明明車仔麵專門店 (軒尼詩道) (已搬遷) 新店位置

出發前往灣仔會展美食博覽前，為免在場內等候太久而餓壞肚皮，決定在灣仔覓食。經過這間車仔麵裝修得很有懷舊特色，而且店內客人不少，故沒有多作考慮便進店了。麵類選擇應有盡有，餸菜的選擇也不少，四餸$42，在灣仔區來說，價錢合理。而且可散叫菜類和炸魚皮，那車仔麵的四餸便可試更多種類。炸魚皮先到，不須浸湯已有味，而如需浸湯，謹記不要太久，否則很快腍。腐乳通菜很翠綠，沒有渣，而且腐乳醬也很好味，通菜無論浸湯吃，還是蘸腐乳醬吃也很不錯。友人點的四餸是豬皮、蠔皇花菇、魚旦和豬大腸，湯底加上辣醬和沙爹。豬皮比較硬身，不太入味，花菇味道則不錯。我點的四餸是：豬大腸、蘿蔔、瑞士雞翼和牛根。牛根很腍，而且有五六件以上，也有腩汁味。豬大腸份量也不少，而且清洗得也比較乾淨，吃起來沒有臭羶味。蘿蔔的尺寸也很大，佔了車仔麵碗面積接近二分一，但也沒有渣，很清甜瑞士雞翼則跟外面吃到的差不多，沒太大特別。而油麵是我較喜歡的幼身油麵，不會因浸太久而變糊。

黎到灣仔區，食餐好嘅可以好貴，但可惜本人只係一個窮jj，所以選擇左一間新開、喺轉角位嘅車仔麵店，名為:明明車仔麵，點知又幾好喎同一般車仔麵店無異，都係有多款餸、麵揀，但較為特別嘅係: 除左一般嘅丸呀蘿蔔揀之外，竟然仲有蒜辣雞翼尖令唔食得辣嘅我都頓時心動最後，本人點左至愛嘅蘿蔔(有三舊係咁喇！), 雞翼尖同魚皮餃仲叫多左碟腐乳通菜。留意番，嗌菜都有得揀番要咩醬汁！雖然個麵唔算多，都係夠飽嫁！整體而言，鋪頭雖然唔大，但坐得比其他車仔麵檔舒服同乾淨衛生，服務都算殷勤

間間食店午時都忙, 呢間可能D野食特別矜貴, 中午12點打去叫外賣, 隔3條街, 下午1點3都未送到, 打去3催4請, 如果送唔到可以直接話唔做, 唔係要D客咁樣等

Not bad! You can choose various toppings. Fair price. Got two different bowls but both cart noodles.Fish dumpling is okay but the crab ball is great! Curry sauce could be a bit heavier but it's not bad.The spicy sauce is actually spicy so it's a pleasant surprise!!! I would recommend seaweed to go with the noodles.

車仔麵絕對是香港特色美食, 自選粉麵/醬汁及配料, 多種配搭, 一般要點3-4種餸麵灣仔區早陣子開了一間車仔麵店, 有70年代懷舊式設計, 不過今次點了外賣, 感受不了店內氣氛選擇方面, 粉麵有8款配料選擇多, 部分更是較為特別, 醬汁更不是腩汁而已, 還有沙嗲, 格價- 3餸麵$35；4餸麵$40. 墨魚卷/魚餃/特制酸菜+烏冬(沙嗲) $35先喝一啖湯, 酸帶點少辣, 相信是特制酸菜的關係吧, 酸菜份量多, 不會因為放在湯太久而令酸菜的味道流失沙嗲醬沒有與湯底混上, 充滿花生沙嗲香, 增加後更滋味墨魚卷味道濃, 內藏一粒粒墨魚粒有口感整體味道不錯, 一定會再來捧場

光顧這店3至4次，一個人去，多在平日中午12:30 左右，平白這是超煩忙時段，但店內的位置太小太迫，坐到一半，多數被那個又兇又無禮貌的中年短髮女人調去坐一些單丁路口位置，去讓給那些有2至數位的客人，但是對待相熟的單丁客完全不是這樣，一個人去食嘢就有如此待遇？真係唔公平，其實此店食物不差，有這個惡女人在，實在趕客，平價小店都可以做好D，隨左食物質素，待客之道都很重要，不應只往錢看。食物的味道及質素是可以的，材料尚算新鮮，推介貢丸，魚皮餃，齋十分入味，湯底濃淡適中。

