新泰東南亞餐廳 (已結業)

好啊升降機一打開，餐廳裝潢讓人驚訝。餐廳門口有金光閃閃的裝飾，還有長椅供等候期間使用。餐廳的收銀處用上竹膝設計成如海灘的涼亭，很有泰國渡假的味道。首先，以為裝潢咁靚，食物會好貴，點知價錢都幾親民，放心任叫。冬陰公夠辣夠酸，非常香濃。呢碗野好開畏，裡面有菇同蝦，食得出落重香料，非常泰式稍嫌配料不足，若果隻蝦可以多番d肉會更好味！Masala咖哩雞配印度薄餅個馬莎拉又係好大陣香茅味，個汁加左奶油好甜好滑。 個汁比正常食既馬莎拉甜同埋唔辣，而且咖哩味到唔夠重。 但係要讚一讚個印度薄餅，驚喜地好味，好脆同好香既牛油味,薄餅一聲就清哂。越南蝦米紙米卷紙米卷份量多，但皮太厚，有點難咀嚼。香茅味十足，但係因為本身餡同蝦米既味道唔夠，個紙米卷淨係食到香茅味。 有點失望。椰汁黑糯米呢碟都係其中一碟比較驚喜既。首先芒果好甜，好香濃芒果味 而糯米方面，有夠黑糯米，有夠白糯米。我比較喜歡黑糯米，因為比較煙䪏，尤其係熱騰騰既時候；但白糯米就太韌，有點痴牙同埋難哎。餐廳設計氣氛添色不少，服務員既態度都十分好。雖然餐廳都幾多人，但係服務都好周到,侍應知道我同朋友share plate , 就幫我地咩都拎兩件餐具。

之前係尖沙咀食過新泰 印象好好 店員係好親切既泰國人 d野食又好正宗 知道灣仔都有就黎泰式炒雜菜 好香蒜蓉味道 好有鑊氣 但不會太咸 而且有好多樣菜 西蘭花椰菜花小粟米草菇應有盡有 好抵食串燒拼盤好抵 $88 有6串 雞牛豬都齊曬 個人覺得雞肉最好味 因為本身比較淡 加埋個沙爹醬汁真係好夾好好食 牛同豬都係好味但不用點咁多汁鹽焗烏頭 嘩咁大條既 翻開層皮有好多魚肉 好juicy唔會乾身 而個汁係酸辣 岩曬我呢d又想食少少辣又怕太辣既人哈哈麵包咖哩軟殼蟹 麵包仲好脆口 加埋熱辣辣既椰香咖哩令人食指大動 個軟殼蟹有好多件 好抵食椰汁千層糕 超好味 其實無上面果d椰汁 本身個糕都又香又夠清甜又彈牙 值得叫

今日同一班朋友嚟到呢間餐廳食飯補祝我生日。呢間餐廳我唔係第一來，因為平時爸爸媽媽招呼親朋戚友都係會來呢度食泰國菜。我同屋企人鍾意來呢度嘅原因係因為環境舒適，而且食物質素非常穩定，而且每次來食飯啲食物都好夠熱。我最鍾意食呢度嘅咖喱同埋薄餅！啲咖喱好夠味，而且啲薄餅又甜又脆！簡直係絕配！另外，我哋仲叫咗生蝦刺身，不過有少少太辣，同埋份量太少。特別一提，呢度既菠蘿炒飯同埋泰式炒金邊粉都好好味！不過今次無叫到，下次一定要再食！

這家餐廳環境挺好，燈光幾柔和，我們一家四口連同兩位親戚一起聚餐，氣氛環境很合適。甫出電梯只見一些沙發，茶几，數排陳列架，都是滿具東南亞特色的。食物來說整體也不錯。不過好像碟碟吃上來都幾辣，口味對我來說有點重。親戚點了一味青檸魚，可選烏頭或盲曹，我們選了比較少見的盲曹。魚的調味是辣中帶酸，酸味蓋過辣味，感覺較易入口。我們沒有叫太多疏菜的餸，就吃這碟魚中的生菜也是不錯的。另外點了碟蠔餅，很有趣在泰國菜餐廳會見到蠔餅。蠔餅也是相對口感較不膩的，不送那碟辣醬的話，感覺蠔餅送飯的話會挺易消化的，比較其他餸對胃負擔比較輕，要知泰國菜一般因為口味重，多香料，又辣又酸的，有時也真的會吃不消，難得嘗到較易入口的泰國菜。還有一碟豬頸肉，片片都是肉，肉質彈牙，是我們餐桌上挺受歡迎的一道菜，我配上醬汁吃，略嫌醬汁香料味有點太突出，挺攻鼻的。

