新華茶餐廳

营业中

休息中

由於今日要返教會練歌的關係，所以只能怱忙地食一餐，就和至愛揀一齊食這間快靚正的茶記了。很快便有了決定，選了2號火腿奄列$37，再加兩個蛋撻，$6一個火腿奄列，中上質素蛋有蛋味，爽滑這間茶記的蛋撻頗有名氣，蛋味香濃，皮酥，鬆化可口雖然是簡單的一餐，不過這日好有意義，當然最重要是可以與至愛共度啦希望更多的茶肆也可以好像這間茶記般長做長有。每當聽到有一些有多年回憶﹑老字號食店捱不住貴租而要結業也好心傷的，也有些無力感，只有「珍惜眼前店」

這星期有一天需在長沙灣附近工作，和同事一起午飯。因她以前經常到長沙灣，對附近環境比較熟悉。她說帶我到一間比較舊式，但有水準的茶記。愛美食的我當然說好！因很想吃點飯，我點了芙蓉蛋飯。另外，也點了杯熱奶茶。芙蓉蛋飯，蛋煎得不太油，有蛋味。裡面材料也夠，有火腿絲、义燒小粒。芙蓉蛋下已下了一點豉油汁，所以吃起來整體也不會覺得乾。奶茶奶的比例稍嫌多了點。下次光顧時一，一定要要求少奶。

這個蛋撻好有蛋味，撻邊又夠脆，保持熱度，可以入得口進食，食落去没有油膩感覺，這個唔錯，不過size就細一些，價錢都可以接受，6元一個，差不多賣晒，好快又會有新鮮出爐。

我最愛茶記！地上最強沙嗲牛肉麵道地嘅茶餐廳已經來越小呢個折法嘅紙巾亦好耐冇見你間餐廳最出名嘅係沙嗲牛肉麵沙嗲好香沙嗲味個麵底，非常彈牙👍🏻👍🏻👍🏻👍🏻👍🏻個炒蛋奄列，好大份火腿有好多，完全冇偷工減料個蛋！仲有蛋汁添我哋叫咗個凍檸茶走甜呢啲道地茶餐廳，茶底非常靚濃郁得來唔會苦走甜最好味唔使叫小冰，都唔會有半杯冰嘅情況睇晒成個餐牌每樣野都唔超過＄50非常貼地的價錢兩個人午餐都係＄80

工作日子，午膳時間步行來，大約十五分鐘，但是還要過來吃茶餐。以往外婆在對面住，間中可與母親來。沙嗲牛肉麵又求其了，還是熱麵配冷肉，沙嗲醬不多。麵條也不太彈，太淋的。奄列不錯，內裏不是太熟，餐包HEA了點。奄列內裏火腿不少，蛋不算熟過龍，味道富蛋香。但永遠最美味的都是凍檸茶，即使今天冷了一點，大約只有十五、六度，仍然聽到不少食客喝凍檸茶。檸檬味鮮香，茶味濃郁，是凍檸茶的模範。戳兩下已喝到濃郁檸香，只有新華凍檸茶，才經得起時間考驗。

係大家最愛既 Blue monday，好唔容易終於到左lunch time約左幾個係附近番工既朋友搵左間茶記就沖左入去醫肚。筆者極速叫左個沙嗲牛肉飯，本身都冇期望d 咩，飽肚就好。點知上碟賣相唔差喎，食左兩啖，嘩！牛肉一d 都唔韌，厚得黎又不失牛肉既軟熟質感，正！洋葱新鮮爽口，啱啱熟左但又唔會有生洋葱陣味。個飯真係落足料，牛肉基本上可以話成碟都係。當lunch 周圍都係咁既價錢既時候，呢間茶記真係首選。去開或者經過長沙灣既朋友記得去走個轉喇

呢到嘅蛋撻。。。perfect!!望落酥皮雖然有點厚，但層次分明。咬落熱辣辣又鬆脆嘅酥皮吸引到不愛吃酥皮的，也忍不住一口一口的咬下去。那皮確是鬆到不得了。中間蛋黃是最愛。熱辣辣，滑嘟啫 (滑到可以用飲管啜！)，甜道剛好。檸檬水也很滿足！差不多有半個檸檬，水是燙的 (好夠熱)。p.s. 許多食店連簡單的檸檬水(茶)都可以很差。水唔熱, 檸檬只有1.5片已是閒事。一次喺米線舖點嘅凍檸檬茶嘅檸檬已篤過。以為上枱前幫客人篤埋，點知飲落完全冇檸檬味.. 😵

今日同朋友來到長沙灣區，試下新華的沙嗲牛肉麵。一入鋪有舊冰室feel, 我地選擇左坐喺樓上，並點了常餐。沙嗲牛肉麵，牛肉唔硬都叫淋，沙嗲味不太重，湯頭也無乜味，麵似是大光麵但偏淋，整體只屬平平。奄列則不錯，蛋夠香滑，餐包鬆軟。奶茶都算茶香味濃，算係咁。

