新興麵家

营业中

休息中

工作到下午四時先食飯，同事介紹呢間，話屯門區好出名，去到門面殘舊，入面好爆場，桌椅好迫，環境暗同殘舊，圓枱硬櫈，大家要分開坐！食品都幾多，支裝汽水之外，仲有入咗汽水樽嘅豆漿！落單食物好快到！牛腩牛筋河（$41）好豐盛，餸多到見唔到麵，牛筋好多又粗身，炆得淋身煙韌，但太鹹，牛腩淋身，連埋筋膜，啲筋膜好滑，可一樣太鹹，河粉幾滑，索晒湯底腩汁，如果唔太重味，味道係好味嘅！忌廉（$6）支裝好喜歡！牛腩紫菜河：同事食牛腩雲吞麵：同事食店員爽手有笑容，有講有笑嗰隻！好街坊式嘅麵店，完全無環境可言，不過味道唔錯嘅，同事食雲吞好味！

今日黎到景峰呢邊探朋友，第一次黎到呢個地方，唔知有咩好食，經過呢間麵家門口聞到好香，價錢亦都合理，即管試下。隔離個食客話牛腩/牛孖根都好好食，我就聽下佢講，叫左碗牛腩粗麵， 原來都幾大碗，料好足，牛味都幾重，牛腩既肥瘦位置都幾均勻，好入味，不過個湯底有少少咸同埋油左少少，愈食愈覺得口渴～ 如果可以唔好咁咸就very good 喇～另外不得不讚下佢地既辣椒油，夠香夠辣，我唔算食得辣但都忍唔住加少少落去，總括黎講⋯味道都唔差，都抵食既～

好耐無黎新興，諗起都肚餓，黎到超級多人，只好外賣反去食，叫左碗雲呑，牛肚，牛根面，超正，份量都係咁足。 雲呑大大粒，好足料，啖啖肉，有蝦香，肉香，牛根超級林，啖啖都係骨膠原咁，一點都不韌，今次牛肚就比較韌，好厚切，好有口咬，勁多，一定食到你飽肚，超滿足支持小店，希望可以繼續keep住質素做得更好

享用過豐富的高茶後，晚餐只想一切從簡。因此晚上便到新興麵家吃一碗簡單的粉麵。牛雜河($24)這兒的牛雜一向出色，餸料份量十分慷慨，多得差點吃不完。 牛肚軟稔易嚼，牛小腸脂膏豐腴，雖然肥膩但又美味得不行。牛膀也是粉稔又入味的! 而半粗身的河粉挺滑溜，加上充滿牛香的濃香湯底，這兒的牛雜河多吃也不會生厭。牛筋魚皮餃河($29)魚皮餃大大顆的，不是那些下價的行貨。牛筋又是堆得滿滿的一碗，膠質甚重，炇成半稔狀態，也不錯吃的。不知何故，這天每桌的粉麵都是重量級的，無論是餸料或是麵底都堆疊得滿滿的，是老闆節日賣大包嗎?依然是家值得支持的街坊老店!

井財是個熱閙的小區，有不少尋常食肆，但穩打穩紥，即使是平凡的粉麵也有一定水凖。  像這家潮興是街坊老店，但總是愈夜愈熱閙。這天簡單以粉麵作晚餐，鮮炸魚皮($16)薄脆又香口，是每桌必點的。  潮洲三寶河($31)是魚蛋，墨魚丸，魚皮鮫的組合，用幼河粉，比一般的滑身，加入腩汁的湯添了肉香，但湯底本性身不算濃，但總比放太多味精的好。白魚蛋小小的但鮮味有汁，墨魚丸個頭較小，但純以鮮墨魚混合少量馬蹄打成，没有掺粉，因此很有彈性，也有墨魚香。魚皮餃該是來貨的吧，但屬大顆的一種，煙靭的外皮包着豐料豬肉，吃下十分滿足。  魚皮餃清湯腩河($35)一直是老公的心水之選，稔滑的坑腩有濃濃的牛香，比金銘的好。光顧多年，店面依舊老式，味道依然不變，值得支持。

講起清湯腩,不得不提呢間新興麵家,新興麵家既牛腩麵同平時食到既好唔同。最大既原因係因為佢地用既係清湯腩。清湯腩唔會太清而無晒d味,而係拎到一個平衡點,食完之後無好口渴既感覺,食落亦唔覺有好多味精,正評!

