次有朋友介紹，專程坐車入嚟大埔食燒味。餐廳裝修別緻又衛生，坐低即刻叫咗一份叉燒燒鴨雙拼。叉燒好重蜜糖味，鮮肉非常嫩口，加上燒烤做到外脆內軟，非常推介。燒鴨皮下脂肪少，感覺比較健康，皮脆肉嫩，真係好正。接著揀左一碟「魷魚炒河粉」，濕炒醬汁好香濃，份量好大，足夠4-6人食。另外，叫左一個冷盤「酒煮鮑魚」，鮑魚設成薄片，好爽口彈牙，帶有少少酒味，幾特別。仲叫咗「火龍果咕嚕肉」，甜甜酸酸，好開胃，仲有新鮮嘅火龍果、加上配菜：紅椒同埋黃椒，賣相非常吸引。另一味係「絲瓜炒牛肉」，牛肉既嫩滑又惹味，調味非常適宜，不會過淡又不會過鹹。仲有「紅蘿蔔粟米排骨湯」味道清甜，好有住家風味，健康又味美，超喜歡。酒樓竟然有茶餐廳嘅飲品可以選擇，咖啡奶茶、冷熱飲品，同樣有供應，今次用餐非常滿意，下次一定再嚟。

依間位於大埔既餐廳主打中菜,係英國開首店再係香港開分店,憑櫻桃燒鴨成為佢既招牌菜,並曾獲米芝連推薦,品質絕對有保證是日靚湯($98/一鍋)一鍋既份量都分到好多碗,味道清甜吾會重味精粵式燒泰國櫻桃鴨($159/半隻)櫻桃鴨以上等穀物飼養,無任何激素及抗生素,食落去外皮好脆而且肉質嫩滑,去骨既燒鴨食落去啖啖肉,配味道帶咸甜既秘製醬汁更加突顯燒鴨既鮮味文興叉燒皇($119)叉燒邊位帶焦脆,蜜汁味道岩岩好,半肥瘦食落去好鬆軟太白花雕醉鮑魚($58)鮑魚厚肉彈牙,洒味比較重,蓮藕味道帶辣好香口黃金炸大腸($108)炸大腸外皮吾會太厚帶脆,食落去有咬口吾會太韌同乾,配火龍果配搭好新鮮文興香酥鴨($208/半隻)店員會即場切開,香酥鴨外脆內軟再包住京蔥絲,青瓜絲同熱烘烘既餅皮食,口感豐富仲可以減輕油膩感文興招牌炒飯($128)炒飯粒粒分明,有蛋,蝦同帶子中式心太軟($48)蛋白既上面鋪滿雪燕,口感滑溜帶椰汁味,入面仲有桃膠層次豐富好滋潤

第一次食係london食過~個時同朋友想回味港味, 已經覺得好食。返香港後,已經係大埔食過2次, 水準都係高, 2次晚市都要排得比較耐, 所以今次決定同朋友食晏兩點去到,我地四位唔洗等。諗住晏晝唔洗食成隻鴨, 樣樣想試d , 就叫左燒味雙拼必叫係個櫻桃鴨, 一d都唔乾, 燒得皮脆又保留到肉汁, 令次都切叫, 唔會失望估唔到個叉燒都唔錯, 肉質好淋身, 又唔肥膩 , 每人幾舊,過足癮再叫左個酸菜沙巴龍躉, 本身諗住想試下, 點知有驚喜我最鍾意龍躉有炸過, 夾話唔易散, 食落又香滑, 個煲有年藕, 木耳, 蒿荀, 薯粉, 個酸菜湯底都幾岩口味, 唔會太酸另外叫左個金沙琵琶豆腐, 又係值得推介, 粒粒都沾滿蛋皇, 超正~~最後要推介埋個中式心太軟, 見到個名甘特別, 就試試佢, 其實係燉蛋+奶, 再配類似椰汁, 加雪蛤膏同桃膠我覺得非常滿足既一餐最緊要食完唔口乾, 夜晚黎食就要早d黎,唔係有排等~

有朋友喺英國返香港探親，話有間喺倫敦好出名嘅燒味舖香港都有做，介紹我哋去食，佢話連英皇查理斯三世都有去過。呢間舖頭喺大埔，出名燒鴨，就去試吓。舖頭唔係好大，但伙記就好熱情咁招呼，已經抵讚。👍先嚟個燒味雙拼，燒鴨拼叉燒皇。燒鴨上碟時仲熱嘅，皮脆肉嫩，舖頭入面有張poster話佢哋嘅燒鴨可能係世界上最好食嘅燒鴨，我唔知係咪最好食，不過真係幾好食。叉燒大大舊，又唔鞋，唔錯。😋😋跟住嚟碟花雕醉鮑魚，一上嚟已經聞到好香嘅花雕味，食落去好腍又浸得好入味，鍾意食酒浸嘢食嘅朋友一定話正。👍👍再嚟一盎例湯，份量十足，每人起碼有2碗。用料新鮮，冇味精，應該㷛咗好耐先咁出味，抵讚。再嚟半隻香酥鴨同炸大腸。香酥鴨夾埋大蔥同青瓜再包住嚟食，別有一番風味。炸大腸就洗得好乾淨，冇酥味，炸得啱啱好，外脆內軟。單尾嚟埋個招牌炒飯，用大大隻嘅鮮蝦同其他配料炒，飯就粒粒分明，冇黐埋一舊舊，炒得好香，好味道。再叫多個甜品，中式心太軟，不過呢度就失色咗少少，扣咗啲分。整體上呢間食物嘅質素都係水準之上，喺大埔可以食到咁高質嘅食物真係有啲 surprise ！👏👏

