景福宮韓國餐廳 (已結業)

今日同幾個FD去左呢間野度食韓燒(因為見佢都幾平)4個人限食2粒中,一個人$58 加一先講食物: 飲品得3款簡 豆漿太甜食物都唔係好多款簡,而且打邊爐既食物滾極都唔熟 而且打邊爐+韓燒既爐極細,令到韓燒既野食好易跌左落去打邊爐既位個度.韓燒既核突汁又會流左落邊爐度 搞到生同熟mix埋一齊:-S牛肉算是最好味既一樣韓燒食物..至於熟食,白菜仔同kimchi同魚蛋都媽媽地 炸薯條又乾又冇味!!超難食!!甜品方面,我只係食左一個chocolate mosse,味道好似泥膠咁我最後食到好飽冇食到waffles,但係我朋友就話waffles好好味.但總括黎講都唔好味!!staff 方面: d staff 又冇其他食評講得咁差 但係staff 幫我地邊爐加水既時間粒聲都唔出直接倒d水埋黎如果我地縮唔切手真係會俾佢碌親環境方面: 環境都還ok 坐位都幾乾淨all in all, 呢間野既野食真係唔得..我寧願俾多少少錢出去d好好食既韓燒度食食完呢間野覺得好晒錢啊!

E間野比我再去都唔會去啦，態度好差，上次明明我表妹未過高，佢就話過高，跟住個爐無啦啦熄左，我叫佢埋黎點返，佢個樣超唔願意，跟住佢唔知點解佢幫我關左，跟住就話我依家好唔得閒呀，轉頭先啦！(態度好差)，跟住佢掛住係度傾計，我喝佢佢先埋黎幫我整返。個爐細到鬼咁，燒到D野食成日跌落個火鍋度。D野食好求其,又出得慢，我對E間既印象唔太好！

放工後,想不到有甚麼好食,差不多9:00的時間,就去了這裡食韓燒了,因為有特價嘛一上到去,已經見到有人等緊位了,不過我們都等了一陣,都不算耐~入到去就即刻去拿了幾樣食物:人參雞湯: 雖然加了味精,但都幾好味,我還食了幾條人參呢!!三文魚壽司: 真係麻麻地,感覺唔係好新鮮......泡菜+白菜仔: 泡菜好辣,不過好正!!!我會夾多幾條!!蒜蓉白菜仔都不錯,我推介泡菜!!雞腎+雞翼+牛肉+魷魚鬚: 這幾樣食物都係我最鍾意食,我覺得牛肉真係幾正!!!雞翼反而無乜味道,魷魚鬚都不錯,不過可能太大條,所以燒完後都好韌.....甜品: 意大利芝士餅,焦糖布甸,芒果布甸都好正,食過咁多間韓燒之中,最好味的甜品都係這間了~唯一一樣不好,就是服務態度!!差不多到11:00時,周圍都關了一些燈,還關上了電視!!

(1)我地噚晚1930時去到食野,間野燈光暗好似無錢交電費咁,我坐果邊對面果行居然無客就唔開燈(真係環保)咁暗點知食物熟咪呀(2)燒野食個鈇面使唔使咁細呀重有一路燒所有野就流落個所謂火鍋度(呢個設計無得頂邊個諗出黎)燒左2次開始(痴)底,(3)三文魚刺身....除左我上去果一刻望過一眼之後就無出現過(使唔使咁呀)(4)其他野燒烤野食味道唔得唔多新鮮如果以埋單每人$110倒,我o係果座大廈食pizza或者壽司一定好過佢

因只兩個人關係, 所以任食時間只有一個半小時, 來到又不想麻煩再找別的, 所以都照入座. 星期六的晚上, 環顧四周都以年青人居多, 一坐下伙計即放湯開爐, 速度之快正合心意熟食選擇也不少, 韓式前菜, 魚蛋豬紅, 豬腳薑等也有供應, 但一看以炸雞中翼最受歡迎, 雞翼炸得色澤金黃, 但可是好看不好吃, 咬開裡面竟無味,忘記罷燒烤類都是牛肉, 雞翼等大路食物, 見鄰檯魚柳吃完又吃, 在後段就又照跟可也, 魚柳醃得入味, 燒出來肉質也嫩滑, 全場最有水準算是這個, 而羊肉蘇味重得過份, 一向愛羊的我也叫怕怕.而火鍋那面可以不理, 因由開始到結尾都未曾滖起過, 魚蛋餃子等都只是浸熟除了任食外任飲的也有, 但還是鍾情$10罐的啤酒, 另支裝汽水也只賣$10/三支, 叫了但原來是一次過來到兼已開蓋, 在這除了要和時間鬥快吃外, 也要和放暖的汽水鬥快的飲

