星廚 (已結業)

同個大食朋友去太子食一間華而不實嘅西餐廳，之前食過呢間餐廳嘅豬手好味到不得了，今次介紹佢來識其他菜式餐廳環境保持住八九十年代的風味，餐枱布及沙發椅都係以皮作為主題梗係整返個餐湯先啦呢度嘅蘑菇湯好傑身，食得出粒粒好微細嘅磨菇粒，好味白酒煮蜆非常欣賞餐廳的份量，煮蜆中加入左九層塔嘅香味，蜆肉大大粒，酒味亦都好香濃原條煮牛肋骨套餐牛肋骨經過慢火煮熟，牛肋骨非常鬆軟，肉係一絲絲咁樣好林好入味，牛味極濃，值得推薦，仲要配埋意粉，我個大食朋友都話正！甜品又點少得叫我最鍾意嘅焦糖燉蛋，外面嗰層焦糖好脆皮，再配埋燉蛋嘅香味好match

本人係一個飢不擇食嘅人近排唔知點解好想食下人哋所講嘅好餐廳。經常經過呢間餐廳真係好肚餓就試吓。餐牌冇咩揀就試吓第一個（西式食豬扒飯）。 豬扒雞扒港式茶餐廳基本餐牌應該唔會揀錯。送咗個湯蘑菇忌廉湯飲咗兩啖，諗緊味道一般放低左冇飲。就係呢個時候豬扒飯就到左一望唔理咁多就食因為我唔係太鍾意電話食先嘅習慣。 以下係重點評論豬扒冇豬扒味，唔緊要醬汁撈飯都得架嘛點知啲汁唔知係咩汁都唔緊要食白飯點知冇飯味真係好肚餓。我嘗試遊說自己繼續食少少咁樣食。隔離枱個（靚女）望住我佢心諗呢個男仔成條女咁慢慢食。我心諗繼續玩你個電話啦唔好再望吓。最後我放棄咗因為見到好多油。我見到杯咖啡未到就周圍望吓見到啱你個男仔食緊嗰個粉紅色嘅紅酒汁牛尾飯，一路得低頭係咁玩電話，係呢個時候咖啡就到咗⋯⋯結果大家諗下=_=。我飲咗兩啖，就起身。 成個過程10分鐘左右俾錢個時個姐姐問我唔好食咩我話真係唔好食講真。 就走。 希望有待進步認真諗下開間餐廳係為乜嘢⋯⋯如果唔係過多一年半載好快又係另外一家頂上。邊個會記有呢間野。以上內容都是屬實如

之前黎食過呢度最有名嘅豬手，覺得餐廳食物質素同性價比簡直係超級抵所以再第二次拜訪今次就想食得輕型啲叫咗個長通粉 牛油果大蝦酥皮盒配長通粉 原來牛油果大蝦酥皮盒嘅意思係 用酥皮盛載著牛油果沙律 軟淋淋嘅牛油果同鬆脆嘅酥皮，雖然聽落有啲唔夾，食落就好好味大蝦比得一啲都唔手緊 ，我數過有成五隻咁多㗎 不過長通粉再多少少就好啦 呢度嘅甜品好似都好出名，隔離枱大贊奶凍超級好食本身叫咗焦糖燉蛋嘅我即刻再加多個 焦糖燉蛋 原來呢度嘅燉蛋係凍食 不過冇影響到燉蛋本身咁滑嫩嘅質感焦糖脆脆 比較薄身就唔會太甜，適合返我自己嘅口味、都幾健康 意大利奶凍 一食就明白點解隔離枱會大讚因為奶凍嘅奶味相當之香濃 質感好滑嫩，慢慢係你口腔溶化而散發出嘅奶味真係值得再encore

