是但求其食 (已結業)

原來係中西fushion cafe黎 想比大家一種好chill既態度😚 牆身除左用左好多黑膠唱片佈置 仲整到好似海洋館咁 有海洋生物游黎游去陪你開餐😛.▫️忌廉芥末墨魚魷魚圈意大利飯飯質唔會好濕 粒粒分明帶點忌廉香 最得意係墨魚粒有芥末味😚 仲有炸魷魚圈🙆🏼‍♀️.▫️北京烤鴨胸pizza次次pizza有fushion野都忍唔住嗌😛 個pizza好大份同埋夠熱辣辣!! 原來仲有層芝士係面 勁拉絲😍 pizza屬於薄批脆口 仲已經切好左 每塊都有煙鴨胸😚 塗滿北京烤鴨必備既甜麵醬 真係好有風味😎 搭配埋鹹香芝士 整體味道好濃郁～～ .▫️泰式奶茶 Lunch set包左餐湯同飲品 忌廉蘑菇湯整得幾香濃～～ 竟然有泰奶😍 飲落唔會過甜 都幾唔錯 同埋飲品好大杯😎.▫️熱情果沙冰 帶點酸酸的 飲落好清爽開胃😚.總結，menu都幾多特別中西配搭 仲有得任飲啤酒chill下🍻 pizza相比risotto出色啲 整到好薄脆feel 同埋估唔到咁大份😳 而環境就好似置身海洋館咁 都幾唔錯😙

放工同同事食晚飯，係openrice 見到間餐廳名咁有趣，於是就試下求唔求其。入去牆壁都有投射影像，當晚一邊播生日快樂，一邊播中秋節快樂，如果播 MV就正♥而我哋揀揀下變咗全雞餐😂.2人餐$388，有主食x2+小食x1+湯及沙律。同事超讚磨菇湯，非常香濃，忌廉香滑，仲好多粒粒菇☺. 🟥 四川雞Pizza 🐔🟧一上菜超香😍夠香夠麻辣，真係好四川風雲，中式得黎但又芝士底好夾喎~☺好彩係薄脆底，食多幾塊都冇問題❗. 🟨金蛋單骨雞翼🐣🟩炸雞翼夠鹹香唔會好焦 or乾~一咬都好 juicy, 清得勁快😋.🟦烤牙買加賤雞🐥🟪唔知點賤法😂不過佢有2 種味道，一辣一唔辣(其實我就覺得2個都唔辣嘅) 唔辣的係香草味，辣 dd嘅係似馬拉沙嗲香料味，2款都好惹味😋而醬汁係 BBQ薯片味~~.🟫飲品🍹🟫鴨屎香綠茶，其實係茉莉花茶😂熱情果沙冰❗唔會好糖水，甜甜酸酸好正😍大杯到飲唔哂，最愛佢把懷舊傘仔裝飾~

平時好少走入去朗屏搵野食，因為覺得位置有點唔就腳，但原來朗屏都真係有幾多好西架喎！今次就去了一間叫做<<求其是旦食>>既西餐廳，個名好特別。一進入店內，已經好驚訝，因為有投射大電視係牆身播緊video。座位坐得舒服，而侍應亦很好態度，好細心。 龍蝦汁海鮮扁意粉 - 意粉質地煮得剛剛好，軟硬恰當，配上新鮮大頭蝦，以及少量海鮮，十分好食！ 黑松露野菌Pizza – 最怕食完一塊已經食飽左個肚既厚Pizza，但我地食既呢個Pizza底好薄脆，一d都唔膩，兩個女人每人3塊都唔覺得滯，好正。 炸蕃薯條 - 很香脆，一點都唔油膩，帶有少少甜味，初頭以為會食唔哂，但轉頭已經成兜清左！ 熱情果沙冰 – 好大杯，勁抵飲，熱情果味道都濃，好飲！奇異果梳打 - 甜度剛好。總括來說，食物方面很有水準，環境同服務態度方面都很好，價錢亦都合理，值得大家都去幫襯同品嚐一下。

