新華茶餐廳

营业中

休息中

今曰去左長沙灣見客,傾左1大輪,好彩都成功,落到樓下返工司,途中見有間茶餐廳,咪入去食下野休息下,我點左餐蛋治漢底加杯熱奶茶,餐蛋治漢底食落香口和脆,蛋和餐肉夠厚,食落係超好口感,蛋和餐肉味配合得不錯,有蛋味,杯熱奶茶欠左dd,茶味濃左dd,所以不夠滑!

寫開深水埗, 順手寫埋長沙灣這間我記憶中沙牛麵好好味嘅'新華茶餐廳'!大概有一年多沒來, 之前有一陣子來得比較密, 幾星期就必定食一次, 經常記著好味的"茶記沙爹牛肉麵"新華必定佔一位, 今日再來發覺回憶總是美化了很多很多...食咗年幾兩年Fa Fa 而 Mr Tang 近來又成日放假唔見人, 我唔悶啫, 有人就要悶出鳥了 ~    今日咁早起, 不如"出城"去食早餐, 唔去合益泰食腸粉大可以去新華食沙爹牛麵--- 我記得:   Let's Go, go go go~鴛鴦...我明明記得是香/濃/滑的, 今日的淡口了點, 滑是夠滑但唔夠味.無比較就唔會覺得有問題, 今日的一份餐, 奄列蛋茶記OK水準, 反而經常食多士食吓餐包仔, 好似特別覺得好味道.最重要是記憶中好好好味的沙牛麵 --- 今日的沙牛淡了, 無層次, 說好的花生味呢?!  麵, 因為食慣了丁, 寵壞了, 所以這一個又普通了.   (不過上星期去FA FA, 不知是否因為Mr Tang休大假不在, 那碗丁麵也煮到林了 這兩個星期的假日早餐都真有點不是味兒!~)幸好, 那個蛋撻仍是超水準之作, 撻皮酥香不在話下, 最重要

漸趨「澳牛化」，目前的新華越來越像澳洲牛奶公司，又急又趕，職員來去無蹤。沙嗲牛肉包-其實跟沙嗲牛肉麵的味道差不多，只不過將麵條換成了加長版餐包，反而沙嗲牛肉的醬😏會令到餐包沒有那麼乾👍🏿，味道較麵條好得多。餐包外皮，我認為比較乾身，好像只得少許牛油，很難下嚥。火腿奄列-有點兒蛋汁還呈流質狀，火腿不太少，用來伴餐包還可。雞批亦較厚皮，內裏餡多，但皮亦很厚，吃得滿口粉。可能由於以往都是星期一至五來光顧，沒有星期六日這般多人，所以今天來到覺得服務較差，店員較趕，而且位置相當少。幸好凍檸檬茶仍然沒有失色：行進店內即嗅到紅茶味，戳兩下檸檬，新鮮檸檬味在濃茶內顯得更加香濃，冰粒不多，從頭喝到尾也不會變淡，一流，全港最佳凍檸茶！

先一排同朋友係度買外賣,去佢屋企食,因為要趕做功課我買左個牛肉炒麵,返去打開覺得牛小麵多牛肉幾香幾好味,不過麵就油左DD但係份量好大下,真係食得飽而且牛肉真係好夠味,獨立食都好好食個麵可以堂食會無吸咁多油,下次試下堂食先

去長沙灣嗰邊睇嘢，之後就去新華茶餐廳食午餐，呢度嘅裝修都充滿歲月痕跡，餐牌仲係印住七個位嘅電話號碼。我同朋友嘅凍熱奶茶，都算茶香奶滑。沙嗲牛肉麵配火腿奄列牛油餐包，同埋雪菜肉絲粉絲配火腿奄列牛油餐包，餐包鬆軟，呢度嘅雪菜肉絲都幾好食。

特餐=常餐，常餐=午餐是日午餐來到懷舊餐室-- 新華懷舊東東已買少見少，是要嘗一嘗(我已經常光顧xdxd)是日點了常餐，叉燒通粉，火腿奄列及一個餐包，再加杯熱可力，食到飽飽平日的奄列有點油太多，今日很好，沒有很多油，包裹著滿滿的火腿絲，蛋味之餘亦有點咸味叉燒通的叉燒份量不少，不是一兩舊便打發人的餐餐飽我覺得一般，不熱又不軟的，就是一粒咸豬仔包似的。。。熱可力味道不錯，至少我飲到有可力味，而不是像奶白色的水般整體而言，今天對此餐廳還是滿意的說

