文記傳統車仔麵茶餐廳 (已結業)

舊日牛下最愛食肆除咗三餸飯外，莫過於此車仔面莫屬店内文記姐姐海報樣子仍舊青春動人掙扎良久先決定放棄魚肉翅加三寶都係食車仔麵填妥枱上面嘅點菜紙就交比姐姐煮叫咗水餃，蘿蔔，咖哩魷魚同豬紅面底揀咗幼面因為用餐當日成35度，所以放棄咗辣汁，而要秘汁蘿蔔仍舊出色睇開我食評嘅人（雖然應該好少）都知道我對車仔麵嘅蘿蔔非常執著呢道嘅蘿蔔一d都唔姑寒，刨得深而冇根，大讚魷魚份量特多，食極都仲有，咖哩味濃而香豬紅反而只是中規中舉水餃比較有特式平時街外吃的多只是韮菜但呢道加咗木耳令其更加爽口，正下次我一定要食兩溝

開業超過十年，前身在牛頭角下邨營業，可算是非常地道的車仔麵店。對他的車仔麵倒沒研究，但是超愛它的煎釀三寶，城中之最！炸魚蛋大如乒乓球外皮經過油炸熱氣騰騰，內裡口感扎實之餘，魚肉起膠富有彈性，加上毫無腥氣，絕了！尖椒長出天際，食材新鮮，口感清脆且辣味夠重，連愛吃辣的我也要邊吃邊灌可樂，噴了個火！炸豆腐外皮脆得很，還有微微酥化口感，內裡的豆腐又滑得不要不要的，水份明顯特別足。當日吃了八款煎釀三寶，大多都盡得我歡心，除了這個炸蕃薯，吃起來是硬過頭了。由於我對這裡的煎釀三寶非常有信心，相信只是一時失手，下次再試。第一盤買了八件花了$28，不夠吃又賣了$28，回來看照片才發現少給一件，嗚T_T由於不喜歡吃紅腸，這件自己沒吃到。吃煎釀三寶從來不吃紅腸蟹柳，一是對紅腸無愛，二是覺得蟹柳並非新鮮食材不感興趣，但是在朋友推薦下還是吃了蟹柳。蟹柳是剛炸好的，熱得口裡冒煙，只好張着嘴待它冷下來。蟹柳上的魚肉當然好吃，就是炸魚蛋的魚肉，然而蟹柳就是蟹柳，在超市買回家裡煎一下也是這個味道，其他款式的煎釀三寶還得要洗要切，而且蟹柳幼幼的一條不及其他份量大，所以這個不是不好吃，而是不划算。茄子已經軟透了，咬下去水份

相信只要係九龍灣長大既人都唔會唔識得呢間文記，由牛頭角下村到到而家，真係算係陪住我長大架，細個成日食，大左就少左時間黎，放假日約左三五知己行街，血拼前決定食返個文記回味下車仔麵選擇多，不過當然價錢都比以前貴揀左三個餸，食車仔麵梗係要食油麵再加腩汁，呢種味道令人回味呢度既煎釀三寶，我最鍾意就係魚蛋同豆腐，特別係魚蛋，即炸即食，真係好好味腸粉燒賣，腸粉夠滑夠彈，不過燒賣就比較多粉生菜魚肉，滿滿既一碗，加埋菜脯好正呀

第一次幫襯，由於我係外賣，落左單俾左錢就出門口等，等左五分鐘左右，遲過我落單嘅阿伯個外賣已經出左，心諗可能店員見佢老人家整左佢先，我當讓下老人家。點知十分鐘後，企我隔離個女人嘅 order 都出埋，而佢係喺我等緊嘅時候先至落單，足足遲我五分鐘落，點解反而先過我有？！我即刻走返入去問係咪漏左單，個阿姐先施施然拎我個外賣出黎。車仔麵所有材料都係一早煮好晒，差在係舀出黎，完全唔明點解要等成三個字！好明顯入面班阿姐店員根本唔係跟 order 出單，只係隨佢地想整邊張就整先！食物就好一般，無特別，價錢亦唔係特別平。結論：唔會有下次！

