日嚐 (已結業)

和風牛骨湯底…根本就係出前一丁韓式牛骨湯嘅味精，真係唔知嗌嚟做乜… 唔好同我講話小店就要預咗佢用味粉唔係自己煲個湯底哩啲廢話🙃炸雞就油到我以為啲雞飲油大🛢其他食物質素就一般 冇乜嘢記憶點 如果真係要去食 可以食蕎麥麵同避開炸雞… 平時行過可以試下，但咁熱完全唔值得排隊… 香港人醒下啦，唔係間間都值得排。除咗炸雞同烏冬湯底外質素平均6/10，個湯底同炸體值-2/-3分，Overall會有3/4 out of ten梳打飲品係幾好飲，唔知係自製定喺邊到買

👍🏻慢煮黑毛豬配肉桂蘋果蓉 $78推介！睇賣相完全估唔到係咁軟嫩多汁！黑毛豬厚切大舊，表面燒得有焦香咬落好juicy，肉質非常軟腍，完全唔乾唔韌醃得入味甜甜地，最正係豬肉味好香🤤👍🏻蘋果蓉微甜，有淡淡肉桂味，配搭黑毛豬感覺幾清新不過個人鍾意兩者分開各自食多啲🤣一齊食嘅話蘋果蓉有少少蓋過咗豬肉香建議餐廳可以將蘋果蓉放喺旁邊味道：9/10性價比：8/10-👍🏻慢煮封門柳配自家製雜菌燒汁 $98封門柳肉感較重，慢煮至七成熟左右有嚼勁但咬落有肉汁，牛味好濃郁😛雜菌燒汁帶甜，味道偏向日式燒汁，唔會太濃味蓋過牛味份量就唔算好多，六舊厚切，不過呢個價錢都算唔錯啦味道：8/10性價比：8/10-👍🏻銀鱈魚西京燒 $118魚肉雪白好嫩滑，魚皮肥美有焦香燒到咇哂啲魚油出嚟，但完全唔腥，又無雪味不過要小心有少量魚骨西京燒味道帶甜易入口，配飯應該仲正🤪味道：8/10性價比：7/10-除咗主菜，定食套餐包飯麵、沙律同冷盤飯麵仲可以加$8配醬油蛋或明太子整體味道正正常常，係柚子紫薯青蘋果沙律幾有驚喜😙！紫薯泥口感軟綿，混咗柚子同青蘋果粒除咗紫薯嘅甜味，仲多咗份微酸雖然都幾飽肚，但完全唔滯，好清新👍🏻食完咁多肉食呢

經過大角咀呢間小店俾佢外表吸引左，就行左入去試。價錢沙律+冷盤+主食 -> $6x-$1xx 係市區日本餐廳黎講算平🆙環境鋪頭比較細，只有大概1x-20個位左右，但係都坐得舒服，有日本小店嘅感覺🎇沙律 柚子紫薯青蘋果沙律 💯 紫薯比較有飽足感，同時食得多會覺得滯，加咗柚子同青蘋果中和，感覺refresh同口感清新小食 山葵八爪魚 💯中意食wasabi味嘅朋友唔好錯過主食慢煮封門柳配自家製雜菌燒汁配稻庭烏冬(昆布木魚湯)湯底略鹹，面食嘅份量比較細，大食嘅男仔未必夠飽，封門柳還好飲品花花世界 (玫瑰寒冰梳打水)寒冰->菓子嘅一種，口感有啲似jelly，但係會硬身啲，幾好食我比較prefer野飲冇咁甜，但係中意飲甜野嘅應該會幾中意，玫瑰味夠出。

位於大角咀大全街一間日式小店主打全手工日式料理選擇唔算話好多，一共有八款主食配搭唔同嘅小食俾食客選擇慢煮封門柳 $88 封門柳煮得好林，唔算好肥，油脂分布啱啱好肉味都算香，配左一個雜菌燒汁個人唔太喜歡食汁醬，如果個汁可以on side 上會更好喔牛嘅分量比起其他主食的確係少啲如果好餓，就建議揀其他主食不過quality 上 $88真係冇得挑剔慢煮黑毛豬配肉桂蘋果蓉 $78 黑毛豬偏肥，怕肥人士可以選擇其他喔配肉桂蘋果蓉，酸酸甜甜可以中和返油膩感👌🏻黑毛豬份量比牛柳多喔！Carbs方面可以揀湯烏冬/蕎麥麵/飯湯烏冬都有成四款唔同湯底俾你揀今日太熱揀咗食冰凍蕎麥麵，加左隻溫泉蛋撈蕎麥麵食真係冇得頂仲有沙律同冷盤可以揀付味海蜇口感超爽口🤩山葵八爪魚都好好味😋主食仲有銀雪魚西京燒、三文魚、鴨胸等等選擇隔離枱個鴨胸好似好出色，下次黎要試☺️☺️$58-$108 有主食+ carbs + 兩款小食 + drink，真係幾掋🤩小店只有四張四人枱，地方唔大，但木系裝修坐得都幾舒服，感覺cozy🤍🤍值得寫篇食評推薦一下☺️☺️ #全自費

