新漢記海鮮火鍋飯店

营业中

休息中

話説國內朋友來香港，但一直説香港沒什麼好食，我説試一下新漢記，這也是我打的第一篇食評新漢記是區內老店，煙火氣十足，客人多數是街坊，伙計和食客有時閒話家常，有時更會推杯換盞，90年代的老香港味，瞬間在面前展現，朋友沒我奄尖，整晚好吃之詞不絶於耳，但寫食評就要平心而論。。。新漢記可以説是我對朋友第一間推薦的香港食店，原因不是有多完美，有多好味，有多好服務，推薦給朋友重點是這是我認為香港的味道，我就是在這煙火氣中吃著長大上枱不夠一分鐘，已經被秒殺了3分之二👇

由土瓜灣地鐵站A出口行3分鐘，就會見到一間好地道、好友年代咁嘅小炒店。店內分為地下同一樓，店面由老闆娘主理。地下店面唔算大，四張細枱兩張大枱，但就好熱鬧。除咗固定餐牌之外，牆身仲寫有時令特色小菜。推介必食：脆皮乳鴿($65)最好打定電話留定！好快賣晒。外皮鬆脆充滿油香，入味多汁😍😍推介：❤️❤️❤️❤️❤️價錢：❤️❤️❤️❤️🤍味道：❤️❤️❤️❤️❤️賣相：❤️❤️❤️❤️🤍豉椒炒蜆($88)豉椒份量多，有點蓋過炒蜆味道。推介：❤️❤️❤️🤍🤍價錢：❤️❤️❤️🤍🤍味道：❤️❤️❤️🤍🤍賣相：❤️❤️❤️🤍🤍酥炸芝士墨魚餅($128)有7-8粒，每粒有小朋友拳頭咁大，炸皮唔算太油，墨魚餅口感紮實，略嫌芝士唔夠多。推介：❤️❤️❤️❤️🤍價錢：❤️❤️❤️🤍🤍味道：❤️❤️❤️❤️🤍賣相：❤️❤️❤️🤍🤍粉絲什菜煲($78)湯底偏甜，食到蔬菜嘅甜味，配油膩小炒就最適合😋推介：❤️❤️❤️❤️🤍價錢：❤️❤️❤️❤️🤍味道：❤️❤️❤️❤️🤍賣相：❤️❤️❤️🤍🤍整體味道偏鹹、濃味，適合送飯，上菜速度夠快！

新漢記係經常同朋友麻甩飯聚嘅大排檔之一🍻，水準一向有保證，特別係幾樣每次都必點嘅菜色：例如煎鱔，起肉煎香入口爽彈焦香，鱔肉油脂豐富一口咬開滿嘴鱔油加上表面收乾左嘅焦香醬汁，齒頰留香。🤤油浸筍殼，炸到外皮香酥內裡嫩滑多汁，汁醬啱啱好可以掛得上魚身表面，同筍殼魚容為一體👍豉油皇炒麵，先講麵嘅質地，有咬口唔會散，淋或者炒到斷哂，每一條麵上面都貼滿左啱啱好收乾帶有濃濃焦香嘅豉油，加上少少葱蒜等佐料豐富左炒麵嘅風味，又係必點之一。其他唔多講都係正常發揮，反而想講講炸豆腐今次叫左雙拼我諗師傅可能一齊炸，豆腐口感同食味都麻麻地不在水準👎

上星期六晚與朋友一家人帶埋小朋友去記土瓜灣舊區食傳統小炒風味小菜，小菜鑊氣、味道、質素、食物對版、氣氛和諧、環境雖然夠但舒適衛生，所有食物都對口味，侍應阿姐飯店老細亦親切有禮，老派作風但街坊般隨意。我們一行7人（4大3小）點了八樣食物：-1）鮑魚炆雞煲2）椒鹽墨魚餅3）生炒排骨4）椒鹽鮮魷併牛仔骨粒粒5）韭菜花主客肉6）煎蠔餅7）油泡筍殼魚8）鹹酸菜胡椒豬肚豬蜆湯除咗呢啲小菜，再加五個白飯、一碗粥、一枝大藍妹、二枝細汽水，唔算好平，但又唔係貴，平均每人$182 度，也算經濟抵食，最緊要碟頭夠大，每樣餸菜都煮得好有心機，好好食！最難得係食完又唔係好口渴，值得捧場。尤其係碟油泡筍殼魚，豉油調校得啱啱好，唔會太咸帶少少甜味，整條魚炸到香脆酥軟，外鬆脆內肉質仍然軟熟香甜，我朋友太太讚不絕口，其實呢碟魚我每次必叫，因為比起其他地方起碼平1/3。