這天有內地的親戚來港，借這機會難得可以一家人約齊腳一起吃晚餐，我特地找了間比較有特色的泰國菜餐廳試試。新泰軒尼斯道呢間分店我之前午餐都會同同事來吃，但晚餐就第一次食呢間分店。內裏陰陰暗暗的環境倒是很適合聚會談心，亦有種泰國果種神秘詭異既感覺。點左盤串燒，有豬雞牛混合。挺大串的，很多肉，我吃了牛肉和豬肉，味道夠濃，係沙爹味，不過吃得多會膩。最深色既係牛肉串燒。最淺色係雞肉串燒。呢個中中間間就係豬肉串燒啦。家人無湯不歡，我地點左個冬蔭公湯。份量都可以，夠六個小碗，試下味。佢個椰奶味都幾重，另外酸酸辣辣既香草味亦好開胃。炒個貴妃苗，嫩滑又有鑊氣，三兩下手勢就食完啦。泰式炒菜真係好受歡迎，下次應該叫多碟菜。呢個係今晚大家勁讚既南瓜飯，飯量都唔少，有少少海鮮咁啦，但配合南瓜蓉幾足料，而且醬汁都好夠味。最正係食完飯仲可以食南瓜，一雞兩味，抵食！不過個人覺得個南瓜未夠軟綿綿，仲有進步既空間！整體而言都幾抵食，好似食左好多款式又夠飽肚，一人都只係150。的確係適合大顆聚餐。

同事生日，一行三人中午去食泰國菜慶祝吓，食午飯得一個鐘頭會好趕，所以偷偷地早咗10分鐘就出去攞位，到咗舖頭見無乜人，以為好快有位。點知都要等成十五分鐘先比位我，好彩等位時已揀定食咩！我們叫咗二人套餐$218及一客午市套餐$75，加$8可轉特飲，再加$28升級優惠叫咗客越南蝦紙米卷。二人套餐揀咗泰式炸春卷/馬沙文牛腩/馬拉盞炒通菜/印度烤餅。午市套餐揀咗泰式蝦炒金邊粉/越南蝦紙米卷飲品青檸梳打/紅豆冰/咸檸七還送了甜品越趕時間啲嘢食就越遲嚟，又漏單，又趕開工，所以食得有啲狼狽，下次都係訂咗位先。

新泰位於灣仔銅鑼灣交界，係正休憩處隔離大廈，地方超易搵。一上到去就好有東南亞味道，入面既窗簾，裝飾都好東南亞啊，連d staff 都係啊，因為佢地堅係東南亞人好，講番野食先。餐牌上好多野都好想食，叫住幾味滿足下味蕾先飲品方面叫左椰青冰冰，椰青冰冰用左成個椰青，裝住既係椰青仔打成既冰冰，冇咩溝水加糖；好light好fresh成到成口酸酸辣辣最好飲一啖，清一清口腔繼續食更多既野，大推！小食叫左生菜包，青咖哩薄餅。生菜包辣辣咸咸，好開胃；青咖哩好入味，薄餅唔係脆個隻，係淋淋地比較索汁個隻，沾滿咖哩汁好滿足，開胃主菜有地道風味既炒金邊粉，外皮用左蛋網包裹，撈埋金邊粉同青檸汁，一啖啖東南亞風味南瓜飯好好味，焗左既南瓜仔加上飯粒，有d清甜既味道- 多人可bk賬逄位，成班fd自成一角好正傾得好爽（仲好吵）