第一次食，食物款式都算多。如果以燒既方面黎講。但對於打邊爐既款式黎講，唔夠。泡菜ok好食, 不過偏甜。甜品多款但唔好味，d味好假。軟雪糕味道更是古怪。飲品得3款,汽水都要另外加錢,唔抵。最後食物唔係太新鮮, 但醃得都ok.平民化黎講都算ok. 不過得2粒鐘係唔夠燒囉我覺得。同埋呢食完我肚痾,唔知係唔係我燒得d野唔夠熟﹖

一家幾口和婆婆公公，到觀塘「景福宮」韓燒一番。如果不追求正宗的韓燒，這裡是不錯的，起碼自助。有日、韓、中式，甜品、飲品任取。當然，喜歡吃三文魚的人，可以別抱這個大期望。因為每次只有好少… 每人收 $108，時限兩小時如果是大胃王的話，這個價錢絕對是值的。

聖誕節放假去官塘景褔宮食韓國燒烤加火鍋自助餐，餐廳環境普通地方不算大，燈光比較暗。食物方面分火鍋料和燒烤料重有熟食同甜品、飲品。熟食物有：炸薯條、魚蛋、豬腳薑、中湯、糖水、什錦壽司、多款朝式冷盤小食。燒烤料有：雞肉、牛肉、豬扒、雞翼、腸仔、秋刀魚、尤魚﹒﹒﹒﹒﹒火鍋料有：冬菇、豬紅、生根、肥牛、豆腐卜、多款麵食﹒﹒﹒﹒﹒﹒食物味道：豬腳薑夠味、雞肉幾滑、其他都係好普通無特別。服務方面：侍應服務態度就麻麻黑口黑面，見到我用手機影相就話“喱度唔比影相駕！” 我袋返部手機落袋去野食，佢重係度眼望望。但係我睇來睇去都無告示牌話唔比影相！總括來說：其實我經常都來光顧，食物、價錢方面都可以，但係侍應服務態度就要改善， 唔知係唔係因為佢隔離果間，漢和韓國燒烤執笠，無競爭有關？ 評分方面：本來今次想比個OK佢，但係侍應態度咁差要比個喊樣佢，希望下次有改善啦！

２１號係我媽媽生日，我地就呢日去食buffet。入到去，唔知點解覺得好唔舒服，見到ｄ食物都唔知食乜好，好似樣樣都唔岩食，我只係選左ｄ菜呀﹑菇類呀﹑豆腐呀咁，咁我拎去枱果到啦，見到又唔係好滿意，我覺得好唔衛生，上面煎果ｄ肉汁就滑落去ｄ湯底果度「加料」，連果ｄ豉油呀﹑咩汁都趺哂落去，叫人點食！！！仲要食完成大陣臭味﹑燒烤味。另外，雖然waitress都有不時加湯低俾我地，但我都係好唔滿意，因為ｄ湯係熱，跟住又變凍，又加熱，然後又加熱，一生人一次好啦！

今日天氣好凍, 所以我地去食韓國燒烤, 開頭唸住去旺角定觀塘好, 最後都係去左觀塘.午餐成人 $58 +1 = $64景福宮個韓燒, 可以用黎打 B 爐, 無另收火鍋錢, 真係唔錯, 仲有佢有d 水氣, 無咁熱氣.我都係好似平時咁, 一開始攞一大碟牛肉先啦 ..D 牛肉都 OK .... 叫做新鮮, 仲好多肉汁.不過今日去有d 不幸, 因為有旅行團去, 原來收佢地 $38一位架 jar .. 所以佢地會少左野食, 變左佢地未走之前我地都係少野食既 ..因為我地都好早去 11:30 就到, 食到咁上下都包, 所以收爐. .收完爐先後悔, 團餐d 人走晒後, woo .. 真係超多野食 .. 肥牛, 蘿蔔, 芋絲 多春魚, 秋刀魚 仲有三文魚 .. ... 好多好多.. 但收左爐 .. 真係如果下次去, 真係唔洗咁早, 大約 12:30 - 1:00 先去都未遲.收左爐, 咁就食甜品啦 , 估唔到今日食韓國燒烤變左食 甜品 . ... 出壽司 woo , 不過係得個賣相得, 食落麻麻地啦, 真係韓國式既壽司 .. 仲有三文魚 同 鰻魚壽司 ... 都開始飽架啦.. 不過無理由唔試下架

一大班人去慶祝生日火煱＋韓燒＋熟食buffet睇落去好似好抵，實質冇一樣野係食得落口火煱篇：×××××ｄ配料冇樣野係新鮮，好啦唔緊要，問題係個湯底，竟然．．．係清水．．．打邊爐個煲上面係韓燒，所有生油滾油熟酒全部流晒去個火煱湯底到（清水湯底）咁搞法真係多謝晒，見到ｄ油都唔開胃，白勺魚旦你食埋我果份喇韓燒篇：××××純粹過癮，冇特別，十幾種食物加埋得幾種味，唔係黑椒就係香蒜．．．食落口，嘩．．．同百佳買返屋企煎果ｄ一樣味熟食buffet：×××××最過份都係呢ｐａｒｔ，冇一樣野係比人食，ｄ菜好似平時十蚊排骨飯果ｄ配菜咁糖水加左幾斤糖，得個甜未，食一啖糖水飯一啖水你試過未？魚生．．．叫到ｄ野食咁，已經唔敢食，只係見到ｄ人係咁搶搶幾分鐘就冇晒．．．唯一值得讚既係格仔餅機，自己落科一手一腳整幾得意，自己調味　㊣㊣㊣最後．．．一句講晒以後冇可能再去呢間野

