早安越南 (已結業)

係天后電器街有好多越南餐廳，一直鍾情越南菜嘅我見到早安越南個鋪面好似幾舒服咁，就同同事去試下。佢有lunch set包嘢飲，今次試咗個香茅豬頸肉米線，香茅豬頸肉個味唔錯，都幾香口，份量亦好多，但略嫌豬頸肉太肥！同事就試香茅豬排米線，相比之下，豬頸肉個份量多啲，因為都係香茅，基本上個味無乜分別個午市都唔算多人，環境幾靜幾舒服，返咗半日工食返餐好嘅獎勵下自己都幾好！可以吹下水，由於無乜人，所以都唔怕一食完就俾人趕走！

峴港酸辣海鮮湯黑粉絲- 湯底濃香，酸辣味平衡，但辣度低，帶椰糖甜味。金不換、檸檬葉、香茅、指天乾、炸乾蔥的味道充分融入湯底中，單獨咀嚼一種香料，又會獨特的香味- 芽菜不爽脆- 海鮮有八爪魚、青口、帶子及蝦，全部均沒什麼味道- 表面略為粗糙的黑粉絲吸湯程度一般，但頗彈牙

最近喺天后上堂, 上完堂後同同學附近搵食, 有人提議食呢間, 風評唔錯的, 等左一陣好快有位, 呢晚落雨, 門下有遮桶, 同時提供遮膠袋, 多個選擇幾好, 有時女仔用既靚靚摺遮唔捨得放遮桶, 驚比人拎左去嘛!坐低左, 好快送上暖水, 又細心放張椅過黎比我地擺野, 幾細心, 抵讚! 中途亦都自動自覺加水, 要既野例如碗筷都好快拎到比我地!牛柳粒炒紅飯, 以為係紅米飯果D, 但原來係蕃茄味既飯, 炒得唔乾身, 濕濕地, 個人好鍾意, 牛柳粒煮到好淋, 仲有啲甜既洋蔥。蕃茄海鮮湯河, 河粉同飯一樣份量幾多, 海鮮有魷魚、蝦、帶子、青口等, 唔大隻, 鮮味一般, 我地最欣賞個湯, 有蟹膏味的, 蕃茄味又濃。朋友叫左小食拼盤, 試左春卷、蝦餅, 質素都唔錯。服務 食物都唔錯, 可以回頭既小店。

放工後，和朋友去剪完頭髮行過天后醫肚，見到呢間越南餐廳門面都很乾淨，又唔洗等位，所以就入去試吓，那裏啲侍應醒目又好笑容，我哋兩個人叫咗四樣嘢，佢仲問我地食唔食得晒野味又嫩口的馬拉盞通菜越南蒸粉皮入邊有蝦米粉絲同埋好沙葛嘅物體，爽口又入味，好味兩個人埋單大約＄360，價錢唔平但係食物新鮮好味最重要係冇味精，食完之後一啲都唔口渴，所以要讚

行過天后有不少食肆很吸引，今晚試一下越南菜。外面裝潢很有特式，樓底十分高，放滿越南特色裝飾品。我們點了青木瓜沙律。青木瓜爽口新鮮，份量不少，清新又健康。峴港酸辣海鮮湯黑粉絲。酸辣湯底不算太辣，十分惹味，黑粉絲很特別，第一次食，其實吃不出什麼味道，顏色像茶晶一樣晶瑩剔透。越式特選細拼盤，有三款食物。粉蒸包，內有爽口的菇類，可沾上酸酸的醬。香茅雞翼，炸得乾身，沒有太多的油。春卷，香脆美味，熱辣辣很好吃。

一年一度既工展會又來了，我同老友行左一半，又餓又累，梗係食完嘢再努力過，上次食完前面果間，今次試下里間"早安越南"我朋友叫左紥肉雞絲凉伴蒙粉，我叫左個熱既湯河，叫左個酸辣凰爪share(酸酸甜甜郁ok既，但如果可以凍少少應該更好味)。幾時都話個湯底吾熱，果碗粉好食極有限，好彩個侍應肯幫我加熱(都算有禮貌)，加熱後好左好多，但紮肉同雞絲都係無味假期期間係無套餐，全部散叫，加埋加埋都幾貴(對於我食下午茶來講係貴左)