一入到去 d 人勁無禮貌 一入黎已經係咁啤住 跟住點左菜 問佢拎張紙巾又好 比包紙巾都好 都無理我。蟹柳有陣酸臭味 搞到無食到 d 人又勁無禮貌 第二日起身肚痛 去左兩次廁所 (唔好搞 請我都唔食) -100分 係唯一覺得平 其他無話可說

以為標磅傳統，應該味道或態度起碼有一樣好誰知道叫了牛腩、墨丸、豆卜油麵，只有墨丸爽、油麵尚可，牛腩亂放一些肥肉或乾身的皮，豆卜乾涸，味道沒有可推介之處外，態度更是十分差勁，28元號稱送豆漿，送完沒有，更對查詢的客人報以駡聲

食左咁多間車仔面,最like都係佢呢間.因為我係比較鐘意食濃味食物既人!每次去親我都係叫三個送,就係魚蛋,豬紅,牛柏葉.叫呢三個送係有原因:魚蛋係因為我鐘意食,豬紅醃得幾入味,牛柏葉可以索到湯底個汁...湯底我就選辣汁加腩汁.個湯辣得黎幾惹味,如果唔食得辣既人,可能會覺得呢個湯好辣,呢度個湯既辣度係=出面米線店既中辣.

傳統港式車仔麵以前在牛頭角下邨搬遷到來九龍灣新店，傳聞話有重口味道，美味滋味的港式車仔麵，又有香港街頭小食，即刻到九龍灣試食，便知真是傳統車仔麵店！店內地方較狹窄，靠牆有五至六張圓枱，燈光灰暗，地方算乾淨企理，入内已經嗅到咖哩及牛腩香氣濃味，車仔麵餸的種類算多:最好味而最多棒是豬腸，牛腩，豬頸肉，雞排及辣魷魚！其餘有，魚片，魚蛋，辣魚蛋，紅腸，翼尖，蘿蔔，豬紅，豆卜，芝士腸，炸菜肉絲，枝竹，豬耳肉，豬皮，水餃，冬菇，牛丸，墨魚丸，螺肉，炸魚皮，酸甜齋，豬手，鳳爪，雞中翼，午餐肉，鴨胸片，柏葉，牛肚及各款各樣青菜，任君選擇，都令人眼花瞭亂，要再多來多嚐，才可肚滿腸肥，簡單一碗車仔麵，簡單一味道幸福就是開心滿足阿！人生就是這樣！美味恩物！肉質滑膩的豬腸加上軟柔香味的牛腩再配上重口味爽香的咖喱魷魚米粉！調入秘製的辣汁就是最最出色的濃烈味感！鎮店之味寶就是咖哩魷魚及雞中翼，用心秘製其味辣椒咖哩香氣滿喉嚨，雞中翼醬汁柔和肉汁肉嫩非常可口，一吃難忘！午市及晚市推出平價恩食，街坊任何時段都可以滿足五臟廟，選擇多元化，正是一間由心出發的茶餐廳！

叫咗豬紅、咖喱魷魚、蘿蔔、甜酸齋河粉，真係估唔到幾樣食物都唔錯，豬紅夠滑、蘿蔔無渣，魷魚味道唔錯，但係細粒咗少少，整體幾好食，而且重有豆漿送😋。下次定試吓佢嘅煎三寶，可惜我個胃無咁大，一次過唔可以試咁多樣嘢。

呢間食店係以前聽髮型師講好味，一直都無試過，今晚又OT,經過嗰條後巷見好多人幫襯，又唔係好肚餓，食個車仔麵剛剛好，朋友陪我坐下，食幾件小食！地方裝修比較簡單，一邊開放式廚房煮車仔麵同煎炸嘢，炒粉麵在另一個廚房！因為第一次幫襯，我去車仔麵櫃檯講要食乜，店員阿姐幫我劃飛收錢，我問係唔係坐低等，佢先知我堂食（大家誤會）咁即刻還返外賣$1比我，再同我講堂食坐低劃飛就得！我話第一次幫襯唔熟唔好意思，佢就好豪邁咁講：來多幾次就熟喇！之後車仔麵送到！3餸車仔麵（$36）一碗唔大碗，一個粗麵餅（可以揀兩個）可惜個粗麵好粉，完全無咬口，就算腩汁湯好濃麵都幫唔到手！牛腩唔多，腩肉夾帶啲筋位，瘦肉部分太硬，牛筋爽口偏硬！牛腩入味所以好黑！豬腸幼身，唔太肥，腸衣好彈牙有嚼勁！而且比得多！無內臟膻味好好味！不過其中一件有啲黑色在腸內！其實無臭味！不過我都夾走咗！生菜爽脆正常！煎釀三寶：朋友食整體味道Ok(唔好揀粗麵）店員爽手，走出走入上菜！好勤快又不至無禮，好快回應！因為已經比晒錢！食完起身走得！

