日本野 (銅鑼灣廣場二期) (已結業)

日本野 📍銅鑼灣駱克道463-483號銅鑼灣廣場2期6樓 🥩石燒吉列霜降牛小排晚餐定食會配日本米飯及溫泉蛋/溏心蛋，跟配的日本珍珠米飯有少少飯素頗惹味，牛小排的份量也很多。另外，會有四款不同的醬料配，包括：海鹽、蜜糖芥辣醬、乾辣蒜粒和牛肉汁。不過記得不能燒太久，剛剛變色就足夠了🤣🤣🐔雞肉大阪燒大阪燒面頭鋪滿木魚，加上沙律汁同埋燒汁作為調味，內裏主要係菜夾大大片雞肉。如果兩個人去吃的話，份量會比較大🤣該份量足夠四個人一同分享🤣🤣🤣蒲燒鰻魚定食原條鰻魚微微燒焦，鰻魚燒汁是分開上的，客人可以自己決定要多少汁，另外還有得選擇配溏心蛋或溫泉蛋😙和配上一個小沙律，整體也不錯！

🤡呢間日本嘢叫日本野，見佢有個飯係鋪滿碟魚裙邊，吸引到我去會一會佢🫠石燒霜降牛小排 $198牛肉好彈牙，有咬口；雖然有脂肪，但唔會好膩。D醬料唔錯，蛋黃醬都幾夾；燒汁加芝麻就穩陣好味；有一份醃咗嘅碎蒜，食落好香幾醒神；我最鐘意係沾鹽，簡簡單單，帶出牛味！🤪火炙蝶魚裙邊海膽丼 $168本身好鐘意左口魚裙邊，同呢款蝶魚裙邊類似，魚油脂好香、好滑、入口即溶；海膽都幾甜、冇苦味；但有少少尾中不足，佢用咗鰻魚汁，甜味太搶，建議叫佢走鰻魚汁，咁應該會感受到多D食材本身嘅味道！😜追加刺身拼盤@$98甜蝦 - 標準，幾甜，肉有彈性北寄貝 - 爽口三文魚 - 幾肥美、厚切，口感豐滿八爪魚 - 標準、彈牙得嚟唔會韌凍檸茶幾好飲，檸檬酸味幾清新；茶底似係錫蘭紅茶，幾香🥰

上星期又再去返之前覺得唔錯嘅‘日本野’，食物質素同服務依然都係咁好☺️😍，不過食物種類竟然再少左😧🙈 豚肉大阪燒 $𝟙𝟘𝟠之前介紹呢間餐廳都話過佢地嘅大阪燒好正，勝在醬汁夠多之餘、份量十足，成個底都係豚肉😍 所以性價比十分高，叫一個大家一齊share黎食就岩曬👍🏻牛油果軟殼蟹卷 $𝟙𝟛𝟠香脆惹味嘅軟殼蟹配埋面頭嘅牛油果塊，食落香脆可口但又唔會太油膩，值得一試😌🥰日式炒牛柳粒 $𝟡𝟠醬汁好香亦都好惹味，而且牛肉十分值得一讚，入口軟腍，完全唔會乾/硬，所以小食黎講都幾有驚喜☺️ 好似開頭講咁，食物質素依然維持到水準，而且服務質素都十分好👍🏻 不過我就留意到食物種類就再少左咁🙈 例如以前壽司都可以單點、同埋多啲款式，但而家就得返2-3 sets可以揀🤔 如果食物種類再多啲就更完美☺️

