新泰東南亞餐廳 (已結業)

係駱克道打完波，成班朋友係灣仔揾飯食，其中有朋友就話想去食泰菜。行行下，最近的一間應該非新泰莫屬，我覺得這間餐廳很適合多人聚會！門面都幾靚，內裏環境都優雅，坐位也很寬敞舒適！我們來到時已是晚上九點，完全不用跟人逼和排隊，等著侍應安排入座。這裏的侍應也多是泰國人，但都識聽識講好多廣東話。大家熱烈討論下個餐牌，樣樣都想叫，款式太多。最後叫左馬沙拉雞肉，我地前後再加薄餅，法式包，估不到這樣子吃是非常好味的。然後還叫了泰式菠蘿炒飯、炒蝦金邊粉，這種飯面類很普通：其中蔬菜也叫了兩款：飛天通菜，很辣呢！頂唔順，哈！另外的蒜蓉炒貴妃苗，真的很推介這個菜苗，入口很幼嫩！也有叫串燒（雞肉，牛肉）以及拼盤，這兩款也是泰菜的經典款，呢間餐廳在這兩款菜式的煮法很香口，很抵order!可以一大班人分享多種小食！

今日約了兩個表姐食飯，機緣巧合的情況下，去了這間令人有驚喜的越泰餐廳，不錯不錯！首先講裝修，好舒服，坐在沙化位，有窗景望到樓下亦好開洋！黃昏睇幾有 feel 坐得都幾舒服！我地好似三隻餓狼一樣，叫左都幾多野食，哈哈前菜當然是生蝦，生蝦我覺得配菜都好重要！而呢粒小小的蒜頭係令我俾左高分，放入口都幾辣，是新鮮的！叫了炸物拼盤，連生菜包，好好食喔！近鏡一樣咁吸引，打到現在的我都很肚子餓添 哈哈而我地亦點了青 curry 配薄餅，好好食啊！好掛住之前去印度食的味道！一併放進口 哈哈而緊係要食個菜！味道都唔錯！最後叫左個千層甜品！出面好似好少食千層糕係加了白耶汁，甜甜的，好味道！耶青，我真係每一次叫都會食埋d耶青肉，耶青肉，唔係好嫩嫩的，知唔知道點解？因為雖然耶肉不是 bb，但係所以耶子精華滲進哂耶水裡面，所以飲落真的好甜好甜！真係不錯，i will come back ! hhaaaa

盧押道間新泰去過好多次因為每次去會展都要行開果邊，食過一次覺得口味之後就次次去會展之前或者之後都會食下新泰今次見到係灣仔軒尼詩道都有分店，今晚晚飯就係到食啦唎到環境好舒服，每張枱既擺位都唔會太逼餐牌好多圖片參考，而且好多同實物既差異都唔太大綠豆沙冰（＄３８）之前試過椰青沙冰，真係同張圖一樣堆滿唒成個椰青但今次想試試綠豆沙冰一樣好好味，好足料，唔會得冰，飲到有ｄ綠豆沙咁，甜度適中泰式炒椰菜仔（＄９５）椰菜仔味道本身係會帶點苦澀，但係調味做得好係會遮蓋到本身椰菜仔既苦澀味唎到炒得好爽脆好熱，調味都唔錯，只得一兩粒椰菜仔有少少苦澀味泰式炸魚餅好熱，咬開仲出緊煙咬落彈牙，好有彈性有泰式炸魚餅應有既味，亦唔會好鹹越南鮮胡椒炒牛展見到有鮮胡椒同炒牛展兩樣都係比較少見，又想試下唎個味道係比較濃味ｄ，不過女朋友唔食得辣都覺得唔辣而牛展都係有平時一片片果ｄ見到既紋，不過而家係切粒，同埋一樣係唔會好ｕｎ日本南瓜海鮮焗飯（＄１０８）食泰國野好少食飯，今次見到南瓜海鮮焗飯好似平時唔多見，所以就揀左一樣係好熱，多汁，南瓜味濃，好好味

