明德清湯腩

营业中

休息中

是日在長沙灣整完眼鏡，又要過嚟荔枝角工廈換禮品，諗住慳番程車錢，索性行一個站返美孚，並順路睇睇有咩好食，食埋先返屋企。就晌附近路經「明德清湯腩」，但唔喺清湯腩吸引小弟入去，而喺寫住咩「正宗巴基斯坦咖喱」吸引咗我入去試試。 餐廳屬小店格局，由於疫情關係，成間餐廳都樹咗好多白膠板做阻隔，好似啲十八羅漢迷暈陣咁，好搞笑。都有幾多街坊幫襯，小弟一條友就梗喺拍埋牆，搵個自閉位啦！餐牌面頁就寫到明佢哋嘅主打：秘製清湯牛腩、正宗巴基斯坦咖喱、正宗潮汕手打牛丸，翻關內頁，除上述主打，就仲有啲中西式碟頭飯、各式各樣湯粉麵、蕃茄濃湯粉麵、特色小食，而飲品又提供有加配優惠價。另外，見佢哋有個獨立嘅燒味飯菜牌，應該喺新加嘅，相信喺增加多一點外賣客源，尤其附近工廠客多。所有餐具、紙巾、基本調味料就放晌枱旁，全開放式，個人建議，攞杯熱水洗洗衛生啲！蜆蚧鯪魚球 $35因為太耐無食過喇，所以，貪口痕點咗一客。絕對喺鮮炸嘅，因為，一送到上枱就聞到陣陣香味，咬落去好熨口，但卻非常甘香，質感彈牙到不得了，沾點蜆蚧，鹹鮮味更昇華。咖喱三寶飯 $53港式咖喱、日式咖喱、印度咖喱就食得多，印象中，巴基斯坦咖喱就好似無乜食過，就算

餐廳裝修簡單， 小店滿滿人情味，價錢親民， 十分欣賞。清湯牛腩撈粗麵$43牛腩份量十足 ，用上長時間慢慢烹調， 輕輕已經可以咬開， 軟稔入味， 牛味香濃， 跟配粗麵， 十分搭配，風味一流。蕃茄豬潤牛肉湯飯$46嫩滑豬潤、牛肉浸泡在蕃茄濃湯裏，特別清新美味， 湯底還有滿滿的新鮮蕃茄蓉， 酸酸 甜甜， 配上湯飯， 炎炎夏日，令人胃口大開， 不消一會， 通通吃光了。蜆蚧鯪魚球$35 鯪魚球外皮炸到金黃色， 熱辣辣， 香噴噴， 令人垂涎，口感彈牙 ，不覺油膩 ，沾上蜆蚧汁， 鮮味提升，十分惹味，令人想一吃再吃。 酥炸雲吞$30 酥炸雲吞即叫即製 ，炸到金黃色， 十分吸引， 每粒填滿蝦粒和肉碎， 脹卜卜， 好飽滿， 大口咬下 ， 酥脆可口 ， 再沾上甜酸醬， 令人停不了口。炸魚皮$18 炸魚皮份量十足， 入口卜卜脆， 沒有油膩感， 送酒一流。自家製梅子蜂蜜(跟餐)$12自家製梅子蜂蜜， 先用匙羹 將梅子叉開， 更加出味，入口鹹鹹酸酸， 配上蜂蜜，十分 滋潤喉嚨， 食多啲炸物也不 不用怕了。

今日收工同老公嚟荔枝角搵食，行行下見到這間「明德清湯腩」，見門面幾光猛，店面乾淨企理，加上都有一排無食過清湯腩，就提議入去找個位置坐下來。餐廳地方不大，店內裝潢很簡單，是典型麵店格局。左手邊以方檯為主，而右手邊就放了三張圓桌，牆身上貼滿寫了菜式名字的紙牌，項目簡潔，清晰易明。先細心研究一下餐牌，原來除了主打嘅清湯腩之外，餐廳還有巴基斯坦咖喱、蕃茄濃湯、潮州粉麵、中西式飯、小食及冷熱飲品等供應。既然餐廳標榜自己係「清湯腩大王」，首選當然是店舖嘅馳名清湯腩 ($74)，另外再加點咗鹽香雞同雲吞撈麵。牛腩勁大碟，炆得非常入味，肉質有彈性，入口爽中帶腍滑。墊底的蘿蔔亦有水準，夠清甜，食落完全無渣。接著送上的鹽香雞 ($56)  賣相亦非常吸引，雞皮黃澄澄，很能勾起人食慾。挾起一件品嚐，雞肉肥瘦適中，肉質非常嫩滑，而且食落還帶一絲雞香，吃時可蘸少許薑蓉上面，更加醒胃惹味。鮮蝦雲吞撈麵 ($38)  沒想到這客撈麵嘅碟頭會咁大，估計用上了兩個麵底，分量十足。吃一口，麵條分明，麵質爽口彈牙，沒有梘水味。雲吞水準亦唔錯，外皮夠薄，紮實形靚。據店員稱，雲吞是店舖每日新鮮自家包製，入面嘅蝦肉好大粒，食落爽

