文記傳統車仔麵茶餐廳 (已結業)

睇價錢牌唔覺得特別平，但真係好足料~~好似一份牛肚、一份魷魚咁樣，各有十條八條，好抵食!! 滿20蚊就送杯豆漿，細細杯，都幾有豆味不過講明送完即止，有次下晝黎食已經無得送~~堂食好多人，叫外賣一定有排等!聽到老闆娘接電話講明要等1個鐘，OK 先落單。

仍記得師傅早一陣子黎過呢間食店試過碗仔翅同魚蛋等, 仲講過一定要黎試埋車仔麵先可以正式判斷呢間食店得唔得; 終於事隔大約十天後師傅再次光臨呢間食店, 目的就係要試下呢間食店嘅車仔麵係咪咁出名! 入到食店人都唔少, 而店內較入嘅位置有位, 於是師傅就行入去坐底; 一坐底當然係立即柯打野食啦, 加上師傅喪肚餓, 於是實行喪叫喪食; 而麵底師傅就揀左幼麵, 仲要左兩個混, 而於餸就有牛肚, 豬紅, 豬皮, 豬腸, 辣魚蛋同埋蘿蔔, 再加上腩汁同辣汁, 實行有殺錯冇放過; 六餸兩麵份量嘅車仔麵絕對唔少野呀, 幸好堂食有豆漿送, 所以飲品呢個位可以慳番少少!落完單都要等一陣, 大約五分鐘啦, 用食車仔麵嘅角度黎講算係慢架喇, 不過師傅喺度諗可能係慢工出細貨呢! 當碗車仔麵放喺師傅面前時, 師傅發覺真係好大碗, 絕對有可能食唔晒, 不過點都好, 第一時間點都要試下個湯底, 話晒湯底都係成碗車仔麵嘅靈魂, 點知入口發覺湯底淡淡的, 就算飲多幾啖都唔覺有味, 完全帶唔起食慾, 十分之不討好, 喺嗰一刻師傅就知道出事了! 出左事都要食埋落去啦, 鬼叫柯打左咁多咩! 先試豬紅, 豬紅一夾落去唔會即刻碎,

上星期某天師傅難得早左放監, 趁住早早地決定四圍行下啦, 由於好耐冇黎過呢區, 所以就黎左呢頭行下! 過到黎未開始行街, 個肚率先發出警號, 就係咁師傅決定先醫肚後逛街, 但食咩好呢? 邊行邊搵再邊諗, 最後見到呢間食店, 加上從來都冇食過就決定入去試一試!入到食店地方唔算大, 人亦唔多, 可能由於時間早啦, 師傅就求其搵個位坐底後, 即刻睇下有咩好食先, 呢間食店打正旗號食車仔麵, 可惜師傅略嫌份量太多, 嫌多皆因師傅晚一些還有飯局, 所以呢一刻決定食少少野, 頂頂肚罷了; 諗左一陣最後師傅柯打左一碗碗仔翅, 一串咖哩魚蛋同埋一串牛柏葉, 再加一罐汽水!話咁快就有得食, 先講下碗仔翅, 碗仔翅都算幾大碗, 不過湯底比較杰, 肉絲亦甚多亦甚乾身, 入口感覺較鞋, 味道唔算特別好, 加上菜圃比較硬, 雖然有辣味但令成碗個感覺仲差左, 師傅就唔多識欣賞, 所以食左唔夠一半就冇再食了; 一串咖哩魚蛋就有七粒, 咖哩汁真的十分香辣, 汁底十分吸引, 而魚蛋亦幾爽口, 入口唔粉, 算唔錯; 至於牛柏葉亦係十分爽口, 韌都唔韌, 再配埋咖哩汁真係唔錯, 講真師傅真係幾欣賞佢個汁底呀!總括黎講食物水

九龍灣無乜外賣選擇。呢間有車仔麵，所以幫襯多啲。近期，呢檔野都唔知係咪唔憂做，打去叫外賣，態度差到不得了。上次，叫3個飯盒，搞咗成粒鐘先到。今日，自己單叫一碗車仔麵加凍飲，聽電話位哥哥仔的態度真係令人無話可說。落完ORDER，見佢無問我電話號碼，我補多句，使唔使留電話？哥仔話：講野啦，等緊你呀。算，忍咗佢。第二句，問我貴姓？我答：姓陳！佢話：" 又姓陳？邊有咁多姓陳？假的，你叫咩名。使唔使留埋身份證叫外賣。神經病！我話佢："點呀？你係咪做生意呀？"呢間野愈來愈不知所謂！本來上次成粒鐘先等到佢個外賣，諗住市旺，俾多次機會佢，點知仲衰。呢啲咪叫自己攞嚟衰。

牛下拆了後很久沒來文記了,在舊文記存在之時試過這裡所出.但不是太淡就是鹹過海水.時光過牛下封了多月的一夜再訪. 終於見到紋身人淥麵再看那盤汁....對勁了.於是乎魷魚魚蛋豬腸豬皮蘿蔔跟大曲...對路了.就係咁味. 加多十蚊炸蛋冧過以前但都比上次好.遺憾是人流看來沒舊店的多...也見她會賣午餐晚餐 不知是否租金好勁.anyway 頂住加油.

