早安越南 (已結業)

雖然娘家在天后，但一直都未試過這家越南餐廳（印象中上手都好像是越南餐廳）。今日本來有朋友想到天后吃晚飯，但臨時有事而爽約了，那時站在地鐵口等待著她的我感到無奈。。下著大霉又肚餓，唯有自己去附近找吃的，就這間吧。吃過價錢差不多的中環蔡生的pho後，立即想與其他的比較一下，於是點了個《牛丸湯河 $56》和《馬拉盞炒通菜 $67》。湯底聞到香濃味道，入口亦都清香，不過可以再重味一點，而正宗越南粉通常都會配有的湯料都欠缺有點不慣，不過當作港式越菜吃還可以。牛丸好吃，有肉汁而且口感實在，肉味亦鮮甜。可以不是通菜的季節，菜有點老，亦不夠馬拉盞香。最後勿忘了吃粉也有加一服務費。如果剛巧在天后又想吃pho的話，可以一試。

之前經過已經被店舖嘅格調吸引，門面唔算大，但好清楚見到裝修帶點復古，紅藍色作主調，啲公仔又好得意。越南冷盤，有札肉、燻蹄、牛𦟌同無骨鳳爪。牛𦟌好入味，甜甜地。燻蹄唔錯，不過每片都有粒類似黑胡椒嘅香料，一咬開就好大陣香料味。無骨鳳爪同札肉就不過不失。生牛肉湯河牛肉片唔肥，不過可能浸得耐，有啲韌。配有大量芫茜同䓤，湯幾清甜。香茅雞扒撈檬好多花生碎同炸脆粒，雞扒好大塊，連皮半煎炸，邊位好香口，係有啲硬，但肉中間係滑嫩juicy嘅。不過成個撈埋就有啲油膩另外叫左兩杯特飲熱香茅蘆薈呢個好好飲呀，香茅味唔算太濃，剛剛好，好似有少少蜜糖味，幾多蘆薈粒。一飲係有陣清香，就算係熱飲，飲落去都覺得好舒服，有少少解膩作用。三色冰呢個尚可，配料甜甜地，剩餘嘅就係一般嘅椰汁。整體幾好，食物調味都唔太重手，又幾抵食

今日放工都好晏，兩個人想食啲冇咁heavy 嘅嘢。食越南野又可以叫個粉，又可以叫啲小食。特選細拼盤，簡直係一碟滿足幾個願望，有春卷、粉包、香茅雞翼。春卷香口，粉包多餡，雞翼入味。呢個係牛肉凍檬，檬粉好彈牙，牛肉又入味，加埋啲酸汁真係開胃。呢個係海鮮沙嗲粉絲煲。原先以為係呢個煲嘅汁係滐嘅，但係嚟到就見到個汁係好似湯咁，同預期有啲唔同，仲等我哋叫咗蒜蓉包諗住點汁添。啲海鮮有海鮮味但係一啲沙嗲味都冇。個煲啲粉絲係黑粉絲，有啲似薯粉個樣，但係冇薯粉咁彈牙。最後蒜蓉包，有4件。個包反宜好好食，個包好軟熟，又有濃郁嘅蒜味，齋食都好好味。

當天中午時份, 天文台掛了三號風球。晚上約了男友到天后食飯， 當行出港鐵站時雨開始下，而且下得狠。 太大雨唯有急急腳找個地方吃晚餐。走出港鐵後大約幾分鐘路程, 一眼看到 我們二話不說就決定在此開餐。 餐廳空間感不足, 老實說和隔離枱差不多沒太多距離。 室內設計幾型, 夠時代感。餐牌印刷也靚, 令人很想打開它細看。 食物選擇由前菜、湯河、主菜、炒粉麵至飲品也有供應, 重點是價位相當合理。 $80金邊粉味道酸甜恰好,  酸甜度適中, 微辣開胃惹味。大蝦爽口美味，伴以雞蛋絲、扎肉、炸蒜片, 撈埋花生碎就令到口感豐富過來 。金邊粉沒太黏在一起，尚算干爽，好味道!   $61湯河份量十足, 河粉雖然粗幼不均， 口感滑溜。河粉上放上炸蒜片、九層塔但欠芽菜,唔夠正宗。湯底清甜, 沒太有味精，喜歡清湯的男友將它喝光。  兩款不同春卷, 錎料一樣只是春卷皮不同, 以越式春卷皮的口感較好，較香軟、鬆化。 上菜快、吃得飽, 味道也不俗; 服務合格、不停加水 人均消費 $160/位