🍴秘製清湯牛腩拼牛筋河 HK$46湯底清甜，胡椒味好香，一d都唔單調，加少少辣椒油無得彈。牛腩軟腍入味，牛筋滑溜彈牙。白蘿蔔有兩大舊，有少少渣，但好腍好入味。入河粉都唔錯，唔易斷。🍴咖喱五寶飯 HK$65咖喱係巴基斯坦咖喱，用上大量洋葱煮成，寧舍香甜，比日式咖喱ge甜味更自然，唔算好辣，撈飯一流。五寶有牛腩、牛筋、牛脷、牛肚、牛尾。牛脷入口即融，唔係講笑。牛肚係金錢肚，夠腍。牛尾肉味濃，同時帶有脂肪同牛骨香味。🍴鹽香雞 HK$56雞肉肥美嫩滑，略帶鹹香，雞油足，本身已經好香，唔洗加薑蓉都好好味，估唔到清湯腩專門店都食到如此好雞。🍴芥蘭 HK$13爽脆，無苦味。🍴凍奶茶（跟餐） HK$10茶底夠濃，奶唔會過多，岩我口味，正過好多茶記。📍明德清湯腩長沙灣青山道524號地舖

黃雨之下，來到這裡避雨，順道食個午飯，這裡雖然沒有光鮮的裝潢，但擁有的是熱情有禮的招待。牛腩及咖哩是這裡的皇牌，另有多款粉麵小食及燒味提供，價錢經濟又實惠。點了招牌清湯腩粗麵及清湯牛肚幼麵，份量十足，清湯腩肥瘦適中，牛肚牛腩都炆得入味軟腍，湯底清甜而有陣陣的牛香味，連配底的白蘿蔔都十分清甜，配上少許辣椒油更可味道提升。這裡的咖哩都是店主推介，是正宗的巴基斯坦咖哩，所以點了一客咖哩魚旦來試，巴基斯坦的咖哩顏色比較深，用了很多香料來煮製，香口得來又不會太辣。還點了一個家鄉煎鯪魚餅，煎得薄身，香脆金黃，簡單配上豉油已很好味。

與朋友到荔枝角「香工」辦點事，事後往長沙灣方向走時，路過這一家打着旗號賣清湯腩的小店，除了清湯腩，還有潮州粉麵、巴基斯坦咖喱，二人就好奇內進一試，且外，更支持一下小店。如大部的港式粉麵店格局，一張一張小枱，簡單裝修，牆上貼上各式各樣菜式名字。由於疫情，眼見店內的防疫措施都做了不少。翻一翻餐牌，原本又確是有很多選擇，如主打的清湯腩，還有多款碟頭飯、巴基斯坦咖喱、湯粉麵、蕃茄濃湯系列、小食及冷熱飲品，真是非一般粉麵店。很多粉麵店都有供應炸魚皮（$18），若非用上劣質的油，一般炸魚皮也差不到那裡。而魚皮放得一碟滿滿，入口酥脆，口感不油膩，做得不俗。其實有牛三寶及牛五寶飯，原本亦打算選五寶，但是晚牛尾賣完，轉而選擇了「咖喱牛三寶飯」（$53），分別包含了牛腩、牛舌、牛肚，更滿滿得浸在咖喱汁裡面。巴基斯坦咖喱有點港式的味道，微辣卻不嗆喉，而各部份口感各異，各有個性，都非常好吃，再者，份量十足啊。友人很想吃牛筋，所以，就算沒有牛尾，也堅持點選「清湯牛五寶飯」（$59），老闆娘就特別加多一點牛筋給他。份量真的不得了，友人說單吃整碗五寶已很飽了，故白飯也剩下了半碗來。雖然是清湯，不會淡無味，牛筋很腍滑

