新泰東南亞餐廳 (已結業)

有唔少分店，約朋友要留意地址，爭啲就去左另一間，見唔到朋友同朋友叫左幾樣野食咖哩雞+印度薄餅總覺得咖哩要配薄餅/包，所以必加薄餅😋😋呢款咖哩唔辣，我喜歡！易入口，同埋雞都係冇骨，好方便，同埋唔鞋口，幾好食。小食拼盤！雖然每次都好緊張啲拼盤數量夠唔夠分，但又覺得咩都有得食好開心，呢個拼盤每款有四件，仲有肉碎生菜包，好抵玩！多人啲都可以分得到，我地就食得好飽啦！不過食左好耐都唔知左邊個汁係咩？應該係柚子？冬蔭公炒飯，係幾勁既冬蔭公味，食到辣既人應該好開心，我唔食得辣就唔食得多，不過係幾惹味既，會忍唔住想食多啲，最多喪飲野減辣味😂😂推介俾鍾意冬蔭功既朋友！最緊要係唔多泰國食店有呢味餸！每次食泰國野必叫既馬拉盞炒通菜，冇咩特別，冇特別出色，但基本上都係呢個味，唔會輸！

呢間新泰我簡中都會來吃，每次質素都不錯，而且價位合理，算是我的心水食堂之一。是晚和朋友兩人去食，都是朋友點的菜，味道更有驚喜。燈光暗暗的門面令人可放鬆一下。看見旁邊的一枱還怖置得很海島風味呢，而且還應節地有聖誕裝飾。泰式生蝦我當晚第一次吃，比想像中更夠味，而且新鮮彈牙。呢個酸辣醬好夠味，又開位，點生蝦刺身很夾，喜歡酸辣的朋友一定要試。生菜包配豬肉。這家的生菜包會偏辣，生菜份量不太多塊，但肉碎份量就很多，所以要盡情包著啲肉！最後我們食完啲生菜就唯有單食肉呢！這個濕炒河其貌不揚，但吃下非常驚喜。鑊氣很夠，雖然是濕炒，但吃得出很香口的味道。濕炒既醬汁亦很惹味，不太重口味，和河粉非常夾！而且入面還有很多配料，各款海鮮和蔬菜，十份足料！朋友的龍眼冰。我們還點了個芒果糯米飯。這裡的芒果糯米飯非常出色。有兩式糯米，而且上桌時暖呼呼的，吃下很舒服。份量亦相當足呢！的確每一味菜都很合我們口味呢！

夜晚7點幾係灣仔收工想食東南亞菜，咁啱記得朋友話新泰幾出名，咁咪臨時臨急踩上去好彩都仲有位，上到去間餐廳環境好有風味，入門有成樽臥佛係度，點埋燈油蠟燭營造氣氛，連個接待姐姐都係講泰文架～另外Menu好多選擇，前菜，小食，海鮮，咖哩應有盡有。我地叫咗4樣菜，無一樣係伏嘅基本上清晒盤！！其中串燒豬牛雞88蚊有成6串。每一件都有大約四件大大舊肉，熱辣辣，肉質咬落嫩滑多汁，豬肉就比較煙韌，另外陪埋一碟沙爹醬，極好味！本身肉質已經多汁沾埋醬汁根本係錦上添花！仲叫咗小食拼盤，好大份入邊有蝦餅，魚餅，春卷。同埋魚餅唔會腥，食得出魚鮮味，蝦餅好彈牙，另外中間有肉碎生菜包，辣辣地好開胃！真係大份夾好味🤤！！！仲極推介芒果糯米飯😍😍賣相好好，有一份黑糯米同一份白糯米，芒果極甜完全無酸味，稍涼嘅芒果連熱辣辣嘅糯米飯夾埋一齊食根本係無敵😍價錢合理好推介☺☺