今晚去天后做運動前，前個輕盈又熱辣辣的越南湯檬，湯底濃郁牛肉味，份量也十足。同也要一個碟柚子大蝦沙律，但味道一般，沒有甚麼特別。依間小店服務非常友善，一定會再幫襯。😊

係維園游完水，好肚餓唔知食咩好，一直向天后方向行，諗住沿途睇下有咩岩食，就見到呢間越南野好似好耐冇食過，於是就唔諗入左去啦生牛肉湯河呢度既生牛肉湯河份量都不少，而且非常足料牛肉好腍身，帶少少紅色食落非常重牛味河粉則非常滑溜，湯亦都好清甜，一啲都唔油膩岩哂運動完既我補充體力呀朋友則叫左個馬拉盞海鮮炒飯上枱個下熱辣辣，應該係即炒既，而且份量都唔少架，2人Share都絕對夠馬拉盞炒得非常香口，飯亦粒粒分明，並沾上馬拉盞既香味海鮮則有蝦同魷魚

天后區開左早安越南，平時行過都好人多幫襯。見暫時唔多人，就同友人即管入去泥試下食個午餐。餐廳內裝橫都幾特別，盡顯越南特色。打開個餐牌好有新鮮感，好得意。食物款色都好多，冇影低生牛肉湯河。味道正常，牛肉都嫩滑。但略嫌碗粉唔夠熱而且份量比較少，生牛肉得三四片，三扒兩撥好快食完。味道唔錯嘅蜆港海鮮酸辣黑粉絲。個湯底好濃好香，酸辣程度啱啱好，醒胃！海鮮料足，帶子、青口、蝦仁丶魷魚。黑粉絲煙煙韌韌好爽身，👍🏻

咁遲先開天后呢間越南仔，一開始又平又靚又正，但之後你越嚟越變得麻麻，咁就冇再幫襯啦！今日行過見到轉左手，變咗早安越南，格局同以前一樣，不過裝修過，所以試咗佢哋下午茶，都幾抵食所以期望幾高。三色定佢用咗綠色嘅啫喱，然後紅豆綠豆加椰汁，唔係太知道三色冰應該係乜用料，不過我自己唔太鍾意紅豆綠豆。生牛肉粉睇落好大碗，食落湯底唔夠熱，湯頭好清冇牛肉味，叫佢攞咗辣椒絲落左兩粒有一粒係發霉嘅🙄香茅雞翼OK！幾香口幾入味！

難得去到天后吃晚飯本應很多選擇奈何因為之前要上班之後要上學只能又急又趕地吃個快飯與同事由地鐵站一路直走見到這間裝潢不錯人又不多的早安越南便二話不說走入去越式粉麵店我覺得必試的是火車頭牛丸牛筋牛肉牛栢葉一應俱全不見得是大堆頭但都算足料湯底味濃但不見油膩食得出應有的牛味不過稍嫌不夠熱，好像少了些香味個人覺得只算是合格之作因為怕早吃晚飯怕夜晚肚餓同事提議加多個越式特選細拼盤應脆的脆，該嫰的嫰令人食指大動老實說比主菜更得我心粉包是四款當中的亮點粉皮是要有點厚，但這才有米味亦有美味下次有機會應該要試其他主食，但粉包一定要再點

位於維多利亞公園附近的早安越南，門面比較細，不過他獨特的門面設計，卻深深吸引了我的目光，更令我雙腳慢慢步入了他的店舖內。店舖內果然不負所望，店內的設計簡單但卻很有特色，連餐紙和餐牌也花了不少心思。來到越南餐廳，當然要吃越南最句標誌性的食物，生牛肉湯河和凍檬粉！點了菜不久，生牛肉湯河就上枱了！一碗結合了中國河粉，法國牛骨湯再混合了越南香料，誕下了一位充滿個性的美食家！湯底清澈而不混濁，有牛香而不油膩，隱隱約約的越南香料卻不搶牛湯的風韻。牛肉薄片全生，肉色鮮紅有光澤，輕輕浸在濃郁香氣的熱湯中，很快就由鮮紅變成啡紅色，七成熟剛剛好。配菜也有經典的洋蔥、蔥以及九層塔，可惜沒有青檬，不然可令整碗河更清新脫俗。很快，另一經典越南名菜雞絲扎肉撈檬也很快上枱。淋上店鋪的特製碌冧，甜甜酸酸的醬汁不算太鹼，但卻有點辣。簡單又醒胃的撈檬。最後還點了蝦醬雞翼！新鮮炸起的雞翼，十分香脆，還未吃已經聞到淡淡的蝦醬味。皮脆肉嫩，吃起來蝦醬味卻不是很重。結帳2位208