我同老公都好中意食冰室茶記d老派野，來到長沙灣，呢間茶記絕對是首選😍到達時已過早餐時段，不過唔緊要，早餐火腿通唔啱食，食特餐啦😁 好少見茶記有得食粉絲⋯好過日日食公仔麵，二話不說就選了！粉絲配上炸菜肉絲⋯成碗也好入味！又不會太咸！炸菜有少少辣所以好野味！粉絲煮得夠林但又爽口，唔會硬到頂胃！正！😋個餐仲有火腿奄列加餐包！ 餐包沒有加熱的，雖然凍但不硬！裡面仲有牛油，軟林林易入口啱口味！奄列不算大也不算少，蛋味ok，裡面也包滿幼幼的火腿絲⋯味道不啖不用落鹽！有少少美中不足是可少d油🙄 老公吃的是沙嗲牛粉絲，沙嗲味濃唔會淡茂茂，牛肉又唔會好似出面好多茶記咁霉到入口即溶，粉絲偏幼又爽口，天生索味嘅粉絲佩上濃味沙嗲牛，正 餐飲方面，我們也是飲茶走少甜！茶味夠濃但不澀，練奶份量剛剛好！為星期六的早餐劃上完美的句號😊

如果你鍾意去懷舊茶餐廳食常餐或者蛋撻麵包，新華茶餐廳絕對滿足到你，新華茶餐廳位於長沙灣青山道334號，係長沙灣地鐵站行10-15分鐘就可以搵到。餐廳格局非常懷舊，門外雪櫃放了一個大大的Barbie立體蛋糕，非常吸睛，而餐廳門口亦有新鮮出爐的蛋撻、雞尾包、菠蘿包等我和男朋友今次叫了特餐，特餐是沙嗲牛肉麵、火腿奄列、牛油餐包，$36正常價格，再配茶/啡，我食公仔麵，男朋友轉食米粉，我地兩個都飲凍檸茶，首先凍檸茶的茶底非常香，岩哂我地口味！而沙嗲牛肉麵、火腿奄列、牛油餐包都好味，沙嗲牛肉好淋好易咬，牛油餐包亦好軟熟。最後我意猶未盡，叫多個招牌蛋撻，香噴噴的酥皮蛋撻好鬆脆，蛋漿又香又滑，只賣$5.5真係好抵食！

茶餐廳最能夠感受到嘅係快！靚！正！豬先生係茶記粉絲 今日豬先生 豬小姐就尼到新華茶餐廳打躉捧場門口前放住兩個包櫃 裏面放住好幾種茶記必備嘅包款 例如菠蘿包 雞尾包 卷蛋 椰撻 蛋撻等等 懷舊風味出哂尼 都幾多街坊幫襯喎 唔講咁多啦 入去嘆番個茶餐先入到去岩岩好有張卡位唔洗等 新華有兩層嘅 地方幾大 都算闊落 比一般茶記算乾淨企理諗都唔洗諗 豬先生叫左個特餐 有沙嗲牛肉麵 火腿奄列同餐包 而豬小姐就叫左個米粉餐 特別在可以唔配米粉改配粉絲 有得揀粉絲係茶餐廳的確少見 一於就食榨茶肉絲粉絲啦 在茶記飲奶茶多奶是常識吧哈哈 再整番個蛋撻添落單後 好快香噴噴嘅酥皮蛋撻就到啦 熱辣辣夠哂鬆脆 蛋漿出哂煙 又香又滑 新鮮出爐果然唔同啲 五個半好抵食！飲啖奶茶濕濕口先 多奶奶茶真係無得頂 奶味重得尼香醇 唔會搶走哂茶味 紅茶底帶甘唔會有苦澀味 好正呀隔渣做得好 飲到底唔會有過量茶渣 抵讚我地認為茶餐廳嘅奶茶真係最有味道同風味架餐包無嘜特別 不過質感就幾軟熟嘅 火腿奄列幾大件 蛋就熟左啲啲 豬小姐比較喜歡有蛋汁流出尼嘅感覺 火腿絲幾足料 食落都唔算太油膩 加啲啲鹽係面食仲登登登登 到主菜沙嗲牛肉麵同榨

