新泰東南亞餐廳 (已結業)

如果要選擇一間坐得舒服，食物質素高，服務貼身，價錢合理的泰國餐廳，新泰一定榜上有名。今晚與我的大胃王朋友一共點了五道菜，每碟份量幾大。柚子蝦沙律，柚子肉一排排，食得過癮，柚子味道清新無苦味，味道不過咸，配上大蝦，相當出色。主菜方面，青咖喱豬另加油餅，咖喱香濃不辣，油餅即叫即做，味道配合，是驚喜之作。名爐魚用上盲鰽，肉質鮮美，酸汁又不會過咸，係水準之作。甜品方面，芒果沙冰可選少甜，更味嘗到呂宋芒的清香。芒果糯米飯中白糯米口感最佳，又重米香，為今晚泰國菜之夜寫上完美句號。

今日嚟到灣仔揾朋友，因為兩個人都係泰國菜嘅粉絲，所以就OpenRice左一間好評幾高嘅泰國菜。第一次嚟到呢間餐廳，就被呢度嘅環境所吸引，周圍都擺滿咗泰式嘅擺設，加上侍應大部份都係親切又好客嘅泰國人，嚟到呢度真係恍如置身泰國。可惜我地兩個人，坐唔到佢啲充滿情調嘅卡位。我哋叫咗一個廚師推介嘅蝦醬炒飯($85)，一個泰式青咖喱雞(＄78 )，配印度薄餅$30。⬇️收工梗係要啤一啤🤤 一jar Singha泰啤$118，兩人share都唔算貴 ⬇️🌶青咖哩向來都係我嘅至愛，濃郁惹味又幼滑，呢度嘅青咖哩做到了。入口先係微甜，慢慢就食到好濃嘅椰香，香料同辣味反而係後勁。起初都唔覺得佢辣，點知鮮甜嘅味道吸引我愈食愈多，後嚟就要係咁用啤酒解辣。😅⬇️$78嘅咖哩多汁又足料。有香葉，豆角，圓碌碌嘅泰國茄子，雞肉唔算有味，但勝在夠實肉。⬆️印度薄餅$30，份量晤算多，大約係平時兩塊左右嘅份量。金黃香脆，表面鬆化内面軟熟，唔算太油。有薄餅餸，清晒啲咖哩完全唔係問題！⬇️蝦醬炒飯$85，賣相精緻，同樣地足料。炒飯乾身感覺健康，蝦醬香但唔咸，但未算夠鑊氣。裡面嘅材料有四季豆，臘腸，豬肉碎，辣椒碎，撈埋上面嘅蛋絲，味道同口

收工諗住同個朋友去食啲嘢，佢就推介左一間新派泰國餐廳，話同啲同事食過都算抵食夾大件喎！ 我哋嗌左香芒牛油果軟殼蟹卷($88)，蒜蓉包($30)，馬拉盞通菜($72)同padthai($98)。軟殼蟹卷真係好好食，芒果好清新，點埋啲泰式甜辣醬，好開胃，軟殻蟹啱啱炸出來，唔會過油，芒果亦都好甜好夾。蒜蓉包嘅蒜蓉唔會太過油膩但係都好香牛油味，一上菜嘅時候已經令人食指大動啦！通菜份量都唔輸蝕，兩個女仔一定夠食，好鍾意食泰國菜個種辣，辣得黎唔會想停，會令人想再繼續食落去。最後嘅Padthai都很出色，一上菜見到有個黃色好似菠蘿包咁樣嘅嘢，原來係師傅將蛋擺咗上去，好有心機，花生亦都炒得好香，金邊粉唔會過油，亦都有蛋絲同芽菜，仲有四隻鮮蝦，份量其實兩個女仔真係會食得晒㗎！下次一定會再同大班朋友黎，就可以試其他野啦！

夏天依家都未開始, 天氣就已經三十度以上啦啦隊長 個人非常之熱 , 真係要食番啲辣嘢, 驅一驅暑熱, 令我諗起 食泰國嘢嘅衝動呀, 心動不如行動先!今日係泰國餐廳, 叫左個鮮胡椒炒大蝦, 價錢168蚊, 佢嘅presentation做得非常之靚仔, 胡椒係用油炸過, 咬落去非常之香, 佢炸過, 咬落去入口即化, 幾特別, 胡椒大蝦有三大嚿, 話明大蝦, 真係非常之大, 外面用咗炸漿, 炸脆, 開咗邊嘅大蝦, 佢嘅肉質非常之彈牙, 配搭埋胡椒, 香味, 啖啖肉, 非常之正。另外再叫咗個咖哩, 用上豬肉為主打, 佢嘅豬肉配上咗咖哩, 辣辣地, 夏天食嘅話可以驅除濕氣, 有咖哩又點可以冇埋薄餅喇, 佢嘅薄餅非常之優秀, 外面金黃色, 裏面非常之軟身, 配咖哩真係天作之合。

