新香園

营业中

休息中

唔食牛肉既我，昨天下午都專程過來。點都要order一份蛋牛治烘底俾我老公，叫佢試食。嘩，佢食咗一大啖，d 汁滴出來，好正喎，我忍唔住咬咗冇牛肉但有少少蛋既，d肉汁加埋蛋的確好味，唔咸。👍😋我地3個人另外叫咗1. 牛腩麵（老公話唔錯）2 牛筋麵（我唔食牛，但食牛筋，炆得好淋，食完仲覺得有膠質黏黏咁，我鐘意👍，鐘意食淋既牛筋既人會覺得好鍾意😋）3. 厚切牛脷配牛腩汁（如果唔講，佢地系配黑椒汁既）阿仔話牛脷好食, 不過我略嫌個汁如果要來撈飯，會覺得些少咸。總括黎講，唔錯，下次試晚餐。晚餐有佢地推介溫泉蛋滑牛飯，到時叫老公阿仔試😅

原本入到去，見餐牌食物好普通有啲失望諗左好耐都唔知食乜好最後叫左個豬手飯同凍奶茶豬手質地滑而爽口，南乳味夠香唔太咸奶茶夠茶香亦夠滑仲要好細心有骨碟唔洗整到周圍污糟店內企理乾淨

汝州街近北河街一段由過去幾年開始越來越多食肆進註，而這間老字號就係最近一、兩年係此處開設第二間分店，今日路經見舖內不算太多人，便入內避下暑兼醫下五藏廟。煎猪扒一丁 ( $37)原本想叫豬手麵，但天氣實在太熱，唔多想食熱湯食物，便叫了香煎猪扒一丁，睇到里度你可能會奇怪可解我又會叫一丁麵呢，都係湯麵喎…? 原因係我睇餐牌上面張相，完全冇為意原來圖片內係有少少湯嘅，我便一心以為係撈麵，所以結果我都係食左一碗我唔係太想食嘅湯麵，不過咁，湯麵上塊豬扒食落又幾煙韌，如果可以切多幾刀切細塊 d 咁就仲方便入口，唔使成大塊夾起來咬，用筷子處理真係有點難度。紅豆冰 ( $20)奶同紅豆比例為七三比，不太甜，紅豆粒煲到軟諗有少少起沙，有得飲又有得食，好味其實我都知入得來係應該叫佢地嘅招牌食品 ，惟有留待下一次吧。

今日咁岩經過深水埗要去整嘢，所以就點都要順便去食個蛋牛治過吓癮啦！去到都係坐滿人，不過就唔洗排隊！不過我淨係想食份蛋牛治所以都係買外賣算啦叫咗份烘底22蚊，不過因為太耐無食唔知有無加價印象中好似以前唔洗22蚊。。。比完錢等咗大概5分鐘就有得食了！拎上手熱辣辣一食落口還是果種味道口感！我本人唔中意食蛋都好愛吃這個蛋牛治！味道真係好好食！間鋪仲要24小時！真係無得輸丫！烘左面包有d脆加上好味的蛋同牛肉真係好正！

同屋企人去深水埗鴨寮街買啲影音嘢，行行吓餓餓哋，想食個下午茶，又搵啲好嘢食啦。嚟到新香園門口，9成滿座，好在唔洗等位咋！見到有新嘢食，又望到隔離左右都食緊呢個，好似好似咗，就緊係要試吓先啦，咁大個女都未食過麻辣包！一嚟到見到擺得幾精緻，烘到有少少燶，望落都正啊！試吓佢先！食落唔係好辣，都有啲啲麻！味道啱啱好，本身自己又唔係食得勁辣嘅人都有少少擔心食唔到，點知又幾啱我口味喎！推薦！另外，仲叫咗一個牛腩河，個湯好入味，牛腩炆到啱啱好，都唔錯

