星廚 (已結業)

如果說九龍太子一帶的飲食地圖，分為酒吧街、連鎖店與個性小店3個部分，今日幫襯嘅西餐廳，就絕對屬於後者。太子近荔枝角道，有多間個性小店，呢間開業無耐，原店由長沙灣遷址至此，老闆推介咗佢地兩大精選招牌菜:慢煑牛肋骨和烤焗鹹豬手，我諗一諗10月德國啤酒節就話食豬手飲啤酒啫，估唔到呢度都有！？老闆笑笑口答:酒牌仲申請緊，所以啤酒暫欠奉，不過豬手就可以即刻整比客人，咁有誠意，點都要試！等咗10分鐘。烤焗鹹豬手配酸椰菜上枱，嘩！用木版盛載嘅豬手有我塊面咁大！金黃脆皮香氣樸鼻，加埋3種醬汁、酸菜、配菜，賣相同德國餐廳有得揮！緊係相機食先！好嘞！影完相切開睇過……好脆喎塊豬手皮，咬啖咬啖再食肉，又幾鬼外脆內嫩，肉質起絲，有圖有真相……3種醬汁由淡至濃試下……燒汁、黑醋汁、芥辣，個人認為都係芥辣最夾。有D人就鍾意用燒汁淋面，或加在意粉上，計我話豬手咁大隻，食得完已是壯舉！食到咁上下……老闆話呢度D意大利奶凍都唔錯架，咁就要點一客啦！哈！心型奶凍由濃厚忌廉打成，不似外面只係用奶同魚膠粉，口感又的確好滑，加上拌碟士多啤梨醬，好味！

叫左個午餐，燒汁牛脷飯，$39 包餐湯、熱飲同雪糕，樣樣都好味，連杯檸水都完全冇苦澀味，糖都唔洗落，by the way 是日餐湯係南瓜湯，雪糕係曲奇味😋我阿媽食 煙肉忌廉燴意粉，佢話個味道唔錯，同Super Sandwiches D味道差不多，個湯好味，杯咖啡都唔錯，咁嘅價錢算係超值👍🏻

剛巧行经上址見到星厨招牌。記得以前在青山道光顅過。走進去食一個咖哩牛腩午餐。味道與價錢以前一樣不变。保持水準。因時間怱怱，不能嘗試其它食物。稍後與朋友再來食晚餐。