第一次光顧新亞東南亞餐廳，給了我一個驚喜。餐廳位於灣仔軒尼詩道W Square 2樓，地方寛敞，一出電梯就有一個寛大的等候區，在灣仔鬧市算是少有的。泰式柚子蝦沙律，柚子清新，大蝦鮮甜，醬汁調校得恰到好處，酸甜相宜，非常開胃。泰式冬陰公湯，蝦肉彈牙，用料十足，酸辣美味，欲罷不能。泰式蝦炒金邊粉，金邊粉是我很喜歡的泰式主食，皆因它雖然是炒，但不油膩，而且配料多，口感丯富。拼盤，泰式最出名的小食都在這拼盤內，十分豐富，魚餅蝦餅都彈牙鮮味，生菜包亦非常出色。泰式炒椰菜仔，椰菜仔是泰國獨有的蔬菜，每次吃泰菜必點之一。泰式青咖喱，青咖喱不辣且微甜，用來送蒜蓉包，讚👍🏻

好耐冇食過泰國野啦，泰國野既醬料香料都係重口味既一份子，岩晒我! 有朋友食過呢間新泰既分店都話唔錯，咁我就揀呢間就腳少少既黎試下啦~一入到去餐廳發現地方好大，D卡位好靚好舒服，睇下餐牌，除了傳統菜式，亦都有其他東南亞地區菜式，新加坡、馬來西亞同越南菜式都有。首先入面既環境都好有feel，格調都係黑色為主，員工都好有笑容同樂意解答問題，服務都好好泰式生蝦好好味幾新鮮，好彈牙，醬汁味道也不錯。係好開胃之選。拼盤（蝦餅、魚餅）魚餅都唔錯，好彈牙，好中意呢種口感。每樣小食都有四舊，兩個人食一個已經超夠！！泰式菠蘿炒飯也很不錯，菠蘿造型很可愛，上面鋪住好多配料，炒飯都多啫，食到好飽。呢度既環境相當好。位好多，好闊落，坐得好舒服。辛苦左成日都唔想同人逼食飯而且燈光柔和，營造一個好好既氣氛，同朋友都食+傾得開心啲!

陪朋友逛完玩具街，友人話想泰國野，於是去左 W Square 揀左呢間新泰。一入到去，D 裝修好靚，好有泰國氣氛，座位都好寬敞。首先朋友叫左個蜜糖燒肋骨，本人外面食既燒肋骨大多都頗為乾身，呢到燒完都仲好多肉汁，唔錯! 加埋佢個醬汁，辣辣地好惹味。之後黎個泰式炸春卷，皮夠薄，又香口，值得一提係佢個醬，酸酸甜甜咁好開胃。椒鹽軟殼蟹，份量幾足。用乾蒜、西椒、葱、辣椒等去炒，軟殼蟹非常鮮甜、多肉，加埋青、黃椒，口感一流。最後叫埋泰式食物必食既炒飯，而且佢哋有好多菠蘿啦同埋有臘腸，所以食落去一有甜甜酸酸嘅感覺。飯粒粒金黃，食落夠爽口，夠惹味加埋肉鬆。值得一提既係員工服務態度非常好，遺憾既係今次只有兩個人黎食，試得唔多。下次出開灣仔必定再試。

新泰是我encore多次的地方，不論是二人或是一大班人也很適合，先說座位很寬敞，正中間更有大圓檯。預早訂檯更可坐入豪華卡座。新泰在銅鑼灣和灣仔中間，在銅鑼灣地鐵站走過來約10min，不在中心地帶，價錢自然相對親民得多。生蝦相當大隻肥美，彈牙的蝦肉加上蒜頭、再沾上辣汁，辣味中帶酸，既刺激又開胃。炸春卷炸得香脆乾身且不油膩，餡料有紅蘿蔔絲、粉絲、豬肉碎和生菜等，食味紛陳，蘸上酸甜醬汁同吃，醒神開胃。當然要點咖喱炒蟹吃啦, 有點辛辣，但越吃越過癮，再加上印度薄餅，非常好吃~ 蟹幾新鮮彈牙，充滿鮮味。配上印度酥餅鬆化、香而不油，但略嫌有少少厚身，沾著醬汁吃已很滿足。次次去食泰國野都會叫既椰汁冰！然後次次都會以為係冰黎😂 椰子味好濃，所以冰熔左都唔會話太過冇味，見到個色澤就知😎 不過份量就有d少，始終泰國野係偏辣要飲下野中和翻!

