文華饕記 (已結業)

呢間餐廳所在嘅位置，之前都做過唔同類型嘅餐廳，但都因為價錢定位問題，又或者食物質素等等嘅原因，都係做得唔耐。但係呢一間餐廳，除了地方大，容易搵位之外，食物質素都維持得好好，價錢又很合理，好適合喺附近工作嘅打工仔午膳。佢每日有唔同嘅午餐選擇，但係每一次我都會俾佢嘅咖喱吸引到，因為真係好香。炒粉麵飯類亦係另一樣值得推介嘅嘢食，好有鑊氣之餘，仲好多餸，完全唔馬虎。呢碟鹹魚雞粒炒飯有好多鹹魚粒，比以前食開嘅茶餐廳濃味好多，雞粒仲好大舊添。

又一間黃店俾人打爆玻璃，CCTVB 繼續唔會播 😡 大家都要努力啲黎懲罰佢呀! 我7點黎到等咗半個鐘就入到去，大家都好識做，食完即走，俾返啲位人黎到呢啲冰室，試一試佢個常餐先 雜菜牛腩粒茄湯米線 📍$50湯底好似羅宋湯 😋 好足料，好鮮甜，牛腩份量仲好多懷舊風味沙嗲牛肉通粉 📍$48沙嗲味正常，牛肉都唔會老，簡簡單單已經好足夠2個餐都跟鮮奶炒滑蛋 🍳同蒜蓉多士 🥪，個蛋炒得好滑，多士都好香口，充滿牛油同蒜蓉味

今日做完gym餓餓哋，行過呢間茶記，見裏面人頭湧湧，心諗一定係好嘢。好彩唔使等好耐就有位。叫咗幾個侍應都未有人幫到我落單，正常就要俾嬲嘅，但係佢哋每次都好有禮貌咁同我講未得閒，轉頭先。咁都真係眼見佢哋忙到嘔，就算數啦。講返嘢食先。唔知食乜好就嗌佢哋嘅招牌啦，蕃茄湯底牛腩粒公仔麵。個餐真係普通茶餐廳都有，咁夠膽做招牌菜，真係有原因。首先個湯底真係夠濃又多蕃茄粒，啲牛腩夠淋又有牛肉味。菜式平凡但睇得出背後嘅心機，抵讚👍🏻

灣仔北至石塘咀嘅海濱長廊舊年終於開通，可以望住維港跑真係幾正! 跑完一心去新景園補給，但去到接近9點舖頭已經打烊，唯有問下店員附近有咩黃店推介，來到文華饕記。店內全卡位，有2層坐得幾舒服。我地叫左3個晚市套餐，大大碟豉椒炒蜆、栗子排骨煲、芥蘭炒臘味，都係家常小菜，冇咩味精。 套餐$68小菜跟白飯和湯或飲品，大碟抵食見到有D食評話服務差，我哋又唔覺喎，可能店員哥哥講嘢個tone比較平，但絕對有禮貌，食物好快送到，值得多d幫襯!

今晚無意中經過這裏，見入面不少人，就試試，選左晚飯套餐，有蒜蓉開邊蝦，節瓜粉絲煲，炸子雞，清蒸沙巴龍躉，重有西蘭花炒班球，想不到很美味，食物質素高，味道好，價格合理，套餐價但份量非常足，值得推介！沙巴龍躉味鮮，肉質鮮嫩，質素拍得住高級酒樓；蒜蓉開邊蝦味道鮮甜；炸子雞竟然係有足半隻，皮脆肉滑，yummy! 餐飲可選了豆漿，豆漿味濃，不錯，但略嫌等得久了些，可能太多客人的緣故吧是家常晚飯的非常好的選擇呢

假曰約左朋友出街，但懶懶閒遲左出門口，於是只好搵間簡簡單單既茶餐廳快快脆食左個午餐先， 見到呢間好多位就入左去。 我嗌左個我茶餐廳最愛-雪菜肉絲米，貪佢好食又唔會太肥膩。而且呢個餐仲有多士同炒蛋，夠哂滿足。 其實本身無咩期望嫁，不過一食落口先發現呢碗非同尋常，同平時食既雪菜肉絲米好唔同，因為佢係有蝦米既，個調味即刻唔同哂，成件事升級左，而且佢唔止有雪菜，另外仲有條菜，睇得廚師係用心調配過，唔係普普通通咁放d雪菜就算，係有心機之作。宜家有茶餐廳肯係用料上咁有心思唔多嫁喇，要一直保留住呀！