應友人既邀請 吃貨小妹,小胖男友同朋友仔一行三人為一嘗大大隻既烤焗咸豬手而走到太子試新野由友人帶隊 第一次去到太子既荔枝角道搵食 有所不知 原來果邊都有幾多唔同既食店 小店既價錢都幾大眾化 set lunch價錢唔貴 連餐湯,餐飲,仲送雪糕都係$39~48名符其實"茶餐廳既價錢 西餐廳既享受"見到set lunch又抵又吸引 真係有一刻掙扎過不如每人叫一個set lunch算 但一場黎到無理由唔試著招牌豬手 於是叫左烤焗咸豬手(配飯), 蘑菇多士, 凱撒沙律, 仲有一個set lunch大蝦黑松露醬意粉 跟餐既南瓜忌廉湯凱撒沙律磨菇多士小妹最愛吃菇菌類 多士上既蘑菇多到快要滿瀉(不過要襯熱食 放太耐會影響多士質感)大蝦黑松露醬意粉 咁抵既價錢 不但跟湯跟茶跟雪糕 仲要有5大隻大蝦CP值爆登!!烤焗咸豬手配酸椰菜由於即叫即造 所以最後先黎 不過寶物尋歸底 等下都值得豬手皮脆肉嫩 好大隻 三個人分都卓卓有餘三個人都係食左200幾蚊 實在好抵食

一向超鍾意食烤焗咸豬手!呢到係食過最平既一間,而且味道亦不錯成個欖球咁大既豬手外脆內軟,分別仲有黑醋、芥末、紅酒燒汁.另外還有蘋果絲的醃酸椰菜解一解油膩感.十分容易起肉,脆脆既外皮連住皮肉之間既骨膠原口感極佳,嘿嘿蘑菇湯,菌味極重好香濃,一點都不膩.仲有不小蘑菇碎.嘿嘿最後,叫左個意大利蟹肉雲吞,講真蟹肉味道唔突出不過有D煙肉搭夠,皮薄!份量亦不小,嘿嘿整烤焗咸豬手功夫多,一百元左右就能夠食到咁高質既真係好滿足,嘿嘿

今日選址用晚餐地方位於太子一帶，講番我今次食左邊幾款食物鵝肝牛柳配意大利粉 $168牛柳林滑 , 有肉汁 , 肉質嫩整體比西冷優勝一點而鵝肝份量方面OK, 鵝肝火喉有點過火, 令到有焦黑情況出現餐湯方面今日係蘑菇忌廉湯個湯幾有口感伴粒粒蘑菇是輕怡忌廉湯 唔會好杰身相對無咁濟湯品夠熱 值得一讚另一個主菜同樣是牛, 是西冷 : 美國安格斯西冷扒配意大利粉 $168點了六成熟， 西冷比牛柳遜色,  牛肉味不多,  而且食落唔夠香 , 肉質方面即使六成熟也比較韌。意粉口感彈牙，可惜口感過乾，欠缺味道。

之前和朋友逛完街，順路便在星廚吃晚餐，怎料，原來沒有預約就踫得一面子灰，於是就預約幾天後來吃一頓西式晚餐，其實我都喜歡預約服務，對我們客人來說真的很方便。安座後我們先選擇兩款小食：香草蒜茸包、炸魷魚鬚，蘑菇餐湯也上桌了！蒜茸包不會有太多的牛油和蒜茸就合我心意，香脆的法包片上如果塗上太多牛油和蒜茸，會減低法包片香脆度，而且味道也會太濃，配合適中才是理想的蒜茸包。炸魷魚鬚，香酥冇乾靭，很快被吃清光。白酒鮮蜆，蜆肉粒粒鮮美，又好味道！香煎牛西冷配飯，帶血水的西冷扒我不懂欣賞，現在七成熟的西冷扒最啱我，醬汁清淡，沒有搶走肉鮮。香煎法式豬扒配飯，薯條炸得金黃，極之吸引，厚身豬扒肉質尚算嫩滑，味道不會很濃，吃畢不會感到口渴。餐飲每杯需要另加$6，我們選擇熱柚子蜜和凍檸蜜，很滿足的西餐，餐廳沒有限定用餐時間，但看到餐廳桌子與桌子之間擺設緊密，感唉香港地方寸金尺寸，我們沒有留在餐廳閒聊，吃飽後也離開餐廳，讓出位置，好等餐廳多做一轉生意，我們選擇繼續逛街！

