文華饕記 (已結業)

重要說話講三次，千祈唔好嚟千祈唔好嚟千祈唔好嚟。午餐見到新開張黎試下， 見到餐牌啲嘢都正常，叫咗個最穩陣嘅瑞士雞髀紅腸飯，都可以冇味又乾。同行友人叫咗欖菜肉碎炒飯， 豆角與紅蘿蔔完全未熟直頭係凍嘅感覺好似求其搵啲嘢撈埋。凍飲券叫咗少甜同冇小甜冇分別 仲甜過平時。重點係都唔明點解間餐廳開咗冇耐，都可以有大量烏蠅喺度飛嚟飛去。睇到都唔開胃。週年啲碗碟都好似用咗好耐咁，刀差又唔乾淨。環境又嘈， 講真如果要平佢又唔係平，完全冇原因再來。

呢間嘢係我屋企樓下，應該開左個零月，吃過幾次早餐及晚餐。我嫌佢啲冷氣太凍，地方始終新開都算乾淨，座位都幾闊，適合我呢啲肥仔。早餐個牛扒及脆豬質素ok好少地方有甘嘅水準，另外個沙嗲牛肉湯麵都幾好食，值得推介。下午茶個炸蝦多士同芝士流心多士都幾好味，食完係會覆桌。至於晚餐個豆腐魚頭湯👍👍👍👍👍，炒果啲小菜同炒飯好有鍋氣，同大排檔有得揮，我地一家大細成落都落去食。午餐附近太多寫樓，太多人排隊⋯⋯未試過⋯

This restaurant used to be a steak house called Carlo Riva but now it is a Hong Kong style cha chaan teng.I was still hungry after dinner so went here to get a second round.Ironically I sat on the same table that I sat before on the previous visit and ate something similar.I had the HK style toast filled with runny cheese which was also a cheese as I had raclette when I went to Carlo Riva.Anyway, the lady asked me if I wanted syrup with it and I was like Hell no. Syrup and Cheese, hmmmmm but any

見新開張，門口貼著餐牌介紹的食品唔錯，所以進去幫襯，我選擇了午市套餐的咖哩雞飯，咖哩雞與白飯是分開碗上，但我從未食過這樣的咖哩雞，就像下欄嘢的頭頭尾尾，每塊雞都是又細粒又碎，可從相片中看見，食完後有這麽多骨，人生中第一吃到這麼劣質的咖哩雞飯。還有，當時我坐在近廚房門口和水吧前面張枱，水吧內是有爐具煮食的，原本冷氣都幾好的，但突然頭上部冷氣機被人關掉了，攪到一路食一路抹汗，食市唔夠冷氣是大忌，我唔會再去幫襯。

出開灣仔，見到一間新開叫文華饕記，入去試試新嘢💢環境夠哂光猛，座位相當多，我坐卡位，部冷氣開得好行，坐底無耐凍到要著外套早餐叫咗碗五香肉丁通粉，仲有滑蛋配奶油豬仔飽 點可以唔試？正所謂希望越大，失望越大 奶油少，豬仔飽唔夠熱，亦唔覺得脆，滑蛋會好啲，喺夠滑五香肉丁通粉，屬正常味道🙄 叫完杯凍華田先留意到餐飲有凍豆槳，如果叫三文治/多士/包餐，仲有自製酸梅湯/ 椰汁西米露選擇 如果飲慣奶茶檸茶嫌悶嘅話，有多幾個選擇比人揀都幾好！

同朋友去試下新茶記, 本來我地想叫午餐嘅干炒牛河, 不過個阿姐一味話一常餐抵食過午餐, 咁就叫左常餐A同B:香煎雞扒同吉列豬扒 : D嘢食尼到已經覺得細: 雞扒冇味, 好似灼左之後係咁依煎下就比你, 豬扒又薄又細, 細過我掌心，薄過條電話义電線, 所謂芙蓉蛋乾嘅, D嘢食又唔熱, 簡直不知所謂。$45 一個餐 + 凍飮加$3 一個人. 

呢間餐廳最近新開張，午餐時間都會有好多人排隊😳，但佢入面幾寬敞，所以入人都幾快同坐得幾舒服。👍🏼選擇都幾多🤤，有茶餐廳嘅麵餐，如常餐：又會有午餐，日日唔同！都有其他嘅即炒碟頭野嘅，𣎴過預20分鐘啦，因為佢都好忙，呢d時間。🙈今次我就叫左個老干媽炒雞絲河。黎到個賣相就還可以啦。🤔食落味道都ok嘅，不過老干媽嘅味就少左d。如果多番d會好d，因為依加食落會係好似普通干炒河咁。😂見到佢好似會有多一層，第時可能會容納到更多人，希望佢會不斷進步！💪🏼💪🏼