無名炭爐伯伯雞蛋仔 (已結業)

炭爐伯伯雞蛋仔可遇不可求.....沒有店舖，沒有營業時間，所以如果一見到伯伯一定要來幫襯，支持一下!剛好經過見到伯伯再攞檔，一於排隊買一底來食。眼見已經有6~7位在排隊了，等了15分鐘。伯伯好好人，可以比我隨便影相，更拎開雞蛋夾比我影個炭爐，佢話最緊要影個炭爐，夠特色。佢話千其唔好影佢個樣，如果唔係就冇機會係度擺檔，希望各位食家不要再post伯伯個樣喇炭爐烘的雞蛋仔所用的時間較電子夾快，大約1~2分鐘一底。擺賣多年雞蛋仔的伯伯手勢十分熟練，不需用任何計時器，心裡有數便一反，一會便知道什麼時候開，開出來的雞蛋仔不會燶掉，簡直係雞蛋仔達人。雖說是街邊檔，但所有工具都很整潔有條理，不會弄到周圍蛋漿混混亂亂的。伯伯用的不是電動吹風機，而是自己手動扇風，真的是粒粒雞蛋仔都是手工造，絕不戲場!雞蛋仔十分飽滿，圓碌碌的，十分可愛。咬下口感有點似蛋糕，好香蛋味，都幾鬆軟。可能蛋漿調教有別於一般雞蛋仔，所以易於鬆散。

這天遇到大坑炭爐伯伯，實在有點幸運。本來正前往Le Gout吃甜品，轉入銅鑼灣道，經過維景酒店時，看見有人手拿着雞蛋仔邊走邊吃，心想難道傳說中的炭爐雞蛋仔有開檔？沿途細加留意，最後在酒店旁的後巷深處，看見伯伯的手推車。趨前時，伯伯問：「最後一底要唔要？」那還用說，當然要吧！雖然用上炭爐烘焙，不過入口是沒有炭味的。記得曾經在雜誌看過大澳炭爐伯伯的訪問，說炭爐及電爐做的味道也一樣，只因大家對炭爐特別鍾情，所以便一直沿用。雞蛋仔外面薄脆，裏頭完全實心，口感鬆軟而乾身，跟嘉頓的孖鬆蛋糕有點相似，蛋香不算濃郁，不過淡淡的蛋香卻顯得更天然，簡單而美味。我很喜歡這種如小蛋糕般的實心雞蛋仔，女友卻喜歡筲箕灣低調高手那種半實心的雞蛋仔，始終各人口味不盡相同。不過這種古早味的版本，真的是買少見少了，趁伯伯還未退休，得再來品嚐。

對於炭爐雞蛋仔伯伯，沒有固定店舖、沒有指定開門時間，只可以說可遇不可求！1／7中午時分，並非前往遊行，選擇跟數名好友約好了往大坑high tea，從天后走往大坑的路途上，見到某一巷仔堆了一條排隊人龍，等待著炭爐雞蛋仔出爐！由於book 好了位，為免遲到，只好寄盼回程路上的再遇上！High tea 過後，捧著漲漲的肚皮沿大坑道行出天后站。幸運地，炭爐雞蛋仔伯伯還在，在這陽光普照的中午時分，雞蛋仔伯伯亦密密的製作著雞蛋仔，難得當時只有兩人在排隊，吃得再飽也決定要初嚐初嚐、一底四人分享。在等候的約十分鐘過程，欣賞著雞蛋仔伯伯熟練的動作：加蛋漿、加炭、澆水保持炭的濕度、為剛出爐雞蛋仔撥扇以強添香脆口感…手勢相當熟練而又從容不迫。整底雞蛋仔呈金黃色，沒有半點烘燶的情況，每一粒大細均等而飽滿！雖則雞蛋仔的表面未有如北角雞蛋仔般脆身，但內涵卻驚喜萬分。將雞蛋仔咬開一半，一望之下，眾人都嘩了一聲！雞蛋仔以完美的實心形態視人，而且蛋芯上下均等沒有偏向任何一面，時間掌握恰到好處，沒有半點可批評之處。而雞蛋仔質感軟熟、極富蛋香，內裡亦不會太乾身，微微帶著炭燒獨有的風味，令這一底雞蛋仔給人留下深刻印象！市面難

價錢便宜，合理，如果不是去大坑之前上了開飯都不知道有這樣的街檔！ 烈日當空之下，伯伯不停的做雞蛋仔，真的敬業呢！說是雞蛋仔，不如說是雞蛋糕仔，同一般的很不同，中間像蛋糕，有很濃蛋味！ 雖然很非一般，但還是喜歡平常的，但欣賞伯伯的精神！

