新興棧食家

营业中

休息中

佐敦食生滾粥不是這間就是對面街彌敦;但食魚粥就一定係呢邊.粥底稀杰合心水,也沒用味精用魚新鮮,又甜又滑...生菜絲自己可加可減..見近日天寒地凍是一個很好的早餐.今日要了個魚鮫豬心希望2011 都可以心滿意粥

之前係三色台睇到michel 介紹, 啱啱今早去開佐敦, 就來咗呢度食咗個...有貴有無質素既早餐, 一定無下次魚片豬潤粥 ~ 粥底一d都唔掂, 魚片同豬潤質素, 是旦一間都食到之如, 唔係專業賣粥既茶餐廳都好味過佢, 仲要賣成$27, 一d都唔值, $20 都比多咗佢招牌炒面 ~ 好似好大碟咁, 但味道只是非常非常普通到唔普通, 炒面淡而無味, 要自己加甜辣醬, 同只得了了可數既芽菜...成為$16大洋...!!一d都唔掂既粥店!!

最近午餐都來這兒吃魚粥，衝著的就是為了那大大碗的粥、滿到瀉哂的料同任吃的蔥絲。座低就叫「腩加卜」，即魚腩粥加魚卜，聽到阿姐復頌，就知道佢已經收到ORDER~由於碗粥係即叫即整，所以入座到有得食，中間都有一段時間。依段時間最好就係去拎配料喇。之後等多三五分鐘左右，主角終於登場：睇埋有咩料，除了上圖已看到的生菜絲外，仲分別有：入面分別各有四五舊。食完真係大滿足。最後不得不提的係。自從毛記電視一個飲食節目團隊拍攝過依間鋪頭之後，依度第二日立馬起價。加幅接近一成。到依家大家去到都可以望到藝人們與店員的合照貼滿鋪面。都唔知係好事就唔好事喇。

估唔到第一次寫食評就由一編投訴嘅開始... 上兩星期睇完少年食神介紹油麻地呢間魚粥專門店, 咁琴日下午就專程去試吓, 因為本人都好鐘意食魚嘅!!不過點知未開始食已經一肚氣.....點解??? 事源我坐低咗差不多5分鐘後先有人幫我落單 (但當時我已遞手多次都無人理會), 之後終於叫做有人幫我落單, 咁我就叫咗個魚雲粥, 但佢哋落單唔係真係會寫喺張單度, 只係用把口叫出去.大家都估到經媒體介紹後就肯定會有好多人慕名而去, 所以當時鋪面大大話話都有30/ 40人, 試問聲廚房嗰個又點可以記得咁多呢??當時已心知不妙, 但係當然又唔會考究佢哋嘅做事手法啦.點知等咗15mins + 催咗兩次, 佢哋竟然求其比咗個魚咀粥我就算. 咁我就緊係唔收貨啦, 之後就唔知喺邊樹攞咗碗魚雲粥嚟喇. 但放低咗喺台之後就開始聞到陣陣嘅燶味, 點知原來係個魚頭爆燶咗. 總括味道, 我會覺得附近嘅和味弼會好好多囉, 所以下次一定唔會再去.雖然呢間鋪係小本經營啫, 但我覺得服務同味道嘅質數都應該可以做得好D囉. 嘩!!! 樓面D阿姐口沬橫飛咁係度講粗口, 真係兒童不宜!!!

中午十二點左右到達，尚幸僅餘兩個位，馬上坐下。點了魚咀加魚骨粥$33，白妁魚卜$45，油炸鬼$6。(1) 魚咀魚骨粥：魚漉得偏老，比較起來生記好吃一點，吃完粥後也很口乾。(2) 油炸鬼：一早炸好放門口(3) 白妁魚卜：吃了第一件覺得幾好味，之後第二三件開始覺得有怪味湧入口腔，嚼得認真點原來是電油味；我媽說應該是受污染了，又或者洗唔乾淨。又或者如果我是小露寶的話，會懂得欣賞這個魚卜。少年食神，今次比你跣了一鑊。

今天早來, 即使是星期日也不用等位我們點了牛肉魚片粥和肉丸粥粥是挺'綿'的, 熱騰騰的, 薑蔥充足魚片不算多骨牛肉挺滑的肉丸有點太鹹, 不過尚可地點方便, 但狹窄, 不適宜久坐是快速飽肚之選上菜軟慢, 食客一定要肯定自己點的粥已下單小記, 可自由加添薑蔥及油炸鬼