2010-3-18(星期四)我叫咗牛肚–好硬。白蘿蔔好甜。豬紅夠新鮮。辣魚蛋–很有魚味及夠辣味。除牛肚收$6一款外，其他都收$4一款餸。整體黎講，我十分滿意，食得好開心。

本來食開同一區既"車仔麵",但係聽人講無做lu,唯有試下文記叫左豬紅.魚肉.柏葉.白菜配米粉食咁耐車仔麵完全未試過d車仔麵無論湯定配菜都係無味,要落勁多辣椒醬先有d辣味,配佢d辣汁都無係完全無味.真係好差.無下次24蚊 價錢合理.又話送豆漿,要問佢先有,唔問佢靜靜雞唔俾,咁就俾佢呃左杯豆漿.以為傳統車仔麵應該唔差,失望了

不嬲都係富記支持者, 但果日八點先去到富記無晒我最心愛嘅豬扒, 咁惟有試吓只係隔一條街嘅文記。去到見到入面又坐滿晒人, 咁應該D嘢食都唔差啩? 食物品種又有好多選擇, 連小菜同打邊爐都有。點知...豬扒 : 有冇搞錯, 用梳打粉"那"得好緊要, 同富記差天共地豬腸 : 普通, 好彩都乾淨墨魚丸 : 最好食(因為只係入貨淥熟佢, 完全無難度)魚皮(另上) : D粉厚得離晒譜豬紅 : 無味 魚旦 : 無味又唔彈牙粗麵 : 最離譜! 個麵好似淥咗10分鐘咁, 爛晒!雖然食車仔麵唔應該咁高要求, 但都唔好咁難食吖!!!

昨天要到此店附近的一間鋪頭買朱古力,所以經過便來這裡吃車仔麵.我之前已幫襯過數次,但今次覺得退步了.而且價錢又提高了,以往最便宜的一個餸只需三元,現在便宜的要四元.今天的胃口麻麻,下午吃了媽媽做的泰式魚餅後,晚上想吃一些清淡的食物,所以只點了蘿蔔,冬菇和菜.除了冬菇外,其餘兩個餸只是煮熟了後放在碗內,淡而無味.晚上人多,侍應不夠快手,等落單和餸上檯的時間長了.吃完後立即到附近買朱古力,滿足對食物的追求的渴望.

上次去牛下影相食過文記之後念念不忘佢地的炸魚蛋及三寶, 今次有機會經過就心思思睇下係唔係真係轉左位啦... 又未喎, 緣份是也, 佢舊店都仲有開, 一於食多次!炸魚蛋真係必食, 外面香脆, 內裡足料彈牙, 真係一流, 不過今次入面落少左蒜定係洋蔥的配料, 唔同左少少味道, 不過喜歡清淡的朋友可能會唔中意, 我呢個雜食精就最中意啦 XD 但回家必覺口乾...已經食飽左, 但又未食係正餐... 我相信新店水準一定會keep到, 下次再去~

天下着滂沱大雨，空氣又翳侷，沒有了吃米飯的衝動。還是吃點有湯的東西才是上算....人到了九龍灣，地是濕撻撻的，沒有心情到下邨四圍轉。走到了利基大厦附近，看見了文記，想起巷仔舊舖大大粒的炸蛋，就走了進去....怎知時間尚早油鑊還未開，吃不成煎釀三寶很失望。只能吃碗車仔麵補補數....把心一橫大筆一揮，要了牛腩、蘿蔔及豬腸。另見到有柚皮供應，勾起了上次在友記吃到的美味，於是再下一城，一口氣叫了四餸，要了油麵底拌吃，一大碗東西沉甸甸的重，份量十是，但也只賣二十五大洋，抵吃之至....喝一口湯，由於加了腩汁的關係，味很濃，湯走入喉嚨後感到一陣咯喉，絕對是"師傅上身"，接着便不敢再喝淨湯了。....牛腩不算特別淰糯，不過由於那個"湯胆"味很重，所以還算入味的；蘿蔔很淰亦沒渣，但卻少了一份清甜；豬腸剪得很細碎，沒有事先用鹵水處理過的，弄得味極淡，而且隱約吃到有些異味，看來清潔程序做得不夠徹底已；柚皮很厚身，而且一碗麵內有差不多七至八件那麼多，實在是過足癮可惜的是味很酸又帶少許澀，跟友記的水準可說是差天共地。吃了三數件便忍不住放棄.....很少吃車仔麵會吃得飽的，這裡是一個例外。不過水準是蠻普通的，