小妹最近經過土瓜灣 發現有一間小店的小菜係好食 絕對係值得支持嘅🤩😍哩度啲食物好佬架 記得絕對要飲返枝啤酒喔👍🏽🍻我地點了黃金炒鮮魷 🦑份量都算多的 魷魚係幾新鮮爽口彈牙🦑不過又真係無咩黃金 多返啲就會更好喇👍🏽👍🏽雞蛋焗魚腸 見到有哩個小菜一定要叫😄😀雖然好似好多地方都🈶️ 但係整得好唔好食又係另外一件事😂😆不過哩度真係整得好好食嘅 完全無苦味👍🏽幾香嘅雞蛋味🥚魚腸都算多又大條 加埋啲胡椒粉真係無得輸🤤🤤韮菜花豬紅 又係大大碗 勁多多多粒大大粒豬紅👍🏽🤩口感彈牙又幾滑下啵😁😁哎喲不錯喔😂😆啫啫通菜煲 又係好大煲 啲通菜超級入味又有啲魚仔乾啵 份量都不少的喔👍🏽👍🏽真係好🈶️煲氣呀😂😆啲汽水仲要係支裝的喔 所以真係特別好飲 哈哈 對比起罐裝 小妹係鍾意飲支裝多啲👍🏽👍🏽

住咗三十幾四十年，呢間新漢記都應該有三十年以上嘅歷史，久不久都會去幫襯下佢，但真係要有心理準備…因當日如果師傅好心情嘅話，你將會食到好美味嘅野，但一心情唔好…就中晒伏，所以去幫襯就要抱住賭大細嘅心情去食，唔好食就唱返句…別怪他、別怪他…（完）

公司春茗，朋友介紹不錯的食店，這店樓上樓下都有，老街坊食店，總括來講不錯。佢嘅胡椒豬肚雞湯，不能不推薦必食，這些的老店希望保持住水準，但如果想食的空氣清新的話，樓下比較好些呢！

土瓜灣中仍有不多的舊式小菜店，店舖不起眼，相信是街坊生意，門外有不同海鮮供選擇，是日點了两款海鮮加小菜……這裡的生炒骨實在太好味(我至愛)，汁刚包在炸起的肉排，食一口漏出汁液……汁不太酸……正

幾位久未見面的舊友好來探訪家中小友，玩得不亦樂乎，甚高興。看一看時間，是時候祭一祭五臟廟了。談得意猶未盡，很想繼續未完的對話，唯有暫時放下小友在家中由傭人照顧一會吧，這樣才可以談得暢快....土記區內主打街坊小炒的店子數目多的是，光顧過的亦有不少，但偏偏這間位處於下鄉道，近街市附近的菜館卻完全沒有甚麼印象....這一類極地踎的街坊菜館一直是我的摯愛 --- 既可以毫無忌禪，不顧儀態的暢所欲言，消費又極之公道，叫它三五七碟餸每人都只是百多大洋便落樓，實在抵食....想不到幾位舊友亦是這類食店的粉絲。有同道中人一同大杯酒大塊肉吞下肚，是真正的"不亦樂乎"了....有啤酒在場，叫些送酒小吃自然是必備的。好友之一的T小姐提議來一份炸大腸拼沙拉骨，這當然是叫好又叫座了。大腸外皮甚脆亦不太難咬得動，不過就有點異味，而且濃度也是不輕的；沙拉骨說是"骨"，但吃到大部份都是淨肉的豬扒位。下了鬆肉粉去處理是少不免的，幸好甜酸汁調得味適中，用來伴飯吃是甚可口的。若沙律醬可以重手一些就更佳...蒜蓉豆苗份量甚多，以現在街市賣二十至四十大洋一斤的價位來說，這兒已叫做算抵食。稍嫌蒜味不夠重，不過豆苗本身沒有炒得過

之前有朋友介紹係土瓜灣食海鮮同小炒嘅餐廳, 真係又好味又抵食!!!海鮮超新鮮, 小炒都非常有水準!鮮甜嘅鮑魚超正！！！D蟹又香口又鮮甜值得推介! 胡椒豬肚嫩雞湯, 所有材料嘅味道超出, 材料十足!!crispy到連骨都可以食埋除左上述之外, 我地一圍人食左total 12道菜都係二百蚊左右埋單已經食到好正嘅海鮮, 真係好超值

同事生日想食海鰒鮮餐,之前同屋企人食過呢間好好味又新鮮,而且價錢又唔貴但有D特別既餸需預先訂,所以上次只能望住隔蘺台食,今次我先預訂這鲍魚北菇雞煲之前嗰餐無影相今次就用部IPHONE影比大家睇下啦1)鲍魚北菇雞煲這個就是最足料最驚喜,D鮑魚炆得好淋,D雞好好味!! 2)油浸旬殼魚--好味到難以形容,面就鬆脆香口,D肉又滑,D豉油汁較得好好味3)油鹽大蜆--味道清,超鮮甜!!4)芝士蝦伊麵底--因我哋有十個人,所以叫佢哋加多個伊面底,而且D蝦都算大隻,全部 蝦頭都有汁好有蝦味5)鼓汁鵝腸--好有鑊氣好多汁,正!6)菜心炒牛肉--D牛肉好入味!7)琵琶豆腐--炸到乾身將D汁舖面,正!8)油鹽雞腳--味道平均仲有好多餸好正,原來仲有個叫布袋雞,又係要預訂,下次一定要試