新華茶餐廳

营业中

休息中

星期六晨早去長沙灣,搵個地方食早餐,去左比較出名的新華食呀。好搶眼的barbie蛋糕。餐廳有兩層,我地坐下層,卡位舒服呀。見到沙嗲牛肉麵,必食呀,要了常餐。熱奶茶,正常水準。牛油餐包冇乜牛油,而且有點硬。火腿奄列夠大份,好多火腿,幾好味呀。沙嗲牛肉麵,湯底冇乜味,麵太硬,沙嗲醬太少,牛肉幾好,整體一般。味道一般,唔知係味果日水準差呀。

叫左唔記得係唔係常餐定特餐，沙牛麵跟餐包奄列要左凍奶茶少冰少甜。沙牛麵幾好，麵唔太林又夠沙爹汁。包同奄列普通囉，無特別。。。不過杯凍奶茶唔錯，夠茶味!!蛋撻熱辣辣，酥皮好香兼唔油膩(連平時淨食牛油皮既我都鐘意)叫左個干炒豬扒意炒，其實個味係好味，但真係油到爆。。。見到啲油真係驚。。。個豬扒味道好好好香， 但可惜真係好油啊!!!!呢度都好多人黎，侍應反應勁快，大家預左搭檯啦~~同埋張檯都偏細，會食得迫啲，但我覺得好有舊式茶記感覺

放工時分，又有點口癢癢的，很想食點甜，本想買碗豆花，但又行得遠，剛巧行經新華，聞到很香的酥皮味，倒不如買件蛋撻以解饞~~上天疼為食妹，剛好有新鮮的葡撻($6)出爐，當然要轉投葡撻的懷抱啦~~需知道，新華的葡撻每日只出爐一次，大概下午四、五時，真的可預不可求呀!!買完快快回家，快快食這美味的~~葡撻的樣子對板，面層有點焦焦的，拎上手依然是暖烘烘的，咬一口，葡撻的酥皮層次分明，鬆脆而帶有油脂香，蛋芯甜甜的帶有蛋香，質感滑溜有如半熟布甸，要不是沒有Quota，真的想多吃一件呀!!

話說要喺長沙灣做野。中午就搵左呢間舊式茶記～新華門口放滿飽點蛋糕。仲有一個白色婚紗女仔做型既蛋糕係櫃 前排睇報導先知紙包蛋糕先係真品。製作工序極繁複但價錢平民。絕對尊重之作(^ω^)坐低一望早餐常餐凸餐同出一徹就知唔洗上網睇都知食乜了。牛面奶茶啦仲洗乜諗。沙嗲好濃郁噃。配上良心牛肉既大舊兼無渣可吞落肚的(好多人渣牛肉又細又渣咬啖已想爆粗)餐包微暖實淨+搽滿牛油=比我秒殺左。炒蛋唔洗用牛奶炒都好香蛋味。咁。其實人情味呢？是咁的。舊茶記做街坊客。不停好多熟客入黎。侍應係問今日飲乜丫食乜丫咁。有個唔記得講飲乜個侍應都自動波落單。大叫檸茶丫嘛知啦！之後有3個年過70既伯伯嘻嘻哈哈咁衝入黎。侍應又問佢地今日飲乜。3個好似細路咁一人一句。你要奶茶我又要。佢又唔執輸咁又跟。再各自點下面包蛋糕。笑位黎啦。呢個時候侍應寫完張單一撕。好似餵魚咁由張單飄落枱面。其中2個丫伯竟然用左玩層層疊既神速去搶張單。速度之快我差d嘩出來。仲一路搶一路話今日我要比錢呀～侍應見慣晒一路走一路講慢慢搶啦喂。Feel到佢好享受"餵魚"個下動作。7老80仲有老死陪下嘆杯茶食個包實在一樂也 但你咪以為老野集中地喎。本店設有樓上雅