灣仔文華係灣仔附近辦事完畢, 來到文華饕記食個late dinner. 餐廳位置方便, 係電車路附近, 集成街口,有2層, 地方闊落光猛, 坐得舒適.點了精選晚餐粉絲節瓜蝦煲. 先來一客例湯, 先要讚湯不只熱, 而係滾! 好正. 冇問係咩湯, 但應該係豬骨玉竹沙參之類的滋潤湯水, 無味精! 餐廳用上質料較上乘的黑色瓦煲. 蝦煲同樣熱辣辣, 驚喜的是有8-9隻中蝦, 蝦肉新鮮彈牙無霉肉,節瓜切得幼細,烹煮時間適中保持爽口. 寒天食到個胃暖笠笠.一路睇著餐廳電視播的港台31/32一路食, 中途來了4位外國人客人. 看見店員端出英文餐牌,好有耐性地解釋落order.有潛力做得住! 支持！

夜晚嚟到呢間茶記，電視做緊直播，我同朋友叫咗幾個小菜晚市小菜跟例湯，白飯，飲品，先落咗4杯凍檸茶店員服務幾好，同我哋有講有笑柚子骨好精緻，排骨肉質幼滑，結實得嚟有嚼勁配上柚子蜜調配嘅醬汁，酸酸甜甜別有一番風味呢道小菜係茶記黎講算係幾精緻魚香茄子煲熱辣辣，店員有提醒我哋小心辣親感覺成煲油份太多，但係啲肉碎好香，茄子每條都索哂汁嘅香味如果可以落多啲鹹魚就好欖菜炒嘅四季豆夠火候，有少少肉碎同菜脯添，每條豆都炒得乾身唔膩，而且沾滿欖菜，食落脆口3款餸菜都超級好餸飯！

魚香茄子飯好味。常餐的沙嗲牛肉公仔麵，係用出前一丁，牛肉亦都唔錯。中湯亦都好足料，唔覺得有味精。熱奶茶都好味，可惜沒有瓦杯上。 臨走前留咗條頸巾，員工有善提醒我叫我攞。

菜心炒牛肉，原本係芥蘭炒牛肉但係我鍾意食偏淋菜心，侍應可以比我轉同整淋啲。要讚佢嘅炒牛肉，唔似一般餐館炒嘅牛肉，因為我好怕啲牛肉好硬及那到無牛味，呢度嘅炒牛肉好香好有牛肉味。👍🏻清蒸桂花魚，一啲都唔腥仲好滑，蒸魚豉油唔會太過咸。👍🏻時菜豆腐魚雲湯，呢個真係要讚，冇味精，小朋友話要添多碗。👍🏻可能轉走咗舊嘅人手，亦唔係想像中咁多負評，今次員工服務不錯，有笑容。特別有一個好似韓風嘅男侍應笑容殺食🤣，希望繼續保持水準。

喺灣仔，垃圾級茶記大把，什麼金鳯，只有蛋撻係最掂，可以講係全灣仔最掂，其他食物直頭可以畀動物食。彈島咖啡...更加超難食。呢修街有華星，越南嘢，日本牛排...間間都食過，係未食過呢間。今日lunch行過見到，條隊唔係好長，即管試吓。午餐，肉餅，👍我對肉餅好有要求，亦試雲好多酒家，茶記肉餅。呢個肉餅唔乾，有咬口，豉油配搭啱啱好，雖然唔及筲箕灣肉餅王咁掂，（如果你未去過，要去試下。）但都不錯。以lunch價錢計，應該係全香港10名以內好食，可以一試。點解咁講，如果你收到70,80蚊先好食。我唔使食肉餅啦。