上上個星期三放咗假，一早出咗深水埗攪事😝 跟住就搵早餐食，之前都有 search 吓，有個咁好嘅 App 緊係要用下😁😁最初搵咗呢間，俾佢嘅蛋牛治吸引咗⋯⋯但到一路行，一路睇都有一兩間想入去。但最終因爲係搵咗呢間，而一經過又咁啱有卡位，我哋就走咗入去！ 佢個早餐都幾好，想要蛋同包先加6蚊叫！因為有時真係食唔到咁多㗎，不過，可能對某啲人就覺得好似貴咗少少咁⋯⋯最攪笑係，叫完哂都未醒起自己最初搵咗呢間嘅原因🤣🤣🤣好彩唔多幾十秒就醒起，即刻取消個牛奶炒蛋，轉翻要蛋牛治😁食物到哂⋯⋯緊係食蛋牛治先啦！都真係唔錯，牛肉切哂粒，又係未去到嘩一聲😅 仲有款係麻辣，但晨早溜溜就唔試住😝 至於通粉，正常，奶茶正常，鴛鴦就唔得lu ... 可能佢用即磨咖啡黎沖，同飲開嘅好唔同🤔

一講到香港美食，比比皆是。究竟邊到邊一樣野最能夠代表到香港美食呢？茶餐廳是一個不二之選🌯🍜🥟🍱，再走了深水埗搜索🔍「新香園」就係今次介紹的香港地道風味菜🥘🍛🥤🥄🍴門外已經有排隊的指示牌，安排排隊的arrangement, 可想而知它的魅力這次星期六中午我們一行三人等候了大概30分鐘才能進場...🤣🤣到了餐廳🍴我們急不及待order 馳名的蛋牛治及牛肉豬潤麵🍜果然沒讓人失望，豬潤爽滑無渣無腥味；牛肉夠淋蛋牛治烘得夠火喉，夠脆，沒有被蛋牛令麵包淋曬。😋😋

到咗晚餐時間，有啲肚餓，但係又唔想食得太過豐富，我就突然之間諗起左深水埗新鄉縣嘅蛋牛治，其實諗下已經流晒口水，因為個包真係烘得好趣，而佢嘅麻辣蛋牛治更加係我嘅最愛，因為真係諗唔到原來麻辣同埋蛋牛治係可以咁架，麻辣同埋牛肉汁係會深入左個包皮，令到成個包都會有牛肉味，以佢啲蛋又唔會炒得太過乾身，食完成個咀都係麻辣，真係好有feel

公司有位叔叔一日突然煞有介事拉我埋暗角，話介紹啲「好嘢」俾小妹我食。好！GOGOGO！專程搭港鐵去深水土步食lunch。試下呢間最出名既南乳豬手麵同馳名蛋牛治(烘底)。呢間實情係分店黎，我一路睇返啲食評，好似話冇本店優質。不過人都入咗黎，食啦講咁多嘢。茶餐廳格局，坐位尚算闊落。是日被安排坐大圓檯(搭檯)。首先上檯的是馳名蛋牛治(烘底)($20+$1)。雖然蛋牛治不算好熱，餡料又有點薄。但咬落居然有一下爆汁，射落我隻手度。呢個moment好正！牛肉咸咸地又恰到好處，不錯但未算好出色。我比較鍾意佢個南乳豬手麵($25)，份量大又足料，童叟無欺街坊價。但同行者批評豬手上的毛未清乾淨。(我嗰碗冇呢個問題)豬手肥美膠感十足，色水又靚又均勻，入口鬆化有回彈感。麵底亦彈牙，湯底清徹，南乳味不算太搶，濃淡滴中。暫時是我食過數一數二最好食的豬手麵。果然要相信饕餮多年的飲食經驗和真情推介啊！小插曲，見到有位黑人客人入黎幫襯，店員馬上拎出英文menu，配合流利的英文有禮貌地解釋各道菜式，幫之落單。既有效率，服務亦令人喜出望外。另外叫咗杯紅豆冰($20)，正常貨色。椰汁冇結塊，及格，但我覺得味道稍甜。總結性價

想閒食一頓晚飯，碰巧遇到朋友，她推薦附近的新輝園，表明蛋牛治馳名深水埗，於是小弟便進小店一嚐。不為他，填飽肚子足矣。興高采烈地點了食物（蛋牛治加紅豆冰）後，驚覺帶不夠錢（欠了零頭），想取消紅豆冰，但老闆不介意。（幸好後來在背包找到了零錢，足夠付單，場面著實尷尬😂）兩者皆具質素，值得一試。建議蛋牛治要求烘，更具口感和滋味。但最令我難以忘懷的是老闆和老闆娘的豁達。那份人情味，是最好的調味料。夠二百字，俾老闆一個好評。👍🏻👍🏻