多得OpenRice，我才知道在街邊推著木頭車販賣雞蛋仔的人尚在；而又多得食環處，才令香港人得悉，大坑有個賣炭爐雞蛋仔的伯伯，不過早前已被趕盡殺絕，從此在雞蛋仔的江湖消失了。而最近睇OpenRice，才知道阿伯又靜靜地重現江湖了！其實，我沒有特意去拜訪他，只是某個星期六下午，從銅鑼灣走進大坑時，遠遠在街口就嗅到有人在燒炭的氣味。望入小巷，就見到雞蛋仔阿伯和他新搭好的木製手推車。然後，我的雙腳就不由自主地向那個方向走了...這是可遇不可求的！起初人龍不算多，但漸漸地途人見到巷仔竟有人龍，於是都來湊熱鬧，排起隊來幫襯買一底雞蛋仔。伯伯就只有2部雞蛋仔機。但縱使有人龍，他依然不慍不忟地繼續料理好每一底雞蛋仔。我用來「料理」一詞是有原因的。但見他小心翼翼地倒蛋漿、加炭、調校炭爐火力、用特製叉子叉出雞蛋仔放涼，再小心地放入袋，動作仔細得彷彿對雞蛋仔有一份愛。其實我不知道阿伯賣一份雞蛋仔幾多錢，只是上一回我給了他一張$20紙，他說沒有散子，所以就只收我$10...心裡是覺得有點不好意思。從上圖來看，這底雞蛋仔的色水，比常見的較為深色和實淨。每粒雞蛋仔都飽滿地隆起。嗅了嗅，還真的有點炭爐香味呢！咬一

是日特地走到大坑，到Kindergarten買杯凍朱古力行到半路，特然聞到一陣似曾相識的味道既有蛋香，又有燒碳味，望入橫街，竟看到有一條人龍原來久違了的碳爐雞蛋仔伯伯回歸大坑還記得約一年前弄得滿城風雨，雞蛋仔伯伯被迫暫別我們與伯伯閒談，他是於農曆廿六重新”開車”不過因為平日生意不多，所以現在只在週六日開檔碳爐雞蛋仔在香港為數不多，最街知巷聞的莫過於舊時的牛頭角下邨和大坑的兩檔自從牛頭角下邨清拆，大坑伯伯又被迫害，已很久沒吃過碳爐雞蛋仔是日終有機會再吃心頭好，就算我們肚子已滿，也捧場到底碳爐與電爐雞蛋仔之分別在於一軟一脆用碳爐製成的雞蛋仔是實心的，質感有點像蛋糕，入口鬆軟蛋漿當然也不可馬虎，伯伯的秘製蛋漿蛋香味濃郁，吃起來更覺滋味伯伯重出江湖的目的，最大原因是為生計另一原因是想廷續這一門手藝無論如何，從什麼角度出發，也沒有不去一試的理由

第1次黎到大坑, 原來大坑好多野食嫁!未食正餐之前, 經過一檔炭爐雞蛋仔, 雖然好多人排隊, 但我俾佢d 香味吸引住, 忍唔住排埋一份。一來多人排, 二來因為佢得一個炭爐整, 所以都等得幾耐, 差唔多等左20分鍾先買到。眼見阿伯d 蛋槳比其他較"傑", 所以整出黎d 雞蛋仔好似蛋糕仔一樣, 唔似出面食個d 係空心嫁。所以等耐d 都值得既。

I few months ago, I headed to Tai Hang to get myself some coffee. I saw the legendary egg waffle Ah Bak. I heard that the egg waffles he made was good, so I decided to buy some from him even though I was full. I asked ah bak how much I needed to buy at least and he told me, "都係一底囉,都係十蚊,咁耐都冇加過價." The waffle was heavier than those I ve got in somewhere else. It's darker in color. As decribed by previous reviewers, it's like many tiny cupcakes linking together. I asked the passers-by whether they w

伯伯d雞蛋仔真係好好味..每粒都係實心..唔似平時食開既空心。平時果d鋪頭d蛋漿又稀又少..但伯伯果d就相反經過成日想食,但次次都唔岩時間伯伯既雞蛋仔係我由細到大食過最好味既..亦都係最特別既雞蛋仔伯伯加油.希望食環署唔好成日拉佢