由細食到大，最愛沙嗲牛肉麵同埋蛋撻。蛋撻係我食過最好食嘅，有時諗起會突登行返去買（已經搬離長沙灣）如果咁啱遇到新鮮出爐真係覺得自己超好運。野飲一定飲凍檸茶，茶底原來真係好重要（因為細過屋企人多數都黎新華食，所以未試過其他餐廳嘅檸茶，到大個會自己出去食野飲野先知，原來檸茶口味會唔同），有茶味之餘又唔會太甜。次次有外國朋友仔都會帶佢地黎食，佢地都極好評！因為街坊生意無遊客會識，所以唔洗迫，而且野食又地道又好食。仲有一點就係，一定會坐樓上XD

我諗大家都試過有豬一般既隊友，完全理解唔到既上司同同事。往往3點3下午茶就係治癒自己唔開心同不滿既時候啦! 特別當你身處係一個日日都有tea食嘅office，再加上超為食既性格，食野帶比你嘅幸福係無可取代既!就係發生上述不幸事情既時候，新華蛋撻送到屈小姐面前，前一秒屈小姐仲抱怨緊個同事，下一秒佢已經講緊:【個蛋撻雖然凍左，但都幾好食】【食晒啦，飽飽】根據屈小姐既描述，新華既蛋撻係咁既:1) 個蛋好滑好smooth, 唔會太甜!2) 個撻皮雖然食唔到一層層，但係幾脆，而且唔油3) 個撻比一般大隻4) 都只係盛惠$5.5難怪世人都羨慕有個為食既女朋友，果種幸福的確係難以形容#美食可以治癒女神既心

新華真係好古式下, 有兩層, 門有仲有報紙檔中午點半鐘到, 有好多位, 叫左個常餐麵包: 凍凍地, 味道無特別火腿奄列: D蛋炒得幾滑, 唔錯沙爹牛麵: 一般Size, 加埋個包正常黎計夠飽普通即食麵, 牛肉咬得爛, 沙爹都夠味, 好過快餐店既奶茶: 有奶茶味, 但唔知點解我覺得有少少削, 唔夠滑溜36蚊係咁多

忽然好想食酥皮蛋撻，剛巧是星期日；二話不說就去食吧！這是舊式冰室的格局，還有樓上雅坐！年齡漸長，對於懷舊事物總是寧舍鍾情的😉主要想食酥皮蛋撻和奶茶，餐牌也不用看便落單了，另外加了件奶油多士試試。酥皮蛋撻（$5.5）～ 在門口看到一大盤，還開心的以為剛剛出爐，可惜的是，原來巳放了一段時間，不再熱辣，而且酥皮層次不分明；還好吃下去仍帶點脆囗，離開的時候見到有新鮮出爐的蛋撻，下次都是打探清楚才出撃吧🤔奶茶（$17）～ 同樣的茶味不算太濃，奶的比例味明顯偏多。奶油多士（$11）～ 脆口，香甜。還未找到「心中」的酥皮蛋撻，繼續努力。😁

今日同D朋友起長沙灣附近做野，咁就行左呢間餐廳食野，我就叫左D簡單而普通既小菜試一試就係咕嚕肉。當呢碟菜上到黎就好香同埋D醋味唔係好勁控制得好好加上入口鬆脆配菜又唔老。

經過元州村已凋零的花路，來到新華另有一番感受，雖是下午茶時段，但也全場爆滿，幸好剛有食客離開不用在外等候。特餐有餐包、奄烈、公仔麵，點了沙嗲牛麵，牛肉肉質比較實，不像平時用鬆肉粉過度醃至鬆軟的感覺，牛肉味較濃郁實在。公仔麵不是出前一丁，但浸在湯內一段時間仍能保持韌度雖然同樣是沙嗲牛，但換成了包味道更香濃，沙嗲醬汁與別不同，實屬必食之選來多個雞批作完結，牛油曲奇皮是至愛，皮雖然較厚但極富牛油味，裡面是大量的洋蔥和雞肉，喜歡洋蔥的朋友絕對不能錯過自從上次喝了荃灣某冰室的唂咕後愛上了，不自覺地每次吃舊式茶餐廳都會點熱唂咕，可惜這裡的太令人失望，味道十分淡，完全喝不出可可味。反而凍檸茶卻十分出色，茶味香濃而不澀，甜味調配得剛好，配合新鮮檸檬，可以說是我喝過最好喝的凍檸茶

悶悶熱熱的天氣一時之間諗唔到晏晝食咩好，男友仔提議不如搵間茶記食碗沙嗲牛麵和嘆返杯冰凍奶茶。　　黎到新華門口就比佢個門口上幾盞舊式小燈所吸引，打開門已經有伙記問：「幾多位啊？卡位埋邊啦！」　　餐牌簡潔，選擇困難症嘅自己都好快作出決定。轉眼間特餐已在眼前，好耐冇見凍檸茶啲檸檬片又薄又多了，好讓檸檬汁容易地篤出。冰凍的奶茶偏奶味較多。驚喜在碗沙嗲牛麵麵質不淋、沙嗲汁份量足夠調味又不過多。　　係茶記食晝點少得以蛋撻做結尾甜品呢！伙記送上新鮮出爐蛋撻時再三細心提醒「好熱架！真係好熱架」　降溫後的甜甜蛋撻加上皮邊酥脆，唔錯。有機會再來！