新匯聚打冷小廚 (已結業)

【大排檔。牛下風味】據店員& 官方資料顯示，新匯聚前身在牛頭角下村（牛下）經營菜館，食物真材實料，吸引眾多街坊食客捧場。但隨著牛下要重建，伴隨就只有回憶。期後食店進駐觀塘工廈，仍保留原有風味，讓食客可重嘗牛下風味既廣東菜。食店內既環境，港式茶餐廳格局，有四人座，有大圓枱，尚算寛趟。(一條街上有兩間分店，筆者係去地鋪個間).❇️滷水拼盤(細)話就話係細Size，份量絕對夠4人。有墨魚、紅腸、豆腐、豬耳、大腸、花生、鵝件，滷汁濃，真係正🙌🏻.❇️潮洲蠔餅名物之一，煎炸到外皮鬆化，好似響鈴咁既口感。內裡唔係厚粉漿，係薄身。蠔仔偏大粒。配埋魚露，野味❗️.❇️豬紅韭菜比預期中大碗，除左醬汁味外，豬紅本身都有味，唔係一挾就散，實淨。.❇️蒜蓉豆苗正常大排檔味。.❇️豉汁白鱔糯米飯白鱔、花生比預期中多。可惜糯米飯有7成飯身偏濕，扣少少分。..🏠 新匯聚打冷小廚📍觀塘成業街19-21號成業工業大廈地下3號A鋪

見網評這店的質素不俗，於是今晚與友人光顧，結果大失所望，十分激氣！！我們二人點了三樣餸菜，包括蠔仔粥，鵝片併墨魚，炸鮮尤併欖菜骨。蠔仔粥不過不失，但死咸，唯一好處是夠熱。另外鮮魷欖菜骨明顯是預早整定，凍冰冰，炸鮮尤外皮粉醬十分厚，仿似吃橡膠。而鵝片墨魚微暖，但最奇特是鵝肉皺起的，似被長蒸保溫的樣子。該飯餐收費絕對不值得，要400 多元！最令人激氣，看到鄰桌的滷水併盆、生炒骨，則熱辣辣冒煙，與我們的截然不同！！難道我們是生客，就受到如此待遇！？就服務態度方面，更乏善足陳。其中一個女侍應，入內時，更曾推我背包，嫌棄我阻礙通道 。若如此，她可告訴我，我必定讓路，不會擋路。（但我其實沒有留意）

兩年前試過一次印象一般今次俾機會佢因為做冬一行人12人我們點了招牌芝麻雞可是凍的。或許是冷氣太凍但我食過咁多間都未試過出現此情況。另外另外加了小炒皇份量太少級數150多元完全唔值只有韭菜花和少許小炒配料，食開都是$100材料仲多。 蓮藕煎餅椒鹽鮮油幫鵝腸比較「似樣」黃金蝦 比較少，味道可以。但價錢不平$440基本上一般酒樓都會做得到。（以$15両）作參考。最敗筆係煎蠔餅竟然食到尾聲只找到一至兩隻蠔我真的想問他$88多元的蠔餅是那麼貴嗎?全是炸粉叫乳鴿冇乳鴿但餐牌上有做特價兩隻120原先打算再食一次但好可惜原來他說沒有做乳鴿了那麼為什麼仍然寫在餐牌上呢只會不停遊說人食佢嘅芝麻雞其實如果好食嘅食物唔需要你推介「香港人」係一定會懂得自己點的😀唔會再俾機會呢一間食店希望嚟緊嗰年佢哋真的用心去經營否則我去「海港」食都好過佢價錢完全唔合理。

同朋友係觀塘行街之後想食下小炒，於是去左「新匯聚打冷小廚」，入口有啲隱蔽～要經過成業工業大廈既停車場，見到有個閃燈牌轉入去就係喇～坐低就已經有碗熱水同埋擺定曬啲餐具方便大家清潔一下先～食物方面都好多選擇，不過留意番飯係要另外叫的金銀蛋浸時蔬我地簡左蛙蛙菜，啲菜煮得好淋，同埋皮蛋咸蛋都有多，面且感覺唔係好多味精，balance番出街食飯既罪惡感😎椒鹽九肚魚呢個要襯熱食，個人鍾意點醋食，更加惹味，九肚魚每件都好多魚肉，而且外面炸得好酥脆蜜糖薯仔牛柳粒最鍾意呢個小菜，因為蜜糖入曬啲薯仔同牛柳，薯仔煮得岩岩好，唔會太硬或淋，而牛柳都好軟熟，仲有三色椒伴菜😋馬豆糕仲有附送馬豆糕，為成餐畫上完滿句號，超級飽😋凍奶茶/檸茶