今晚一行十幾人到這裡慶祝朋友退休。店舖很細小，大慨可坐四十人，食物種類不算多，但每一味都很有水準，而且價錢一點都不貴，性價比相當高。牛做得尤其出色，慢煮牛肋骨，牛柳，簡直係争住食。另外，甜品亦是令人encore 之作。

之前係open rice 見到呢間店排行磅都幾高下, 於是就約埋朋友一齊去食下先, 放工就即刻去啦, 因為怕多人, 一去到已經有人係到等位了, 不過等左一陣就有位啦, yeah!! 不過係坐門口位, 我朋友基本上坐在門口一半位置, 哈哈, 不過唔緊要啦, 最緊要有位. 一入到去覺得成間舖都充滿左黑松露既味道, 之後再打開餐牌發現原來d野食唔係好貴ga ja 喎, 都幾經濟下架.我地叫左3款野食, 第一款就係呢到既招牌菜 - 烤焗咸豬手配酸椰菜$118+$15轉餐, 極度合付經濟原則, 哈哈...最正既係...我地配薯菜, 超鍾意呢到既薯菜, 佢唔係普通既粟米薯條, 佢係將d菇同椒炒埋一齊, 勁健康, I LIKE IT!! 好...試下D豬手先, 勁大隻呀, 勁多肉, 心諗我地2個人食唔食得哂呢, 因為d豬手好有肉汁唔會乾, 仲有3款醬汁點, 分別係bbq醬, 芥末醬 & 燒汁, 點下點下食哂成隻豬手, 哈哈...我地都覺得幾勁下, 咁大隻都食到.仲有如果係套餐既話有餐湯&蒜容包, 今日餐湯係蘑菇忌廉湯, 勁香蘑菇味, 大廚將蘑菇打溶再煮成湯, 堅好飲, 仲好creamy.第二款菜式係

在openrice搵食搵到呢間好像不錯價錢又相宜，於是星期天和老公看完電影後來到這裡，吃個early dinner。因為keep fit晚上禁吃澱粉質，叫的全是肉和海鮮。傳聞的豬手果然不錯，對長期要捱餓的老公簡直是大解放。雖然皮沒有想像中的脆卜卜，但咸度剛好，這個價錢都幾抵。白酒煮蜆，好有酒味，不過肉質稍淋，新鮮度不夠。一口牛脷，整得很淋身，賣相也不錯。初試感覺，比起海鮮，這店烹調肉類稍為優勝。還有其他菜式想試，會再來。

今日外出工作時,經過見到呢間餐廳好似唔錯,而且選擇都算多價錢又合理,重點係唔洗等位,而且環境都係幾舒適,我當然2話不說入去醫肚休息下,好等我之後返公司打拼...佢地既Lunch Set 有8個選擇,而且仲包埋餐湯,熱飲同甜品,都幾抵食,最後我揀左大蝦黑松露醬意粉 $48先黎餐湯係南瓜湯,雖然似係用粉煮出黎,不過睇個價錢上都算係唔錯,而且南瓜味都幾重,都接受到既,飲完湯等左一陣就上大蝦黑松露醬意粉,份量正常,而且好重黑松露味,大蝦口感爽彈,不過無咩蝦味,意粉唔會太硬,整體味道個人覺得比較淡,但都算係正常.餐飲點左咖啡,到左最後甜品,真係有D喜出望外,甜品係紅豆味雪糕,紅豆味香濃,唔會太重奶味,又唔會太甜,而且仲有原粒紅豆,正中我喜好,唔錯既飯後甜品.