之前經過，每每看到都坐滿人，決定下次有機會要試一下。這裡呢，是講求每個魚的部位都用得上，不過魚腩粥吃上一口，就蠻失望的，因為魚先油爆過，整碗粥少了清淡味，說實在的，我還是比較鐘意生記的粥。另外還點了一盤薑蔥魚卜，這個不錯吃喔，香香的，很有嚼勁呢﹗

自小很喜歡吃魚卜，但現在的酒樓食肆很少有這個菜式，而魚市場檔也扣起做下欄，很少可以購買多個魚卜來做菜了，偶然在openrice看見這食肆，圖片食物好吸引，決定前來嚐嚐店鋪不大，環境雖然麻麻地，但是衞生程度尚可接受，比想像中好，鋪內以吃魚和粥為主，由魚頭、魚鮫、魚腩、魚卜、魚骨、魚尾甚至魚鬚也不放過，還有圖片文字詳加介紹由於剛在附近吃了咖喱午餐，先試下心中之選先薑蔥爆魚卜40元：送上枱時香氣四溢，果然好夠鑊氣！久違了的大排檔風味魚卜走油微炸得金黃香脆，由於有好多薑片同青蔥配搭，賣相好吸引，增進食慾，食落味道果然不錯，魚的腥味給酒蓋了，魚卜鮮甜爽脆，十分之滋味無窮，唯一美中不足是有兩三個魚卜的另一小截，比較有點兒韌，吞不下嚥以免消化不良魚腩田雞粥36元：這碗粥粥底不夠綿，比較稀，但材料很足，魚腩和田雞下得不少，還拌入些生菜絲，魚腩尚算肥美鮮甜，比很多粥店高勝很多的了，但至於是否鮮味十足的話，還是欠一點兒欠的，另一田雞食材也及格有餘了，肉質也覺甜美，但距離鮮甜嫩滑又是差一點點，但成碗粥來說，算是好味抵食的了。此店貼上字條：薑絲和蔥絲免費任取，但造成浪費的話罰十元。所以很多客人當食物送上時，都

一路都唔食魚鰾(朴)因為唔鍾意嗰種滑潺潺嘅感覺, 原來, 好嘅製作過程, 可以令到呢樣嘢咁好食...不枉我千里召召去朝拜佢!魚皮, 好細碟, 又好細塊, 冇乜特別 $15薑葱魚鰾(朴)好好鑊氣, 好香薑葱同酒香魚鰾走過油, 面層有少少香脆, 亦好新鮮 $40香口+煙韌, 每一個一咬穿, 仲有一啖好鮮甜嘅汁喺裡邊下午四時, 滿坐當日廚房裝修, 就轉喺街邊煮...見個阿姐跌jor舊魚頭落哋, 執番, 然後掉落洗碗水佯兩佯(後巷相片右邊紅兜, 係死水嚟), 就繼續煮食, 嚇一嚇!衛生環境就麻麻, 怕烏糟嘅唔好去 (我食完冇事)下次要試薑葱魚骨... btw, 有冇人知魚鬚係乜?極品!我對呢樣嘢, 徹底改觀

今次的小友飯局轉一轉口味，吃清一點，帶他們來到魚粥名店"新興棧"....小友多樂菲之前沒有來過，對這兒環境大感新奇，拿着相機不斷的拍啊拍，真是"大鄉里"一名。小弟從小就來光顧，早已見慣不慣.....一早吩咐他們來到這裡不要叫甚麼皮蛋瘦肉粥又或是及第粥，只要專攻魚的各部份作配料便可。於是一叫便滿枱皆是"魚、魚、魚"。不過在吃粥之前，習慣上是要先吃一碟銀芽炒麵作熱身。今天吃到的好像有些濕身，沒有以往的乾爽，當然不盡如人意，不過色水尚仍均勻，葱段及銀芽的份量也挺夠，算是有少許彌補；炸麵食味當然沒有甚麼特別，而且吃落是淰得可以，不是甚麼新鮮現炸的貨色，叫的原因只是因用來放入粥內吃的，脆不脆與否倒是不大有干係.....好久沒有吃生鯇魚皮了，劍青小友看到魚皮的樣子便大起雞皮，而且害怕蟲蟲走入肚子，故此馬上洒手擰頭不敢吃；多樂菲的膽子倒是不少，拿起筷子便夾，但都只是吃了一件半件而已，其餘的就很自然就裝進小弟的肚子裡去了。質感是依舊的爽爽脆脆的，一點腥氣也不覺。若害怕多菌的話，夾多點葱及薑絲同放入口，再醮些胡椒豉油，甚麼菌都已死掉啦....要了魚腩魚卜，本想吃魚骹的，但每次來都是例牌缺貨的，真令人失望