今日收工約咗朋友食飯就近近地喺銅鑼灣食，朋友介紹我去食日本野，原來係間餐廳個名真係叫日本野😂♥ 火炙蝶魚裙邊海膽丼 $168晚市套餐配左麵豉湯同飲品，上枱已經覺得冇嗌錯！望住啲蝶魚即刻心心眼😍滿滿嘅蝶魚鋪滿飯面真係超足料‼火炙令到蝶魚魚油味滿溢好香，仲有海膽同三文魚子再配搭套餐仲可以優惠價配小食 我加咗厚燒鰻魚玉子 $48 有3件，有蛋香，包住鰻魚口感豐富♥ 豚肉大阪燒 $108有冇人同我一樣好鍾意食木魚😆大阪燒面頭鋪滿木魚，加上沙律汁同埋燒汁作為調味，內裏主要係菜夾大大片豚肉♥ 火炙三文魚壽司 🍣 $40一客有兩件，三文魚厚身大大塊♥ 炭燒粟米🌽 $32比朋友笑我喺餐廳食粟米😂不過我又好鍾意食，粟米又好甜♥ 炭燒大啡菇 $42原汁原味，不過嫌佢略油咗少少♡ 見到好多枱都有食吉列燒好吸引🙈今次冇試到留番下次！ 碟魚丼飯都好推介大家食🥰

📍日本野 (銅鑼灣廣場) (銅鑼灣)銅鑼灣駱克道463-483號銅鑼灣廣場2期6樓今日朋友同我講帶我去食日本野，一去到我門口，估唔到間餐廳真係叫「日本野」喎，幾搞笑😂 今次去既時間比較早，店員比咗張卡位比我地坐，卡位好闊，燈光好柔和好舒服。🥰🥰餐廳食物選擇都好多，有壽司刺身，串燒鍋物，石板燒牛，日式丼飯等等。😍😍咁我地見到佢個霜降牛小排咁靚仔，忍唔住就叫咗一份。☺️☺️職員好細心，預先已經上定石板比我地預熱咗個石板先，預好時間再牛小排。牛小排份量好多，一個人食好滿足呀！質量方面都唔錯，肥瘦均勻，放上石板每邊略略煎佢三十秒就已足經食得。燒緊既時候牛既油脂好香，未食已經流晒口水。🤤🤤牛小排牛味香，油脂豐富，非常唔錯，配上牛肉汁同鹽，味道非常搭。晚餐加28蚊可以加配一份芝士年糕，炸到好香脆，可以過下口癮！😍😍另一樣我地叫咗自選刺身丼飯，客人可以自選四款刺身，亦都可以加錢升級食材架。咁我地就叫咗三文魚，油甘魚，甜蝦同加錢叫咗活赤貝。刺身都好新鮮，尤其係活赤貝同甜蝦，鮮甜飽滿。整體好唔錯，絕對值得回頭再食過架！🥰🥰#日本野 #日本餐廳 #日式刺身 #旺角 #石燒牛#大阪燒 #芝士煎餃子 #極上七品刺

最近個個都搶機票要去返轉日本，最快滿足到飛一轉日本嘅方法就係去食日本野🤣今日去左「日本野」食日本野🇯🇵我叫左個必點晚餐定食～🥩石燒吉列霜降牛小排 $248Dinner Set 配埋日本米飯及 溫泉蛋/溏心蛋再可以追加小食，我就追加左三文魚刺身🍣（3件）+ $48另外再叫左個刺身：帆立貝 （2件）$138成個set好豐富，吉列霜降牛小排有成差唔多10片，放上石燒燒大約10-15s，就可以放入口慢慢品嘗🤤 仲有4款醬料俾你揀，包括：海鹽+ honey mustard+ 乾辣蒜粒+牛肉汁。第一啖建議先沾海鹽，醬料最好由啖味到濃味，甘樣先食到個層次!！每一口牛配上醬料再配上日本米飯，簡直係絕配👍🏽👍🏽👍🏽🍣 刺身 三文魚同帆立貝都好新鮮，帆立貝好鮮甜，三文魚好厚切，食完好滿足！當自己飛左一轉日本😌—————————————————————以上晚飯奉送湯/沙律、咖啡、茶或汽水一杯。

上OpenRice 訂位有88折，仲可以訂到即日午餐，又夠就腳，所以試一試！咖喱牛肋條烏冬 $78日式咖喱無辣味，非常適合小朋友食👍🏻 加埋溫泉蛋，味道更濃厚，仲有四大條炆得好淋嘅牛肋條牛肋條，小朋友都咬到仲爭住食🤩 火灸蝶魚裙邊海膽飯 $108有2件海膽，都甜甜地嘅！飯面鋪滿燒得香噴噴的火灸蝶魚裙邊，每啖都有餸👍🏻 仲有鮮甜嘅三文魚籽，拼埋一齊，令成個飯好有滿足感！特選壽司拼烏冬/蕎麥麵 $98簡單的壽司拼盤，可選烏冬或蕎麥麵。烏冬有兩片日式魚片同粟米🌽。蕎麥麵就有好多紫菜係面😆