好食濃郁酸辣海鮮湯黑粉絲2018/07/09糖水店旁邊嘅越式菜館，我同朋友計劃定先食正餐再食甜品，所以我地兩人各點咗一碗麵食，冇叫到小食。服務員有特地拎椅子比我地放手袋，店內畫滿壁畫裝飾別緻。朋友點咗生牛肉湯麵，我點咗海鮮酸辣湯底黑粉絲。生牛肉湯麵，湯底清又能同牛肉互相配合，麵幼身而掛湯。我點咗酸辣海鮮湯底黑粉絲，酸辣湯底海鮮味濃郁，第一次食黑粉絲，冇紅薯粉咗濟，但又非常掛湯，彈牙，粉絲份量多，非常飽肚。海鮮方面材料非常多，有三隻蠔，兩隻冇殼中型蝦，及蕃茄。湯底可口，海鮮汁濃，令人忍唔住口多飲兩啖，我唔係好食得辣，酸辣湯冇味辣味但海鮮汁味濃郁。有機會再黎此點應該會再點依個黑粉絲，推薦比中意海鮮又中意酸辣湯底嘅朋友，值得一試。

無錯啊 今次又係越南嘢第二次係呢度食飯 今次係同事下個月中就離職約咗我地幾個女同事一起食飯舖頭細細都坐到十零檯今次食嘅係四寶飯啊 無錯就係四寶越南西寶飯都有雞翼哈哈另外三寶不外乎都係扎肉豬頸肉果啲呢間最好嘅地方係特飲唔洗加錢 可能已經包咗😹😹叫咗杯鹹檸七 好飲😋😋埋單嘅時候同事話佢請 多謝大家幫咗佢咁多 其實係你幫咗我地咁多就真anyway 祝你前程似錦 工作順順利利 有一班好似我地一樣咁好嘅同事啦 keep touch

天氣悶熱, 仲要經常落雨, 濕漉漉咁; 最啱去食越南嘢. 早早地6點幾入到去, 仲未算係好多客人, 等嘢食時可以欣賞餐廳嘅裝潢. 樓底高, 有空間感.  牆上有大型越式掛畫, 幾靚幾有特色. 張枱紙都特別D. 天氣熱最啱食凍檬, 淋埋D越式汁碌冧! 傳統嘅扎肉手撕雞凍檬,  入面有齊甘荀絲,生菜絲, 芫茜,蔥, 炸蒜粒, 炸花生等配料, 一一齊備. 呢個碌冧真係另一個係香茅豬扒湯河,  豬扒係分開上!豬扒熱辣辣, 肉質軟嫩鬆化, 識食一定加埋D香蔥蒜一齊食! 我咃仲叫咗個細拼盤, 包括有雞翼, 粉包,兩款春卷 .當中最值得推介係呢個越式粉包.材料豐富, 味道清爽唔膩, 記得要蘸埋魚露一齊食. 

和調了team的同事聚一聚，差不多9:00pm才到餐廳，但仍然坐無虛席，星期四晚都非常旺，新式越南餐廳的裝修風格幾有玩味，給到我新鮮感！由於太肚餓，就點了越式特選大拼盤，扎肉煙韌彈牙，都幾正；炸蝦餅是最美味的，熱辣辣外皮酥脆，蝦餅肉超彈牙又重🦐味，沾了甜酸醬更好吃；蒸粉包的木耳味道很出，但我喜歡吃中式的粉果多一啲；香茅雞翼很正宗，香茅味濃烈，外皮都炸到金黄色；春卷有兩款，喜歡白色脆皮的。肉骨茶的肉汁味香濃，而排骨的肉入味又腍，湯的藥材味雖嗆，但我超愛，不過配油條吃都是第一次。越式炒金邊酸酸甜甜，比泰式的味道輕一點。食物都不錯，人客超多，下次要7:00前入坐。

住在柴灣的我時常都出去港島區的不同餐廳覓食。今晚同老公去天后條美食街「電氣道」搵食，被一間外型摩登的餐廳吸引，原來是間越南餐廳「早安越南」。裡面客似雲來，坐無虛席，幸運的我順利地找到了位置，便坐低諗下食咩。裝潢設計很有風格，星星標誌帶出越南味道。老公點了「生牛河」，脂肪分佈均勻，肉質唔鞋口，一咬即斷。湯底味濃郁但唔頸渴，調味的葉子令這碗湯河帶有越式風味。我點的是「香茅雞翼湯河」，雞翼腌得好入味，炸到皮脆，肉嫩多汁，惹味香口。河粉闊身薄皮，十分滑溜。點多個「越式冷盤」，有無骨鳳爪、薰蹄、牛展和扎肉，配上酸辣醬汁，我同老公食唔停口。好抵食的一餐，難怪坐無虛席。亦好多街坊叫外賣，各種湯河及冷盤均十分地道好味，期待下次試它的其他食品如沙爹串燒。