遲來的支持，之前來過3-4次，不知是否太早，一是太晚，所以總沒有跟你遇上。好在，最終，當日在一條街有幸一連食兩食店，包括伯伯你這間。記得當日伯伯話影無問題，但笑說唔好上鏡，因為無牌。但伯伯知不知道其實自己已在這裡很出名呢 ?不知名氣大令佢到頭多了生意，定損失更多。。當時，我當然也不會將片段上載。但怎知，一個多月後的一天。伯伯你上了多份的報章頭條，成為時事人物。真是不知道你這份職業是多麼的辛苦。比起坐寫字樓涼冷氣的我們，多了另一份傲骨。請不要介意我將當天拍到的小小片段放上網上，因為不幸的已言中。伯伯當天害怕的被人捉，卻成為事實，真是可憐。我只是希望將你每日辛勞的事情記錄下來。現在已經太少街上小販，還要這麼多小販管理作甚??請偉大的政府將有用的資源投放些適用的地方，幾萬蚊人工幾個月捉成十次呀伯? 又唔見捉D 年青力壯，真是屈機。記得，小時我已經非常喜愛吃雞蛋仔，我也相信讀書時候，無人未食過雞蛋仔。只是炭爐所燒的就真非個個好彩食過，皇仁書院的師生們當然除外。當然香港也有很多地方也有炭燒雞蛋仔賣，但為數一定不多。這裡伯伯的雞蛋仔，質感不像一般出名的香港雞蛋仔般脆。而是先來的一份炭味，然後是一份

伯伯雞蛋仔我真係由細食到大。伯伯以前不是擺大坑而是擺天后銀幕街的，從前每日放學後路過婆婆便會買及我食，他真的帶俾我好多童年回憶。正如很多網友所說，他絕不欺場，份量十足，不是空心雞蛋仔，多年不變。其實之前伯伯不喜歡上鏡的，因他曾說怕太招搖會換來食環署的針對，他說自己始終都是無牌小販嘛。果然不出他所料，那班人真的針對他，真係火都嚟。不過伯伯今次好叻，起碼等全港市民都知食環署的惡行。更值得敬佩的是伯伯的堅持，不領綜援，靠自己一雙手養活一家五口。就算有解決方案，我估伯伯都只希望依舊在大坑擺檔，不會遷離這區的，畢竟已三十多年嘛。伯伯加油呀！！ 撐硬你！！

今早睇報紙先知, 由我細細個開始就買開嘅雞旦仔伯伯一星期俾人拉咗3次, 實在好痛心....食環處咁拉人法實在太過份啦還好有好多人支持伯伯, 希望政府可以俾伯伯做個有牌小販就好啦~伯伯D雞旦仔真係好好好好味架如果無得食就慘啦

呢檔雞蛋仔只要住天后既人都一定試過, 而我就由細食到大呢檔既特色係充滿滿滿既蛋香, 沒有奶味, 而且十分鬆軟, 好有口感, 即使你買完1-2個鐘之後再食, 都依舊好飽滿, 漲卜卜既, 唔會好似其他既扁曬, 一pa野咁,伯伯既雞蛋仔充滿我好多既童年回憶, 同細佬妹爭食, 個個星期希望阿媽會買俾我地食, 會為左食雞蛋仔而考100分,太多太多了.......而且每每介紹俾外國朋友試, 無一唔讚不絕口, 大家都會話知道雞蛋仔係香港特色小食, 但咁具有風味既, 可算係只此一家!請大家多多力撐吳伯

睇報紙話'伯伯無熟食牌' 可以見一次拉一次, 無酌情權.....其實講衛生, 好多有牌嘅都唔一定衛生啦, 鋪面污糟又如何, 食環署一年都唔巡幾次啦, 咪又係咁!!!! 咁注重環境衛生, 你可以派員去'陪'住阿伯伯開工(反正你哋都咁清閒, 應拉唔拉) 如果你見到伯伯亂倒水, 又甚至四圍 "一 pat 二 pat " 唔清理的話, 你哋咪拉佢囉!!! 又或者你唔得閒陪佢開工, 驚浪費我哋納稅人金錢怕唔好意思的話, 你大可以尊係'吼'佢收工特登去'捕佢'睇佢有無執番好囉... 如果佢'攪'污糟地方, 你都話叫做有藉口拉佢呀!!! 之但係........如果你一味淨係話驚佢無牌, 食壞客人肚皮, 咁都唔make sense...因為我哋做客人嘅, 見到唔對路, 唔收錢送俾我哋我哋都唔一定放入口啦, 駛你替我哋擔心????!!! 早幾年食過, 至醒起點解細個時我都好似有食, 但大過咗唔再買嚟食, 因為佢...我至記起雞蛋仔好味在外皮要香脆之餘, 入面會有舊軟軟彈彈的'心', 但曾幾何時我好多年都記得食到嘅係一味脆卜卜, 但入面通心嘅, 而且我都唔記得原來應該有'蛋香', 我遺忘咗細個食

雞蛋仔伯伯D雞蛋仔..真係超超超超超好味只要佢有開檔,係街口都已經聞到雞蛋仔既香味佢D雞蛋仔外脆內軟,蛋味好重,而且食落有好飽肚既感覺我由細食到大,食左咁耐,佢d雞蛋仔從來無變質,無失準總之一個字-->讚!!!!!