好耐無食過泰國菜，好掛住泰國野食。朋友介紹灣仔一間泰國菜～話食過幾好食。決定約埋35知己去試下菜。依間泰國菜館位於灣仔軒尼詩道W Square 2樓全層。電梯門一大開，就覺得自己置身於泰國甘。充滿泰式風格既裝潢，店員都係泰國人。店內環境好大，台與台之間距離都遠，適合傾計。坐底後大家點了：咸魚炒介蘭$72勁有咸魚香味，介蘭炒得好惹味，每條菜都沾有咸魚既味道，好岩送酒。青檸蒸魚：$168依條烏頭青檸蒸魚，十分抵食，條魚好大條，勁多泰底香茅同香草既味道。條魚又好多肉，好新鮮。正。馬沙文咖哩：$78我地點了蔬菜既馬沙文咖哩配印度鬆餅。鬆餅好鬆軟，配咖哩一流。串燒6串：$88串燒有豬、牛、雞。肉本身已經好入味，燒到有點蕉香味，好岩佐酒既小菜。

新泰東南亞餐廳位於灣仔W-Square二樓，由灣仔地鐵站步行至餐廳約10分鐘步程，位置便利。步入餐廳大門，映入眼簾的是以木材為主題的裝潢，貫徹傳統的泰式風格，展現環境自然、舒適的氣氛。店家亦十分貼心，於餐廳大門設置沙發座椅，照顧到顧客排隊輪候時的需要。餐廳內的環境非常寬敞，設置卡座與圓枱，卡座座位舒適且寬闊，有足夠空間放置一定數量的菜式，方便顧客用膳。椰青是泰式傳統飲品，清甜的椰青水配上嫩滑的椰肉，予以人一股沁涼的感受，用來佐送一些較辣的菜式便最適合不過。所點選的頭盤為冬蔭功湯，湯底食材眾多，包括香茅、青蔥、草菇、鮮蝦等，酸辣度適中，非常開胃，味道香濃卻略為偏鹹，但食材十分新鮮，蝦肉紮實彈滑，鮮味十足。我們點選了蜜糖燒肋骨為主菜，這道菜式亦十分出色，外觀氣澤漂亮吸引，肋骨烤至金黃色，香氣撲鼻，口感鬆脆，肉質鬆軟，以蜜香配搭烤肉的鮮味，非常惹味，個人認為，若能於烹調過程中保留更多肉汁，味道會更佳。另外，此菜式亦配有特色醬汁，醬汁味道甜而帶點微辣，若以醬汁配搭燒肋骨，又是另一番風味，甜甜辣辣的味道大大降低了肉類的油膩感。整體而言，餐廳菜式種類繁多，味道不錯，環境優美舒適，價錢相宜，值得推薦

我係一個好鐘意食泰國嘢嘅年輕人，平時都有不停搵唔泰式餐廳去試下有冇啲新驚喜，今次就去咗依一間新泰東南亞餐廳食嘢。一入到去座位非常寬敞光線很充足 waiters 全部都係泰國人感覺非常地道 一入到嚟就有置身喺泰國嘅感覺 仲有一點裝修真係好靚！然後佢哋就安排左一張卡位俾我哋坐 座位非常寬闊 坐得好舒服。而該店提供嘅食物選擇非常多。有辣有唔辣，任君選擇。同埋waiter們無時無時無刻親切嘅笑容 令到食客可以有一個輕鬆和諧嘅心情享受美食。個人認為蒜蓉炒貴妃苗係最有驚喜嘅菜式之一，非常推薦俾大家試下 普遍嘅泰式嘅炒菜類通常會比較老 咀嚼到咁上下佢會有啲渣 而佢唔同其他炒菜佢食落去係會有爽脆嘅口感，非常新鮮！第二個驚喜就係明爐烏頭，湯嘅酸度啱啱好，第二個菜式相當之多配料有葱,草菇等等去辟去烏頭本身嘅腥味。用筷子夾起魚肉時魚肉相當結實嫩滑非常新鮮，出邊嘅泰國餐廳通常烏頭嘅魚鱗清得唔乾淨，好影響食用時嘅快感，而依到就無依個問題。

