新順興餐廳

营业中

休息中

202211月平日--新順興餐廳地址位於: 粉嶺馬適路1號逸峯廣場地下G21及G21A舖路過見到餐牌，有特價下午茶餐$29，價錢吸引，加上有牛角包滑蛋的選擇，就坐低試試。原本想試牛角包滑蛋下午茶餐，不過侍應說已售罄，有點小失望，侍應建議另一款茶餐，也是$29點了:叉燒煎蛋麵($29)上枱賣相算是不錯，叉燒瘦瘦薄薄，也有五、六件，但又唔算乾柴，味道可以接受，唔算有心機煎蛋一隻，全熟沒有流心沒有濃邊，加有一棵菜芯，份量也算足，大光麵底，軟硬度適中，湯底來說，有點太咸，又不算過份味精的味道。餐飲，熱奶茶少奶熱度足、茶味濃，做到少奶要求埋單: $29--便宜，無要求，飽肚一餐

這次點了燒肉油雞雙拼飯，外賣價錢$34 ，提醒大家最好離開餐廳前打開外賣盒看看，因為以前試過外賣燒鵝飯，回到家才發現燒鵝皮很黑很燶，最後很無奈只吃肉，皮都丟了。說回這一次，燒肉很香，皮脆肉滑，有少許油花，至於油雞就一般的水準，不算差也不算好，$34也算抵吃吧。

第一次專門down app寫差評真係慘過食學校飯堂夾硬湊二百字，為後人警醒。垃圾態度：杯野飲落錯單 錯完再錯 一杯凍奶茶講左三次都可以送杯凍OT過黎 好聲好氣同阿姨講話換番杯 仲要話我煩 真係忍唔住尸巾出黎！垃圾食物：野飲都上埋個湯仲未黎 一飲仲要扣左水 淡到好似薩莉亞D自助野飲 又好似M記大可樂d冰融曬咁！XO醬薯仔燜咖喱雞 變 泰式薯仔撈滑雞攞D醬包扣落去薯仔雞再撈兩野 伏到喊！服務差 食物差D人黎依度係為左生存，為左生活既人都去左隔離要等位的佰分佰。侮辱左茶餐廳依三個字！！建議改名叫快餐店

之前嚟過食午飯，枱面冇午餐牌的，要行返出門口睇，真係儍的嗎？今次嚟食見到每張枱面都有一個餐牌，叫嘢食唔駛行來行去，午飯叫了個燒肉飯同涼瓜燒鵝飯，個燒肉飯啲燒肉好味，皮又趣，啲飯亦到一粒粒加埋甜豉油，唔錯。另外個涼瓜燒鵝飯，好多料，個汁亦唔錯，分開上的，你喜歡幾多汁就加幾多落碟飯到，好。啲食物的確係有進步，重有杯港式奶茶都幾好飲，係香港人的口味。但係當我地差不多食完時，個女侍應行埋嚟拉開個櫃桶加餐具，你一次過加完就算啦！ 点知佢不只一次，係逐樣加，行過嚟一次，拉一次櫃桶，關一次櫃桶，大家都知佢拉櫃桶一次你就要避開一次，佢都唔知係唔係想趕客，但係重有好多空位噃

游水靚海魚 遇上大師傅行過街市，偶然遇見一條游水靚海魚，價格相宜，想了一會，買下來。拿到喜愛的飯堂 ： 新順興餐廳。我說用生蒜粒蒸海魚，老細提議加些水豆腐墊底。不消十五分鐘，生蒜粒蒸海魚已經上枱，賣相滿分，令在場很多顧客眼前一亮。最抵讚是師傅落足所有心機，精心製作。無論是蒜粒丶蔥絲丶辣椒絲和辣椒粒，均用心切得靚靚。果然是靚魚，遇上大師傅。查實，我也不是第一次來料加工。每次來料加工，老闆和大廚師的表現都是值得俾100個讚。有片有真相。 講多無謂：豉油鮮甜好味丶不油膩。魚肉剛剛好熟透，魚肉鮮甜嫩滑丶恰到好處。個人認為這裡大師傅的廚藝比中環 2019年世界五十大最佳餐廳 ： " 頂＂班樓 （The World's 50 Best Restaurants 2019）和香港一些米芝蓮星級中菜館還要耍家。大師傅說這裏是茶餐廳格局丶大酒樓的質素。小弟完全同意。下一次，買到好材料再會交給他們。雖說這裏是茶餐廳，但是餐廳環境樓底高，空氣清新，保證不會吃到一身油煙氣味。同場加映： 爆汁脆皮燒鵝髀，新鮮出爐丶熱辣辣丶出曬煙丶出曬水蒸氣。皮薄丶唔肥丶好肉，鍾意食燒鵝的人，一定冇投訴。嗰日餐廳很多客人，才傍晚七