呢間野食左差唔多廿年，廿年黎都係差唔多樣，差唔多味，細細已經喜歡，無計啦，成個都喜歡吃，而且又平好好吃，堂食的話仲好喜歡他們的豆漿，但是今次因為母親節我媽說要睡全日，所以都係買外賣回家慢慢吃。外賣左"魚旦河"番屋企食，同以前的份量一樣都沒變過，食料都係一樣多，魚丸彈牙有咬口，魚片亦很爽口，河粉就算外賣都唔會發到脹而變得難食，同係堂食都差唔多，不過我平時都係吃牛肚麵，是我的最愛，因為果日剛剛做完面要吃清淡少少，所以今次先叫魚旦。不過下次都係堂食，可以飲豆漿。

係井財街講到要食嘜既時候, 我一定會諗起新興麵家。依間小店源用廣東柱侯牛腩, 並非清湯腩。清湯腩唔係唔好食, 但係我特愛柱侯牛腩的五香味。基本上, 牛腩要好食, 炆得稔軟，入口即化，夠入味就已經可以滿足味蕾。略浮油脂既牛腩湯好清澈, 先飲一啖, 完成唔膩, 入口帶甜, 粗麵爽口, 剛剛好。最抵讚係D牛肚, 稔到不得之了, 用上顎同脷一夾即化, 又入味, 而且分量有反咁上下。男友好鐘意牛什, 牛肺、牛腸、牛胃、牛肚樣樣齊, 而且全部都好入味。讚讚讚~唔叫野飲埋單都係58蚊, 29蚊碗, 好老實..係出面食碗垃圾粉麵都唔止依個價。

上次吃完荃灣那一家又貴又唔好食的牛坑腩河之後心有不甘，過兩天後來到這家好味又抵吃的麵家補償一下心靈上的損失。始終都係小店比較好吃，牛味十足，煮得好焾，不會像上次一樣啃牛肉乾一樣。老板娘好好禮貌，要多多支持小店。

出camp後, 醫完肚就要返工,經過紅橋, 醒起朋友提過有一間食粉麵好正, 即管去搵下!呢度既豆漿用樽裝汽水樽入, 好攪笑! 承惠$5, ok啦!兩碗份量其實都唔細, 餸料亦很足!牛腩炆得好淋, 牛什亦夠入味! 又真係冇介紹錯喎!

週末在屯門，下午茶時段想起吃麵，身在井財銜的我絕對不會想起《金銘》因為她，曾經令我失望過。不過，若我想食返一碗靚麵，在同一個生活小區，我是另有所好的，而這一個就是同樣是很舊，但名氣沒有那麼大的《新興麵家》。簡單的下午茶麵，當然是一碗牛腩麵，坐落時，眼見他們正在包雲吞，所以我的雙併就選中了香口的雲吞配搭上味道濃郁的牛腩，再加上爽口的粗麵。麵來到我面前時，看見湯麵浮著既可愛又邪惡的油脂油膏，未吃入口已知道這一碗麵會好好味。牛腩，味道既香又濃，入口更是爽口，當然也有掛齒的感覺，香口，不單是來至牛腩，充滿蝦味同大地魚香味的雲吞也該記一功，整碗牛腩雲吞麵，完全沒有該彈的地方。很好的麵檔，很香的牛腩，在屯門井財街，食牛腩麵，是有兩個選擇的，不妨兩家也試，看看那一家會合你心意。 

