新香園

营业中

休息中

一向都喜歡幫襯港式一點既粉麵茶記。 除左係懷舊味有水準之外, 仲係一種香港人既獨有回憶。 所以好多長居異地既人若返到香港, 總會話一定要食返碗雲吞麵。新香園老字號, 佢地既品質一向有保證。 由奶茶, 西多, 到粉麵都好正。 而我都幾鍾意食佢地既牛筋河跟凍檸茶。 佢地牛筋幾乾淨, 好怕食食下發現有毛。 而且佢大件得黎好稔又有咬口, 有牛味但唔會腥。 以前同媽媽食, 佢會叫另一個餸既麵，然後同我交換1半, 咁大家都有雙拼。而佢既檸茶, 茶膽好香唔會太"劫", 仲要比一般茶記大杯，真係非常正。而家限聚, 希望快d可以再同多d朋友一齊黎食啦。

深水埗有很多貌不惊人的小店，原来都是名店。闲逛来到这家原名叫南香园，现在叫新香园的茶餐厅。它的招牌菜是南乳猪手，于是我就点了一碟猪手捞面。一下子就回到老好的年代，多么熟识的味道！我平常不太爱点猪手来吃。因为都是骨头，很麻烦。但香港人做的南乳猪手，也真很有特色，可是说香港才有的食物。可惜如今，在香港，也少有做得好的。南乳猪手，是不会看到南乳的。只会感觉到它的存在，是主要的调料。附送的汤，有大地鱼味，正宗。奶茶有茶香！……也不错。再试一试另一招牌食物:蛋牛治烘底。它的味道我不十分喜欢。但无可否认，制作非常认真，看面包烘得那么靓就知，也很足料，才卖 20 元。

好耐冇過來食啦難得過黎深水埗/一定要過來食麻辣蛋牛治少辣就已經好好味朋友唔食牛點了餐蛋治她也說很好吃我仲多叫左個麻辣牛舌之後會再黎食服務員態度都非常好會繼續支持

下午茶時段路經深水埗汝州街被依間茶餐廳門嘅麻辣蛋牛治直幡吸引咗入去。落完單環顧四周先知道原來係桂林街老字號嘅分店；以鮮牛肉泡製嘅蛋牛治係每次去到嘅必叫美食。汝洲街新店依邊加入麻辣口味，似乎係吸引新fans嘅力作；老實講新店面除咗企理好多，冷氣都涼啲，又唔使不時排隊等位，而且都只不過係行多個街口嘅距離。麻辣蛋牛治，完全係新香園一貫作風，餡料充足，鮮牛肉粒較咸牛肉更加有咬感之餘更嚐到牛肉香味，加入麻辣調味後真係感覺同依間新舖一樣 upgrade 成為 2.0 版咁。刺激完舌頭後來一啖茶走真係爽到震。

同堅記好似 唔知係咪分店呢？我同肥仔都幾鐘意黎深水埗區搵食 行過見到好多人係裡面 不過冷氣夠大 地方就算坐滿都夠闊落 唔使諗啦就呢間啦 好快就入坐 肥仔就發板叫野食 招牌蛋咸牛治我見佢呢個有麻辣蛋牛治 不過我唔食得太辣所以放棄 叫住呢個招牌黎試 佢個蛋同啲碎咸牛食落口軟綿綿 都夠味 個蛋又夠滑 都ok 唔怪得每一台都會叫一份咁滯啦葡汁牛脷撈公仔麵個牛脷好酥軟 都幾好味 不過葡汁唔係好多 都唔夠撈個公仔麵 炆豬手佢個味好好食呀，炆得好入味，唔錯

今朝諗住去捌哥捌哥食早餐，點知佢改咗11點鐘先開門， 唯有改去別處。 隔離就係新香園， 之前猶疑係唔係真分店，所以都冇幫襯過， 既然捌哥冇開就試下啦。老公叫咗招牌蛋牛治，佢話同舊舖一樣冇乜分別。 我鍾意食舊舖嘅豬手，所以叫咗炸醬豬手麵， 豬手同舊舖係有分別， 舊舖豉油味重啲， 新鋪南乳味重啲，大家都一樣炆得淋， 不過我都係覺得舊鋪豬手好食啲。另外杯凍阿華田，味道濃沃好好飲，好多時茶餐廳都慳住慳住， 落唔夠粉味道比較淡。整體感覺，我係鍾意新鋪多啲，因為舊鋪真係坐得唔舒服， 同埋新鋪選擇多好多。 下次再去試下麻辣蛋牛治先。

一向都知新香園嘅蛋牛治好出名🥪🍳🐮原來係深水埗開咗另一間分店 裝修新穎啲 環境乾淨啲 坐又坐得舒服啲😌佢嘅蛋牛治係我食過最好食嘅蛋牛治😭啲牛肉好入味 係鮮牛唔係咸牛黎架 下次試下佢個 麻辣蛋牛治先🙊 另外呢個温泉蛋炸醬飯又係另一力作 從來無諗過炸醬飯加温泉蛋個味會可以甘夾😍

茶記的蛋牛治，一向都是我的早餐首選，聽說這裡有變種蛋牛治，所以急不及待來試新野。大概11點多來到，不用等便可直接入座，實在好彩，聽說這裡也是長龍餐廳之一。叫了麻辣蛋牛治烘底加一杯熱檸茶, 不消10分鐘食物便來了.......麻辣蛋牛治 - 麻辣味不是太嗆喉，保持了蛋和牛肉的香味，牛肉不是一般的罐頭鹹牛肉，是新鮮的牛肉切碎，很有口感｡熱檸茶 - 很有茶味，不澀口。埋單37個大洋，都是比較貴的，但卻物有所值