2010年04月09日，20:30唯敢說香港無好粥？我唔信！我唔服！幸好大家已用行動來這這裡投票！小週末晚，店差點兒全滿，要花時間攝位到這店的目的是進補，所以繼續要洛魚卜粥旺場下，要等十數分鐘，才有粥食。把大量生菜混入粥內，更顯清甜、鮮甜同時補充了奧米加3和維他命C油爆魚卜仍然是甘香、軟滑、爽脆兼備。粥底是永遠的鮮甜祇見其他食客喜歡魚豬配。而我仍獨愛魚。下次試試魚划水好了，賣相好吸引。

天寒地凍吃什麼好?人少少吃不到大大煲的羊腩,不如去佐敦,吃一碗窩心魚粥.於是,在十一,二度的晚上,再一次來到我最愛的魚粥店 - 新興棧.上次來是情人節食齋團後"還俗",今趟身份不一樣了.事前還恐怕女友會被店內的環境嚇怕,不過粥店在年前曾經略略裝修過,已經比以前光鮮.如非坐後巷的話,問題也不大.除魚腸之外,差不多所有鯇魚部位也能吃到,是夜魚鮫賣光.便要個肉厚的魚腩粥,吃粥之前總會自己拿些薑荵,再淋些醬油吃,便當一頓前菜吃.刺激到鼻塞也能即刻暢通.薑荵爆魚卜一直是我在新興棧最愛,差不多每次來也吃一碗,女店員將魚卜用酒爆到火光熊熊,什麼腥味也辟走.魚卜爽而脆,但今次酒香比之前吃的更重.鮮味略被掩蓋,一邊吃一邊著女友吃多一點,魚卜骨膠原豐富,女仕不妨吃多幾舊.說起上來,來到一味吃魚粥,好像未吃過魚之外的粥品,今次來個腰潤豬心粥,粥底一如以往地稀,豬血將粥底上色.豬腰爽沒有異味,豬潤切得較薄,相對不算特別爽脆.而豬心則非常爽口.另外的魚腩粥,沒有天然色水之下,突出用瑤柱來煲的粥底鮮甜味.魚腩肥大肉厚,帶有很多細骨,我多口說:在足球比賽,或者運動比賽上,實力明顯差一大截的,每每被稱之為"魚腩",但

喜歡來新興棧有三大原因:多: 每次來都是食魚粥, 近來己固定了食魚尾加卜, 粥端上來, 魚尾的份量多到連碗都裝唔晒, 一條條尾鰭好似盆栽咁撐晒出嚟, 粥就一定係滿到瀉, 薑絲葱絲生菜絲仲任攞, 鮮: 一食就知, 無論味道和肉質, 魚嘅鮮度無可挑剔. 我什至懷疑是在"後台"即劏的, 未入過雪柜. 因為曾經試過好晏嚟食, 魚腩係煮粥姐姐叫"後台"攞出嚟的, 仍然一樣咁鮮.味: 粥好味唔使多講, 仲有份"人"味. 好多人會唔鍾意班姐姐大大聲嗌來嗌去, 互相呼呼喝喝, 有陣時人客催多兩次都會比佢地鬧, 但係如果抱住輕鬆嘅心情嚟睇, 不難感受到佢地其實好真好可愛, 好有"人"味, 總好過嗰啲機械人式嘅 "歡迎光臨" 同 "多謝下次再嚟"

想吃清淡D所以去左依度吃粥,一出地鐵站行幾個街口就到。依度主打既系魚既唔同部分, 有魚嘴、魚鮫、魚腩,魚尾等等...當然亦都可以同其他野做配搭。響度叫左碗魚腩粥, 一上臺, 真係幾有驚喜,成碗粥大大碗, 入面有十幾塊魚腩, 吃極都仲有,相對來講粥就比較稀比較少, 有D唔成比例。以咁既價錢咁既質素 26蚊真係好抵吃。

假期油麻地遊遊蕩蕩飲食第一站：從未試過魚卜粥做早餐，正確來說，今天是第一次吃魚卜粥，頗特別，初時以為魚卜一定是淡而無味，怎料魚卜吃來味道很香，可能是之前煎過或煮過，粥底濃度適中，很美味！不過早餐來說價錢是貴了一點。