間餐廳係商場入邊嘅open area!!入到去見到有好多位，但係啲枱好多都未有員工有時間收拾！星期六嘅下午，見到其他餐廳都係有好人排隊等食，唯獨呢一間冇人等心諗茶餐廳都應該不會太難吃！重點係餐廳入面的餐牌 ，入到來發現找不到門口看見的那個餐牌，入到黎要食下客好麻煩咁出返門口去睇返！ 給人們的感覺是是餐廳管理好有問題🤨我見到其他客人都係行返去門口度叫餐。出邊門口嘅餐牌有好多個餐牌疊起來，看起上來不太方便，導致有部份的價錢牌被遮住！因為我想食清淡D，叫咗個金銀蛋莧菜，價錢牌係遮住咗，張單嚟到我先知道原來要$68！ 差唔多啦出邊小菜都係呢個價錢左右。之後個老闆仲要同我講已經好優惠，同我講好抵食㗎有埋例湯，btw,個例湯味道十分淡！飲咗兩啖就冇飲啦！ 而金銀蛋莧菜份量都算大，味道都算正常。一個人食唔晒！ 呢個餐仲有跟白飯！ 一開頭入到來坐，佢幫我抹完張枱之後仲好濕，我要自己再用紙巾幫佢抹埋。

這天首次到粉嶺逸峰睇戲，新商場、新戲院，環境很不錯!睇戲前先要食飽飽是常識吧 ! 望過去見位置也算光猛闊落，近近地就揀了新順興餐廳，可惜坐定定後發覺有2隻大烏蠅在近玻璃位置跳舞!這裡的下午茶，2點就開始供應，有中式西式，湯粉麵焗飯、多士等，選擇也不少。大家分別了星洲炒米茶餐、奶醬多茶餐和本牛點的巨人常餐。星洲炒米份量算足，有蝦仁、叉燒、火腿、洋蔥等配料，味道也正正常常，香而不太過辣。本牛點的巨人常餐，其實是一款肉(可揀扒或雞髀)加2款配料(就是餐肉、腸仔、煎蛋等)的粉麵1碗加半件多士及飲品。先上枱是一丁麵1碗 (一丁需要加5蚊)，麵內有幾條生菜及一件沒煎過的餐肉。麵煮得有點硬，湯底就是一丁本身的湯粉味，就是加了幾條生菜覺得有點誠意 !接著上枱的，就是放成一碟的一隻煎蛋、一件牛扒和半件花生醬多士。煎蛋的賣相雖然不太好，但蛋黃煎得半熟，蛋白也有點點焦香，算是不錯。牛扒肉質算是淋，不過沒有肉味，顏色很淺，大概是泡打粉泡久了。整個餐最好味的，就是花生醬多士，厚多士烤得又熱又鬆脆，再多一點花生醬就更好了，而餐飲奶茶，茶比較濃且帶微苦，夠濃有餘而不太夠香滑。

回想對上一次吃茶餐廳已是數年前的事，從小最愛與爸爸到茶餐廳喝紅豆冰，昨天趁著週末到新開的新順豐感受一下久違的味道。一碗沙爹牛麵、一杯紅豆冰，既可試出茶餐廳功力，亦是一份童年回憶。下單以後，一個留有冬菇頭的餐廳姐姐告之紅豆不足夠，做不了紅豆冰，只好改點凍奶茶，臉上亦難掩失落表情。沒有想到，餐廳姐姐先送上了沙爹牛麵及凍奶茶，然後再送上三分二杯紅豆冰，她說用剩下的紅豆只做得了這麼多，但知道我很希望喝紅豆冰，所以還是讓水吧做出來免費給我喝。當下的感動難以言喻，紅豆冰味道剛好，說不上驚艷但冬菇頭姐姐此舉卻令人甜在心頭。沙爹牛麵比想象中更出色，牛肉口感很滑，而且沙爹汁香濃，味道不錯。惟可惜之處是跟餐的火腿奄列很老，吃了一半便吃大下了。雖然奄列扣分不少，但出色的沙爹牛麵及令人內心感到溫暖的冬菇頭姐姐令整個用餐體驗相當愉快