一家四口嚟到大埔行街購物，呢度好多餐廳可以選擇，見到呢間門口廣告有大大隻燒鵝，鍾意食燒鵝嘅我，梗係一定要入去品嚐。前菜叫咗一個冷盤「酒煮鮑魚」，鮑魚好爽滑，有少少酒味。接着係我最想食嘅「燒鵝叉燒拼盤」，叉燒好重蜜糖味，鮮肉非常嫩口，加上燒烤做到外脆內軟，非常推介。燒鵝皮下脂肪唔多，比較健康，皮脆肉嫩，真係食過返尋味。另外小菜揀咗「火龍果咕嚕肉」，甜甜酸酸，好惹味，仲有新鮮嘅火龍果、加上紅椒、黃椒做襯托，賣相非常吸引。接着係絲瓜炒牛肉，牛肉非常嫩滑，而且好惹味。仲有「紅蘿蔔粟米排骨湯」好似住家湯水一樣，味道清甜，無味精，超正。主食揀左一碟「魷魚炒河粉」，份量好大，好足料，好抵食。夏日特飲「檸檬梳打水」解渴又醒神。

雙拼燒味（粵式燒泰國櫻桃鴨同蜜汁叉燒王）嚟到呢間餐廳當然要試吓最出名嘅泰國櫻桃鴨，以有機飼料飼養，令肉質比平時更加嫩滑，叉燒肥瘦均勻，表面塗上蜜汁，朋友讚不絕口！太白花雕醉鮑魚鮑魚肉質軟腍，入口散發陣陣花雕酒香，旁邊更有蓮藕片半碟，香辣惹味，令人忍唔住一口接一口！是日靚湯（$98/每鍋）當日係豬骨蘿蔔湯，非常足料，清甜消暑，完全冇味精，係有住家嘅味道！一鍋可以裝滿接近10碗，值得一試！特色生果咕嚕肉咕嚕肉表面炸到好香脆，酸酸甜甜，餸飯一流～以火龍果取代菠蘿，坊間比較少見，都幾特別！文興小炒王小炒王超有穫氣，相當足料，有韭菜、魷魚、腰果等，味道豐富！豉椒魷魚炒河雖然外貌平凡，但係味道有驚喜！加入少少辣椒醬，令豉椒炒河更加惹味～ 除咗魷魚之外，仲可以揀排骨、肉片等～

網上有人介紹,老遠搭車入左,星期五第一次幫襯,一行二人六時前到冇book位,晚市竟然要搭始,一張四人長形枱以膠板阻隔,再加上食物普通,收加一服務費冇問題,但員工會比壓力食客早點埋單唯一優點係環境燈光舒服

大埔區的出名的中菜不多，這家文興酒家在中環有一家，現在開到來大埔真難得！聞名的燒鴨一定要吃，上菜時還暖暖的，擺盤整齊。吃起來不油膩，鴨皮薄又脆，肉肥瘦適中，整體是值得一試，推薦！香口即炸的黃金蝦很吸引，炸得剛剛好，蝦不算特別新鮮，但加了蛋黃炒就係定好味道！酸菜魚是比較貴的菜品，菜名叫特式酸菜沙巴，$328，有新鮮的沙巴，魚肉很滑，但是太辣了，也不酸，如果想挑戰辣度，可以試試，如果怕辣，可要求減辣。小炒王份量比較少，但好好食！

呢間燒味酒家最近不少人慕名而來，專程來試一試燒味燒鴨係咪同傳聞中一樣。點咗一定要嚟食嘅燒鴨，半隻份量適中，侍應有問需唔需要去骨，揀咗唔需要去骨嘅。燒鵝嘅皮十分脆，肥瘦適中，油脂燒到已經接近溶化。肉質亦都係適中唔會過硬。燒鵝本身醃得入味，燒咗之後帶少少木香及油脂香非常好食。跟燒鵝上一碗豉油醬汁，味道偏甜唔會太鹹，配合燒鵝嘅肉味油脂味剛剛好唔油膩。另外點了另一道比較多人點嘅名菜，冰梅骨。同想像中嘅唔同，冰梅骨偏淋同埋味道比想像中冇咁濃郁。個人比較喜歡燒鵝多一啲。

早前已經聽聞大埔有間好味燒鴨店，可惜港島人好少入新界，始終都未能品嘗，今日假期去沙田文化博物館作最後朝聖前，尊誠先去大埔墟文興酒家一嘗傳說中最好味嘅燒鴨👍🏻雖然說是假日，中午食晏時間但都沒想像中多人，不用等位可直接入坐。我比較貪心，唔止想試燒鴨咁簡單，就叫了燒肉燒鴨雙拼麵。上菜後份量都不少，燒肉皮脆肉嫩，調味適中，十分好味。燒鴨竟然給了鴨肶，十分喜出望外，試一口，皮很脆，肉亦嫩，皮下帶少少脂肪剛剛好，有口感之餘又不會太肥膩，的確是比其他的燒臘店出色，唯獨那碗麵就真的很遜色。咁好食的燒肉燒鴨，連埋茶錢都唔洗八十蚊，十分抵食，下次有機會再嚟新界會再嚟幫襯。