還記得舊式的電車是怎樣嗎？我是超喜歡坐電車的人，差不多每一天在香港島來來往往都會乘坐電車，就是喜歡這種懷舊的感覺，喜歡在慢慢的速度，享受着微微的涼風，欣賞着五光十色的街景，我就是這樣的一個人，暗地裡其實不太享受生活在太繁華的都市~這小店開了不久已經吸引着我，原因大概是因為它的裝修有着一份懷舊感覺，它的大門和外牆就是用了懷舊電車的綠色，這天我就這樣走進去吃他們的車仔麵。店內的裝修簡單，有開放式的廚房，放着大概五張四人枱，初一十五吃素的我，最方便醫肚就是吃車仔麵，因為他們的數十款的餸菜中必定有三款素菜给我選擇。任選三餸一麵＄35，任選四餸一麵＄40，還有大雜麵$45包括豬紅豬皮豬腸籮白魚蛋花菇。他們的選擇也真多，菜類有四款，唐生菜、通菜、菜心、韭菜；麵類有八款，米線、米粉、河粉、公仔麵、油麵、幼麵、粗麵、烏冬；醬汁有腩汁、咖喱、沙嗲、辣醬；餸菜差不多有40款，肉類有魚蛋、魚肉、魚片頭、魚皮餃、炸魚皮、紅腸、芝士腸、豬紅、豬皮、豬大腸、滷水豬腩、雞腎、雞翼、雞翼尖、牛丸、牛筋、牛腩、蟹子丸、墨魚丸、墨魚卷、魷魚、等⋯；而素菜亦有不少，蠔皇花菇、糖心滷蛋、甜酸齋、蠔油齋、豆卜、籮白、通菜、生菜

灣仔對我嚟講，意義重大!曾經，係呢度打滾過，笑過喊過!這日，舊地重遊，中午一個人去左位處克街的「明明」食碗車仔麵。豆漿（+$8）係外來貨，豆味濃郁，質感濃稠，唔錯唔錯!車仔麵三餸一麵收$35，麵我揀左米線，餸就要了大路的豬紅、魚片頭和魚皮餃，好食之餘，水準又有保證，湯底要了腩汁。米線淥得剛好，爽滑且咬口十足。腩汁味道剛好又不太鹹，再加上少許辣汁，十分過癮。不過，小店用濶口淺底的公雞碗，吃起來不太方便。

當晚在會展看完SHOW差唔多12點行返去搭車中途有少少餓, 附近食店大多都收店了咁岩見到呢間新開既車仔面仲未收(凌晨1點先收)於是入去叫左個三"食送"面($35), 順便試下水準如何。由於新開冇耐，環境睇落都唔錯，都仲係乾淨既。入到去人都算多, 差唔多爆晒約20位食客唔知係咪因為廚房得兩個人做我碗面等左起碼有15至20分鐘.....的確比一般車仔面店耐不知道繁忙時間要唔要等咁耐...等左咁耐, 終於有得食了~三"食送"面：豬紅，蘿白，魚片頭＋米線湯底：我簡了腩汁，好夠味，個湯底唔錯，唔似一般魚蛋粉食既果種腩汁味米線：比較淋身，如果係再彈口少少會好食Ｄ，女仔食就岩岩好，男仔可能會覺得少左Ｄ豬紅：普通貨色既豬紅，比較鞋，不會過不會沒味道，有少少腥，同出面其他車仔面食到既差唔多（如果要吃類似榮記那種就一定不是了)蘿白：有少少甜味，但太過淋了，有點粉。。。魚片頭：都係普通貨色，不過冇乜雪藏味都OK既，係唔知點解唔夠熱，可能煮得唔夠時候。。。所以基本上都係一碗好普通既車仔面，但不至於難食，有待改進啊係唯獨等上菜既時間太耐！趕時間就一定唔簡呢間了同埋老闆有親自落場，見佢對客人既態度都很好～至少呢樣

新開店兩個月左右吧路過，就光顧呢⋯⋯想不到😋😋魚片頭：厚切，彈牙；牛筋，入味林軟蒜辣雞翼尖，不要被外表騙了，以為無料到⋯⋯辣的餘韻在口腔徘徊👍🏻👍🏻灣仔旺區樽裝汽水八蚊枝，抵😬