老字號的舊式茶餐廳，出名的特餐有沙爹牛麵、多士、奄列加杯熱鴛鴦。沙爹牛又香又濃，多士夾住大大塊牛油， 杯熱鴛鴦更加無得輸，特餐真係好足料，完全係物超所值。另外伙計哥哥非常好態度，真係不得不讚。去開長沙灣又鍾意嘆下茶記的，絕對唔可以錯過呢！

今日LUNCH又同同事去左青山道附近搵嘢食, 呢間茶餐廳好有80年代感覺, 平時經過都見到好多人排隊買蛋撻, 咁今次就入去先試下個茶餐先啦.由於LUNCH HOUR, 比較多人, 老闆就叫我地上樓上坐, 樓上原來都好大, 我地各自都點左特餐試.沙爹牛面出色, 佢個沙爹汁同出面既有分別, 比較香濃, 而且牛肉都比較滑同入味餐包就失色, 凍冰冰, 包身比較硬, 入面有少少牛油, 真係得少少囉火腿蛋奄列, 一般, 冇咩蛋味全餐嘅靈魂終於黎啦, 呢杯熱奶茶就幫前兩樣嘢加番哂分, 入口甘香而且口感幼滑如果配埋蛋撻就冇得頂, 可惜我已經夠鐘返去地獄開工了, 唯有下次吞POP出黎TEA一TEA 啦.

今天的奶茶癮發作，人既在九龍，第一時間便想起長沙灣的新華。其實已不是第一次來，也知道這裡的食品如蛋撻和雞批有水準，不過今天目標明確，就是奶茶而已。坐下不到三分鐘便送上，茶杯燙熱可幫忙保持茶溫，奶茶入口夠熱，茶身在茶杯搖晃中，見到奶茶夠掛杯，喝一口感到奶味不會蓋過茶香，過後口中留有茶味的餘韻，這便是想要的奶茶。17元不便宜，但以水準是值回票價，也喝過醒記高峰時代的奶茶，跟這裡的各有捧場客，不過現在的醒記已不復當年，只要女茶王不在陣，那杯奶茶已不值得專程而去。

茶餐廳真係陪住我成長，特別係依間茶記真係由細食到大，好開心佢無俾連鎖茶記打敗! 識食一定食常餐啦，仲駛講既! 當然貪心既我，唔會食甘小啦! 哈哈! 再加個蛋撻先夠喉。先講個蛋撻，唔係好多茶記仲保留自家製蛋撻，因為成本大又佔空間。佢個酥皮蛋撻真係好出名，每次一出爐都會被搶晒。好中意佢個皮，好酥脆個蛋又滑! 而個牛肉米都好入味好嫩口，而且俾得好大方，唔好得D 碎碎。配埋個火腿蛋，食得出炒蛋既人好有功架，真係真係好嫩滑，又唔會好「LOAN」。個人黎講，鍾意個蛋多過個米。哈哈! 老店就係要支持一下!

是日一大早就跟豬大人會合, 無非想見多佢幾面 ^^無無聊聊又是搵食的時候!既然未吃早餐, 那就上開飯喇看看附近有什麼吸引的餐廳~一看之下, 排名第三位的''新華茶餐廳''都幾吸引,一於拉著豬大人去試啦~~~門外放滿了新鮮出爐的蛋撻及糕點, 挺吸引呢。難得來到, 當然要吃它那出名的沙嗲牛啦~一於一人一客特餐!!先來豬大人的奶茶, 豬大人說挺香滑 ^^再來一個新鮮蛋撻share吃~口感實在, 蛋香而不太甜, 最愛其熱辣辣又酥化。青蛙的樽裝鮮奶, 要另加三個大洋。主角出場!! 看顏色平平無奇又清淡的沙嗲牛麵;事實上入口帶有非常香的沙嗲味、牛肉又夠鬆軟, 咸淡亦得宜~ 所以一間有自信及實力的食店,桌上根本不需要放置各式各樣的調味料,''新華茶餐廳''正正如是!!特餐還包括火腿奄烈及餐包~火腿奄烈足足有兩隻的份量;至於餐包是平常吃鐵板餐才會吃得到的一款,餐包甜甜的, 既有誠意又好吃。