.今次專登去咗試元朗新開嘅一間中西菜mix嘅餐廳，食物質素同餐廳名係相反嘅，食落都有驚喜。黑松露野菌pizza（$98）🍕pizza皮薄，食落仲好香脆。黑松露味道好香，不過呢個價位就唔會見到一片片黑松露，只係用左黑松露醬，不過依然有黑松露香嘅。明太子海鮮意粉（$108）🍝意粉唔會太淋，又有口感。仲有份量都多嘅明太子同埋海鮮：有魷魚，蝦，青口。食落都好彈牙，水準都唔錯。法式白酒煮蜆（$88）蜆肉好大粒，一碟都有成十幾粒左右，酒味唔會太濃，食完好開胃。飲品叫咗熱情果茶同埋鴨屎香奶綠，唔會太甜，中規中矩。

呢到有2個吸睛位，第一☝️係位門口「是旦求其食」竟然係餐廳名🤣的確好多時諗唔到食乜，會講‘是旦啦，求其食乜都好’第二個位係牆上面有投射影像，有好多魚游嚟游去🦈幾有新意🌟羅宋湯有紅蘿蔔 🥕薯仔🥔蕃茄仔等，幾足料，蒜茸包好夠昧烘得夠脆口🌟南瓜帶子燴飯 ，除左南瓜+帶子，仲有蟹子同菇，味道偏清淡，啱哂我🌟明太子海鮮pizza ，鐘意呢種薄身批，批邊好脆，上面鋪滿芝士、千島醬、明太子同海鮮😆我會將佢捲起好似wrap咁食🌟金蛋雞翼唔會太鹹幾惹味，不過唔知點解比咗雞中翼，餐牌本身寫單骨雞翼，不過太好食當下無為意🌟泰式奶茶同鴨屎香奶綠 ，茶味夠不過略甜總結🌸pizza必食推薦，餐廳嚟緊會有free flow，任飲紅白清酒🍶生啤等，幾期待

最近都要係屏會街呢邊工作，呢間「是但求其食」就成為左我最近常常光顧的餐廳。餐廳都有好多野印左餐廳名，擺係出面的鐵桶、地氈、燈都印左，仲會印左廣東話拼音，係一間屬於香港人的餐廳。而且仲接納多種付款方式，冇現金都唔怕。入到去見到牆壁有黑膠碟同cover做裝飾，上面都有投影各種魚類係度游黎游去，都幾特別，見到餐廳有做任飲啤酒/任飲所有酒類的活動，不過我要工作，就冇試了。黑松露燴飯一上菜個陣就聞到好香菇味同黑松露味，加埋少少奶油混合係一齊，米芯唔係好硬，食完呢個都飽肚龍蝦汁海鮮意粉比起燴飯，我更喜歡扁意粉，有青口、蝦、魷魚，加埋三色椒一齊煮，灑上少許芝士粉，外觀方面已經搶眼，食落去好順口，海鮮都好新鮮金蛋雞翼係我同事的最愛，一上菜個陣佢已經食左先，話好香咸蛋同牛油味，咸蛋都包裹哂成隻雞翼，正青檸沙冰夏天最適合飲沙冰，酸酸地，冇加太多糖水，好適合我鴨屎香奶綠呢杯係餐廳推介，有點似台灣的奶綠，飲起黎冇負擔，有點像飲鮮奶茶甘，順口清爽

是但求其食 不過一啲都唔是但元朗e 家多左好多cafe 今日行過朗屏站附近 個地點都幾型隱蔽🙈 不過我俾佢門口吸引咗👍連個名都好特別 「是但求其食」 不過就一啲都唔是但🥰- 煙三文魚凱撒沙律🥗🥗- 黑松露炒蛋蘑菇漢堡包 🍔🍔個日中午唔想食肉 想試下食素 就決定試以上2 個午餐 估唔到餐廳都完全可以符合到我嘅要求😍 飲品就叫左 熱焦糖咖啡同鴨屎香奶綠❤️好好奇咩叫鴨屎香奶綠😂😂 點知味道又ok👍我見餐廳有好多啤酒 happy hour 👍 鐘意同朋友輕鬆chill 下 的確係另一個週末休息好地方😍😋