呢日約咗朋友喺灣仔伊館睇籃球比賽，睇波之前就喺附近搵嘢食，近近地就去咗灣仔呢間新泰食泰國嘢！冇乜期待之下，竟然有啲驚喜！一上到去就覺得個門面幾好地方好大，俾人感覺比較高級！侍應安排咗我同朋友坐窗口卡位，坐得非常舒適，而且感覺好乾淨，唔似有時去細啲嘅泰國餐館咁迫夾！不過一睇佢個menu,又唔算特別貴，我覺得屬於正常價錢！好多野都想食，不過得兩個人，唔可以食好多！不過諗都唔諗一定要叫嘅一定係泰式生蝦！雖然$98有5隻有啲貴，不過佢都幾大隻同好彈牙，配埋蒜頭辣椒同酸酸辣辣嘅汁，好醒胃，好好味😭另外一樣必食嘅係Padthai! $98，好鍾意佢鋪喺面個層蛋，好靚😂 講番味道，係好食嘅，調味各樣都啱啱好，啲粉唔會太乾或太濕！唔錯！青咖哩雞$78，雖然menu有辣椒樣，但係唔辣，反而有啲甜味，怕辣嘅人都食得！雖然已經飽飽地，但見到個咖哩汁咁正，忍唔住叫多個印度薄餅（$30）食埋啲汁😂份量都多，夠熱又鬆化，撈埋啲汁食下食下食晒咁多👍🏻兩個人埋單$330左右，都可接受，值得番轉頭食多幾次！

平日在灣仔返工但都好小係呢區搵食但個日唔想去咁遠 又想食泰國菜🇹🇭所以就近近地揀左呢間餐廳係大廈二樓 上到去感覺別樹一格華麗的泰式裝修很特別 空間亦寬敞 重點係員工都似係泰國人 有種置身泰國嘅感覺由於我地兩個人食 只係叫左三樣食物第一樣 係個人認為去泰國餐廳必食 就係虎蝦刺身 刺身全係冰鎮上 所以食落唔錯 口感彈牙 感覺新鮮 跟外面急凍的口感不一樣 加埋辣椒蒜蓉等配菜 食落非常香口 適合作為開胃餸第二樣係生菜包豬肉 肉分量多 相比之下 生菜顯得不夠 所以最後多出的肉送了飯 再講味道 鹹度適中 可以盡情放入口 因為分量多 所以可以將肉盡情放滿生菜最後一樣就係 冬陰公炒飯 飯炒得非常香 食落重冬陰公味 酸酸辣辣 仲有蝦仁🍤口感豐富另外仲叫左泰式奶茶 味道一般 屬於正常水準 所以選擇與否自行選擇🥤

今日返灣仔舊公司搵舊同事拎嘢，順便聚下舊，舊同事好喜歡食泰國菜，佢話不如去新泰食！因個環境好舒服！平時去開食泰菜，都會叫柚子大蝦沙律，但今晚轉咗食泰國青芒果沙律，好清新，爽口，小小酸，小小辣，極醒胃！泰式炒椰菜仔，椰菜苗好清甜丶廚師還將椰菜苗一開二或三，細細啖，容易食！叻沙蝦米缐，椰汁味香濃，蝦又大隻新鮮，芽菜又多，啱我口味，正！泰式青咖喱雞肉配印度酥餅，係天作之合！青咖喱雞肉滑身，有好多件雞件！印度酥餅夠脆口，配上青咖喱汁食，好味道到冇朋友呀！就算印度酥餅不配青咖喱汁食，單食都好好味！好脆口，十個正！配白飯亦都係絕配！餐廳內的服務人員個個都是泰國人，入到去有置身係泰國嘅感覺！真心要介紹比其他老友，咁下次要約多啲朋友一齊食，可以食多啲不同小菜