牛頭角 下村呢 唔知大家重記唔記得以前 有好多檔 好有鑊氣 大排檔依間就係其中一間仍 尚存健在 晚晚都好滿滿台的一間 老闆親自招呼 員工保留 當時 大排檔的親切感野食呢 大排檔 唔洗講 就緊係需要鑊氣啦！小食 魷魚好食 爽身 入味薑蔥芥菜 我平時唔食芥菜架依碟我可以自食一碟呀～ 唔該！哈哈話梅骨 細細粒粒 粒粒有汁 乾身香口可脆芝麻雞 乾而嫩 但 是皮香 肉少少 汁汁 調味 我會用 芥菜個汁 點雞肉食😏👍🏼豉汁蒸鱔 好好味 😋我真心 少食 但魚我係鐘意的 家人叫左 就試下 一試 嘩 ～ 又是伴飯好汁 魚肉 嫩嫩好味😋重會以人頭送一人一方粒馬豆糕 佢有 即磨糖水叫架 講起 我好想食芝麻糊呀🤦🏼‍♀️即磨 唔係唔試呀 香滑足料 大大碗食小餸太飽 點都要買碗拎走啦！唔係唔食呀？😏😏😏

一直都知道觀塘工廈內多美食，但一直未有機會試， 觀塘在褪變中好多懷舊食肆都無晒，想同家人打冷食小炒，就上Openrice搵到呢間試!因怕要等位，所以都打咗電話Book位先，再搭的士直到工廈門口。因為有老人家所以18:30就到了，店內已經有一半入座率，心諗應該都唔會太差呀！坐下先開咗壺普洱茶 (原來要$20)，並已付上熱水洗碗筷，服務態度都幾好呀，無網上講咁差喎！四個人叫咗四個餸，首選招牌話梅骨，果然名不虛傳，有陣陣梅子香味，有肉有骨，有賣相👍，味道剛剛好，推介俾大家試，對於成日食生炒骨嘅我地，好有新鮮感鹵水拼盤，好大碟有好多拼， 有紅腸，墨魚片，鹵水鵝，鹵水大腸，豬頭肉，豆腐，但略嫌鹵水味不太重，底汁只有咸味，希望有改善。蒜蓉炒豆苖，炒得嫩，對於鍾意淡味嘅我係剛剛好，但家人覺得淡咗少少，加返少少鹽佢地就ok椒鹽鮮魷，夠香口，但略嫌粉多咗少少整體都滿意，每碟份量都大大碟，似返以前叫餸食飯嘅飯店一樣嘅感覺，但佢地會推介你食海鮮囉😂! 而店內地方整潔，都坐得舒服，下次會再同家人食👍

雖然只是工廈內的樓上餐廳，但即使是平日的晚上，也是座無虛席。放眼都是朋友們，同儕們，情侶們，一同開懷地大吃大喝，熱鬧非常。是的，香港人就是需要一個喘息的地方。潤肺蘋果雪梨水  （$20）天氣漸漸轉冷，來一杯微溫潤肺蘋果雪梨水，正好可滋陰潤燥。可以飲得出煲得好夠火喉，蘋果雪梨的味道甚為濃郁，而且是低糖, 可以媲美媽媽的味道。紅腸 併 墨魚   （$115）來吃打冷，不想吃滷水鵝，吃其他滷水小食也是不錯的選擇。滷水墨魚切得薄，口感爽彈，滷得很入味，滷汁不會死鹹，淡淡香料的味道。紅腸同樣切得薄，使其更易入味。伴碟的炸豆腐都不是「揸流攤」。外層香脆，內裡嫩滑入味。花生香脆。招牌芝麻雞 半隻 （$140）是餐廳的招牌菜式。很多枱食客都有點呢！雞皮沾滿密密麻麻的芝麻，炸得卜卜脆，咬下去咔嚓咔嚓的，竟然有點像吃煎堆的感覺？！非常新奇。雞皮下脂肪不算多，不會吃得滿口都是油，加分！雞肉都算嫩滑，即使是雞胸也肉質都不會粗糙。而且份量真的足半隻，足夠四人食用。欖菜肉碎四季豆    ($78)欖菜不會過鹹，但又不失惹味。欖菜和豬肉碎的油香和鹹香完全滲潤了每一根四季豆。令四季豆變得惹味起來。