男友轉左係灣仔返工，放工搵佢去左新泰食晚餐。因為佢鐘意食炸野，我地就點了「小食拼盤」。拼盤包括蝦餅、魚餅、春卷與肉碎生菜包。我最鐘意就係食蝦餅，蝦餅炸得好脆，蝦肉彈牙又鮮味。魚餅都估唔到咁爽牙。春卷幾脆又不會太過油膩。肉碎生菜包小妹就真係好少食。肉碎有少少辣配上生菜又幾好味。因為小妹真係好鐘意食海鮮。所以點了「日本南瓜焗海鮮飯」呢個焗飯真係幾正。因為佢係成個南瓜上，賣相都幾得意。哈哈。南瓜味都幾出既，我同男友都未試過食南瓜焗飯，都幾驚喜。而當中既海鮮都真係幾足料喎。「貴妃苗」係男友推薦食。因為佢食開呢款菜，話好少餐廳有得食叫我一定要試。小妹估唔到佢個菜真係幾爽脆同新鮮。男友果然無介紹錯呀！小妹仲點了食泰國菜必飲既大大個椰青添。

最近係灣仔返工可以食下呢邊既好西今日就黎左評價唔錯既新泰一試果然好好西喎==============================食泰國野最開心就係食小食拼盤因為乜都有仲要係我至愛既煎炸野佢呢個拼盤有蝦餅,魚餅,春卷,肉碎生菜包夠晒豐富蝦餅好彈牙又鮮味,炸得都好金黃香脆魚餅唔會腥,食得出魚既鮮味春卷皮夠薄,所以脆得黎唔會油膩肉碎生菜包肉碎辣辣地好開胃包左生菜好清新豬肋骨燒得好香而且肉都好多最重要係唔會有豬騷味證明料夠靚日本南瓜焗海鮮飯非常之有特色既一個焗飯佢個汁有少少南瓜既香甜好特別估唔到南瓜用黎焗飯可以咁正最重要係佢D海鮮同配料都好足料啖啖都係料好滿足貴妃苗我諗呢個其實即係我地平時叫開既翡翠苗菜非常之新鮮好爽好脆而且食到淡淡既草香(唔係草腥)極力推薦

難得約到班fd係齊人，又咁岩大家都想食泰國菜，最後決定係灣仔附近黎個gathering!一入門口已經感受到異國風情既味道，入去同店員講人數既時候仲要比我發現佢地私底下係講泰文既!! 已經超期待!!野食多到花多眼亂，最後叫左個小食拼盤，椒鹽軟殼蟹，馬拉盞通菜，冬陰功海鮮炒飯，馬沙拉咖哩，印度酥餅，三杯青檸梳打同一杯椰汁冰!其實佢小食都仲有好多嘢揀三色冰椰汁味好重，超正!!青檸梳打係朋友叫的，試左一啖，好多氣，好爽!!第一道上既係通菜，我嗰時都好擔心啲菜好油，但佢完全唔油仲要好好食好爽口~好入味，唔太辣既之後上咗個咖哩雞同印度酥餅，啲咖哩上面淋咗啲椰漿，加重左個椰香味。叫個飯黎咖哩撈飯都唔過份!!印度酥餅簡直係必叫，好鬆脆，加埋咖哩簡直不得了喺咁多選擇入面我極度推薦大家叫小食拼盤，佢有蝦餅春捲生菜包等等，勁適合一大班人叫。加上佢新鮮炸好好食，覺得太油膩又可以食生菜包平衡番個味覺。正!!椒鹽軟殼蟹唔會太鹹，但少辣，鍾意食軟殼蟹嘅都可以試下最後呢個冬陰功炒飯我都好推薦，佢擺上黎果野我已經聞到陣冬陰功味!!! 食落都係好有冬陰功味，香茅味好突出。都辣辣地，但冬陰功，你懂的😎最後埋單693，每人1