未去歐洲前的十五日，你會興奮得不行，因為兩年沒有到歐洲了，終於有機會可以踏足那空氣都清新過人的地方，我唯一捨不得的是香港的食物。真正的香港仔如我，當然來個離港第一件事checklist，離開香港的我早餐去了吃我的最愛餐廳新華茶餐廳，那是早上的七點半，這天是星期一，我放大假的第一天，人人要番工的早上我卻來到了嘆個靚早餐。來到了新華茶餐廳，長沙灣最好味的茶記之一，基本上什麼思鄉情緒都要在這裡包裝一下外賣到歐洲，要去地球另一邊冰冷的天氣，我叫來吃的是我最愛的特餐，希望那美味能夠和我上機到回港。這裡的沙爹牛肉麵是全香港最讚好的一個牛肉麵，一定係全港三甲之一，我細細過就已經食過無數咁多次，以防我懷念香港的食物，來這裡準是沒有錯的。用上比出前一丁更好吃的大光麵，加上那絕對惹味的牛肉，濃濃的沙爹汁，吊起了那大光麵的味道，我想全香港冇乜種類嘅醬汁可以同佢咁夾。不過今日想健康點，我沒有吃常吃的公仔麵，吃了同樣吸汁的通粉，成件事都係咁美妙。奄烈是香港唯有的產品，這裡的蛋不是什麼澳牛的滑，但蛋味非常濃郁，我想一件奄烈的蛋醬起碼是濃郁了多於兩隻蛋的份量，那火腿沾上蛋蛋的香味是那早餐的最佳時光，一口奄烈一口牛麵

難得今日早起身，所以拉了一家之煮去食早餐～難得的興致，當然要到至愛的新華，食美味的沙嗲牛肉啦！早上的新華，坐滿了飲早茶的食客門，一份報紙、一杯奶茶、一件蛋撻，跟店員門打打牙骹，已夠他們坐上一朝～ 當然也有不少趕上班的打工仔，匆匆的食過一份常餐再匆匆的上班～ 所以我們也好不容易，才等到位可以入座～傳統舊式的茶餐廳，坐位都是窄窄的，不過這才有風味呀～在茶餐廳點餐一定要快，也不可以猶豫，還好我們目標一致，很快就點好餐了～ 我們都點了特餐 ($36)~熱奶茶先上場～ 香淳濃滑的熱奶茶，奶香不會搶去茶味，味道平衡得剛好～沙嗲牛肉米粉，這是小妹食過最美味的沙嗲牛肉！沙嗲醬濃郁而帶花生香，微辣鹹香，牛肉嫩滑的，跟淡味的米粉混在一起吃，味道剛好！因為不喜歡吃餐包，所以改點了多士 (+$1)～ 熱烘烘的多士烤得香脆非常，用多士的熱力，剛好可以溶化牛油，讓牛油浸透在多士中，美味呀！火腿奄列的份量也不少呀～ 奄列蛋香十足，油潤非常！火腿亦下得非常大方，每一口都是滿足～食過滿足的早餐，就快快讓坐啦～～ 新華除了蛋撻有名外，其實沙嗲牛肉也很不錯呀！ 

很喜歡到舊式的茶餐廳，這日跟寶寶來到舊居附近的新華茶餐廳。茶餐廳外面總是有不同的傳統蛋糕，每次看到都覺得像回到童年一樣。看那個芭比蛋糕，總是好奇到底有沒有人會把她買走呢！基本上每次來到都是點同一樣食品，餐牌也不用多看。寶寶選擇的依然是那個芙蓉蛋飯。將加入了香腸、火腿和叉燒的煎蛋，放在淋了甜豉油的一大碟白飯上，便成了芙蓉蛋飯。其實我每次也覺得芙蓉蛋飯上面的那塊煎蛋都總是煎得十分乾，很難明白為什麼寶寶每次都總愛點這個。應該是一種芙蓉蛋飯情意結吧！而我每次都點特餐。雪菜肉絲米粉，煎雙蛋，再加上$2轉牛油多士。那塊塗滿了咸牛油的多士總是讓人百吃不厭。配上牛奶公司的樽裝牛奶。一杯茶味和奶味俱備的香滑奶茶。不知道多少年後這家舊式充滿人情味的茶餐廳是否還在，但現在能跟寶寶吃過簡單平實的晚餐，就覺得內心都充滿了幸福。

不用等位, 剛好有吉桌, 侍應招呼都不錯, 幾有禮貌(比起澳x還多幾分笑容)就算想調位都無任何臉色看, 服務有80分!茶餐上得不算慢, 不用10分鐘就齊哂。下次有機會都會再幫襯, 支持本地店!

今日和同事黎到呢間好有80年代感覺既港式茶餐廳lunch，我點了洋蔥豬排飯$42，洋蔥汁味濃，甜甜豉油香，鹹淡適中，豬排好嫩滑，還預先切定長條形，方便進食，飯物份量足夠，一個人食晒已好夠飽。最令我失望是蛋撻$5.5今日蛋撻有失水準，皮唔脆，凍的，無口感，質感和味道完全不像我前幾日買的 

同事請食下午茶，買咗半打蛋撻，呢間老字號餐廳，蛋撻一直都遠近馳名，我已經好耐冇食，今次再試下，點知水準仲 keep 到，熱辣辣嘅蛋撻，酥皮非常鬆化，一咬已經跌哂落黎，而且蛋味香濃，絕對要試。