去深水埗行之前黎食個tea, 坐左向水bar位側邊, 真係嘈到呢, 因為d伙記出野食飲品係pang pang聲, 溝通方式亦比較麻甩, 怕3字經真係要遠黎呢個area~~叫左米粉餐, 餐包唔熱但質地唔錯, 火腿奄列亦唔多熱但食落又ok, 唔會一pat太散修修, 炸菜肉絲米就一段,米粉有d怪味~~  熱奶茶茶味濃但太多奶, 太漏~~食飽再向門口買多個菠蘿飽, $4.5唔貴,但質素一般~感覺一般, 試過一次就算~~

春天，百花齊放。友人相約，結伴趴走看花去。首站，乃長沙灣元洲邨，看簕杜鵑去。在這一條紅花隧道內，左看看，右望望，蹲下拍照，抬頭呆望，喃喃自語。時間，在徘徊中，逝去了。饑腸轆轆，走吧，覓食去也﹗穿過元洲邨，向青山道的老茶記新華茶餐廳進發。新華，不期然讓小妹想起新華字典。當小妹仍是黃毛丫頭時，老家的爺爺就買了一本簡體字的新華字典給小妹。回想起，仍有滴汗的感覺。因此，對「新華」兩字，一直有份難以割捨的恐懼之情。據說，新華茶餐廳乃附近一帶的老字號，分上下兩層，座位蠻多的。門口的餅櫃中，放有各式新鮮焗製的麵包和蛋撻，光顧的街坊絡繹不絕，有阿姐在外打點一切。小姐甫見Barbie公主的蛋糕模型，「嘩」了一聲，並掩口偷笑。是的，老式茶記竟與西式餅店競爭，出品手工極其精緻的公主蛋糕，真的蠻難以置信的﹗蛋糕傘裙手工精細無比，甚花時間和工夫，故每日公主蛋糕數量有限，必須提早預訂的。傳統的茶記裝潢佈置，整潔度遠比想像中為佳。小姐和小妹拾級而上，坐在樓上享用遲來的早餐。細閱了餐牌，散點價錢蠻昂貴的，嚇了小妹一跳。何解長沙灣和香港仔等舊區，茶記食物和飲品價格竟比灣仔和東區還要昂貴呢？全日供應的常餐$36有雪菜肉絲

位於長沙灣的新華茶餐廳是間滿具歷史的老牌茶餐廳，他們家的酥皮蛋撻從來都是小妹酥皮蛋撻的首選。 這天走到新華茶餐廳，本想買個酥皮蛋撻回味一番，驚喜地發現，原來他們有葡式蛋撻售賣的，價錢比酥皮貴$1，好奇心俱使下，買了個來試。葡撻$6.5: 甫在手中的葡撻，雞蛋部分如正統的葡撻般表面帶些焦啡色。咬一口，葡撻的酥皮部分並不如心中所想般層脆分明，而是較為硬身死實。小妹一直認為葡撻比蛋撻更像款甜吃，因為葡撻酥皮是較甜的西式酥皮，而蛋撻的酥皮是帶點豬油咸香的中式酥皮。新華的葡撻是採用了中式酥皮的做法，因此和預期中的有很大落差。雞蛋內餡方面，葡撻的內餡味道都是較甜，質感呈半熟布甸狀，而蛋撻的雞蛋內餡則較涸體。再一次令小妹失望的是，新華的葡撻雞蛋較為硬身和乾身，可以說是“唔咸唔淡”。整體來說，新華的葡撻真的做得很一般，售價更比酥皮蛋撻貴$1，下次還是買回他們家的酥皮蛋撻或是其他傳統的港式麵包酥皮類便算了。真的想吃葡撻，小妹建議孩子們到KFC吧。