尋晚同一班朋友與祝生日，因為主角話想食韓國燒烤同埋想喺觀塘區，於是就去咗觀塘哩間景福宮食。我從來都未試過喺openrice留過言，但因為觀塘景福宮哩間野實在太過份喇，所以今日一定要登記做會員入嚟同大家分享番，希望大家可以知道吓，能夠再作選擇。事件(一)當時我喺出面畢野食啦，首先畢咗一碟炒菜，然後諗住畢啲生ge野食燒啦，但係要攞第個碟嘛，跟住就將畢好咗嗰碟菜擺咗係張生食物枱側邊啦，突然有個待應生好惡咁鬧我：“喂，熟食野唔好攞喺生食枱度呀！”事件(二)我地有帶埋小朋友一齊去，咁待應生話小朋友要出去門口度高，咁我地咪一齊出咗去，當時啱啱小朋友ge高度貼住交界位，係未過佢地所指定個位ge，點知個待應隨即攞張落單紙用45度角向上咁斜放喺個牆嗰度，話：“嗱，過咗喇”，嘩，簡直當我地盲架，痴線架！態度又甚差，我地叫佢叫經理出嚟，佢又當聽唔到，繼續態度甚差地、不停係度堅持話係過左指定高度，我地同佢理論左一段時間，突然醒起小朋友對鞋仔個踭係好厚身架，於是當時即刻除咗佢地鞋仔再度過，好明顯係未過指定高度，距離指定高度有成“半吋”，當時佢地另一位待應出咗嚟度，一睇就熊度冷漠地話：“無問題吖，唔過”事件（三）

人人都話景福宮抵食,我一d都唔覺我同朋友九點左右去到,諗住食佢個優惠時段,大約十點先有位,去到0既時候都無咩熟食揀,得番d酸菜呢個唔係重點重點係佢個爐實在太難燒喇!個服務員開爐果時無落油,好難燒,d肉黐晒底爐0既面積亦唔夠大,根本唔夠位去放材料,而且個底唔夠平,d腸仔燒燒下好易碌左落去.燒得極之無癮而我亦唔覺得好抵食,味道一般,優惠時段亦唔見得平得去邊唯一我覺得好既,就係呢度0既通風系統比較好唔會一邊食一邊吸入油煙0係果個moment,我真係覺得香港無一間韓燒係好

今天和家人一起來到這裡吃韓燒，六點幾入座時間算早，所以都有大把位，可以全場任飲任食兩個鐘。這裡食物的款式眾多，除了作燒烤的食物和火鍋的食物外，還有熟食、大量甜品、雪條.......而且還可以自製格仔餅、麥芽餅和軟雪糕，飲品還有涼茶和豆漿任飲的。食物整體也算合格，而且勝在種類非常多，未試哂咁多樣野已經食到飽哂啦，我覺得格仔餅機係最特別，兩分鐘就可以親身整，好玩又好味！

星期六放假一天，不過就好忙，因為一早已ＰＬＡＮ好同ｈｏｎｅｙ食韓燒放肆一下，所以一夠鐘就即起程到觀塘景福宮食韓燒Ｘ火鍋任飲任食，每位百鬆Ｄ，食個半小時，盛惠＄２３８，都唔係好貴，而且食物都好多選擇，但因為星期六服務就冇咁好，而且人又多，安排我們兩人坐位就比較迫，不過我們都食得好開心，因為已很久沒有大吃一頓，即係食到個肚皮撐住撐住個隻呀！剛到場，爐都未熱，所以出去拿熟食先！有泡菜、大豆芽、酸青瓜什菜、韓式炒粉絲，仲有壽司同三文魚刺身，但味道一般，唔洗有期望！亦有類似泡菜餅的炸物，但食唔出係乜野，只係食到好似粉漿炸囉！講真個爐的設計就認真麻麻，好似貪心得滯，搞到燒又唔夠燒，打邊爐又得好少湯，所以要成日加水，但ｄ又似水多過湯，所以ｈｏｎｅｙ用了好多海鮮煲，但最後都唔係好好飲囉！反而Ｄ甜品就認真不錯，有一大個甜品櫃，每款細細杯任君選擇，又有得自製麥芽糖餅，有我最愛的豆腐花，亦有軟雪糕、涼粉、雪條等住大家去取，不過要數最好味的就係格仔餅，整個過程都係自己整，所以感覺特別好食，我就加了牛油同沙糖，好正！