今日特登去深水埗食蛋牛治， 拎住電話睇google map， 點知睇錯左新香園新店， 行到門口都再走返去舊鋪堅記但冇開門， 走返轉頭去新鋪既然過到黎試晒2樣唔同既蛋牛治， 原味同麻辣蛋牛治， 2份都烘底。我試左原味先， 果然係真。牛肉， 牛肉嫩多汁又脆底麵包。好食。麻辣蛋牛治同原味蛋牛治張相係一模一樣， 外面睇係分別唔到。麻辣蛋牛治多左一分四川辣香味但少左一分肉汁， 都係普通蛋牛治勝出。見到大家食評關於堅記奶茶都有好評， 到到新鋪都試左， 但就好普通

食完飯一企起身就跌咗個寶貴口罩落地.... 好衰唔衰自己仲踩多腳 .... 老闆娘真係超好，問我有冇Spare， 我話冇啊唔緊要啦，......佢立刻攞咗個私伙獨立包裝靚口罩俾我，話呢啲時候一定要帶住，要小心D！我覺得好唔好意思...但老闆娘堅持！好感動，超好人，一定要表揚一下！未講重點重點：豬手同麻辣蛋牛治都超級好味！豬手夠林夠入味， 肥美.... 麻辣蛋牛治有驚喜！夜媽媽都仲有咁好野食落肚，超開心！遇到有心人..... 老闆娘，好心有好報！保重身體啊！

新香園一直都係老字號，炒蛋鮮牛治一直都係招牌菜，以前細個成日去舊鋪食。不過自從有一次去舊鋪食，見到有曱甴之後，就好多年都冇再去過啦。今次知佢開左新店，就一於去再拾舊夢！新店唔似舊鋪開24小時，佢夜晚都會收工。今次去到見到佢衞生同環境都進步好多，始終都係新裝修。見到個餐牌有新嘢！炒蛋麻辣鮮牛治，嘩即刻叫黎試下先！識叫一定要烘底！第一啖咬，好香麻辣味喎！冇唸過三文治可以加麻辣，幾有驚喜。又冇搶左佢個鮮牛味。佢個辣係越食越想食嗰隻辣，辣得好正！下次一定會再黎食！推薦大家黎試吓！

Vienn好耐冇分享食評啦...原因只介紹好西..伏都介紹（太多打手）😡韓國既文...大家俾d時間😂😂細既有排都返唔到學..慢慢長夜🥱呢個星期隔日就去食 新香園...汝洲街分店❤️原因好簡單，因為好食，同埋冇乜選擇下😭但係分店店員成日用機入單都落錯，真係.....或者考慮用翻手寫單令辦事效率提高🤣🤣🤣🥪#蛋牛治🥪超都多汁，小公主因健康理由戒咗麵包🥯好耐，但放咁長假，就開心下啦...唔係會癲架🥶多汁到個地步係...「你食過就知啦！」😤👈🏾👈🏾小公主次次都好快食哂2件....☕️即磨咖啡☕️算不過不失啦，冇酸,收貨⭐️除口罩前就得消毒雙手，食野前再消毒多次，食完再消毒先再戴口罩😷🥪新香園 (深水埗)📍深水埗汝州街186號地舖#肥dodo食記 #出街食野都變得很奢侈

早餐B $28雖然唔咪貴，相中有蛋,圖中沒有，問過店員，說是相片效果，同相差太遠了吧，有薯條和粟米可以選擇,二話不說就來了粟米...旦牛治好食嘅！奶茶都好飲價錢可以接受

蛋牛治都要進化！新香園系香港老牌子食店名子字，細細個食到大，陪住好多人成長，舊式檔口/店家一般都比較懷舊。今日呢間會比較新裝修啲，野食都有啲特別！麻辣蛋牛治，蛋牛足料，夠大唔小氣，蛋邊香脆，中心軟滑帶汁，麻味辣味都食到，我覺得岩岩好，面包微脆帶軟，一口接一口，好快就食晒，滿足。中間有少少錯覺以為食緊水煮牛, 可能因為店家用牛肉絲，有咬口，值得一試！當然要配返杯奶茶啦，呢個組合不論早餐/下午茶都係一個好選擇！

今日經過很久沒來的深水埗，因為很懷念「新香園」的蛋牛治而來😋雖然只是中午12:00 ，但已經座無虛席。來到一定要點的就是「蛋牛治」（烘底）蛋牛治一定要加一蚊烘底牛肉滲出淡淡的沙嗲香味，很滑很好味！蛋香濃郁！唯一缺點，是牛肉汁什浸到麵包上有少許諗，所以一定要即刻吃。另外點了這兒令一樣出名的菜式「南乳豬手撈麵」但這個就有一點失望，雖然豬手夠林夠入味，但味道不算特別出色。幼麵雖然很彈牙，但是鹼水味很濃，扣分！但配撈麵的湯，胡椒味很濃，我很like!!另外這兒有一樣東西很出色的，就是這兒的「茶膽」無論是「凍檸茶」和「熱奶茶」茶味道很香很濃郁正！！兩個人又食又飲，都係$88 ，尚算抵食！總結：食物味道：蛋牛治及茶膽都做得很出色，其他食物味道一般。環境：很有舊香港情懷，乾淨企理服務：服務員有禮貌，未見有令人不滿的地方價錢：價錢非常合理，抵食！