身為元朗人 一定要試元朗cafe! 見到呢間cafe呢排好hit 即刻去試下～明太子意粉配香煎帶子 ($98)最中意食好creamy 好多汁既意粉 😋😋 帶子用牛油煎香 入面係半熟狀態 好正 👍 煙三文魚凱薩沙律 ($88)好大兜！d菜好新鮮 smoked salmon 份量都幾慷慨 唔會得一兩塊 Sauce另上 可以比自己調節份量！每個lunch set都會包餐湯同野飲～炸甜蕃薯條 (+$38)Carbs怪最中意食cafe叫薯條/蕃薯條🤣 呢個炸既蕃薯條都唔會好油膩！一上枱熱辣辣 好正🥰

一啲都唔「是但求其食」黑膠唱片掛滿牆，播80s嘅流行歌曲，柔和嘅燈光，海洋投影牆，仲有一個酒櫃，成個feel都好chill，好relax。仲有一排枱櫈係靠櫥窗望街，最啱放假想放空嘅你💖餐湯係南瓜湯，重南瓜鮮甜味，完全唔快好creamy膩口。明太子扁意粉🍝配香煎帶子 配 焦糖咖啡☕️ $98睇個樣都已經非常高級、吸引😍輕煎帶子兩面至金黃，所以有保留帶子本身嘅鮮味，上面撒有滿滿櫻花蝦，每條扁意粉都沾上明太子醬和忌廉蟹籽，真係好邪惡，但好好食😋龍蝦汁蝦仁燴飯🥘 配 水蜜桃冰茶🍑 $98估你唔到好食，醬汁濃郁，淡淡龍蝦汁香，有加入洋蔥燴更加有風味，而且蝦肉好彈牙嫩滑，d飯軟硬剛好唔怕爛，好有水準！最後再跟餐+$38 點咗一盤炸薯條，新鮮熱辣，外脆內粉，非常可口，適合餐後小食，繼續邊食邊chill chat🤣(下午3點開始，有一個仼飲兩小時嘅flow，約返三五知己去飲返杯啦）

今日Brunch隨餐送嘅係南瓜湯🎃，味道清甜，反而冇好重奶/忌廉嘅濃厚膩胃感👍🏻All Day Breakfast材料豐富色彩繽紛，有煙三文魚、炒滑蛋、煙肉、腸、茄汁豆、沙律菜及吐司。重點一提，吐司勁香牛油焗到超脆，煙三文魚唔怕好咸，腸都好好味😋跟餐要咗一杯鴨屎香奶綠其實佢就係茉香奶綠，不過佢又真係有一種同出面唔同、說不出嘅香味，好飲😍另外仲點咗🦐龍蝦汁蝦仁燴飯正！十分濃郁嘅龍蝦汁，配鮮甜彈牙嘅蝦仁，帶有洋蔥嘅香氣，一啖接有啖！追加 炸薯條 +$38同朋友chill sunday，未捨得走，於是食薯條傾多陣，係我中意嘅粗條😻，炸到外脆內軟！份量又好多！想追加其他仲有炸甜蕃薯條、香辣雞中翼可選。

喺朗屏西鐵站行落去，搵咗一陣先至見到呢間小隱世chill chill小店！是但求其食都有咁嘅質素，叫其他餐廳情何以堪🤣🤣🐖脆皮德國鹹豬手$168外皮脆身，餐廳會幫我哋切好晒方便進食，蜜糖芥茉醬好出色！配埋豬手一齊食好夾！🥚人氣金蛋雞翼$69鹹蛋黃醬鹹香味突出，煮成金莎蓉沾滿雞翼上面，入味又熱辣辣🤤🤤小食拼盤超抵食，細份都好多，一啲都唔求其！！店員仲話嚟緊有個啤酒紅酒白酒sake freeflow🤟🏻bookmark定再黎食過！

