新竹源越南餐廳

营业中

休息中

朋友好鍾意食越南菜，今日又去試吓呢一間位於灣仔嘅新竹縣越南餐廳～假日都有午市套餐㗎！午市套餐有大概20幾款，有湯粉丶撈檬、飯類 ，選擇好多～ 我就叫咗個生牛肉拼牛坑腩湯粉，湯頭係用上上等牛骨丶牛腩加上香茅等十多款香料，非常鮮甜！生牛肉切得好薄，湯頭浸一浸已經好快熟 ，味道啱啱好，唔會過老非常正！牛坑腩就好淋好好食，有牛味😋每一碗附加左九層塔丶青檸同埋辣椒🌶️，自己調校最適合嘅口味🤪朋友就叫咗個越式金邊湯粉，配料有扎肉丶鮮蝦同肉碎，湯頭係雞湯，非常清甜唔會過鹹，再配上新鮮嘅材料，超級正！跟住我哋再叫咗個小食越式蒸粉卷，一客有四件，大大件超級飽滿🥰餡料有蘿蔔丶肉碎丶木耳絲等等，配上魚露鮮汁，非常開胃每個午餐都包含飲品，要咗兩杯鹹檸檬水，飲落去非常舒服😌呢度每個餐都係大概六十零蚊，仲要唔收加一～性價比極高！❤️

海鮮炒金邊炒，以為唔記得放海鮮，用筷子摷幾下先見到一隻青口一隻虾一條魷魚蘇，問下waiter, 點知大大聲答答，有虾有青口有魷魚（每樣一粒），呢D 咪海鮮囉.... 然後有個肥女人走埋黎跟進，用全場都聽到既聲調，海鮮炒金邊炒，有虾有青口，無錯呀.... ，繼續問我碟野有咩問題... 觀點角度唔同，我都無謂拗...諗住求其都食D, 食左一啖，超難食.... 絕對無下次成碟無食到，埋單走人。下次唔駛錢都唔會再去 “海鮮炒金邊粉”

原本想食第二間越南野，但太多人所以同事帶黎左試呢間。雖然出面都幾多人等緊，但舖頭大好多所以等左大概5分鐘就入得。上菜都幾快，5分鐘左右就食得。①香茅牛肉絲撈檬🐮同事介紹話好香牛肉好入味，所以我又試下。檬粉份量都幾大，有花生碎、生菜絲、蘿蔔絲等等，撈埋檬粉食好香有口感😋。牛柳絲醃過所以本身都好有味，同埋切得幼幼地都方便食，同埋都俾得多，基本上都鋪到大半碟檬粉。佢個魚露酸甜汁都唔錯，少少酸帶啲甜味，唔會太酸好開胃🖖🏻。②雞絲撈檬🐓雞絲就普通啲，唔算太鞋不過都係一般般，牛柳絲好食好多🧐。Lunch hour比較多人但staff都好nice，主動話唔夠酸甜汁就搵佢地拎，叫完都好快拎黎👍🏻。價錢就唔算平，灣仔區黎講越南野都差唔多咁上下，可以encore。

I was there with my 4 other friends today and we needed to wait long because of the restriction of 4 per table. Was ok we finally managed to get the tables. There was an older lady with short hair works there was very extremely rude. First she threw the menu on top of the chopsticks which I honestly don’t know how clean the menu is. Second, she was requesting (actually she didn’t request, she asked my friend to get up and moved her chair directly) my friend to seat closer which my friend was sup

灣仔利東街個頭從來都係影相必去嘅，有幾間特色小店之外，隔一條街就有呢間越南嘢食，雖然平時唔係好食開越南野，但間唔中食下都好嘅。越式三撈檬$68。當中最搶眼嘅係豬扒、其次係雞翼同埋扎肉，大大碟，啖啖肉，個碟雖然好大，但入面啲米粉份量一啲都唔小，可以食到最後都仲有。525 法式肝醬豬頸肉三文治$62。個名好邪惡，食落去比較有澳門豬扒包感覺，麵包好脆，肝醬係查咗喺麵包上面，豬頸肉有應有嘅份量，加埋少少酸嘅蘿蔔絲，識落有層次。

香茅牛柳絲撈檬，檬粉爽身，條條分別，牛柳絲香口入味，但有時會有些小根。 仲有開胃酸口紅白蘿蔔絲，九重搭，新鮮碎粒花生（花生脆香，無油益），炸香乾蔥頭片及新鮮蔥油，自行加上適當魚露雞汁醬，撈埋食清新，酸酸甜甜易入口，本來無胃口食野，好容易食晒，仲唔係好夠喉潻。生牛肉牛坑腩湯粉，牛坑腩好淋好正，湯底好夠熱，生牛肉好薄，浸落湯底可以即刻熟曬，肉質仲好鮮嫩，唔會老晒，加上九層塔葉，芽菜，新鮮嘅洋蔥，青檸汁，紅辣椒仔，加落個湯度，熱辣辣嘅湯，酸辣嘅湯汁，河粉又幼又滑，適合而家的秋意天氣，熱辣辣可以暖下個胃。

今日同同事嚟咗新竹源食越南野。四個人等咗大約5分鐘就有枱，都幾快手㗎。餐廳地下就有少少癡立立，不過都算啦。午市來講有好多選擇，湯麵，撈面，飯，雞牛豬海鮮乜都有齊，飲品種類又多，啱晒我呢啲唔知自己想食咩嘅人。揀完一輪之後我決定要生牛肉湯河，落完單5分鐘就送到黎。牛湯都幾濃郁，而且牛嘅分量充足，不過牛嘅肉質麻麻哋，有啲韌。我哋仲叫咗個蝦餅share嚟食，唔係炸嗰隻，所以唔熱氣之餘仲食到好有新鮮蝦味，點埋甜酸醬都幾夾㗎。