最近相約朋友吃了一間新的泰國菜 「新泰」東南亞餐廳。餐廳分店位於港到灣仔，由灣仔地鐵站出行大約十五分中就到，十分便行。 一進入餐廳門口環境寬躺， 桌與桌的距離十分足夠， 私穩度高。 裝潢充滿東南亞氣式， 華麗， 古色古香。有大部分員工都不是本地人但說出流利的廣東話，親切有禮， 滿臉笑容，態度溫和。到重點部分「菜色」， 首先是開胃菜「泰色生蝦」，選用了新鮮食材， 大大隻爽口美味， 醬汁特別，酸辣汁夠入味， 對於我來說辣度適中，十分開胃。之後到必食的泰式串燒沙嗲，有三種肉可以選擇（雞，牛，豬），肉質鮮嫩，烤得剛好，外熱肉軟，而沙嗲醬就偏甜，如果可以辣一點就好了，整體感覺不錯。然後，飲品來了，我點了芒果沙冰，味道不過不失，微甜。仲點左個菠蘿炒飯，菠蘿炒飯為東南亞標誌性美食，呢個菠蘿炒飯分量十足，有蝦，菠蘿，粟米，腰果，肉鬆和提子乾，材料豐富，口感十足，味道帶點甜酸，十分美味。整體來說，性價比高，價錢相宜，可以再戰，誠意推薦。

響灣仔番工既好處係會試到好多好食既餐廳講起食泰國野個腦一定有新泰既出現！放左工既灣仔好少人逗留 所以易搵位好多W Square個間新泰我最鐘意，裝修好靚好泰國襯唔多人仲可以揀窗邊卡位坐 好闊落舒適打開menu就會見到好搶眼既椰青沙冰係用原個椰青裝住 點可以唔叫呀黎到既時候發現仲大個幅圖 真係犯哂規$55 好抵飲，飲落椰子味好濃而且仲食到少量打成粒既椰肉兩個人食既野唔多叫左款小食 焗飯 同一個甜品全部都超水準咁好味 泰國美食迷必定要試！燒豬頸肉燒得岩岩好 唔會乾哂 配埋泰式酸醬汁好正而且呢到既豬頸肉唔肥 可以食多幾塊仲有樣推介係南瓜焗飯同沙冰一樣 焗飯都係用原隻南瓜啲南瓜味焗番入啲飯到 意想唔到咁好味而且仲食到有淡淡椰漿味估計係個南瓜汁用左椰漿 令到成個焗飯更加香濃仲有就係個飯都幾足料 每淡飯都不到一大舊海鮮有蝦、青口、魷魚等等 同埋有南瓜粒粒個飯真係好大個 添左幾轉 兩個人食會太飽建議叫多幾位朋友開心share!雖然好飽 但心思思想試埋款甜品先走樣樣都想試 最後叫左坊間未見過既椰子班戟雖然叫班戟 但賣相就似煎糕而味道同口感都好似中國人既椰汁年糕 好煙un同埋呢個班戟就有好多椰子響入面

好耐冇見過班中同，今日特登約佢地係灣仔食，見呢間幾多好評就揀咗呢間東南亞餐廳（都算係我地嘅回憶黎嘅！）餐廳係2樓，一上黎就好似去咗傳統泰國地方咁，好有泰國特色！啲侍應都著晒泰國服飾，（仲有靚仔小鮮肉睇🤤🤤）好多客人，好熱鬧。 有啲位仲係類似「帳篷」嘅設計，好有feel!我地就坐咗係靠窗嘅位，有得睇路景Menu上有好多選擇，我地都搞咗一大輪，先決定到嗌啲咩⋯⋯東南亞餐廳，我一定會嗌椰青水我覺得好fresh，而且都幾大個，唔洗就住就住飲。木瓜沙律好新鮮，又唔會太辣，啱我口味，我好鍾意食木瓜沙律，所以可以大兜啲就好啦蜜汁肋骨好香，又夠熱，好入味得黎又有肉汁，唔會好乾。個汁除咗辣，加咗檸檬汁葉，所以酸酸地之餘仲有陣陣檸檬香。整體味道溫和（少數偏甜），如果唔鍾意太辣嘅人都係一個好好嘅選擇。