在香港，四處都是清湯腩專門店，新開的明德也一樣。人流駱驛不絕，這家清湯牛腩有什麼特別？第一點我相信是價錢，湯粉類全部都是4字頭以下，非常抵吃。而招牌的巴基斯坦咖哩牛腩飯，也不過是$51隔板圍得很齊全，每桌基本上只能坐2人，一定不會違反限聚令食物：牛脷 雞 雙拼米粉$35+10加十元的雙拼？太搶錢了！一上桌就恍然大悟，原來是雙拼的餸份量，光是厚切牛脷就足足有八塊，而且非常肥美，入口軟滑稔嫩，正！雞的份量適中，是次給了翼位，也是香滑，而切雞配米粉是永恆不敗的秘訣！米粉也最少有兩個，算是非常慷慨！只是湯底的味道太濃郁而已巴基斯坦咖哩牛腩$80值！番茄，洋蔥，肉豆蔻，薑黃，辣椒粉等全部齊備，醬料味道濃郁亦很有巴基風範，份量多得把牛腩完全掩蓋！甜中帶辣，些微番茄酸味解膩，很正！如果可以更辣就好清湯蘿蔔$16六大塊蘿蔔清甜無比，雖然有少量渣，但以他們的巨型份量來說，絕對便宜得沒話說！清湯雲吞$30蝦跟豬肉的比例剛好，口感爽脆，外皮很薄，不過湯底的味道太濃郁，有點把雲吞的味道搶過去了以性價比來說絕對便宜得沒話說，下次來試試他們的飯吧

今日去咗長沙灣，食晏時間經過呢間清湯腩，睇落幾啱我胃口，決定入去試吓。鍾意食清湯腩，但係如果自己煮難道好高又複雜，需要時間又好長，所以今日就決定利用呢個機會淨食清湯腩，不加飯或麵😆見到有「馳名清湯腩例牌」$74，諗住叫呢個，但係又見到有「富貴金錢肚」我都想食，咁就問店員姐姐可否雙拼，佢話OK喎😁好快「馳名清湯腩➕富貴金錢肚雙拼」就嚟到，滿滿嘅一大碟，上邊仲灑上蔥花，賣相好得好吸引😍食件牛腩先，煮得非常軟熟，好香又好好牛味，肉質鮮嫩兼味道調校得好好；金錢肚就幾有咬頭，應該亦係炆煮咗好耐，非常入味。牛腩牛肚下邊係白蘿蔔薦底，白蘿蔔煮得好嫩好腍好甜，仲吸收咗牛腩清湯嘅精華，非常惹味😋仲叫咗杯鹹檸七，大熱天時飲清涼解渴。呢餐係高質清湯腩加金錢肚，食得開心滿意😋

放工係附近食埋野先回家，附近有間清湯腩，午飯時段都好多客人，留晚餐時段來，唔使迫，舒服嘆個晚餐。清湯牛三寶飯  $48 (牛腩，牛肚，牛脷)，我轉左河粉。雖然係清湯，唔好睇色水好似好淡，食落就知味道清香濃郁，有牛同香料的味道，十分誘人。牛腩份量足夠，有4-5件，肉質鬆化，牛味濃郁，而且很清爽唔會膩。牛肚有彈性，煮得軟腍易咬，亦都做得乾淨無異味，仲吸哂湯汁的清香。牛脷份量頗多，厚身有肉感，口感亦不似平時的牛脷般硬，燜至腍身且入味，肉質細膩，肉味濃郁。另外，也很喜歡蘿蔔，超清甜入味，仲要無渣，下次要點個蘿蔔豬紅食。炸雲吞 $30一份有六粒，即叫即炸熱辣辣，雲吞皮非常鬆脆，餡料豐富且每粒都有蝦肉，好爽彈好味。自家製梅子蜂蜜，跟餐凍飲 $12比較少見的特飲，用醃製梅子加蜂蜜，酸酸甜甜好開胃又解膩，蜜糖仲好滋潤。

今日黎左荔枝角睇傢私，睇到肚餓嚕，一落樓就見到哩間茶餐，標榜巴基斯坦咖哩☺️☺️好似好正呀，好耐無食咖哩啦，就食您啦🤪🤪▪️嗌左牛根牛肚巴基斯坦咖哩飯，咖哩飯的確有異國風味，巴基斯坦顏色較深，因為多香料，香口得嚟唔太辣，好易入口，牛肚爽口重牛味，吸收哂咖哩既精華，牛筋份量都不少，煮到又軟又入味😚整體出乎預料，又抵又好食😋▪️蕃茄豬潤米線，估唔到惹味爽嫩的豬潤可以係度食到，配以清甜鮮蕃茄湯底，全部都係工夫，一問之下先知原來每日去街市新鮮選購😍▪️鹽香雞，好似鹽焗雞既雞肉滑一滑😋 juicy又美味嘅雞，色澤微黃，皮脆肉嫩，配上大量嘅姜蓉，好吃喔😋😋▪️黑白胡椒牛尾湯，份量好多，牛尾數量有五六舊，底部有蘿蔔，好足料，牛尾肉質爽口彈牙，帶有膠質既黑白胡椒煨牛尾，飲落好濃郁既牛肉味，超正，又有益喎。▪️麻辣牛舌，凉拌麻辣牛舌好爽口，軟滑腍身，厚切好有口感，高質😍

