新明發食家 (已結業)

When young, this was one of my favorite restaurant in Tai Po which with reasonable price and good quality.Nowadays, when we grows up, more money in our pocket, we're loving to go to some special place to eat. But still, old people love to retrospect, especially me, to search for the losing taste.The food is good, $15 for take away. The steaming time and water is accurate, so the rice not in a watery form, adding the good sweetie sauce, what a tasty food in such cheap price.

今日大埔一天遊, 行完山後開始我地既主菜, happy頭一站新明發, 多謝同事既推介, 去到先知小小一個大埔墟, 居然有三間賣蒸飯, 新明發是這裡賣最貴的一間, 必有過人之處北菇蒸雞飯 $17 : 由於剛售罄, 等了15 分鐘就食到新鮮即蒸的蒸飯雞肉份量頗多加上長片北菇, 味道調得也好, 加了小訐酒味能癖去雪雞味, 雞亦夠滑身, 而米則用上了絲苗米, 粒粒有嚼勁而且也充滿了油光, 果然真金不怕紅爐火章魚雞粒飯 $17 : 我沒有食, 但大舊食到一點不留就知有幾好 粉 果 : 皮厚, 錎亦只有豬肉味和小訐馬蹄粒, 沒有花生, 唔得 雞 扎 : 不外如是都係火腿、魚肚、冬菇及雞柳，包得紮實, 在內的火腿、冬菇及雞柳真是啖啖肉，而魚肚也爽口不腥 吸了油份，漲我十分飽滿 好吃 牛肉球 : 是我的最愛, 鬆軑而大大的, 把整個小碟也填滿, 味道也合格有陳皮香及爽口的馬蹄粒也好吃下次要試一下其餘兩間既蒸飯

住係大埔都好少係大埔墟食野今日行完成日 ,攰到死見新明發咁抵 於是就入去食食 叫左牛丸米線 同菜心走油 個湯底好好味 連平時唔太中意食湯面ge我都飲左幾啖 15蚊真係好抵 見到隔離叫飯 ..d 飯好大碟 夠2個人食 lor!

我地又到大埔釣魚喇,今次時間尚早,就去了大埔墟食飽飽先出發~~~行過見到d排骨飯好似好好食好吸引喎,又見人流多,一定有原因既!!鳳爪排骨飯好香呀~排骨肉質好夠味.燒賣好有酒樓水準,肉質好爽口好新鮮,好好味~鳳爪同盅飯的鳳爪不一樣,這個比較濃味軟身.糯米卷剛剛蒸起,糯米煙煙韌韌,好滿足呀~凍奶茶茶味夠,又唔錯喎^^出發去大美篤喇~

從蔡潤記吃完蛋河出來，肚子還是空洞洞的。走到去大明里，群記還在準備中；到旁邊的東江雞吃碟切雞飯又好像有點過份。左思右量之下，決定到這裏吃吃上次錯過了的蒸粉果....只來一碟粉果好像太寒酸，再來一盅排骨飯，不算太過份啩 (只是藉口而已)粉果皮做得厚薄適中，煙韌得來又不會像外面普通吃到的那些黏着筷子的劣作；餡只是尋常的肉碎、葱及筍粒，但吃進口卻是汁液豐盈的。的確是很有水準的粉果，怪不得每枱皆有一碟，永不落空....這兒的盅頭飯是名物，水平自是不會太差。排骨是半肥瘦的，挺入味。反而覺得飯粒不夠乾身，帶點濕。若讓小弟選擇，我還是較愛吃街市內林記的飯粒....這次真的夠飽了

星期六又唔知食咩好..... 最後決定食鳳爪排骨飯.....，因為快靚正，好味又新鮮..... 幸好比較遲食 lunch，所以不用排隊，因為這裏經常看到很多人排隊，而且價錢經濟抵食，當然最重要係好食啦.....，這天胃口比較大，還多加一籠燒賣！超飽.....同事說我大食..... 現在回想又好似係..... 食飯還要加燒賣，好似多了些.....，不過不是天天，所以也是算大食吧！

週末終於踏足很少到達的大埔墟,首先要謝謝那位向路癡指路的叔叔,不然的話月巴人不知走到那裡去了 在那四方型的公園周邊真的很多食肆,每間都有點興趣,不過今次一定要先試這裡的排骨飯!未到門口已感到陣陣來自蒸籠的熱氣,那陣蒸飯香也同樣地吸引著我,還未踏入店內,店員哥哥已跟我說: 唔好意思,未有位住! 那只好稍等一下,等候期間看見蒸籠裡的各式蒸飯,多想在門口立食一盅!!坐在店內第一時間點了排骨飯,自小喜歡用這種瓷盅蒸製的蒸飯,感覺比用不锈鋼盅的對題得多!對著這盅外觀極對辦的蒸飯,加了豉油和快快拍了一張照片就立即開動,顏色不對也不管了!飯粒相當挺身,很有咬口的米飯感覺,跟平時那些像爛飯的蒸飯簡直是兩個世界,被肉汁滲透了的白飯本身已相當美味,加了惹味豉油後味道更佳,真的好吃!!排骨連著點點肥肉,吃來夠油潤和甘香,肉質也夠滑溜也有肉汁,最後只剩下骨頭和那粒豆豉同桌食客的蒸粉果似乎也很好吃,見他吃完蒸飯再來好幾個粉果,忍不住問他是否真的很好吃??他的答案當然是:真係幾好食架!! 下次再來都要一試!下個目標是南瓜兄所言的明珍排骨飯