之前帶我家小狗🐶去沖涼的時候發現呢間餐廳 覺得個名好得意😍 而且餐廳入面好似水族館咁有海底🌊睇 其實係佢地會用投影機係牆上面放影片 營造一個水族館餐廳咁 好特別 另外撞啱有人生日 就會轉做生日🥳影片 所以同朋友黎慶祝都係一個唔錯的選擇 法式白酒煮蜆 ($88)每一粒都好大粒 juicy 有少少辣🌶️加上香濃白酒汁 非常開胃 基本上無沙 熟度啱啱好 不會乾爭爭好似食香口賿咁 兩個人食 每人都會有差唔多 10粒 所以好抵食👍🏻 煙三文魚沙律🥗 ($88)千祈唔好睇少呢個草 因為份量大到足以令兩個人食完飽左一半🤰🏻 沙律有好多唔同類型嘅蔬菜 而且到非常新鮮 三文魚🐟應該係挪威三文魚 因為味道上面會特別濃郁 好好味😋熱情果醬烤豬肋骨🐽（$168）平時係出面餐廳食通常都只有一小舊 但佢哋就提供兩舊咁多 而且配上新鮮炸嘅薯條🍟 完全係誠意十足 💯蜜桃🍑沙冰 熱情果沙冰 （$38）沙冰好大杯😮 而且唔係淨係死甜 好清爽 飲完有種消滯嘅感覺

平時經過呢間小店覺得個名好得意，是但求其食！但試過之後佢都一啲都唔求其㗎！🥰🥰😆😆呢間小店嘅裝潢好獨特，無論餐墊，小燈飾擺設都有佢哋嘅餐廳名，好細心！🤪🤪今次試咗佢嘅黑松露蘑菇燴飯，松露味都好香，啲飯嘅質感整得好好味✨✨下次會再嚟食呢一個燴飯🤩🤩叫咗一個龍蝦汁魷魚pizza，呢個薄餅厚度適中好香脆，龍蝦汁好好味，魷魚又好彈牙，值得推介！😋😋加$38可以叫個雞翼小食，都可以試吓！🤩🤩

今日嚟到朗屏附近探朋友，之後就睇吓呢度有咩好食先，見到呢間餐廳個名咁特別就一於入去食啦😝就睇吓你有幾是但同埋求其，我哋叫咗兩個set lunch，跟餐有多士同埋南瓜湯同埋嘢飲添🥰🥰明太子扁意粉配香煎帶子（ $98 ）🍝一上枱已經聞到好香濃嘅明太子味，兩粒帶子大大粒，香煎左表面🍽將鮮味封鎖住，再灑上大量嘅櫻花蝦，豐富口感🧂最欣賞佢嘅醬汁夠多又好味，夠撈晒全碟意粉💕All day breakfast（ $108 ）🍳🥗🥓🌭呢碟份量都唔晒，包括左有大腸腸、煙三文魚、煙肉、牛油炒菇、黑松露炒滑蛋同埋黑醋汁沙律菜，腸仔煎到微燶，切開爆曬肉汁，好正！🥐唯一意見係跟餐多士同All day breakfast 塊多士係一樣嘅，如果換個牛角包就好啦🤗嘢飲方面叫咗一個棉花糖朱古力🍡☕️上面嘅棉花糖係好似燒到BBQ咁樣外脆內軟，好得意🍫☕️而焦糖朱古力咖啡就相對有啲淡，唔係好重咖啡味，啱晒唔係好飲得咖啡嘅人😋

是但求其食餐廳氣氛超好，一啲都唔是但，一啲都唔求其！餐廳環境簡約有特色，暗藍色調，牆身投射海洋動畫，係chill嘅。雖然餐廳空間細啲，但都坐得好chill。而且位置算方便，朗屏站走過去都係5分鐘左右。牛油果沙律好fresh好正！新鮮牛油果配上黑醋檸檬汁簡直無得輸特色醬燒豬肋骨這道菜出面比較常見，但係店員姐姐極力推介。但原來真係一試難忘。佢個汁真係特色醬汁，味道酸甜適中，十分開胃！火候亦控制恰如其分，磨合左醬汁同肉質嘅特色，變成左有自家風格嘅豬肋骨不錯。明太子大蝦意粉賣相好睇，食落好creamy，又唔會太膩，配上大蝦同明太子，海鮮嘅鮮明味道令層次更上一層樓，令人喜出望外。 配左杯荔枝梳打，gur一gur佢，係正嘅！原來餐廳仲有Free Flow時段，兩小時無限暢飲，任飲啤酒和紅白酒。下次試！個人覺得整體感覺非常值得一試，價錢親民，係一間下次會再黎嘅餐廳！