好耐都冇去食文記喇。呢間車仔面雖然依家冇咗車仔，但佢哋嘅湯頭呀，醬汁呀都較得幾好食。份量方面，麵底同餸料份量唔算少但又唔見係特別多，食量大嘅建議要叫多樣餸喇。另外叫夠30蚊一碗有豆漿送，但係其實好易叫夠數，因為每樣餸都唔算平。衛生程度都係一般般，夏天嚟食冷氣又唔係太夠，座位有小小迫。推介食物:螺肉/魷魚/柚皮

想找好一點的車仔麵檔，真是越來越難，大概每一區，總有一兩間出色的，但人均消費，真的比正餐還要貴。位處淘大花園附近的文記已光顧多年，早在舊舖時已常常特意過去，目的是為了少見的柚皮。新店在橫巷內，但人流不絕，相信都是多年來的老主顧。客人先用點菜紙剔好菜色，再交由店員。今次要了油麵底，另加必點的柚皮，另外是豬腸及螺肉。柚皮質感粗糙，但個人喜歡蘸滿湯汁及辣汁的效果，豬腸炆得軟腍入味，螺肉有點結實，不過不失。埋單不過$30，還有豆漿送，夠冰凍，不太甜，來一碗當作是下午茶不錯的選擇。

知道佢地之前喺牛下已經開業，後期因為牛下重建關係搬左，同事講話依間野既煎釀三寶唔錯！咁就試下，點左豆腐，魚蛋同埋茄子！個人最喜愛佢地既魚蛋，爽口彈牙！同埋新鮮炸所以勁好味！

由中學開始幫襯牛下，到依家返工幫襯舖頭，少說十多年了，最愛係佢煎釀三寶入面嘅炸魚蛋，外脆內煙韌，調味又好（但個人認為可以唔落豉油同鹽）今日因為8號風球早收工，想食少少野先返屋企嘅關係，所以就幫襯下文記喇好欣賞佢嘅雞翼每次都咁大隻，唔會好似有啲舖頭好細隻，仲要無乜肉咁。但今次嘅牛栢葉令我有D 失望……之前一直食親都又厚又大舊…今日縮左水之餘，得3舊，仲要其中2舊勁細舊…張相最上嗰舊已經係最大的了，盛惠$9… 係有D 失望，但希望下次再食嘅時候，會回復返往日水準，今次只係突發意外P.S. 今日好好彩飲到佢送嘅豆漿，平日黎親都送曬的了！

去了九龍灣看早場電影後十分肚餓，但對我這個區外人來說，德福淘大裡面的食店大部分全港一樣，所以靠貴網覓食，見到這家易找多笑臉的車仔麵，岩哂我想找小店的合仄。到了，都十分多人，幸運剛好有位，見到車仔麵點菜紙，十分開心，簡直超抵，餸最平5元有一個，而佢講明最低消費20元，真的可以有三餸，香港少有，加上加辣汁都不用另加錢我點了豬耳，生菜，冬菇，同咖喱魚蛋，仲有甜豆漿送，都只是28元魚蛋入味有咬口，冬菇細隻但都煮過好香，推介辣汁，提升了成碗面的質素，愛辣一定要試，但可能我太肚餓定胃口好左，覺得米粉不太夠同豆漿太甜（但而家先發現張相save 唔到）總結：（利申，真心非廣告）openrice各位大大推介，令我試到這街坊小店，值得再去，但不要太多人一次過去，因真的小店，食飽好快快讓座