悠閒的星期六。以往好少機會遊覽長沙灣青山道一帶，約左位網友係附近交收，而咁啱又遇著肚餓，腦中閃過呢間餐廳，Google一下之後就黎到此店。呢間餐廳門口尚算企理，一入去就已經有幾位地道港式茶記侍應招呼，態度當然比起某間出名人多又要食得快既餐廳好百倍! 枱凳都係乾乾淨淨，裝修完全係香港人平實既風格，坐無虛席，顧客大部分應該係老街坊，正好俾我一個享受港式味道既地方。餐單種類繁多，我當然係揀茶記最拿手既常餐，內容包括沙爹牛肉麵，牛油餐包同奄列加熱飲一杯。落左單唔夠五分鐘，餐包同奄列率先奉上，包只可以算普通，熱度不足令牛油難以充分發揮所長，奄列都尚算可以，火腿絲同蛋都好飽滿，同樣地熱度強差人異。不過數秒，主角沙爹牛麵就上場，公仔麵熟度恰到好處，牛肉有嚼頭，而且沙嗲醬唔係三流貨色得個味，帶有花生香味，滿足。壓軸當然唔少得熱奶茶，茶色均勻，同奶似姻脂扣咁纏綿，杯身熱騰騰，一飲落口茶味香而不澀，奶味唔會俾茶味蓋過，香醇幼滑好奶茶!整多件蛋撻就prefect池。食既時候我都習慣留意身邊其他既食客，有情侶，夫婦同一家大細，亦聽唔到半句普通話，侍應既有禮貌，同熟客有傾有講，有熟客未坐低已經同佢地心有靈犀。當

在長沙灣住了十多年，一直沒有到過這老牌茶餐廳，新華除了保留典型茶餐廳的裝潢外，亦有售賣蛋撻、雞批、椰撻...等舊式茶餐廳的風格。茶餐廳的特色，總不外乎早餐、午餐、特餐...食材沒有花巧配搭，依然為香港人所喜愛！今天，我特意選了午餐！自家製的牛油餐包沒有預熱，質感不夠鬆軟，包內塗了一層不香的牛油，稍為扣減分數。反觀火腿奄列則很出色，蛋皮沒有煎得太老，用刀切開的時候，蛋汁溢出，而火腿絲的份量絶不欺場，水準之作！叉子燒湯意則屬大路水準，湯底不是太淡，叉燒肉質沒有韌口柴皮，而且意粉亦沒有煮得過稔！「茶走」是來到茶餐廳的指定動作，用上厚身瓷杯奉客的「茶走」熱度夠，而且茶香和奶味兼備，入口挺算香滑！這裏的侍應雖然全是大叔，但他們的友善和傳菜的效率，卻令人感覺良好。食物的配搭、味道總是平凡不過，這就是茶餐廳獨特之處！

3點幾係下午茶時間, 難得新華唔算太多人..起碼唔駛等位先~~ 就嗌左個茶餐..飲茶走...再加多隻蛋撻... 都係$38~~ 差唔多價位啦...茶走好飲, 夠香夠濃夠熱...係唔夠滑...UM列好鞋口...D蛋燶燶地...唔香唔滑...不過裡面D火腿絲夠多, 份量足, 切得夠幼, 口感唔錯~~牛肉有陣雪味...但係醃得OK...麻麻地啦...公仔面都口感算Q彈, 唔會煮到淋哂...不過就冇乜味..份量都OK...但係下次都唔會再叫呢個喇...呢度好似話蛋撻最出名, 我又叫左個試下...賣相都唔錯, 個蛋夠厚身, 同埋夠熱, 應該岩岩出爐...不過佢又唔似酥皮又唔似牛油皮, 所以口感怪怪地~~咬開左之後先見到個皮厚到呢...仲厚過D蛋...真係一開頭俾佢個外表呃左喇...所以都幾中伏...我以後唔會再食呢度D蛋撻了..厚皮得太過份~~