新興棧食家

营业中

休息中

8月15日，20:45這週極疲累，回港要補一補。過蛇王南不敢入，不竟是盛夏日前試過港島粥王，但心仍歸佐敦四大寇。首選這店，店比從前整潔，擋冷氣PVC膠片沒有了，換上了PMMA門。要了魚卜粥，若十分鐘才到位。粥底：一如已往的薄，但絕不會投訴，因那無瑕的鮮甜勝過一切。魚卜：油爆過，甘香肥美、爽脆，份量足最少8個。生菜絲、蔥段：那清新和濃烈的異香，全都混入粥內。見同座的炒麵極對辦，香氣撲鼻，奈何胃納已滿，不敢浪費。吃完粥。我已極滿足。我是否太易滿足，便需讓大家到這店來評價了。

今天老婆放假 , 從開飯網得知此食點 , 我決定同她來食番d 魚卜可以美容一下。我們大約一點鐘才到 , 入到去都幾多人等位 , 大都是阿伯 ..... 等了六七分鐘就有位了 , 當然我是有做功課而來啦 , 自己懂得去那蔥薑等調味品 , 而我就叫了一個魚腩粥 (本來想叫魚卜弼架) , 又叫了一個薑蔥魚卜 (就係想叫這個, 所以覺得叫兩個魚卜食物怪怪的) , 老婆叫了魚咀粥 (係囉 , 來得這裡緊係叫 d 冷門 d , 唔通叫魚片粥咩) 。小弟的弼先來 , 大家已忍唔住食 LU , 嘩 ~ 第一口粥 清甜到呀 ...... 無野講 .... 趁熱食粥 .... !!! 魚腩真係好多 , 夠兩人食 , 食極都有 , 我覺得半碗粥半碗魚腩囉 ! 等了十幾分鐘 , 薑蔥魚卜來了 , 又食 .... 好油 , 好脆 , 好有火喉 , 好入味 ..... 原來魚卜可以甘煮架 ?! 邊有甘有想頭架 ..... 不過好少 , 我估得 11 個左右 , 要 $38.0 話貴唔貴話平唔平啦 , 叫你買都唔知去邊到買。最後老婆 d 粥才來 , 無咩特別 , 都係甘清甜 .... 都係甘多魚 ! 服務 :

那天早上八時多, 因要出去佐敦做嘢, 首次早上嚟食佐敦區心愛魚粥, 冇咩人很靜, 裝修後感覺舒服咗冇咁地痞, 今次叫咗魚腩魚卜粥, 加大大量薑蔥, 魚腩依然新鮮, 粥依然稀但要配咁足料就會比較易消化些, 呢度魚卜係第一次食, 真的非常非常爽, 但我個人比較鐘意煙韌些, 下次應該要試下薑蔥爆魚卜, 我諗會很夾.

我對食物的要求, 不是份量, 是質素.每當想起魚腩粥的時間,就想起 .. 新興棧. 喜歡食新興粥, 但唔喜歡它的環境.此食店 最近裝修. 裝修後, 我首次再去幫襯.今午 5:30 到.. 此時比較少人.裝修後, 店內的間隔沒有改變, 只是牆壁番新, 更換了新檯, 椅子等.感覺比從前 .. 乾淨D, 光亮D, 冷氣凍D.點了 魚腩粥 (裝修前 $23, 裝修後 $25)油炸鬼 (裝修前 $3, 裝修後 $4)價錢 ..雖然是加了. 我是願意 多付少許, 在新裝修後 .. 新興… 食我的魚腩粥.

跟老友們食完糖水路過此地，猛然勾起以前大家响呢度大吃魚粥嘅美好回憶。記得舖入面有一隻家貓，經常响枱底團團轉等人揾嘢食，至此之後每次跟老友記們一提起"貓魚粥"，不期然笑咗出嚟...當然，呢度亦有小弟兒時嘅回憶。細細個母親已常帶我來吃，記得從前粥嘅份量係大得可以。現在，有點今不如昔...不過，味道還是可以嘅。粥底米嘅份量頗多，不算太稀亦不算杰身；魚腩當然新鮮，一碗入面有六七嚿，的確夠慷慨；魚卜大件之餘夠咬口，膠質極豐。食完後，皮膚都可能滑D 炒麵已攤涼咗，有點濕，食味當然不可同日而語，志在有嘢攞嚟送粥而已...上環生記、旺角妹記，再加埋呢度，可堪稱魚粥鐵三角也...

魚粥好味，最好晨早六點來，人少任座重有魚咀，及第粥料少不及和味生滚粥，牛肉粥牛肉溥夾少，但較原味及少味精，一口氣幫趁了二十幾朝事頭婆也木口木面懶得回應早晨，最後一次幫趁是三人去三人那天也肚痛，對面垃圾站，出面小巴站，那些生菜葱之類不應露天露地擺在巷仔...