Happy Friday 喺灣仔食泰國菜，喺openrice搵左呢間好多笑評嘅「新泰」試一試。餐廳佔地都頗大，枱同枱之間空間非常足夠，職員為我地安排左一張靠窗嘅卡位，舒適度十足。小妹食泰菜必定會點一道「泰式生蝦」，生蝦新鮮、彈牙爽口，配上特製酸辣汁，入面有蒜頭紅辣椒青辣椒嘅味道同色彩，色香味俱全，非常開胃，如果份量多返少少就完美了！泰色沙律最常見係柚子沙律同埋青木瓜沙律，青芒果沙律就真係第一次食，食落去口感同青木瓜沙律無乜分別，但芒果嘅香味就比木爪明顯不少，配埋新鮮嘅紫洋蔥同香脆嘅花生，又係另一道開胃菜！泰國咖哩出名，青咖哩更加係泰國嘅特色咖哩，今次叫左青咖哩雞，辣度比想像中輕微，好香九層塔嘅味道。份量好足，雞肉嫩滑，特別鐘意泰國茄子，細細粒夠可愛之餘，口感比傳統茄子更佳！咖哩一定要配薄餅！呢度嘅印度薄餅外皮酥脆好食，但略嫌薄左少少，比較難「掛汁」！蒜蓉炒貴妃苗好香口爽脆，咸度剛剛好！不錯！椰青正常！因為太喜歡椰青嘅香氣，甜品又叫左原個椰青大菜糕，份量超多，抵食！不過兩個人食確實實有點吃力，哈哈哈！味道好清甜，椰子味好出，加上大量椰子肉，口感亦唔會太單一，推！見到餐廳都有好多張大枱，好

已經數不清是第幾次試這一間泰菜了，它在銅鑼灣比較入的位置，環境舒服，因為上次嘗過分店後覺得好不錯，所以一再光顧！我們點了一份泰式生蝦，馬沙拉咖喱豬配印度薄餅，越式蟹肉炒粉絲，越式燒春雞釀香茅黃飯，還有蒜蓉炒貴妃苗和馬拉盞通菜! 至於飲品方面有芒果沙冰和椰青沙冰先說越式燒春雞，它的賣相很吸引，內裡有炒飯，分量十足。其實這間餐廳其一賣點就是這樣，每碟都令人唾𨒂欲滴！泰式生蝦有五隻蝦，甜辣適中，正！至於咖喱豬，我們選擇了配薄餅，而且咖喱汁有驚喜！還有越式蟹肉炒粉絲，看圖已經贏了不少泰國餐廳，蟹肉足夠，可以一戰！最後一定要提到是甜品！南瓜布甸款式特別不在話下，味道是出面泰國餐廳都欠奉呢！好！吸！引！呀！最後四人光顧得很滿足。

今日叫左海南雞飯，好好味，油飯個飯比較硬，食完個餐好飽，重有飲品，好食，叫set lunch 上菜好快，有得預先book位，唔使等，環境好好，個湯就胡椒粉太多，覺得有d辣，個雞好滑，好食