牛頭角下村快拆，賣開車仔麵既文記就搬左過來呢面鋪﹗老實說味道與老店相比，不知是不是因餸菜都是出自不同的師傅，味道總覺係爭少少﹗要了個簡單的淨餸，菜不用評，蘿蔔沒有老店的軟腍，咬落亦有渣，未及之前吃的水準﹗韮菜餃餡料平均而香濃，酸齋卻是一陣過份濃烈酸味，韌度不足亦吃不出麵粉香﹗普普通通，吃菜好了﹗

(半個月前的食評)食完興記雞扒包, 繼續下一站牛頭角塭食之旅黎到文記, 其實真係好想食上次食過100分的炸魚蛋但係太飽喇, 只係叫左個沙嗲魷魚+魚蛋share黎食都唔錯啦.. 魷魚好爽, 魚蛋細細粒0甘, 不過無expect中0甘好食, 可能期望高了一點10蚊2樣, 都幾抵食!____________________________________________________________食完呢次幾日後同男友再黎食多次呢次叫左我的最愛炸魚蛋, 仲有一人一碗車仔麵男友要左豬紅+蘿蔔+螺肉+柚皮+伊麵+辣汁我就要左牛肚+水餃+冬菇+伊麵+辣汁其實d餸只係配角, 因為對於我黎講主角係辣汁+伊麵d辣汁真係幾辣架, 但絕對係靈魂所在男友覺得豬紅同螺肉都好味其實柚皮都幾好, 但試過後都係覺得唔係我地杯茶我果碗d餸就好一般, 係牛肚比較好少少, 但都唔係好夠入味不過真係好抵食, 叫0甘多餸都只係20蚊仲有豆漿送添! (滿20蚊就有得送架啦. 但係通常要問距先會有)杯豆漿都好好飲, 有豆味, 甜度也適中炸魚蛋仍然係好正, 因為距係即叫即炸, 外面真係好難塭到果種外面脆裡面煙韌既感覺更加係一試難忘

上次因為「傢俱店水災事件」令到未能完成購物任務，今天再到九龍灣一趟，順道試一試這裡出名的車仔麵 -「文記傳統車仔麵茶餐廳」。舊店在快將清拆的牛頭角下村，本想光顧舊店，但由於手中拿著頗多從傢俱店購買的東西，想有一個較整潔的地方擺放物品，最後決定到新店。店子呈長方形，約有六至七張桌子，尚算光猛整潔。找個位置坐下後，店員查問是否吃車仔麵，然後便遞上一張紙仔，內裡全是車仔麵所提供的食品，一目了然。填妥食物內容後，店員便會收回紙仔，車仔麵等一會就會送上，款在離開前才付，跟一般付款後取食物方式不同。食物種類共有三十三款，麵底則有九款，我們一共點了兩碗，內容如下︰1) 油麵($4.00)、魚旦($3.00)、豆卜($3.00)及酸甜齋($3.00)，跟腩汁，合共十三元。2) 伊麵($4.00)、豬皮($4.00)、豬腸($6.00)及咖哩魷魚($6.00)，跟腩汁，合共二十元。另惠顧滿二十元，會奉送豆漿一杯。又是先呷一口湯底，雖然加了腩汁，但是沒甚麼味道，真是有一點意外。「油麵」是幼身的，麵身幼滑，麵香不太重。「魚旦」雖不是「硬身」，但亦不至於太淋，味道也不錯。由於湯底沒甚麼味道，「豆卜」未能發揮其

可能鋪頭唔覺眼人流好似好少咁車仔麵揀*食送*D*食送*既價錢要跟餐牌呀!唔係跟果張紙仔架豬紅辣魚蛋蘿蔔各3蚊咖哩魷魚5蚊1個幼麵3蚊我明點解2個幼麵係5蚊-0-因為1個幼麵真係好少膽粗粗叫左個辣汁/________\好辣可能辣魚蛋同埋咖哩魷魚D汁已經辣17蚊叫OK啦!份量我會覺得少左少少