今日同朋友去開銅鑼灣，就順便喺嗰邊食埋飯。久唔久都會食下泰國菜，新泰位置很易找，上到去時見到幾個泰藉侍應，心想這一間的菜式應該很正宗了! 即加分。餐廳面積好大，座位數量多，大約分咗三至四區，都不會感到太擠迫。裝潢富有泰國色彩，說了那麼多，我來向大家介紹當天我點的菜式吧！今次就叫咗泰式明爐魚烏頭好滑！充滿鮮味，配上香茅、香蔥、甘筍等食材，更加清新。煮了一會，魚的鮮味完全滲透入湯底中，更加清甜。因為怕辣，所以我們點了清湯口味。蒜蓉炒貴妃苗是餐廳推介，貴妃苗的確嫩綠，且油不太多；吃落爽甜清新，不會油膩。配上蒜香，更為惹味。大讚！嚟到泰國餐廳點會唔叫個金邊粉食呢？金邊粉外層用蛋漿製成一個網狀包住，外貌非常之吸引，金邊粉炒到好有鑊氣，大大碟足夠四人份量。一上檯看外型已經加了很多分，面頭的蛋絲金鐘罩是兩層來的，完好無缺的包裹著金邊粉，金邊粉夠乾身之餘口味酸甜十分開胃，能夠一條一條金邊粉分開，證明沒有炒到一餅野。雖然食到好飽，但我地都想食個甜品滿足下個甜品胃所以就叫左個甜品拼盤。又是我去食泰國菜必點的甜品，一客4件，每件都帶有濃郁椰香，椰汁西米糕。好地道既味道，加上下層口感黏糯的粒粒西米，層次豐富，

以前返工係盧押道分店食過幾次lunch, 覺得非常不錯， 所以是日朋友生日， 就三條友去左W Square 呢間食晚飯。 呢次黎到既餐廳係位於灣仔W Square既新泰東南亞餐廳。因為都熟灣仔路，所以好易搵到。Openrice就建議人喺銅鑼灣站A出口出既，但我覺得灣仔站A3出口都okay。都係沿住軒尼詩道行，唔識路望住啲門牌都好易搵～一入到去就有到左泰國既感覺，裝修以木製品爲主，感覺好relax !前菜少不了泰式生蝦刺身，蝦肉新鮮彈牙，醬汁都幾辣下 !小妹急不及待叫左個蝦餅、魚餅，蝦餅同魚餅都炸得好脆好香口而魚餅就好重香料味，我自己就覺得蝦餅最好味～蝦餅脆卜卜，唔需要點泰式辣醬就夠味!泰式粉金邊粉，一直都好想試下依個賣相咁靚既金邊粉，金黃既蛋皮真係好吸引！打開蛋皮就係好食既金邊粉，金邊粉炒得好有獲氣，調味亦都好正，散發既微微既檸檬酸令人一口接一口咁食落去，配料有豆腐乾，大蝦同香蔥，整體都好正！令人覺得驚喜嘅系呢個咖喱炒蟹，除左蟹，仲有洋蔥同埋紅辣椒，蟹吸收曬D咖哩汁，好入味，食起嚟令人停唔到口，其他配菜都好入味，同樣都咁好食。蒜蓉炒貴妃苗 用好多蒜蓉去炒，某程度上去除咗草青味，苗好嫩好

我在OpenRice見到很多好評，就和家人朋友來試試。我們一開始叫了生蝦，完全沒有味道，一點都不新鮮。我們還叫了半隻去骨海南雞，那些雞就像死雞一樣。最難食的就是那個明爐魚，又腥又不新鮮，我從來都沒有吃過這麼難吃的食物，真的超級非常極很差！

上星期為左歡迎幾位新同事，成team人就去左新泰食開工飯，上到去覺得餐廳環境好寬敞，而且裝修同擺設都幾有泰國味道，招呼我地嘅侍應應該都係泰國人我地揀食set lunch，我點左個冬蔭海鮮炒飯，上菜都算快，而且材料幾豐富，有青口、蝦🦐、魷魚🦑等等，冬蔭味道濃郁，怕食辣嘅朋友就要避免喇，但對於我嚟講就好惹味，值得再試其他同事就多數揀泰式海南雞飯，佢哋話雞肉幾鮮嫩，配上醬汁幾好味，我見海南雞飯用盒裝起，感覺都幾精緻每個餐都包一杯飲品，我地另外再加左兩款小食，每款加$28，分別係貴妃苗同泰左鳳爪。我之前未食過貴妃苗，原來係一條條好幼嘅菜苗，食落幾爽口。但泰式鳳爪味道偏咸，份量亦較少如果大家想坐得舒舒服服，可以試下呢間餐廳，單叫set lunch 連加一都係八十幾蚊，值得一試