星期四開完會約左幾個朋友係軒尼詩道搵食我係第一次黎呢間食飯 朋友就黎過話ok的其實都算易搵 係一橦商廈既2樓咁一出lift口見到裝飾佈置都好泰國氣氛不錯服務員態度都唔錯佢地好忙 但都好有笑容坐低叫野食 其實都係常見泰國菜式啦我地就叫左個燒豬頸肉食 肉質恰到好處記住要先試唔點醬汁 個人認為唔點都夠香夠好食泰式炒金邊粉 味道算中上 幾個朋友share就岩岩好份量菠蘿海鮮炒飯 足料 飯底入口有驚喜同配料好夾 不過好飽青咖哩 好正但比坊間既辣多一點但食到辣既朋友一定會喜歡食咖哩配薄餅 一份真係唔夠食可惜已有飯有粉 太飽了豬肉生菜包 愛吃辣的 呢款就必點熱辣辣 好香金不換的味道 夾住生菜食 一流食完辣點可以無杯凍飲我就試左青檸蘇打 好特別 我自己少見呢隻soda另外仲有菠蘿冰 都係不錯選擇

今日約咗朋友去食泰國菜，我哋揀咗喺灣仔好多好評嘅新泰。係軒尼詩道呢一間分店店面好大，入邊嘅裝修好有泰國風味。至於食物方面首先講香芒軟殼蟹米紙卷，外面嘅米紙好煙韌，厚薄適中，入面嘅芒果好甜，配埋軟殼蟹同牛油果，口感好豐富！炭燒豬頸肉，豬頸肉燒得好香口但同時保留到肉汁，非常推介！建議先食原味嘅燒豬頸肉，之後再點佢嘅汁，因為汁好重香料味，有少少搶左本身已經好出色嘅豬頸肉。泰式菠蘿炒飯，好足料。泰式青咖喱， 可以揀唔同嘅肉類，我哋就揀咗雞肉，青咖喱味道濃郁，辣度適中，入面除左雞肉，仲有各種雜菜，咖哩汁用黎點酥脆嘅印度酥餅，簡直是絕配！肉碎生菜包，雖然偏辣，但係好惹味，濃濃香料味配上肉碎同埋新鮮嘅生菜，好味！泰式蝦炒金邊粉，係我泰菜必點嘅菜式，好大粒蝦，好味！青檸梳打菠蘿沙冰

行完書展成九點半就同屋企人嚟食東南亞菜 一入到去 發現環境好好 好有格調 卡位嘅佈置亦好別緻 有d喜出望外🤗餐牌亦都有好多選擇首先叫左逢去泰國餐廳必食嘅炸蝦餅蝦餅新鮮炸起 熱喇喇好脆 蝦肉亦好飽滿 正🤤另一個小食叫左蒜香越南牛油雞翼 蒜香味好香口 雞翼都炸得好香脆 又有牛油味 好食👍🏻最後一個小食：香芒軟殻蟹米紙卷呢道菜就相對冇咁heavy 有香芒同生菜 感覺好fresh 生菜好爽口 加上軟殼蟹亦香脆 仲有芒果嘅鮮甜 口感同味道層次都好豐富😋泰式菠蘿炒飯賣相好靚 入面亦都好足料 大蝦都有幾隻 亦有雞肉 豆干 菠蘿🤤泰式炒金邊粉 Phad Thai賣相好似菠蘿包🤣 但其實上面係一層蛋線 好綿密 金邊粉亦好香 唔會太濕 亦夠足料！泰式甜品大拼盆一見個賣相已經好吸引 中間係必叫嘅芒果糯米飯 隔離有椰汁糕 千層糕 馬豆糕 西米糕 真係好正 賣相掂 食落都好掂 亦都好有心思 特別鍾意西米糕😋😋總結呢度環境好好 價錢亦合理 食物質素亦好 會再encore!