去日本野食日本嘢！去左銅鑼灣廣場分店食晚餐。呢度夜晚除左可以單點美食，亦有晚餐menu，選擇多而且幾抵食。晚餐有定食/丼飯/炒飯/鍋物可以揀，仲有沙律/湯同埋咖啡/茶/汽水。叫左個火炙蝶魚裙邊海膽丼。呢個丼飯好有水準！炙燒蝶魚裙邊好重油香，又滑又肥美，份量亦唔少喎！海膽新鮮鮮甜無腥臭，整體質素都幾高。另一份晚餐就點左大阪風吉列豬扒定食。呢份炸豬扒認真大舊！一個人要食晒都有啲難度。豬扒都炸得幾脆口，肉質都嫩，不過炸粉就厚左少少。定食配埋日本白飯同埋溫泉蛋/溏心蛋，溫泉蛋好流心，撈飯一流！套餐再追加埋三文魚刺身3片，厚切！另外再叫左份卷物share。牛油果加州卷。又係好大份，但都好足料！清新好味。再配埋蟹子沙律添！

💁🏻‍♀️今日閨蜜同我講想食日本野，我問佢想食邊間👀，佢話間野叫日本野😂呢個名真係簡單而直接，我鐘意💕呢到裝修充滿日本風格🇯🇵，地方大座位闊落。►蒲燒鰻魚定食(餐湯+溏心蛋/溫泉蛋🥚）$186我地揀左溏心蛋，黎到已經切開左2份，咁就唔洗爭啦☺️，鰻魚肉好厚身，份量都好足夠，一人一半都唔會覺得唔夠喉，另外鰻魚汁會另上，鐘意落幾多就落幾多☺️👍🏻。►芝士年糕（跟餐）🧀 2件 $28外脆內軟，口感軟糯。►芝士煎餃子 🥟 $78一共有六隻餃子，忌廉味較出。►牛油果軟殼蟹卷 🦀️ $138坐低一路都見好多人叫，一共有六件，每件都幾大件，上面有好多木魚絲幾特別，牛油果同軟殼蟹🦀好夾。► 火灸三文魚壽司 🍣 2件 $40厚薄適中，拎起見到隻碟有魚油，未擺入口就知條魚一定好肥美，入口的確啲油即化開🤤〠總結 ▁ ▂ ▃ ☻ 4.6/5 值得一提既係員工服務真係好，非常貼心，我地share一個鰻魚飯，問侍應拎隻匙羹，佢留意到我哋share所以攞多兩個碗俾我哋☺️☺️，加水之類都好主動，非常滿意。💟 Follow我介紹更多美食俾你 @62.loya

_____好味指數：🌟🌟🌟🌟抵食指數：🤑🤑🤑🤑自從識咗呢間餐廳之後每次朋友話想食日本嘢我都會諗起日本野😂呢度地理位置方便，裝修和風，而且有set lunch同dinner，都幾抵食🤑✅霜降牛肉壽喜燒鍋物用火爐暖住🔥鍋入面有大大片霜降牛肉🐮仲有金菇，大葱，冬菇等配料🍄湯底香甜，霜降牛肉牛味濃郁又唔韌，蔬菜吸收湯底精華味道鮮甜，不錯✅ 石燒吉列霜降牛小排霜降牛小排色澤嫩紅，油脂比例均勻，外面係鬆脆嘅吉列脆皮🍤係餐廳提供嘅石燒爐輕烤十數秒，等每邊燒至半熟就食得🍴肉質軟嫩充滿肉香，又唔會太油膩，仲可以按自己喜好控制生熟程度👍🏻每個set個送湯/沙律同飲品一杯，夠哂完整又幫你諗好晒，好適合放工放返上嚟舒服簡單食一餐日本嘢🇯🇵

