新興棧食家

营业中

休息中

上星期五去完旅行係機場坐巴士回家，適遇放工時間，四處塞車，等左好耐仍然係佐敦附近，動彈不得，唯有落車食晚飯再乘車回家。太太話想食粥，刚啱行到油麻地，於是去新興棧食粥。剛好我哋坐係煲粥附近，見到這位哥哥仔真係每一碗粥煲滾，跟著落粥料。有時見到有些粥料，例如漁頭，先再煱上炒一會才落去滾粥。生滾漁咀粥，粥料好多，差唔多有半個漁頭，粥很鲜甜。生滚牛肉粥，鲜牛肉滾得好嫩滑，好正。這間粥店的粥品真係一流，但可惜其它食品稍遜。例知炒麵，油炸鬼等等。

初看餐牌的價錢可能會覺得有啲貴，但當你見到送上來的生滾粥裡面的材料，你就會覺得值回票價。是日點的是魚咀粥，粥裡放滿了一整個大魚頭，份量十足！師傅應該是先把魚頭煎香，再放入粥裡生滾，那種魚的鮮甜味道實在感動了味蕾。而且還有薑絲、蔥、生菜無限添加，把它們加到熱辣辣的粥裡，出乎意料地好吃。不過環境衛生就一般，畢竟是老舖。

可能今日比較大雨, 我很難得見到這間店門口沒有人龍這間粥店是我其中一間至愛! 坐位不太舒適, 也沒有華麗的裝潢, 卻是佐敦的老字號!入來吃的多是老香港的街坊, 還未見自由行給填滿! 所以我經常幫襯價錢超貼地親民, 貨如輪轉, 魚一定很新鮮! 這是一間專食生滾粥的小店, 魚的每個部位都可以煮成人間美味! 而且大大碗也只是 $5x - $6x 多元 , 性價比很高肉丸鯇魚魚腩粥 ($52) 這個肉丸大概有6 粒, 沒有落粉, 打到起膠, 十分新鮮的肉香, 而且彈牙 鯇魚起碼有4 大塊, 骨不是很多, 啖啖肉, 而且魚肉是有經過穫香爆, 令魚肉比較香及實, 不會散開粥底亦很綿! 感覺覺得魚肉及肉丸比粥的份量還要多! 田雞魚腩粥 ($64)出面都比較難找到有田雞食的粥品就見田雞起碼有2 隻, 生劏即生滾, 過程有點殘忍, 不過經過穫爆過的田雞真的很香口! 加上魚腩, 餸比粥底多, 再加上香蔥生菜自己加, 十分健康補身!我們坐的位置剛好接近廚房, 見證明火生滾粥的做法!

呢度出名魚粥，粥底好香好鮮味，大廚將半生熟既魚片放入粥入面，所以要等一會先食，慢慢用粥既熱力灼熟魚片，我食到最後，都仲有魚片未熟透... 其實講出黎就係可以食到剛剛灼熟的滑魚片，但係未熟透既鯇魚片... 有點嘔心，下次我唔會再點魚片不過個粥係夠綿又夠香，仲要夠熱，係一間值得推薦既老店

新興棧出左名食魚粥，鐘意食魚粥嘅大部份都聽過，好明顯係老字號，我細細個，幾十年前已經跟父母來過。講真，之前裝修過，都企理左好多。舊時太有特色，行過路過都驚跣腳，而家又乾淨左，加左冷氣，都唔會好熱，夏天我都接受到。後生仔就唔多嘅，佬味十足，捉埋另一半先肯來。不同魚嘅部位都有，魚片、魚腩基本野不少得，仲有魚卜、魚雲、魚骨、魚鮫、魚尾都有，嗜魚人士嘅佳音。仲可以配腰潤、牛肉都係出色。粥底生滾，自由配搭。又有白灼或者薑蔥煮今日另一半約左人，我就隻身前來，平日都一樣高朋滿座，不過支公好易搵到位。點左個魚腩滑牛粥，最鐘意點呢個，冇咩細骨，得正骨，食得安心D。成碗粥配料非常多，魚腩大大舊，都有五、六件，另有七、八片滑牛。跟埋生菜絲。碗粥有魚味，夠哂鮮味，唔會太稀又唔會太杰，粥底好綿，好味唔洗講識途老馬就知，薑絲、生菜等自取，仲有油炸鬼伴粥。其他例如爽滑魚皮我都好鐘意，仲有薑蔥魚腩等，又香又惹味。可惜今日得一條友。價錢見仁見智囉，我覺得值得，食個茶記都四、五十蚊啦。