住觀塘嘅我約左屋企人打冷，結果驚喜連連！我地都叫左幾多野：蒜蓉粉絲蒜大蟶子 （$53／1）蟶子隻隻肥嫩飽滿，食落鮮甜多汁，蓋上爆蒜粉絲，送飯正！蒜蓉蒸大元貝 （$53／1）夠嫩滑，好鮮味，食到一絲絲口感蠔餅 （$83 ／1 ）份量好大，炸到金黄酥脆，啖啖都脆卜卜，蠔仔俾得多，粉同蠔嘅比例夠balance 椒鹽墨魚粒 （$110／1）椒鹽味夠濃，份量好大，墨魚咀細細粒，好咬口，係好好嘅送酒小食酥炸乳鴿 （$60／1）特別一讚，乳鴿一啲都唔油，薄皮炸到香脆帶鹹香，肉質厚但唔會難咬雪梨茶清熱解渴，健康又好味！

同朋友食farewell 飯觀塘區打冷唔多，但想食一定黎呢間環境好，乾乾淨淨星期六去人都好多，一早book 位唔洗等，雖然人多，但落單後好快就上菜，服務很好!今次叫左必吃蠔餅，招牌話梅骨，鹵水拼盤， 椒鹽九肚魚，黑椒牛柳粒樣樣都好食- 蠔餅炸得好脆- 話梅骨可以再酸dd- 鹵水拼盤好大份好抵食- 椒鹽九肚魚味道適中- 黑椒牛柳粒，薯仔粒好好味外脆內軟又入味4個人5個餸，飽飽了呢度仲可以叫糖水食......仲要係傳統糖水，我地叫左芝麻糊，綠豆沙，紅豆沙，都好好味值得黎試試

觀塘出名多美食，前幾日男朋友帶咗我去食一間隱世打冷，整體超正，真係要bookmark! 鋪頭都幾近地鐵站，行5分鐘唔洗就到，夜晚七點左右去到已經好旺場，餐廳地方闊落環境乾淨，菜色多樣有唔同嘅海鮮，潮州打冷小菜，鑊氣小炒可以選擇。我哋一於叫多幾樣嚟食。蠔餅： 好大份好抵食，炸到好酥脆，入面蠔仔數量都好多，每粒大大粒，可惜我同男朋友都唔飲酒嘅，如果唔係用嚟送酒真係一流。乳鴿：紅燒乳鴿切開左4件，外皮脆卜卜，又香又多汁，肉質仲好鮮嫩，為咗呢個乳鴿我哋仲叫多碗飯。蒜蓉粉絲蒸蟶子：我哋前後嗌咗兩次因為真係太好食啦，調味剛剛好，好重蒜味，粉絲索曬汁，好濃味好正。 蟶子蒸到啱啱好，鍾意食海鮮嘅我真係停唔到呀，差啲要嗌埋第三次。蒜蓉蒸元貝：元貝上面有好多粉絲，超大粒，好嫩仲食到一絲絲嘅口感椒鹽墨魚咀：同樣地係好大份，多到數唔到有幾多粒喇，外皮包住薄薄嘅炸衣，椒鹽味好突出，夠曬惹味，墨魚嘴就夠曬煙韌但唔會好難咬，同樣如果用嚟送酒就真係一流。雪梨茶：因為食得太多煎炸嘢，要叫杯黎飲下，雪梨茶香甜清新 ，好有家的感覺。食完仲有甜品送，係椰汁馬豆糕，食落香甜又滑溜👍🏻👍🏻

完全唔明點解個個都俾好評，唔通真係甘多打手咩🤦🏻‍♀️🤦🏻‍♀️想講前幾日呀媽話想食打冷，近近地屋企search到呢間，見到好評甘多，點都唔會伏啦，點知真係成肚氣。去到餐廳，寛落係就係真，一坐底，叫左個唔知女老闆定侍應，俾小小水洗下碗，都黑曬面要三催四請。甘就算啦，同媽咪兩個女仔唔係食得好多野又未揀到，就淨係叫左個蠔餅諗住食住先，個女人就俾臉色我地睇，好似唔可以嗌甘少野食甘，俾曬說話我地聽，見佢對住人地啲大枱又唔見係甘喎，可能睇唔起啲細客啦。我諗住服務差都算，可能啲野食真係驚為天人甘好食呢，但個蠔餅大就大，炸粉厚到成個餅大部份都係粉，蠔仔又腥，真係未試過甘誇張，唔點汁又其實無味，食完拿拿林走就算。成個服務態度好有問題，野食又唔係出色，其實係點解可以甘多好評呢，大家自己諗啦。