—————-其實呢區好多好嘢食，差不多咩類型嘅食物都有，所以時不時間中也會係呢區食下飯，而且價錢又平又好食😋😊——————🟩午餐食得好飽，所以今晩既晚餐我食一碗剩魚餃就算，而且🐠是我的至愛🤣——————🟧🐠剩食湯魚皮餃：皮滑有口感，魚皮餃鮮甜，大大粒，配有生菜湯底，清甜，全無味精的感覺😚——————-🟪🐂牛五寶湯米：五款牛👍👍👍👍👍牛筋、牛腩、牛尾、牛肚、牛脷😋大碗、抵食、好食1-炆得夠焾的牛筋又爽又滑2-牛腩炆得夠腍咬落肉嫩滑3-牛尾又腍食落又帶一點筋 帶點筋又爽又甜又有口惑4-牛肚炇得剛剛好又夠火喉5-牛脷又爽又甜咬落又夠嫩米線滑、清湯鮮甜😋😇—————-🟥自家製香雞🐔：香噴噴、滑溜溜、又香又滑又鮮嫩的雞肉，肉質甜，嫩嫩的肉，夾著薑蓉啖啖咬落去的香嫩😋😋😋😋😋——————檸檬🍋茶：食完嘆反杯檸茶———————開心🥳⋯⋯簡單

清湯牛腩、咖喱牛腩，兩樣都想吃！兩款牛腩，一濃一淡，各有特色。清湯牛腩可以吃到牛腩的鮮味，咖喱牛腩則可以吃到牛腩的惹味。這間粉麵店除了有粉麵，還有飯、小食等供應，當中的清湯牛腩和巴基斯坦咖喱牛腩更是店內主打。秘制清湯牛腩河（HK$36）👍👍👍👍這碗秘制清湯牛腩河的份量剛好，清湯腩比起柱候牛腩清香鮮甜，牛腩入口稔滑，牛味重，香而不膩，只是略瘦。蘿蔔炆得剛好，清甜又多汁。金牌咖喱薯仔牛腩飯(HK$51）👍👍👍👍這裏的咖喱是巴基斯坦咖喱，顏色也比較深。咖喱口感綿密，味道濃郁並帶有濃厚的肉香，大量的洋葱蓉豐富了醬汁的香氣。牛腩有嚼口，薯仔炆至入口即化，咖喱醬汁配合白飯就最適合不過。麻辣牛肚（HK$26)👍👍👍👍牛肚用了金錢肚的部位，入口爽彈，配上麻辣的香料，第一口是香麻，隨著是滷水的香，最後是牛肚的肉味。蘿蔔拼豬紅（HK$21)👍👍👍👍大大件清甜的清湯蘿蔔，還有軟滑的豬紅，喜歡加點辣的，可以加點潮洲辣椒醬就更惹味。咸檸七/龍鳳檸樂（+$12)👍👍👍👍Storefront Interior Menu

今日好開心有老豆來接我放工，話媽咪約左朋友唔煮飯我地兩人食喎， 難得兩父女撐枱腳咁就緊係食老豆最愛的清湯腩啦。之前返工同事曾經買過外賣清湯牛腩湯河比我食，我覺得唔錯老豆應該會喜歡就決定同佢去堂食一次。一座低侍應已經好熱情問我地想食咩，咁我一口氣叫左 清湯牛肚河，清湯牛孖筋河，沙薑雞（例）和 馳名清湯腩（例）。先講呢到最出名的清湯腩， 肥瘦適中，炆得好腍夠味 ， 只要點一點辣椒油就仲正，配底的羅白仲更加正，因吸收哂d湯汁夠哂甜。沙薑雞就醬汁香濃，雞肉夠滑，生菜配底幾特別，而牛肚和牛筋都唔錯。今次叫唔到豬手，下次來一定要叫。

咁啱經過同frd食咗一碗牛腩河，雞扒飯同鯪魚球，不得不說鯪魚球真係驚豔到我！！！！！啱啱炸起好香脆，又好彈牙，鮮味十足，食落去都好香口，加蜆介食超好味！！！！！！牛腩都好好味，蘿蔔好入味。推介尼間粉麵店，食物有水準，誠意製作，店員熱情有禮。推介牛腩河同鯪魚球，牛腩炆得入味，軟林林又有膠質。湯底淡啡色，聞落有牛香，一嘗湯汁，係清淡之餘，又有濃郁既牛香而唔肥膩。真係幾好食！！！！！！！下次經過會再食。

蕃茄湯真材實料 其他地方都係有加雜其他野 但呢間無 各位可以試試咖哩食得都多都唔苦 口水雞 辣味都適中 拎嚟送飯不錯好似係個老板自己下廚 唯獨是係因為好多外賣 就等餐時間有啲耐