吃粥不要太花巧，實是求是粥底及材料最重要！在香港要找間靚粥吃，可遇可求！如緣份一樣，也是不能強求，難道真的隨心隋風而已？在油麻地一間不起眼的賣粥店，以大塊魚見稱，專做平民生意……為人民服務的新興棧！叫了魚骨及弟粥，有至少三大塊的魚骨，有肉有骨，魚肉鮮甜又爽，粥底也用心製作，米也綿綿的！一碗用心用時間烹調的粥就是火喉及用料上乘，加上廚師的巧手處理，除走魚腥味，融入綿綿的米粥，更能引出魚的本身鮮味，不單滿足口感，也吃出舌尖上的真正的多重味覺！

琴日做運動前朋友帶左我去食#麻甩 魚腩豬潤粥🍲（$52）鍾意食#魚 既一定要去試！！好多魚部位都食到 魚雲魚卜魚腩魚咀魚餃🐠🐠唔鍾意好多骨既千期唔好點魚腩 我中伏了😳😳好多細骨😫蔥係任拎既 加埋生菜 味道都唔錯😋

夜媽媽！個朋友話想食粥，我真係毫無頭緒，叫佢自己諗，又比佢諗到去油麻地廟街嗰邊有間食粥既，而且專係出名賣魚粥，魚既頭去到尾都有得食，去到見到都係舊式老粥舖格局，冇裝修，但成12點幾咁夜都仲多人，後生既都唔小，證明呢間舖真係有返咁上下料子。有圖介紹用魚既唔同部位攞晒嚟做粥。魚腩粥賣相一般，以為會得二至三塊魚，點知唔係，應該有5-6塊魚腩，不過成碗粥都好熱，食第一啖之後停唔到口，熱都要繼續一啖一啖咁放入口，個粥底真係好正，好鮮甜，d魚既精華係晒個粥到，我寧願佢比小d魚腩我，要多d粥，唔怪得隔離條友食完個碗都仲出緊煙。P.S.推介呢到個魚皮，出面好小有得食，唔係平時打邊爐嗰啲炸魚皮，係新鮮魚既皮，烚一烚再過冷河雪凍左，好煙韌彈牙，加埋佢個豉油👍🏻。

一間在白加士街垃圾站旁的粥店。裝修殘舊，衞生麻麻，但仍吸引很多人到來吃粥的原因是佢哋一直保持大大碗的魚粥，真材實料，而且粥底有米香。 魚腩粥 $40 有3塊魚腩，不過是坊間一般的2-3倍厚，好大塊，魚味鮮甜簡單。 魚鮫豬潤粥 $52 亦有3-4塊大魚鮫，很多魚肉，佔據了半碗以上呢！一個魚鮫都好大舊雖魚鮫是多些魚骨，但啲魚鮫肉比魚腩還要滑嫰，吃過你就知。記得早些去吃，因售完即止。多$12 配豬潤，有成8塊左右，全碗粥多料到幾乎滿溢。豬潤滾得剛熟又嫰滑。因加上豬潤，比魚腩粥濃味兼甜很多。 這裏的粥都在上枱前加上生菜絲，增加纖維素，不錯。

今日下午我們參加完朋友嘅party之後，大姨媽就話帶我們去一間食粥都幾出名喺油麻地寧波街嘅「新興棧食家」食晚飯！一坐低喺我們諗緊食啲咩嗰陣，見到任何魚嘅位置都有得食，有基本嘅：魚雲同魚腩之外，仲有魚咀、魚卜、魚尾、魚鮫、魚骨等等等等⋯⋯本來我們都想叫魚卜嚟食吓，但可惜已賣晒！所以我們就叫咗田鷄加魚腩粥、豬膶加魚腩粥、魚咀粥同田鷄粥，一嚟到我們就覺得碗粥好大碗同超多料，同埋仲有大量嘅生菜絲舖面，感覺非常「大堆頭」，而且仲可以無限添加，感覺真係好抵食，但有啲美中不足嘅係啲生菜絲加咗入啲粥入面就會出咗啲水，不過呢啲係小問題，唔緊要啦！至於粥底就煲得好綿，而且有好鮮甜嘅魚味，因所有材料都好新鮮，所以味道非常鮮甜，魚腩嘅肉質好鮮嫩彈牙，最好嘅係都幾厚身，而田鷄嘅肉質亦好結實彈牙，而且相當肥美大隻，至於豬膶就好爽滑，唔會有「臭壓」嘅味道！另外我們再叫咗豉油皇炒麵炒得都幾乾身，味道比較濃，但未至於好鹹！而油炸鬼就炸得都幾金黃酥脆！