因為隔離緊關係，我中午用food panda預訂呢間餐廳既上湯生菜 ($32)同蟹頭膏蕃茄湯檬 ($78)做晚餐。兩樣菜品連運費($20)合共$130。餐廳準備食物同運送員送餐都有效率同準時，我預訂6點15分送佢6點5分左右就送到！優點:兩樣餸既味道啱啱好，唔會好鹹而食落味精味唔算太重。食完都唔會話好口渴咁。好鍾意個蟹頭膏蕃茄湯底！好夠味！可進步空間:碗生菜可大份少少如果湯可以俾多少少肉碎同芽菜就好

Fatbrown 最鐘意食越南野，系灣仔晏就要搵餐飯仔食一D都唔容易，尋尋覓覓經過囍帖街個頭，見到呢間越南野好似無咩人排隊，就入左去試下喇是日唔系咁想食飯但又想食豬扒，雖然餐牌試面豬扒飯，待應哥哥話照可以轉河粉，正<豬扒河$69>豬扒同大大碗河粉分開上，唔會浸到豬扒淋曬，窩心呢豬扒份量都幾多，不過偏燶同埋乾，鎖唔住肉汁粉粉反面幾好食，大大碗食唔曬。湯底清清甜甜唔會過咸，仲食到lemongrass 香味

原本諗住係附近一間出名麵包店eat in, 但排極排唔到，改食呢間環境舒適，夠冷氣，樓底超高海鮮炒金邊粉有獲氣，金邊粉彈牙，豉油味太突出，茄汁味唔夠。下午茶，好似六十蚊左右，海鮮就當然係雪藏啦！裡面有d厚蛋絲，可以用嫩滑形容，個金邊粉有獲氣但蛋絲仍然嫩滑厚身，有驚喜！蒸粉包，好像四十蚊左右上面既蔥蒜配咩都好味！蒜脆蔥香！餡料配塔無咩驚喜，但食得出肉碎新鮮有肉汁！左面個鹹檸檬水+$4，右面係青檸七喜 +$8, 咁大杯真係好爽！店內仲有洗手間，男女分開，尚算清潔。唔錯丫，路過可以再食！

一碗牛坑腩湯河有4塊牛，準備食第二塊牛既時候發現牛肉上面有顏色又橙又綠咁 除咗第一塊無睇過就食左落肚之外 其餘3塊都有顏色 係洗極都唔甩既橙同綠 十分恐怖 反而同事食既生牛肉河就無問題 但我個碗牛坑腩湯河就有變色問題。。。估計佢哋全部既牛坑腩係咁。。。 我覺得呢啲唔會係正常既牛肉囉....所以無食到啲牛 淨係食左河粉。味道可以但牛肉唔可以因為睇到都唔開胃，食左一塊之後先發現到真係唔開心😫😫😫😫😫😫😫😫😫

呢間我成日同同事嚟食㗎 因為佢好多位 lunch time唔洗等太耐😍而且佢啲嘢食都幾好食 佢撈濛個汁調得幾好 勁適合熱辣辣食 不過我今次就無嗌到啦😏·雞絲扎肉湯金邊$62呢碗粉超大碗 佢係勁深 啲男同事都食唔晒🤣🤣所以如果女仔去嘅話記住要嗌少粉呀 佢個湯底都唔錯 配埋啲粉幾好食 扎肉同雞絲都唔錯 而且佢啲料都算幾多 係一間可以encore既午餐選擇😎·#rbyeat#rby東南亞菜#rby灣仔·📍灣仔莊士敦道22號York Place 地下1號舖

灣仔都幾多越南菜餐廳，衣間相對選擇多及價錢合理。今日唔多人，不甪等位，但係個經理要我地三個人坐埋卡位一邊，正如所料，到我地食完都冇人坐我地對面。要讃係落單的服務員，我見湯河set冇香茅豬扒，所以散叫並改粉絲，佢即時介紹我叫豬扒飯改粉絲，有野飲，雖然比散叫多九蚊。講番個湯粉絲，味道唔錯，份量夠，豬扒碎上，味道正常。下次或者試飯。

一個月總會幫襯這間越南餐廳三兩次，食物質素屬正常水平，午餐六十幾蚊包飲品响灣仔區CP值已經不錯，所以一到中午時份經常大排長龍，幸好餐廳比較大可容納好多人，而且都有好多卡位，感覺唔會太迫夾，侍應服務都貼心，如果你唔食lunch set散叫，佢地會主動俾杯水你，我覺得呢個細節位係加分嘅，好多餐廳都做唔到。今日我叫左扎肉湯檬，味道OK，但檬粉份量比較少，女仔食剛好，男士們應該唔夠飽啦。不過，我飯腳叫金邊粉同粉絲，份量就正常，佢哋仲話食極都有添🤔，下次我都係唔叫檬粉。

小人在新竹源尚未搬舖之前曾經光顧，覺得以平價越菜而言食物算是不俗的，如今重開遂再次一訪。越式炸春卷一點都感受不到如何越式，一點都不春卷。春卷皮厚得似是麵包皮，竟然是不脆而靭的，餡料不爽無味，咬完一口已吃不下去，完全不合格。香茅豬扒飯的豬扒沒多少香茅味，肉質甚乾，我們狂加魚露才提起少許味道。記憶中的越式炒金邊粉應該是很惹味的，可惜的是這碟炒金邊粉可以用「無厘聞味」來形容；雖然有蝦有蛋有肉等，材料是足的，但真的是欠了應有的味道，不吸引。今勻再訪，大失所望。