琴日同女友下午去紅磡吃了聯記(四川菜)之後去行街街.因為下午食左辣野,夜晚大家都想食得較為清淡,所以決定去新興棧.大部份o既粥舖都係乜粥都有,但無一款係較為突出,亦有部份粥舖主打及第粥,牛肉粥或者雞粥.比較少主打魚粥o既粥舖,更少見o既係用盡一條魚所有部份,供唔同口味o既客人多款選擇.其實以前都來過新興棧食粥,幾鍾意佢地o既魚皮,不過可惜琴日無貨.最後我叫左魚咀拼牛肉粥,女友叫左魚卜拼魚咀粥,另外我地叫左一碟炒麵同油炸鬼.先講油炸鬼同炒麵,坦白講句係無乜特別,不過呢兩樣野並唔係主打,所以無所謂.而粥方面,粥底好綿好滑,牛肉及魚味都好新鮮同好滑,以前o黎食過魚腩粥,但我都係鍾意魚咀多d,因為好滑同埋無幼骨.至於女友食o既魚卜,我以前o黎都食過一粒.雖然唔算好腥,但心理上總係覺得腥腥地,所以一件起一件止.諗返起,其實我好細個o個陣都o黎個呢度食,o個陣有鯇魚刺身食,但基於衛生問題,而家都無機會食返咯!

原本想去鋮記食粥,路過記得這店頗有好評,於是推門而入,下午三點半也有八成客.還未坐下,阿姐已經問我要甚麼,當下看牆上的菜牌,多數是魚粥,本人怕腥,要了及第粥.和其他魚粥一樣,都是廿三大元.舉目一看,多數人都是要魚粥和魚皮.煮粥的是一位女士,手腳不太快,要十多分鐘才有得吃.侍應也只有一位女士,一腳踼,包括落柯打,上食物,收碗,抺枱,收錢,應付十多人客,顯得手忙腳亂.所以地方也很污穢不堪.客人催促柯打不絶.料的方面是很多的,切得很薄,可能是要快熟的緣故,但郤影響口感.其他的對手如和味與鋮記都把豬潤切成厚片,令口感更佳,個人認為如此更合本人口味.粉腸有苦味,豬心太薄,不夠爽口.最值得讚賞的是肉丸,是依足傳統,細切粗啄,有鮮味.同妹記有得揮.粥底好味,吃完不口渴,稀杰適中.但稍稴薑蔥不多和太細碗,不夠喉.還是鋮記較合意.

天寒地凍,想吃一點暖胃的東西,腦海即想起新興棧的魚粥.這天去沒有魚卜,小弟差點心裏面的粗言衝口而出,再說算吧,要個魚腩粥.)每一次去,也為了任吃任添的薑荵,小弟一向當前菜吃,辛辣刺激,鼻塞者吃罷,登時重拾味覺,魚腩本身少骨多肉,每一部份也很肥美,因為用酒爆過,所以一點腥味,泥味也沒有.粥底一貫地偏稀,襯魚類最適合.鯇魚本屬驅寒之物,所以天寒地凍下來一客,一定暖笠笠.之前友人在Facebook的note中說過在佐敦吃魚粥,我問係咪新興棧?)她說已忘記.論到佐敦魚粥,小弟始終以新興棧為首選.

尋晚上完堂,又係搵食ke時候喇微風雪雨......都係去食返碗粥啦~~繼上次響"和味生滾粥"中招後,今次就乖乖的回到新興棧ke懷抱~~要左碗淨卜粥...等左一陣就有,好快見鄰坐阿叔倒d豉油+胡椒粉...點魚腩食自己又跟風...撈左呢個豉油嘩~原來點左呢隻豉油,真係好味好多冇左魚卜ke腥味...同埋平時食到第5個卜就好膩...點完就食到第10個都仲好ok....下次都撈呢個汁先~~~^_^再講返個粥底...我今次竟然食到有瑤柱絲大概有一節手指尾ke長度...應該唔係細粒貨...但可能係瑤柱碎佢d廣告冇呃人估唔到響d咁平民ke粥店,食到瑤柱粥底仲有11個魚卜......都係$28咋!!!!好開心~~yayaya~~

彊蔥魚卜....正,及弟都好正.食完冇口干情況, 讚!!