呢間餐廳係睇過有Youtuber介紹佢哋既尖沙咀分店，今次約幾個好耐無見既朋友出嚟食飯，諗住多人啲可以試唔同嘢，就約咗嚟呢間餐廳。一上到餐廳門口已經覺得好有泰國風味，裝修都幾靚同感覺好新，地方亦都好大。我地幾個朋友都叫咗杯青檸梳打($38)朋友叫既三色冰($38)因為大家都食唔到太辣，所以就叫咗呢隻唔辣既馬沙拉咖喱($78)，我地揀咗要雞肉，我地再叫咗個印度酥餅($30)，等可以連咖喱汁食。雞肉好入味，肉都幾滑。而印度酥餅加咖喱個味道加埋真係好好食。冬蔭功海鮮炒飯($85)，本身比佢既紅色外表嚇到，不過食落去都唔算太辣，大家都食到，冬蔭功好入味。馬拉盞通菜($72)，菜好林好香！小食拼盤($198)，入面有蝦餅、魚餅、春卷同肉碎生菜包，佢個酸辣汁連埋魚蝦餅等食好夾，其中最鐘意就係肉碎生菜包，夾埋食好好味。椒鹽軟殼蟹($78)，好香好惹味！

今次係第一次去食呢間泰國菜，由公司同事介紹！7個人食左大約$2000。餐廳地方都算大，環境乾淨，泰式佈置，座位都算闊，場內好多大枱，適合一大班人食，但好多人排隊，可預先訂位！食物方面：份量適中，味道不會太濃，所有野都好新鮮。推介食品有：小食拼盤，泰式生蝦，蝦醬炒飯，軟殼蟹米紙卷，冬蔭公炒飯，泰式金邊粉及燒春雞等等！員工全是泰國人，識聽講廣東話，態度親切，有禮，上菜速度好快。食完好想快d食第二次！值得推介！

近期愛上東南亞菜，放工後約朋友到就近餐廳晚膳。朋友推介這間開業二十多年的泰菜，聽說由泰藉廚師主理，質素有保証。餐廳裝修美輪美奐，金光閃閃，充滿泰國風情。先來一客香芒牛油果軟殻蟹卷 米紙卷口感層次豐富，軟殼蟹夠脆口。芒果中和了軟殻蟹的油膩，清新爽口，作餐前小食不錯。分別點了豬、牛、雞 串燒，雞肉嫩滑，牛肉吃起來有點韌，豬肉則較有咬感。串燒蘸醬濃稠惹味，跟串燒十分相配。拼盤份量比一般餐廳大，有蝦餅、魚餅、春卷、豬肉碎及生菜包 。蝦餅熱辣辣上枱，外皮脆口，內裡蝦肉彈牙。魚餅比蝦餅鬆軟，濃濃泰式香料味。生菜包微辣醒胃，值得一試！金邊粉由蛋絲包圍而成，賣相吸引～煙煙韌韌， 味道酸酸甜甜， 令人食指大動！吃時加點青檸汁，更添風味～餐廳食物款式蠻多，我地都期待下次試試這裡的南瓜咖喱海鮮 及 芒果糯米飯！

去新泰東南亞餐廳食飯，好耐之前就想嚟試下，但一直抽唔到時間，餐椅裝修好有泰國風格，侍應全部都係泰國人，裝修格局同風格都系參照泰國果邊餐廳黎做。服務態度好，環境又寬敞又靚。泰式生蝦都算大隻,新鮮有鮮味, 配以自制酸辣醬汁味道不錯, 值得推介。越式蟹肉炒粉絲本人喜歡粉絲，配埋蟹肉食落好鮮甜。泰菜點少得呢個馬拉盞通菜，炒得有鑊氣，而味道帶有點點咸點，份量對我來說剛好。泰式菠蘿炒飯炒飯用半個菠蘿裝住，份量都算幾多，炒飯同埋啲腰果、蘿蔔一齊炒，口感豐富，而且每一啖炒飯入口嘅時候有好香嘅菠蘿味，食完個炒飯仲可以食埋啲菠蘿肉，酸酸甜甜非常開胃。

呢個餐廳環境唔錯🤔 唔洗坐得好逼通常lunch諗唔到食咩都食海南雞飯🤣海南雞飯 🐥 $75幸運之神眷顧🌟 雞髀位😍海南雞起左骨，肉質鮮嫩😋 油飯夠香但配菜較為油🤷🏻‍♀️ 個湯胡椒味太重