暑假嘅時候同朋友去咗越南旅行，嗰邊超熱，求其入一間食店食Pho，都係冇冷氣，就算幾好味都會冇晒食慾，一路食一路出汗，真係畢生難忘！ 今日放咗工，就同朋友嚟到天后呢間主打食越南野嘅餐廳，試吓Pho有冇越南嘅水準！ 🍱越式特選細拼盤（$88） 首先點左個細拼盤 👉🏻🍥蒸粉包、🍗香茅雞翼、🌯春卷 入邊有兩隻種唔同嘅炸春卷、兩件香茅雞翼，再加兩件蒸粉包，一共有8件。 炸春卷香脆可口，配上旁邊的選擇非常美味呢！香茅雞翼肉質鮮嫩，香茅嘅味道不算很突出，但旁邊有炸蒜和蔥花，非常惹味！ 🍜香茅豬扒湯河（$58） 之後來一碗豬扒湯河，豬扒和湯粉是分開上的，不怕豬扒浸淋，實在太好了！ 湯底味道鮮甜，不會太鹹，配上嫩滑嘅河粉非常美味，再加上多青，令這個湯河非常出色！ 豬扒賣相非常吸睛， 厚厚的豬扒炸成金黃色，蓋上滿滿的炸蒜和蔥花，豬扒鬆軟諗滑，酥香美味，真的不錯！ 🍡三色冰🍼（$34） 最後點了一杯三色冰，奶味香濃，底下的配料非常多，和朋友一人點一杯可作飯後甜品呢！

Yesterday I went to this restaurant to celebrate a friend's birthday. It is quite near to mtr station (tinhau), just take you 5 minutes to walk straight ahead from A2 along the street and you will see this restaurant with a very eye-catching leon light "Pho".Basically the food is good, I have ordered a noodle 扎肉雞絲湯河 (58hkd) and some snacks shared among us. I would not say the noodle is the best but fine. And the chicken wings 蒜蓉牛油雞翼 (68hkd 4pieces) are delicious, have a try of it. FYI, All food

肥髀游水前去食午飯先！呢間越南菜未試過，門面同內部裝修型格，顏色鮮明嘅越南feel油畫！12點幾半滿！星期六無套餐，入座落單後，店員先上杯水！越式焗蟹蓋（$59）熱辣辣，蟹肉碎好多，再撈咗啲好肉札肉嘅味道落去，反而破壞了平時蟹肉嘅甘甜，調味較假！一般！酸辣海鮮湯黑粉絲（$77）首先未食過黑粉絲嘅我，覺得黑粉絲幼身，好滑又彈牙，湯底濃香酸微辣，海鮮係爽口蝦仁、濃香嫩口青口（平時唔喜歡青口嘅我都覺得嫩口好味！）魷魚鬚爽口彈牙！海鮮全部好味，唔係雪藏貨，加上香菜提味！好味！牛丸湯河（$54）河粉又薄又滑，牛丸𠝹十字，彈牙牛味重！好味！芽菜爽口，湯底清澈味濃！加上青蔥香菜！好味凍柚子蜜（$34）玻璃樽水杯，柚子味唔太甜清爽，好味熱滴漏咖啡（$34）要了少練奶，咖啡滴完幾大杯，咖啡夠熱好香，加練奶飲落似拖肥糖，又帶咖啡甘味！好美！味道唔錯，價錢偏貴，店員嘅服務較粗糙，好似落單嗰個哥仔，落單全程無寫低，雖然佢無落錯，不過佢聽我講嘅過程又唔會專注聽，對眼就四圍望！另一個姨姨，上水時好大動作，所以杯內嘅水潑咗出來，拎走我嘅滴漏壺時又唔會有預令，申手來一拎就走，邊走邊叫我攪勻飲喇！問另一個後生女店員攞碗