今日試左下系粉嶺逸峰呢個商場既親餐廳  成日經過都想試下 呢間野開系地下個層 隔離就系落地玻璃 成個感覺好光猛 好舒服 同埋餐廳既位都算幾多 幾闊落👍🏻去到個陣已經11點幾 見到仲有早餐食就叫左個早餐 原來系去到11點半 岩曬啲訓到好晏但起身又想食早餐既人 佢地份早餐有好多選擇 睇到我眼都花曬 而我就揀左個沙嗲牛肉米線 然之後仲可以揀多樣餸同一杯野飲 我就揀左個煙肉 佢啲牛肉幾大塊 好嫩口👍🏻 煙肉都幾好 但真系要讚下佢杯咖啡 真系好好飲 飲落去好香好滑 再襯埋個環境真系好正

已光顧過2次。聽實根本無諗過祈求要求d咩野要特別好食，只係諗住順便食下e飽個肚。第一次試午餐，發現佢地嘅咖哩同其他地方有d不一樣，應該係少d耶汁，多d辣。好唔好食就要睇自己本身鐘唔鐘意食呢類型。我特別唔喜歡因爲我本身鐘意食小辣同香滑耶汁。另一個粟米汁魚柳飯都唔錯，正常係好難唔好食嘅第二次，應該會係最後一次會光顧。服務員羚姐服務十分專業，但負責收銀果位阿伯先生實在有夠奇怪，都已經”林當”中，仲猛叫d客入座，而且我地叫嘅嘢亦等左好耐，又特別咸同多油。十分失望

星期日中午去食飯，四處都多人，這間茶餐廳開張不久，人不多，環境乾淨，到處要等位的時候，這間餐廳尚不足八成滿，座位擺放得寬敞舒適，桌椅都很新淨光鮮。食物的選擇還很多，有燒味、炒粉麵飯、中式飯菜和麵餐。我們都點了巨人常餐，聽這個餐的名字還以為食品份量很多，其實是一件扒配小小一個牛角包，另外有一碗雙餸麵，餸的份量也不多。雞扒炸得鬆脆，調味剛剛好。炸雞髀的外皮也鬆脆，可惜肉質比較鞋，而且是小號的雞髀。牛角包很細，味道一般質感也不甚好。 餐肉腸仔公仔麵的湯底十分淡，好像完全沒有加調味料一樣，但麵質軟硬適中，整體仍算過得去。價錢方面，這間餐廳比附近的茶餐廳貴一點點，這可能就是人少的原因吧。

呢間店巳开了一段時間，平時非常静，比起前面百分百真差得遠，可能呢間店裝修比較老土，講番食物，佢地之前食物味道唔差，可能之前D師父走哂，近來去食巳質數講真，難食，鷄扒又嗅，魚柳又梅，燒味更不可入口，真係唔怪知佢冇生意，話比D樓面知食物有問題，佢地可以答係感，冇問題😤

屋企人話去附近新開既茶餐廳食，反正好近，是但啦。—呢2個只係其中2頁Menu，佢仲有其他野食，所以野食種類其實幾多。😯—蒜蓉汁／法式牛角酥佢第一樣野係上左呢碟野先，我一開始以為左面果兜係湯😅原來係蒜蓉汁，講真唔講真係唔知，藍妹認知既蒜蓉汁唔係咁既樣。樣子不同，果然味道都不同，佢係酸既燒汁，夾雜少少蒜蓉味，真係好怪。😨結果藍妹係全程冇點過呢個汁。反而牛角酥幾好味，細細隻，都叫鬆軟。😃—農場板煎雞扒2大塊雞扒，一定夠飽，煎得中規中矩，冇乜特別。😕—燒鵝（半隻）燒鵝反而唔錯，皮脆肉嫩，藍妹食左唔少。😜—呢間野就係好普通既茶記，唔係出色，又唔係難食。