🍴泰式拼盤 198 蚊🙏🏻勁大碟拼盤😃蝦餅🦐大件厚身 出面既茨粉唔多 但夠香脆 😄 蝦肉彈牙 魚餅 🐟比較軟身大件香草味香🌿春卷🔥外表炸得香脆 入面有菜絲粉絲🌿 夠爽口感 正 ! 肉碎生菜包🐷好多料同生菜 有洋葱 葱花肥豬肉碎 味道咸香又帶 d.辣🌶 包埋清新既生菜十分 match 😆🍴南瓜布甸 62 蚊🎃用南瓜切開4 份 放埋南瓜布甸入去 呢款係熱食既布甸 都幾入味 南瓜味香濃 😆 都幾飽肚 同幾香甜🍴芒果沙冰 😆 38 蚊即叫即整既沙冰 ❄芒果味香甜 估計都落足新鮮芒果 正！Score 平均分 <7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#新泰東南亞餐廳灣仔軒尼斯道314 至324 w square 2 樓~~~~~~~~~~~~

一向喜愛食泰國野，今次黎呢頭都首選食泰國野無乜幾可出開黎食，黎到緊係要食間有信心保證的野啦午市套餐 $75，有好多選擇，而且有野飲，都算價錢適中朋友叫左個泰式蟹肉炒粉絲，好colourful，試左少少，蟹肉都好軟滑喎，粉炒炒得香，係幾好食我就叫左青咖哩雞配白飯，青咖哩味道恰到好處，香濃辣度適中雞肉嫩滑，又係好食環境唔錯地方夠大，好有泰國風情，今次又坐著近窗的卡位有得睇風景，食得開心服務員都態度幾好有耐性，下次可以再食

發現灣仔有間泰國菜有300多個好評, 坐得舒服，抵食好食，性價比高 紅咖喱鴨再order薄餅, 咖哩入口唔辣，香氣撲鼻, 印度薄餅上桌熱騰騰, 好香脆牛油果芒果軟殼蟹米紙卷薄薄米紙卷 ，米紙黏度剛剛好, 入面放咗軟殼蟹，蔬菜，牛油果, 粉絲同芒果。芒果好甜, 令口腔提升濕度泰式鹽焗烏頭，有別於一般泰式的做法，烏頭煎得很香，再放在爐上慢火煮，加上湯很鮮味肉質嫰滑冬蔭公香料好足，少辣同埋夠哂酸,而且有大隻鮮蝦椰青夠大隻清甜，好解渴

位置都夠晒闊落環境唔錯, 價錢抵, 食物質素高既一間泰菜餐廳炸蝦餅有8件, 每件炸到金黃色 , 蝦餅又大又厚，加埋甜酸醬，開胃鴨肉碎生菜包食過其他生菜包較多肥膏, 鍾意新泰既肉碎偏瘦,低脂肪, 帶點辣同酸份量足, 包到爆餡, 連生菜都好脆口好新鮮馬拉盞通菜炒得夠鑊氣， 鋪上蝦米和炸蒜，唔會太咸， 沒有馬拉盞醬太濃的味道，好適中蒜蓉牛油雞翼牛油味十足，有大量炸得香口既炸蒜夾住食，正炎炎夏日叫咗guava沙冰, 唔會太甜, 解暑

今日約咗朋友去書展，係去之前食個午餐先。揀左灣仔Sun Thai 食泰國菜，貪佢近會展。餐廳完全走泰國風，周圍擺滿泰國裝飾，環境空間感十足，佈置精美，未食都加加分先。我地點左個午餐海南雞飯加配燒豬頸肉沙律，另外一個鐵板蠔仔炒蛋。先講前菜燒豬頸肉沙律，份量十足，無諗過咁大份。豬頸肉外皮烤得脆，但肉質依然保持爽滑，真係好難得。加上配菜嘅洋蔥同車厘茄，酸辣口感，十分開胃。 *請注意味道偏辣，怕辣嘅要小心。至於海南雞飯，雞肉分量夠，肉質滑嫩，配合酸辣汁食用十分夾，可惜皮下脂肪較多，去皮食用較健康。黃油飯椰香味濃，加上跟餐有冬瓜湯及時菜，認真抵食。鐵板蠔仔炒蛋，蛋香蠔仔足，蠔仔鋪滿成碟炒蛋，啖啖都食到蠔仔。加上芽菜係底增加口感，值得一讚。總括來說，味道係正宗泰國菜，經過的朋友不仿一放