邀約友人一齊食飯，朋友鐘意食泰國菜，見依間餐廳既食評唔錯，就黎到試試。依間餐廳地方唔錯，位於W Square，近集成中心。搭升降機到餐廳，原來間餐廳系全層既，地方寬敞，難得無平時系香港大部分餐廳壓迫既感覺，裝修亦別有一番心思，有泰國既感覺。場內有唔少大細卡位，好適合食飯慢慢傾計。飯麵類蝦醬炒飯($85)：賣相好，份量十足，有泰式臘腸，味道不俗。小食越南烤蔗蝦($78)：份量較少，味道很好，炸皮不膩，蝦肉鮮甜，有泰式辣醬襯托，整體不錯。燒烤蜜糖燒豬肋骨($88)：好野味，蜜糖味濃，豬肉香甜，而這碟醬汁個人無嘗試。甜品芒果糯米飯($62)：今晚既焦點所在!! 賣相好好，有一份黑糯米同白糯米個一份，芒果甜，稍涼既芒果連熱辣辣既糯米飯夾埋一齊食可謂絕配! 極推薦依道菜!

每次經過 W Square 都發現有間名字熟悉的泰國菜，今天終於有時間去食啦！搭升降機到2樓，一打開就見到一套泰國貴氣的木椅迎賓。跟著有位職員帶位，裡面更改似去左泰國食野，不論 牆上掛飾、舖頭名下的神像、枱椅都充滿泰式感覺，特別在後面的帳篷好像如皇室在行宮用餐一樣，好勁。另外，有舒服的梳化卡座，又有用籐做椅的大木枱。我最後選擇了既舒服又有泰國特色的梳化卡座，枱上都有靚靚泰式木雕做牙籤筒菜單簿以白色為主，橙啡色字，圖文並茂，簡單易明， 還有手指公同筷子表示廚房介紹及最多人揀的食品。 因此我點了 泰式蝦炒金邊粉、龍眼冰、醃無骨鳳爪沙律椰汁西米糕泰式蝦炒金邊粉（$98）：賣相吸睛，將蛋絲整成一個網包著炒好的金邊粉，廚師真的好功夫， 大大隻蝦、蛋絲、豆乾、韮菜、芽菜仔、花生碎伴炒得酸酸香香的金邊粉，口感一流龍眼冰($38)：味道ok,龍眼肉都不少醃無骨鳳爪沙律($68)：好多鳳爪，今次補返哂骨膠原啦！鳳爪爽口，入口微辣，每隻鳳爪都有九疊壇、香芹、蔥頭的香味椰汁西米糕($52)：經典甜品，用果葉做成正方形，小小的方形，藏著很大餡。上面是香滑的椰奶，下面是西米、粟米同芋頭，口感軟硬一致，非常有口

平時港島區搵間好小小裝修 坐到多人又唔要係嗰啲雞煲打邊爐既地方 真係要有番咁上下價錢先得再唔係就通常去酒樓今次去完新泰 睇完個環境都好滿意比想像中闊落 也提供圓台方便6人以上的顧客 圓台好在傾計最方便 幾中意這一點馬沙拉咖哩 （雞）咖哩味偏向椰汁重 雞柳都算多 都算幾嫩滑但係可能食慣有小小辣啦 作佢就冇辣既但都幾香口 配蒜蓉包都好好食 好食到我叫多左一籃襯咖哩😂小食 炸軟殼蟹都有四件既份量 唔籃係話有嗱特別既調味料 係平時喺街都食到既水準 口痕想食煎炸野都可以食下 PAD thai 雞肉上碟做得幾靚 將蛋做蛋花放面有高級左既感覺 炒得幾乾身 入口唔油膩 只係雞塊嘅數目唔算太多 總體黎講都好食 甜品 🍮： 芒果糯米飯食泰國嘢有時點少得芒果糯米飯呢10分黎講都有9分 芒果好甜 又大舊紫糯米飯入面包住白糯米飯做得幾正宗👍🏻 椰汁甜度啱啱

This is a highly recommended restaurant, it has excellent various kinds of south east Asia food especially the chicken rice, the mango rice, the fried egg with oyster. Although the foods are from different countries, surprisingly they are good and not pricey. The only drawback is that it is a bit crowded inside the staff here is very nice. I highly recommend the pek thai here. Really good