這五個月內發生太多太多不堪的荒謬事，以前絕對唔相信居住的地方會視人命如草芥，一向重視民主自由的地方，卻換來高官們視若無睹的剝削，換來每個實彈的攻擊，對不起，這不該是五十年承諾所發生的。換個消費模式，對放棄下一代的店舖絕不光顧，還有很多很多站在良知一方的餐廳，包括這間文華饕記。在夾公仔的app 內找到他，店內亦有不少文宣，播著港台節目，我點了早餐沙嗲牛肉出前一丁及茶走，估不到原來每份早餐都包括奶油豬、炒蛋。（早餐$38）超推介奶油豬，好脆。茶走，茶膽很濃在收銀處，看到店方放了Pepe 貼紙供食客隨便拿取，職員看到我的小孩子很喜歡貼紙，他還送上朱古力，滿滿人情味的茶餐廳，以後會多多光顧良心小店，讓愛傳出去

有一日，黎左呢間茶餐廳食早餐，早餐到11:30都有，唔驚遲左起身無得食。餐廳好多卡位，坐得舒服。電視播viutv，扺讚💛早餐多選擇，實有一款啱食。揀左a餐，牛腩粒蕃茄通心粉，炒滑蛋，蒜蓉多士，熱檸水，$38，灣仔區，扺到爛！好快黎齊野食。望下個牛腩粒茄通，d牛腩粒多到，成6舊，仲要厚切大大粒，好過份啊，無試過食到咁滿足嘅茄通。💛💛蒜蓉多士，好香蒜蓉同牛油香。炒滑蛋，真係幾滑，同埋好大份，足足半隻碟，唔似得某d茶餐廳淨係得一角仔。完全唔知點解咁多差評啊，姐姐服務態度唔錯，食茶餐廳你都唔expect五星級服務啦，正常落單，送餐，收碟，抹枱，好過唔少茶餐廳。要多d幫襯，大大力懲罰小店。💛💛

以前常去灣仔，經過此店多次，但受OpenRice 負評多影響，未有幫襯過，終於今天有機會一試，真心覺得唔錯！難得是常餐都有多個選擇，好像我所選的香煎雞扒司華力腸湯麵餐，才$52，有扒有腸有滑蛋及多士，非常豐富抵食，最欣賞是麵內有條淥得剛剛好的靚菜，好加分！另外想讚讚有位紅色短髮的靚仔店員，個樣成個韓國oppa 咁sharp，經常面帶笑容而且十分勤快，如果唔係怕醜及驚俾人誤會，真係好想偷影佢呢😂😂😂

出差後返香港，約咗朋友灣仔食飯，見個靚面兼派下手信。由於灣仔係佢地頭，所以請朋友發板，我就得一個要求「港式」，事關個幾星期無食常餐，好掛住😭.朋友揀咗呢間，因為近佢公司同水準幾好。我㩒開條link嗰下，心諗咁大整蠱，好多負評喎⋯不過佢話同同事食過，唔差，咁梗係信住先啦😂.叫咗雪菜肉絲湯米配炒蛋多士，凍奶茶；朋友就食咖哩豬排飯。本身同朋友2個坐哂一張卡位枱，但之後嚟咗6個人等位，所以侍應姐姐請我哋調去另一張卡位枱。正值午餐高峰期，搭枱坐是常識吧～.老老實實，常餐唔會有咩期待，餐送到嚟都無咩驚喜，好正常嗰種😂不過食落真心覺得有驚喜，呢度嘅雪菜肉絲米加咗蝦米落去，個蝦米味勁香濃（係好食蝦米，唔係得個樣，無味嗰啲，誠意貨嚟），雪菜唔會太咸，米粉好大一碗，食極都有雪菜肉絲，食到尾都有餸（絕對唔係連鎖快餐嗰啲得2啖）。唯一要挑剔，大概係多士烘得唔夠耐，唔夠脆，但又未到未烘過嘅階段，在可接受範圍內。.凍奶茶，茶味夠濃，夠冰凍。食哂成個餐，仲有冰㗎！（而我同朋友食嘢都係烏龜速）夠凍嘅凍飲，今時今日唔易搵㗎⋯你明啦，錢就畀足，但唔夠凍嗰下真係⋯⋯🤦🏼‍♀️.食食下，侍應姐姐走過嚟同我哋講唔該，我同朋友2個