午餐香茅豬扒湯檬（$58）湯沒有味道，淡味如水，檬粉質地正常香茅豬扒又乾，部分豬扒仲帶酸酸地既味道，懷疑食物有點變質。香茅雞翼湯檬（$58）只得三隻雞翼，份量略嫌少。雞翼沒有香茅味。豬頸肉湯河（$58）豬頸肉也沒什麼香味，普通質數。青咖哩豬扒（$6x）透明螢光綠色的青咖哩汁。椰汁味重，同事指味道過得去，但豬扒質地乾。唯一好處，飲品選擇多，而且不用加錢，以及一點前結帳，有九折。環境算不錯，坐得舒服，唔會太迫。

本來去天后食蛋包飯, 但發覺價錢不似預期, 行下行下就見到一間裝修特別既越南餐廳, 門口冇MENU俾人參考食品種類及價錢.  唯有膽粗粗入去試一試.  入面裝修特別, 好有越南氣色.食物價錢算在天后算係親民, 尚可接受蕃茄海鮮河粉 $7X, 蕃茄味湯底, 好香好味, 同行者飲晒D湯 XD峴港酸辣海鮮黑粉絲 $77  冬蔭功湯底, 唔偏辣唔偏酸, 反而係偏甜, 亦有蕃茄味道, 不過落糖應該重手左少少, 但味道都不錯.  有兩隻青口, 帶子一粒, 急凍蝦仁兩隻, 魷魚等生牛肉河 $6X.  湯底清淡, 唔突出.  普普通通炸蝦餅還有馬拉盞炒通菜, 份量足夠天后有好多食巿, 但成日都揀唔落手, 今次算係有少少突破, 可以一試**後話, 見到有人話服務態度有待改進.  今次服務正常, 放低湯河有叮囑客人小心湯熱, 沒有黑面情況

禮拜六同MR.C行過呢邊，講咗好耐話要試下，見唔洗排隊，就入去啦！每次試一間新越南餐廳，一定要試佢既越南粉，先知佢夠唔夠正宗。所以我同MR.C都一人一碗生牛肉金邊粉。生牛肉金邊粉 $64 （叫咗兩碗，一碗走青一碗正常）我哋兩個都覺得呢碗粉，粉既分量多得很。我就食極都食唔曬。但係牛肉既分量/質量就比較遜色。每塊牛肉比較簿同細塊。冇乜口感。牛肉湯感覺都唔係肴咗好耐嗰种湯底。。另外返到屋企夜晚都比較口渴，可能多味精。越式特選細拼盤 $88 - 春卷，雞翼，蒸粉包好笑既係，落單個時，我同MR.C仲響都諗，3選2，邊款小食好呢？但原來係3樣都有架！ $88有3款，好抵喔！春卷- 味道同我想象有出入。裏面係好似有蘿蔔絲？唔太清楚。但係勝在夠新鮮。熱辣辣！配魚露，開胃！雞翼- 比較瘦，都夠熱。但係唔夠肥美。蒸粉包 - 又係同我想象有出入。裏面有蝦！蒜蓉炒貴妃苗 $73本身Ｍr. C唔知咩係貴妃苗，個好有禮貌既女侍應就話有啲似芽菜。不過我知道我食過，OK既。所以就俾MR.C試下啦。炒得都唔錯。我覺得呢間越南餐廳近近地屋企都可以接受，而且價錢比較大衆。但係如果真係想要啲正宗啲既越南粉，我諗都係要去返銅鑼

裝修好有特式既小店，餐牌餐紙設計好有風格。我叫左個豬頸肉凍濛同蒸粉包，兩樣都好好味。好少食粉包，個皮夠薄，入面有蝦，好足料，配埋個酸甜醬汁，我比10分！凍濛份量好足，食晒一碗女仔朲講夠晒飽，豬頸肉燒得超香，夠大塊又多，食得好滋味。加上服務都好好，同朋友不斷傾計，侍應不停加水，坐得好舒服，會再光臨試多啲！

去食越南菜，必點生牛肉河，這間湯底不錯，牛肉幾好食。不過喜歡加小辣招和青檸汁的客人，就要主動問店員先會提供，這點有些奇怪。（因為其他餐廳平時點這種湯粉，都會一拼上菜時比埋）。另外喜歡餐廳整體環境偏向安靜，這點對我來說尢其重要。

因與朋友在附近上完堂，所以來到了這間餐廳試試。我來的時後也差不多滿座，幸好剛剛有張台我點了一個咖哩牛腩湯河，很快做已經來到。咖啡湯底十分濃郁而且不太辣牛腩有很多，而且十分大件我忍不住把湯也喝了因為看見隔離台點了蒜蓉牛油雞翼，賣相好像十分好吃。所以我們也點了一份試試。蒜蓉牛油雞翼果然炸得十分香脆，而且有很多炸蒜，十分惹味。最後我搶了三件吃，朋友只有一件這間餐廳性價比十分高，而且十分出色。下次會再來試試其他食物