哈哈 我己經唔係第一次係到食!!!我覺得呢間小店值得我用十多分鐘逐隻逐隻字寫篇食評。因為呢間鋪的墨丸河，肥牛腩，牛丸河，通菜實係第2度食5畫架！首先講下D墨魚丸先啦!!! D墨魚丸好爽同彈牙個口感同爽滑的白魚蛋有D似 加上墨丸裹面有D碎粒馬梯？哈5知係5係馬梯呢總之係爽爽地既粒粒係D丸到啦 好特別同好清新 加上佢D墨丸真係5似其他地方咁粉lo，，仲有粒墨丸仲有好多D墨魚粒 食落真係特別有口感！一字之曰＿＿＿＿＿ 正！肥牛喃 爽口鮮 甜 舊舊都咁正 加埋D腩汁 鳴，就好似係D牛腩汁到攪住舊肥牛腩浸浴咁 ！ 爽呀！通菜 哈哈哈，，，，正呀 D通菜的菜幹裹充滿左D濃香的腩汁 一咬落去 o，o. 正牙！！好過配腐乳嘩！！.

星期六, 又是聽道的一天, 入到去時間尚早, 便在紅橋一帶徘徊一下. 未巡哂整個小區, 已經被呢一間吊滿牛腩肉的潮式粉麵檔吸引了. 搞到我後來閒逛, 才發現miss了一間隱世小小店. (下次要試).見到佢既主打係牛腩, 入到去, 隨即就點下牛腩麵一碗, 再加一支可樂. 始終覺得, 食湯麵配可樂. 這樣的配搭才香港. 若是在國內, 配上豆漿才像點樣子.美麗的一碗濃汁牛腩麵, 牛腩夠靚已經在櫥窗看見. 腩夠爽, 入味. 濃香的腩汁加入湯底, 更加吊起麵湯既濃香. 都條, 要了粗麵, 一樣是爽口. 感覺是非常的美味. 轉角便是馳名的金銘牛腩, 當時食過覺得不外如事. 轉過灣找到一家更local的牛腩麵店. 至少, 本人覺得, 好味過金銘.

廿幾蚊一個牛筋麵屯門黎講算係幾貴除左因為就腳最重要既原因就係D牛筋喇好多牛腩麵除左腩肉之外一般都會跟一兩舊牛筋平時都唔會太在意呢少少野但新興麵家整既牛筋唔會太韌既口感亦唔會林到好似液體咁係中間照道理叫得牛筋腩就冇得揀要邊忽總之師傅切左你就要食但我就係好鍾意食牛筋邊果少少肉有邊腩 坑腩有炆腩 清湯腩但偏偏就冇一個名去形容牛筋邊既腩肉所以好彩有得食咁既牛筋個人會零舍興奮講返個麵麵質都ok既黎既時候尚算彈牙不過唔擺得耐如果唔係就林湯可以話夠味又可以話佢味精重次次食完返屋企都要飲返一大杯水既不過夾落個麵同D牛筋既時候又唔會覺得佢好鹹另外佢個牛什有時都中規中矩既

.這家牛雜我以差不多有十年了.在屯門區想找一間好食的牛雜麵都幾難的事.今次介紹呢間牛雜店我以食了冇＋年都有八年了.點解咁情.因為水準保持到.有朋友同我講(新興)行前面轉左也有一家(金X)牛雜店.他說這間有很多人食的.我知呀.我同朋友講只有識食牛雜的人先會去(新興)他問點解(金X)咁多人食先.我想是因為方便泊車呱.公路邊.招牌大.大把巴士行過都見到.我吃過幾次(金X)次次啲味都唔同.有時鹹有時淡完全冇水準可言.(新興)就唔同每次味道都一樣好食牛雜入味雲吞.水餃也ok.湯方面原全唔會好似(金X)咁多油呀.清得黎佢比到我要那種味道正....十年不變...愛食牛雜的fans.我的成意推介.......