啲野食本來就唔太好食，仲要食到頭髮，但睇在男服務員服務都幾唔錯，我哋都無投訴，但帶眼鏡的收銀女仕服務態度超差，我哋叫左個椒鹽魷魚嘴，超過30分鐘唔黎都唔緊要，我男朋友叫佢幫忙check 下，話如果無落單就算啦唔要，跟住佢返黎勁串嘅態度同我講「係阿，廚房漏單，一係你轉叫其他小菜囉」我話咁我唔要啦，佢極爽快咁話「咁取消囉」就火速走左，我越諗越唔對路，我叫返佢返黎話「你哋漏我單，唔係應該即刻幫我整返咩？」佢串我「係呢位先生話漏單就唔要」吓？咁你又點解要叫我叫小菜？最後行出去埋單時黑口黑面好似我哋欠左佢咁。講返食物方面，滷水完全唔夠味，鵝韌到唔知食緊乜，豬耳煮得不夠火喉且有豬騷味，紅腸用cheap貨，豆腐係凍豆腐又唔入味又無豆味，墨魚口感超削，唯一豬腸夠乾淨諗住搵醬汁補救，點知蒜醋無醋味，辣椒油唔香又唔辣 其他都費事浪費時間講，最好咪就係麒麟！

今日happy friday, 收工同班同事搵咗間打冷, 其實好耐之前都一路聽過新匯聚呢個名，想試好耐，今日終於有機會試一試😍😍一去到已經覺得間野幾好，好旺場，跟住我哋就叫咗幾碟小菜試一試嘩呢碟蜜汁薯仔炒牛柳粒真係冇得頂，超級好味，牛柳粒好鬆化好入味，薯仔唔會好淋同埋好有咬口外皮好脆好好食另外期間啲炒菜啊炒蜆啦京都排骨啊都好有鑊氣好新鮮，食完想叫多一碟添呀😍😍同埋位置上其實都好多位空間感好大，平時去呢啲打冷最大機會就係會覺得好迫坐得好唔舒服但係今次呢間我覺得坐得好舒服冷氣又夠涼真係好啱一大班男人聚一聚啤啤

下午約埋另一半行街街，到觀塘工業區逛逛，買下心頭好！上次去新滙聚已覺不錯。今次經過見到新滙聚打冷小廚，睇吓有什麼不同！呢度重有懷舊車仔麵，不過今日無食早餐，所以想試吓小菜。經一輪防疫手續，便自行入座。這裏是自助形式，非常方便！我們點叫了涼瓜炆排骨客飯、菠蘿生炒骨客飯、熱杏霜及凍檸茶。果然是價廉餸美味。涼瓜炆排骨客飯：排骨林而入味，涼瓜脆口新鮮，配菜更有爽口紅丶黃丶青椒，豉椒茨稠得剛好，讚！菠蘿生炒骨客飯：新鮮脆菠蘿，加上洋蔥和青椒片，伴著甜酸汁調校得宜，包著炸得外脆內軟的排骨，美味！熱杏霜濃郁杏仁味，不需加糖，甜度剛好！凍檸茶檸茶夠凍解渴，最啱行完街的我！

吃過這裏幾次的午餐和晚餐， 午餐非常多選擇而且價錢算得上相宜， 而晚餐就搖身一變成為潮州菜專門店，有風味氣氛好， 當然重中之重是味道都不失禮。今次想介紹的是晚餐， 當然要介紹潮州招牌菜鵝片， 懷舊咖哩魷魚，番茄紅菜頭南瓜浸時蔬和西炒飯。鵝片鵝肉已經有看得出的鮮嫩， 充滿光澤濕潤， 肉紋之間更滲透出香氣撲鼻的鴨油， 更加吸引我的是只看色澤已經就知道已經完全鹵入味。 要知道鵝片的靈魂其實是滷水汁， 鹵得出色再加上鵝肉的新鮮就已經冇得輸， 這裏絕對恰如其分做到這點。懷舊咖哩魷魚原來跟普遍港式咖哩魷魚是不同風味的， 這種潮式傳統咖哩魷魚是比較晶瑩剔透， 咬落不是一味的咖哩味， 反而更加有魷魚本身的鮮甜， 爽脆得來也帶點刺身的煙韌， 配合上枱時放在旁邊的潮式辣椒油， 真的風味加好味。番茄紅菜頭南瓜浸時蔬時蔬我們選了莧菜， 配合略略調過味的番茄紅菜頭南瓜， 組合起來除了賣相討好和超級健康外， 配合浸煮的上湯更有一種甘甜， 所以吃完所有蔬菜後更加可以將湯喝掉， 比預料更好吃。西炒飯不想吃白飯所以叫了這款， 分量大之餘用上大量鮮甜小蝦製作， 炒飯亦夠乾身香口，絕不欺場。