今日又約左一班姊妹食飯，咁啱佢地喺呢頭放工，就尼左呢間泰國菜食喇。環境寬敞，四人枱超大張，坐得好舒適呢。.一坐低我地就先點咗兩杯野飲—芒果沙冰同椰青沙冰:味道頗甜，但對嗜甜既我就冇問題啦。.泰式生蝦:作為頭盤好清新—肉質鮮味生蝦加上辣椒同埋葱既點綴，酸酸辣辣，入口既感覺剛剛好！.馬沙拉咖喱豬&印度薄餅: 馬沙拉咖哩唔辣而十分惹味，點埋薄餅係絕配！.蒜蓉炒貴妃苗: 本身我唔係好好貴妃苗，但呢碟用蒜蓉炒得剛好，唔會有草青味，nice~.馬拉盞通菜: 馬拉盞呢d咁惹味既食材，最啱重口味既我😍通菜加馬拉盞，鹹香惹味，火喉十足👍🏻.越式蟹肉炒粉絲:呢個菜式相對平庸，粉絲都炒得乾身，調味唔算特別，但都係ok既，但蟹肉就略嫌唔鮮味。.越式燒春雞釀香茅黃飯:隻雞都幾大隻，但又唔會煮得太耐令肉質變嚡，食落個皮脆卜卜，擺埋黃飯既配搭，就已經好足夠👏🏻👏🏻.南瓜布甸: 實的的既texture，加埋南瓜肉~好特別！

放工已經9點幾，唔想食粉麵/連鎖店，同事推介附近呢間泰國嘢，呢度開到11pm，真係啱晒！上電梯去到2樓就到，門面好闊，擺設好泰式，裝修亦都幾有心思！🐘🇹🇭🥑香芒牛油果軟殼蟹米紙卷🔸米紙卷皮好軟，唔會韌🔸軟殼蟹炸過，脆身🔸兩種生果加埋醬汁，簡直係開胃之選！✨🦐生蝦刺身🔸兩個字：新鮮！鮮甜！👍🏾🔸一定要連生蒜同辣椒一齊食🔸醬汁超好味🐷肉碎生菜包🔸生菜爽甜🔸肉碎惹味多汁！🔸酸辣度適中食泰菜又點少得生菜包，食盡咁多生菜包呢個都算真係唔錯！比個👍🏾！🐟明爐燒烏頭（可選盲鰽）🔸呢條魚不得了！係滑到不得了！！🔸酸辣醬同其他醬料一樣都係咁好味🔸超推介大家食呢條魚！店員話當碟上面嘅湯都乾晒，就可以落少少側邊嘅湯，唔好一開始就落。🥥椰青🔸清涼多汁！！🔸椰肉唔硬，一刮就成片食得！👏🏻東南亞菜入面，泰菜一定係我第一位，又鍾意酸又中意辣😍好開心又發掘到一間高質泰菜！一定會再嚟食！！👏🏻

泰滋味 性價比高 發掘九龍城以外嘅正宗泰式口味【新泰】‼️‼️一講起泰國菜，會聯想到九龍城，但完來港島都有好選擇，環境舒適空曠，仲有Sofa坐位，由踏入餐廳門口開始，就完完全全感受到好「泰」嘅味道！無論裝修定餐廳員工都好夠泰🧐價錢亦屬中位，性價比算高。燒黃鱔必試必食之選🤫真係好出色，食過翻尋味！燒得啱啱好，黃鱔肉質嫩滑，咬落有汁😮熱辣辣即叫即燒。燒汁嘅味道好香口，表面有少少脆，一粒一啖好正！泰式燒春雞釀香茅黃飯比較特別嘅菜式，燒春雞用泰式燒法，外脆內軟，雞肉新鮮，多汁，一啲都吾鞋，配埋泰式汁食正好多😋切開之後，入面係釀咗氛香撲鼻嘅香茅飯，飯吸收咗雞肉嘅香味之後好濃雞肉味，惹味可口～泰式爆田雞炒得好夠穫氣，帶少少辣，用泰式醬汁炒完之後田雞入曬味，咬落仲啖啖肉，要嚟送飯最開胃😆香芒軟殻蟹米紙卷小食可以試下米紙卷，中間夾住芒果同軟殻蟹，夾埋一齊食好fresh，甜中帶少少脆，口感好爽口。蛹蝦賣相拎咗分先，雖然係油炸，但無油膩感，表面脆卜卜嘅炸米好香😝同入面嘅蝦肉一齊食口感好得意，中意香口嘢嘅人最啱。