九月八日(星期一)媽媽今晚買左外賣返屋企,係盅頭排骨飯,佢話呢間野都唔錯下原本對排骨無太大興趣的我唯有試試咦.....又的確幾好食bor排骨細細舊,o岩曬我(最憎大大o舊,點食姐)最緊要入味,飯身軟硬適中,容易入口,加左甜豉油仲想食更多成個飯都好香,總言之,有殺錯無放過

連續兩星期都吃排骨飯。一餐早飯，這次則是當午餐吃....是次遠征到大埔。聽聞這兒的排骨飯很夠水準，慕名一試....看見門口大排長龍買外賣，為的只是一盅排骨飯。可見所言非虛矣....走入店內，塞得水洩不通。好彩只得一個人，要找個位置坐下亦非難事....什麼也不想，只獨沽一味叫排骨飯，儘管望見鄰桌嘅粉果樣子晶瑩通透甚吸引，仍不為所動...飯跟上次於土記新興旺吃的一樣，以瓷盅奉客，深得小弟歡心。排骨肉汁滲入表層飯內，飯比排骨更好吃；排骨肥了一點，但總算還有一點肉吃；飯比較腍身一點，小弟卻比較喜愛硬身少許嘅米飯。雖則如此，滲有肉汁嘅米飯當然特別香，依舊吃得滋味；鳳爪就反而無甚特別....算是一盅水準以上嘅排骨飯，而且價錢又相亷，怪不得如此墟陷....

佢既粉菓同酒樓既好唔同唔識形容但真係好好食盅頭飯都係招牌菜但未試過

餐廳門外擺了好幾個大蒸籠售賣盅頭飯和點心。人流興旺，原來外賣盅頭飯比堂食更便宜。我也要了一盅鹹魚肉餅飯，外加一客粉果。鹹魚甘香，但肉餅白飯豉油無什麽味道，不甚合意。粉果餡料有肉末、蝦米碎等等，但當中帶有不少肥豬肉，加上粉果皮略厚，吃落比較肥膩。總體來説，食物味道不太合脾胃，只能納入普通科而已。粉果：8元三個盅頭飯：外賣：15元 / 堂食：17元

之前曾有個大埔朋友,聽到我對土瓜灣明珍的盅頭飯讚不絕口,她說:{大埔都有間盅頭飯好出色的,在大明里附近,如果入到來一定要試.}在大明里這個四方城內,看見新明發的門口,見到幾個大蒸籠正在冒煙,心想應該是這一間.入到店內,果然見到有些剪報貼在牆上.原來新明發的盅頭飯,真係幾出名,否則不會惹來飲食傳媒來報導.同明珍不同在,新明發的盅頭飯,是用瓦盅上.更添風味,先吃面頭上的排骨,香甜有肉汁,鳳爪就色水暗啞,味道亦淡.排骨下面的飯底,一撥開,粒粒筆挺分明,不會有些過熟或過生,雖然質感對辦,但飯香就沒有明珍的香.而店方的豉油,又是味道較淡.幫不上忙.下次如再見到這名大埔朋友,我會說:{我之前去了大埔吃盅頭飯,並不是想像中出色,妳有否興趣同我去明珍吃個排骨飯?}

今晚又買左外賣返屋企，新明發出名係盅頭排骨飯，但今晚想試吓北菇雞飯，想加粉果，但粉果要等，所以轉要燒賣。其實新明發自賣盅頭飯出名後，廣福里就多左幾間賣盅頭飯嘅店子，雖然其他價錢比此店略平，但始終係呢間最長人龍，因為真係最好味。盅頭飯係原盅生米蒸熟，吃到啖啖飯香，飯身剛剛好，不濕不硬，北菇雞，其實只有雞，我只食到一片北菇，但雞件夠滑，少一、兩件北菇亦冇損盅飯嘅味道；燒賣足料，做得出色，原來除左粉果外，另一出色點心！

加價啦．．．之前隔離開左間，減左少少，宜家加返了T_T。不過，仍然有好多人幫襯。講真，大埔食盅頭飯的鋪頭唔少，尤其係大埔墟，但係講最好食（唔係最抵食）我諗新明發係得票最高的了。排骨，香～不欺場飯～有飯味，加上原盅蒸，軟硬適中粉菓～足料，宜家８蚊３大隻排骨飯黎講十六七蚊一盅細細件，其實算貴架啦．．．外賣平少少，堂食貴d，但係堂食個感覺係正d 的！可以一試。

呢間嘢d盅飯真係幾好食...不過我最鍾意食佢\個蜆蚧雞飯..正到爆~.27蚊加多3蚊飲凍奶茶..又有例湯送...