去親食西餐大家都會諗到d 好有情調，黑嘛嘛既地方，但星廚就係間燈火光猛，價錢唔離地既西餐廳。 餐牌有D 食物都係40 - 50蚊左右已經好好食，不過今次筆者想食精選菜式。個人建議食咸豬手$118 加15蚊變餐，兩個人食都幾抵。仲有慢煮牛肋骨，好入味但冇咁飽肚。因為本身食左d 野，驚食唔哂豬手所以只能食牛肋骨 加左15蚊變套餐，所以有餐湯 蘑菇忌廉湯。個味幾濃，蘑菇粒唔算好碎，同埋冇忌廉粒留低，幾好 之後到主菜牛肋骨！因為慢煮左一段長時間，牛肋骨都充滿濃湯既味道，肉質亦好軟熟好易入口，甚至可以唔用刀直接用叉拉d 肉出黎食。呢個牛肋骨又令我體驗到另一種牛既食法。 餐飲加多杯熱朱古力，飲完個人暖哂。雖然食既野唔算好多，但已經足以令兩個人食飽飽 經過太子就記得試下喇

之前佢舊鋪開係長沙灣時食過一次,後尾發現佢原來搬左黎太子,地點又就腳左先飲個餐湯,湯係磨菇湯將啲磨菇打溶哂,啖啖磨菇味好香濃炸魷魚鬚呢度既魷魚鬚份量好多,所以最好同人share食炸得好香脆,而且炸粉唔厚魷魚煙韌,但有啲油,不過整體係幾好既小食因為上次食過豬手覺得好正,但又想試下新野今次就叫左個原條煮牛肋骨套餐正呀,第一次食牛肋骨係原條上,勁大條,可以夠2-3人share啲汁好濃郁,而牛肋骨就好腍,啲內唔洗切,可以一絲絲咁吉出黎食但跟餐既意粉就比較油,勝在份量夠多,岩哂啲大胃王

老友聚舊突然有老友推介，姑且一試！去到見到個位置打咗個突，仲諗住會唔會領嘢！四個人一坐低嗌咗幾個主菜，逐樣逐樣嚟，四個大男人轉眼間清哂所有嘢！樣樣都有星級餐廳水準而價錢絕對街坊！一定會再嚟食幾次！

聞說太子間「星廚」有超大脆卜卜咸豬手，食完果然覺得好抵食飽肚，仲要好好食。Lunch黎食都幾正，同友人share平價中午餐，再叫豬手set，因為一隻堅大隻，所以一定夠飽。先飲南瓜湯，幾杰身都夠味同滑，但有點粉粉地，味道尚可。大蝦黑松露醬意粉 $48，有餐湯、熱飲及雪糕。份量剛好，不算好大碟，但就有成5隻大蝦，好豪爽丫。好香黑松露味飄出黎，用的松露醬份量幾多。大蝦除了好似手指甘粗甘大隻之外，仲超爽彈。意粉也煮得有咬口帶彈性，值得一讚廚師即叫即做保持意粉質感。不算太油膩食完剛剛好。烤焗咸豬手配酸椰菜 $118，套餐加$15，有餐湯、意粉或飯、熱飲。都好抵好豐富，但由於製作需時，要等多陣，但係食完就知係值得等架。原隻豬手上枱好有氣勢，一路切開一路出煙，夠哂熱辣辣，兩個人食超飽肚，份量頗大。有甜甜酸酸的醋、芥末及燒汁，還有蘋果絲的醃酸椰菜。豬皮烤焗得脆卜卜，一切已經聽到聲，好誘人丫，而且豬皮連肉食，好味過中式燒味既燒豬好多，皮夠薄又脆，好味又易食。豬手醃得好入味，夠咸香又有黑椒微辣辛香。好易切開，肉質一絲絲，札實得來有彈性的肉感，帶著軟滑濃味的軟筋，豬脂不膩又彈牙，入口溶化好正，好有骨膠原感，