深水埗汝洲街近北河街和南昌街段，一邊差不多全是專買製衣服飾配件的店舖，而另一邊近三太子及北帝廟一段，就由服飾店舖變成了食店，我已打算全部也試一次，因為工作久不久也會到這裡。今天跑去吃早餐，就撰了新香園。店內裝修參巧傳統的冰室設計，這是近年的食店潮流。早餐選擇很多，價錢也合理，從小到大我都喜歡吃通粉，所以也挑了仿鮑魚絲火腿通粉和熱咖啡。招呼我的男侍應 (也許他是老闆)，熱情地替我落單，見他和其他客人都很熟落邊工作邊聊天，我喜歡這種感覺。很快早餐便送到枱上，通粉很大碗，看到熱灼灼的湯，馬上喝一口，但感覺稍鹹，不覺份量真的很足; 之後再細喝熱咖啡，就是心目中的要求，對我來說濃淡適中，不錯。下次再來深水埗工作，會再看著餐牌上吸引的照片去試試。

環境乾淨 ~ 舒適西多士既牛油竟然係熊仔 ~ 好得意呀同佢講想要煉奶 黎到見到好多煉奶 西多士每一件都浸住煉奶牛油 ~ 好juicy ! 好好味呀黑白涼粉冰，好正涼粉大大粒又好滑杯野又唔會太甜好味 ~ 員工仲好nice 呀 

深水埗老字號多的是, 哩間都要介紹ㄧ吓！ 因為老舖實在太多人，而家過嚟新舖，試下佢有冇唔同先。呢度出名就係牛肉蛋治啦! 佢哋係用免治鮮牛肉加甜甜地蛋汁來做，加上烘脆嘅多士， 絕配! 我哋當然要嚟一份啦!豬手麵亦係另外一款美食， 豬手炆得入味，有南乳香，軟硬適中，充滿骨膠原。只是賣$25ㄧ碗，真係抵食到不得了。牛腩飯就信息咗少少，雖然牛腩炆得淋，但係醬汁比較鹹，唔係好合我口味，餐飲配上ㄧ杯凍檸茶，可以沖淡口中鹹味。

原先諗住响隔離食馬拉嘢，點知人多到哩😅，太肚餓喇，仲話起碼要等半個鐘🙄，所以見到大大張麻辣蛋牛治poster，就走左入去問有冇位，坐滿晒點知又有位比我，咁醫肚緊要😆入到去當然要點麻辣蛋牛治啦(烘底)，加凍奶茶。等緊食嘅時候見到附近個個都食緊南乳豬手麵，又忍唔住叫埋😆第一次食麻辣蛋牛治有驚喜，本身食開小辣嘅我擔心會唔會太辣，但辣味唔算太過，剛剛好，小小麻辣加上鮮嫩雞蛋同牛肉，令食慾大增👍🏻 ，🐂肉仲好juicy 架👍🏻，仲有係佢嘅蛋牛大大份落足料突晒出嚟(請睇相片）😋至於豬手麵都好好味，南乳入味，豬手炆得好腍，而凍奶茶都 👌🏻

一向都係去舊店，雖然我對蛋牛治印象一般，另一半卻幾喜歡佢地嘅豬手麵。去年底原本想食馬拉野，但人多到不得了，只好轉移到新香園，呢次係我地第一次黎新店。裝潢企理，闊落得多，初始印象良好。餐牌大同小異，三文治、粉麵、飯等麻辣蛋牛治 $23/烘底、凍檸茶 $16蛋治即點即製，賣相比起桂林街嘅吸引啲，起碼眼見多左啲麻辣汁加持，蛋治唔會又乾又老。麵包烘至硬脆，鮮牛肉以麻辣油炒，再加蛋煎，牛肉嘅部份做得唔錯，保留肉汁，略嫌雞蛋嘅存在感低左啲。麻辣油令蛋治更惹味，對於乜都鐘意有少少辣嘅人黎講係福音。豬手麵 $25腩汁牛丸麵 $24麵食價錢唔貴，而且夠大碗，豬手麵係另一半至愛。雙蛋餐肉一丁 $33純粹屎忽痕先會點餐蛋麵，一丁淋到不得了，而且湯底好淡，認真唔抵食。