午飯有兩個鐘嘅好處係可以周圍去試新嘢。今次機緣巧合試到呢間，本身冇咩期待，但一試就決定可以翻焯。簡單一句，大食夾抵件 每個午餐都會跟一個前菜冇咩特別。滑蛋雞扒飯呢個必點！超級好食！雞扒份量足，仲要脆皮。滑蛋亦都好好味，加咗日本燒汁去煮，一流！好耐都冇試過咁高質素嘅滑蛋雞扒飯。汁燒牛肉飯呢個又係好正！牛肉份量極多，而且唔係好柴好乾爭爭嗰種，咁當然唔係嗰啲A5和牛嗰個Level啦，絕對對得住呢個價錢有魚。洋蔥都要講一講，事關外邊食嘅通常都係啱啱斷生嘅洋蔥，呢度係炒熟好多，洋蔥甜味出晒嚟。下次再試其他，正！

睇相簿見到「日本野」已經冇食一排🥺所以去回味一下🇯🇵.龍蝦海鮮番茄鍋🍲有半邊龍蝦🦞大蜆 、蝦🦐魷魚🦑菇菌🍄蔬菜🥬湯底番茄味道濃郁🍅龍蝦鮮甜，但肉質過實🥺另外配有烏冬(小)同蟹籽沙律🍜🦀🥗.清酒煮蜆🐚蜆肉新鮮大隻😗青蔥同清酒更突出蜆肉鮮甜👍🏻.水信玄餅🎐玄餅質感水滑😲加上花生粉同黑糖🖤🥜簡單滋味😋.冷泡水果茶🍹有青蘋果🍏菠蘿🍍橙🍊有啲似雜果賓治紅茶😜

鍾意食日本野嘅我，每隔一排就會想去呢到食下邪惡得來好吸引嘅火灸蝶魚裙邊海膽丼～最近晚市仲有88折，真係好吸引🤩入面好有日本感覺，而且都坐得舒服，適合gathering 傾下計～當晚點了2個dinner set🍱火灸蝶魚裙邊海膽丼係我每次來必點，亦都係呢到最出色嘅菜式之一！蝶魚味道有d似左口魚，但更有口感，鮮甜肥美，火灸過後入口即溶，配壽司醋飯一流！另外上面的海膽都幾鮮甜。🍲龍蝦海鮮番茄鍋有半邊龍蝦，上面好多膏好香口。另外鍋內超多海鮮，有超鮮甜大蜆 、蝦，還有多種類菇做配料，湯底的番茄味濃香，配彈口烏冬一流😋dinner set 追加$28仲有芝士年糕食，超香濃芝士味好好味～下次再來食蝶魚飯🤤

好耐之前食過一次唔係咁🥹今次再去食物質素同性價比唔同晒性價比真係好低🥲價錢唔平，食物非常一般，刺身超薄，甜蝦好細，海膽得一細篤，成200蚊一個丼飯超唔足料🥲味道上亦冇乜特別，四百幾蚊一餐唔知食左乜🫠🥲🥲🥲🥲🥲🥲🥲🥲🥲…………………………………………………………………環境舒服，服務態度ok都彌補唔到🥹希望啲打手唔好再亂咁寫🫠…………………………………………………………………

收工去到銅鑼灣搵嘢食，去咗近近地地鐵站嘅日本嘢🥳我都幾鍾意食日本嘅食物，尤其係三文魚同埋海膽。今次我就叫咗自選井飯，我揀咗三文魚海膽同埋三文魚魚子，海膽新鮮冇異味，而且欣賞佢好快就送到唔會要等好耐。朋友揀咗鰻魚定食，個套餐都幾抵食🫢除咗有大大條鰻魚定食飯仲有沙律同埋湯加少少錢仲有芝士年糕同埋雞翼等小食。我哋加咗芝士年糕同埋柚子雞翼🥰🥰讚一讚芝士年糕好好食，啱啱炸出嚟好脆口，而且好鬆軟！正🏠日本野 (銅鑼灣廣場) (銅鑼灣)銅鑼灣駱克道463-483號銅鑼灣廣場2期6樓