不經不覺，已經幫襯咗呢間魚粥一年，因為做facial的鋪頭就在附近，所以幾乎每次都食完先返家。今晚，9點鐘左右做完facial，去到魚粥時，望一望鋪内得1x個客左右，但d客就分散曬坐係唔同既檯，而我又攞住大袋細袋新買既衫，需要多d空間放野。於是，我就行入去問一個迎面行過黎既紮馬尾既阿姐。我好客氣咁問: 唔該，我可唔可以坐入面果度? 我用手指住鋪入面左手邊既玻璃窗後面果張細檯。呢張檯好特别，唔係成日開，因為有時阿姐會係果度切魚片，果度其實係廚房黎。不過，我坐過好幾次，都係阿姐主動叫我入去坐既。所以，今次我真係有需要啦，就直接問咗先。阿姐聽到我問她，只係瞄咗我一眼就係我旁邊掂行掂過，完全無意欲理我。算，我心唸她可能有野做，等一等唔緊要！於是我就企係原位（鋪中間）等，見她攞完碗粥俾個客後，我又第二次問她同樣既問題，點知她竟然又係掂行掂過，睬我都有味! 😤😤😤😤😤😤當時其他食客已經發現我無人理，大家都望住我。☹☹好啦！事不離三，真係佛都有火!!!😠😠😠見住阿姐同廚房煮粥果個咬咗两句耳仔後，又攞咗碗粥準備送俾客食。當她經過我身邊時，我又再問她相同既問題。結果她真係睬我都傻，完全、簡直當我透明，施

因怕魚骨，今天點了魚腩粥，貪其只有主骨沒有細骨，但端來的粥只有一細舊魚腩，其餘都是有骨魚塊，39蚊的魚腩粥，極奇搵笨。再看凊楚，粥內有一點一點黑色的東西，初時以為粥底的魚皮(實太天真)，但吞下有苦味，才知道是穫撈。明顯是把用來剛起穫的魚頭或魚尾弄燶的鐵窩，不洗窩便用來煮粥，非常不衞生，且給炭客人食，有違健康，店裏阿姨對投訢一點也不在乎，不退換又不減錢，下次一定送官追究。希望其他食客食這裏的粥要打醒十二分精神，不然食了炭也懵然不知。

睇電視見到介紹呢間魚粥店，唸起又好耐冇食過粥，就過黎油麻地回味下爽滑魚皮: 唔係出面既炸魚皮，而係用鯇魚既皮灼一灼後，就用豉油撈完，薑蔥伴碟。食既時候連埋薑蔥一齊食，食落Chok chok聲，超好味，唔係好多地方有得食魚腩豬潤粥: 魚腩新鮮，仲要厚切，啖啖肉，仲有成4舊。豬潤唔會煮得太耐而過硬。見到廚師係先煎香魚後，再將魚連粥一齊煮，粥底除左好綿之外，仲有魚味。另外，粥亦配上大量生菜，增加口感。冬天除左打邊爐外，食粥亦係個唔錯既選擇

今日去行街街，行到晚上十點幾有啲肚餓，行咗去油麻地新興棧食夜粥。我們兩個人叫咗魚腩粥，肉丸粥和油炸鬼，佢啲粥即叫即煮，所以好新鮮，魚腩粥勁多魚腩，魚腩煮得剛剛好，又滑又新鮮，啲粥好棉好鮮甜肉丸粥有好多肉丸，肉丸新鮮又好味，油炸鬼已剪好一粒粒食起嚟好方便，水吧位擺放咗薑絲，生菜絲，葱絲，唔夠可以自己去攞。新興棧係舊式粥舖，環境好懷舊，職員都好有人情味，係香港呢啲舊式粥舖真係越來越少，所以去開油尖旺都會去食吓粥支持吓，大家有時間都去食吓粥啦，佢啲粥真係又大碗又抵食嫁

店里人不会太多，大多数是老人家，早上来碗粥确实养胃，白粥并不是很绵，鱼肉倒是蛮大分量的，切块都是一大块，价格其实不贵了，就是我总是吃到血腥味，不确定是不是不熟，肉也不是很甜嫩，以至于我怀疑好吃的渔粥就是这样的水平？还是我点错了？