粥, 是最普通及普遍不過的廣東主食. 而這裡的主打是魚(頭/鮫/腩/片/尾/骨/皮/卜) 加上粥, 也有其他的, 例如, 牛肉, 豬潤, 粉腸, 肉丸, 及第. 1行6人. 點了雞粥/魚腩粉腸粥/魚片皮蛋粥/薑蔥魚腩/白灼魚卜/炸麵/炒麵.共同分享, 毎樣試少少. 看見師傅先在銅煱內爆香材料, 然後加白粥, 滾至材料熟, 倒進碗內. 最後加上生菜絲, 即成. 所以上枱時, 碗粥內會有油. 但其實單是白粥是沒有油的. 魚: 食時發覺魚腩和魚片都沒有渣, 而且無雪味. 無論是薑蔥煮的或是放粥煮的都是火候恰到好處. 雞粥: 雞是用新鮮光雞斬件, 用調味料醃過, 煮成雞粥後品嚐. 雞件非常入味又有雞味. 但有少許雪味. 整體來說是可以的. 魚卜: 本身是沒有味的. 要靠豉油, 薑及蔥吊出個味來, 有少少鯹, 可以再加胡椒粉擗除鯹味. 席間有朋友從沒吃過魚卜, 膽戰心驚試過1件之後竟然再接再厲吃多1件. 粉腸: 沒有苦味, 不韌的炒麵: 味道是一般貨色, 但不油膩. 炸麵: 不脆. 可以不點. 薑絲及生菜絲任加. 自家小店模式經營的粥店都有這種選擇, 新興棧是吃魚粥的不二之選.

這裡講的是生滾魚粥。坊間的不小生滾魚粥真的是利用咸粥底，加幾片鯇魚片或生魚片、薑絲、青蔥幾夥就瞞天滿海，而魚片質數，咸粥底的要求，都通通以快利使先行，落單上檯三分鐘，速食粥是也！前段時間胃痛的老毛病又發，胃口不佳之餘消化能力變得軟弱無力，揀選食物種類都要經過千挑，友人曰之，不如魚粥吧，不燥不寒，營養充足，而不過稀的粥底更能把肚皮頂上一陣子，當頭棒喝之下開始向老牌魚粥檔進發，又適逢來這裡，這老舖絕對穩陣！魚腩粥配上白焯鯇魚皮；老板娘在門口小小的廚檔每將魚腩利用薑絲蔥段爆香後魚湯粥底一灌，蓋一蓋上幾分鐘，連除倒進碗裡之餘生菜絲一把；望著這比起文初的速食粥，台形分數已盡。而味道方面，不需再另行交待，都是滿分，不信，要來一試，夏蟲不曉冰，難以形容。魚皮略厭不夠厚之餘散散修修。分量是足頂的，何止可頂肚，是橕肚皮；老舖裝修，環境地方不要要求過高；阿姐利用記憶力落單，但錯單情況普遍，一笑置之。

自從去過食第一次，就成日心思思想食第二、第三次。上星期五是我在3個月內的第三次光顧，但仍然樂此不疲。最喜歡食那兒的魚卜，魚卜粥、薑魚卜、白灼魚卜都好好食，而且仲有美容作用(魚卜其實是花膠的前身)，兼且份量多。不過我就略嫌薑魚卜雖可口，但卻比較油，反而較喜歡白灼魚卜，寧願點soy sauce及胡椒吊味。另一樣至愛係魚皮，平日死都唔食魚皮的我，都被佢爽滑的口感吸引。配上少少薑、soy sauce及胡椒...... 嘩！一流！

Ｉ’ｍ　ｄｅａｄ　ｍｅａｔ．．．　一條ｏ甘簡單ｏ既題目都可以理解錯．．．　吃蛋ｏ既機率相當高考完ｏｒａｌ試後，我紛紛打畀同學問ｏ下有無人同我ｏ既想法一致．．．　但與Ｍａｒｇａｒｅｔ　通過電話後，我就打消左哩個念頭，因為清楚無論答案係點都已成定局時間係８：３０，我垂頭喪氣地ｏ黎到新興棧，叫ｏ左碗魚鮫粥　＆　碟薑蔥魚皮．．．阿姐話無魚鮫．．．　「ｏ甘要魚雲呀」．．．　點知，阿姐落錯單，　「不如要碗魚腩啦，好嗎？」　．．．　見你對我尤其輕聲細語，就點一下頭．．．　唉，人生中總有不能盡如人意ｏ既事，食粥也不另外厚厚ｏ既魚皮，好彈牙，十分好咬．．．　單獨食太鹹，　要等埋粥先食第一口粥ｏ既時間，我頓時醒一醒，事關竟有煲仔飯ｏ個種獨特ｏ既香味．．．　粥底味濃，材料應該十足．．．　望ｏ下ｄ　ｐｏｓｔｅｒ　發現有落ｏ左麥皮（！）　﹑瑤柱﹑魚骨　＆．．．　ｆｏｒｇｏｔ．．．　至於魚肉夠新鮮，大大件，完全不怕食ｏ吾飽．．．　今次挫敗後ｏ既復原速度比兩年前快得多．．．　我明白不能太自責，但．．．　有時實在好難控制