公司樓下開左間車仔面檔。係灣仔呢個咁貴甜地段開食店的確好難，重要開係大馬路的轉角位，鋪租的確唔少野。開左無幾耐已經好多人排哂隊去食，一於去試試佢！1點鐘去排隊，已經有幾款材料Sold Out，睇黎生意都唔錯。排隊都掛左15分鐘左右先入到座我就叫左豬大腸丶蘿白同埋五香牛腩，配個沙嗲湯底既米線。豬大腸好入味，而且好乾淨，絕對唔會有電影「食神」入面個D「豬大腸重有舊X....」哈哈。味道幾好，而且唔會肥膩的感覺。五香牛腩就煮得夠哂腍，又少少咬口得黎都做到入口即溶的感覺，小小膠質的感覺有點痴口，唔錯！蘿白超甜，店家都好豪氣咁切左蘿白的表層，保証入口唔會有渣，而且又腍又甜，好味！沙嗲湯底味道算正常，反而鍾意同事辣醬湯底，唔算太辣得黎又幾香，可以一試。35蚊一碗車仔面可能有少少貴，但係香港地租金咁貴，我認為呢間車仔面絕對冇收貴班客，唔錯唔錯！

不知怎解，小妹在灣仔的飲食經歷都不太好，今天又碰巧到灣仔吃飯，見很久也沒有吃過車仔麵，就試試這家吧！店不大，每個座位也很小，無法，又拜香港尺金寸土所鍚。 價錢都不算貴。 牛筋腩、墨魚巻、鹵蛋和豬大腸米粉，牛筋腩很碎，肉質不夠滑，味道還可以；墨魚巻口感有點實，墨魚味道不出；鹵蛋的流心蛋黃，唯獨這個不錯；豬大腸又黑又瘦，沒有口感；米粉又很硬，唉..... 炸魚皮味道ＯＫ，不過份量不算多。 這個質素的車仔麵，真的好麻麻，論及好的車仔麵，小妹真的很掛念太安樓的.....

本身好鍾意食車仔麵，見到新開，門面裝修幾有特色，$35三餸麵、$40四餸麵，價錢合理，就入去試下。麵同餸既種類算多，仲有四種不同醬汁加配。我同朋友都係叫三餸麵，我揀左豬紅、豬腸、墨魚卷米線(沙爹汁)，朋友就叫左豬紅、五香牛腩、瑞士雞翼油麵(腩汁)。上麵既速度算快，餸既份量算正常，但麵既份量太少，一個正常男士應該唔夠飽。我同朋友坐響一張由兩張二人枱泊埋既枱，我地坐左一邊，另一張枱無人。岩岩影完張相，放低電話，一個waiter忽然拉開另一邊枱，另一個waiter就同一時間拎起我朋友碗麵！結果，我放響枱面部電話跌左落地！原來門口有一班人，佢想泊枱比佢地，又想我地調枱。其實調枱我真係無所謂，我都係食個晏啫，唔係想阻你做生意，但係點解你唔可以先問一聲、通知我一聲先呢？個電話比人整跌左，魂都未定，兩碗麵已經比人搬左去隔離枱了。至於食物既味道，個墨魚卷都幾好味，其他就好一般，豬紅算滑但唔夠味，豬腸亦不夠入味。失望。

放工奉命和同事去灣仔聽個講座，係英皇金融中心附近，就係周圍揾下有咩好食，醫左肚先去。唔想食得太貴，但唔想食連鎖，猶豫之際，見到克街街頭新開左間車仔麵，幾抵食，二話不說，入去坐低食返碗。店子不大，設計簡單，吸弔之處係好抵食。三餸車仔麵只係$35蚊，四餸都不過$40蚊，灣仔黎講算係好抵食。餸選擇唔算多，大路的都有，每款都係$8-$10蚊，加埋都係二十零三十蚊。我地2個人，各點左個3餸車仔麵。上枱速度幾快，湯底没有特別，而且偏淡。點的三餸是豬紅、大腸及魚腐，大腸幾稔，但整體未見突出。朋友點河粉三餸，但只上了兩餸，牛腩要另上。牛腩及雞翼不錯，很入味，但蟹子丸就正常水準。小店雖然汲有驚為天人的味道，但味道都平均，經過不妨一試。