New restaurant in Tai Kok Tsui. Ordered the steak set, with udon and appetiser. Portion size of both the steak and the appetiser was very small, totally unmatched with the photo in the menu. Not worth the price. Disappointed, won’t go again.

因為疫情關係，我用左delivervoo叫呢間外賣，打開個apps我比佢張相吸引左，大家都見到，佢張相係幾多肉，啲肉又幾咁垂涎欲滴，加埋嗰雜菌汁同啲前菜，於是就叫咗份試吓。點知嚟到之後大失所望，打開個盒，啲肉又少又薄，雜菌得嗰幾粒，前菜又少少，我心諗唔通我叫左兒童餐？我明白而家呢個時勢，大家都經營有困難，但係如果開得門做生意，可唔可以比返少少誠意？份餐要108，計埋運費要134，我真心覺得可以再做好啲啲。總之今次真係好失望，比佢張相呃咗，照片原來係照騙。

自從限聚令又冇晚市堂食，出去食好西機會愈黎愈少，始終叫外賣拎到番去野食點都打7折，所以難得星期六放假，梗係搵下有咩好嘢食。果日咁啱去開大角嘴，大角嘴不嬲出名多好食小店，好似文華食海南雞、Homeland意粉、餃子店⋯今日行開果邊發現到有間好日本風小店，忍唔住入去試下。成間餐廳都木為主，好有日式小店個個style (掛住食冇影到相），一黎到睇個Menu 選擇唔算多，但係都有雞牛豬，供君選擇。佢哋介紹咗我試個個慢煮黑毛豬，話真係煮左3-4個鐘，等十分鐘就有嘢食，黎到一個定食咁上，有埋海節、紫薯沙律，呢個價錢都抵食。個個黑毛豬真係冇介紹豬，口感係軟淋淋、完全唔鞋，食落似雞扒多過豬扒，真係好正，值得再嚟食！個沙律都唔錯，一嚟到第一個諗法係「成舊野食唔食得」會唔會食到成口溶搞到好滯，點知原來入面都有其他菜，唔會得紫薯陣甜味、仲有口感， 反而個烏冬就普普通通。利申下次一定再黎食其他

大角咀開業數天。日式慢煮定食木系小店令人想念日本了這個小木屋的外型已經加分不少，整個感覺也是非常的和諧。餐廳內沒有過多的裝飾，非常簡潔，座位的編排有點擠迫，可能由於店舖的面積不大啊！白天到訪的時候，日光滲進這小小的餐廳，感覺還是很舒服的。自選定食set ($58-$88)—•—•——•—•—•—•—•—•—•—•—•自選五步曲：第一步：自選一款主食（四款慢煮或兩款炸物選擇） 第二步：麵食（二選一）第三步：湯底（三選一）第四步：沙律（二選一）第五步：冷盤（三選一）(´▽｀)慢煮封門柳配自家製雜菌燒汁set $88麵食：稻庭烏冬湯底：豬骨湯底沙律：柚子紫薯+芝麻醬秋葵冷盤：味付海蜇+$8 醬油蛋。封門柳大概有六件厚切。這個部位牛味濃郁，經過慢煮，呈半生熟的程度，有嚼勁但也不會太生呢。。豬骨湯底，個人感覺味道偏鹹，紫薯沙律很有驚喜，柚子帶微酸非常醒胃。。碎碎唸：小店位置不多，是「哪個」的舊址。小店最大的特點就是人情味，謝謝送我柚子紫薯沙律，滿足了選擇困難症的我。有沒有看全民造星IV，這是 @dru.chung 的小店，她的媽媽也很友善啊。到訪小店也提醒我生活雖苦，但不要放棄，繼續追夢。