景福宮韓國餐廳 (已結業)

見完工,同兩個友人去食,第一次去食龜背火鍋,又幾好食~~中午去都OK多野食,晚上應該仲加多甜品GE布丁做得唔錯不過野飲種類太少喇不過任食又OK喇~3個人兩個鐘到~一個人$68,抵食

好似好多嘢食，其實來來去去都係個幾樣，三文魚唔得，壽司飯難食。問侍應一條問題，佢哋問返我幾條問題。問佢哋點收費，一個唔知兩個唔知，佢哋仲問返我。無叫埋單，無啦啦埋單。完全唔得、完全唔得、完全唔得…

景福宮，一間o係觀塘好耐既韓燒，以前都覺得幾好食，不過而家已經差左。龜背既爐一爐兩食，設計差。首先，燒野既位太細，好難燒；其次，火鍋o係側邊，根本好難淥熟o的野；再者，燒完既油直接留落火鍋果度，搞到成個湯底都係油。先食前菜，白菜仔同芽菜已經冇以前咁香，但泡菜好味，夠入味！熟食方面，豬腳薑夠入味，好味，人參雞湯亦足料，出色。但韓燒方面，質素就較差，肉類味道比較淡，醃得唔夠入味，比起其他任食韓燒差。不過牛脷就好好食，一定要試！甜品試左朱古力mousses，朱古力味濃，好味！飲品就要五花茶，清清地，唔會太甜，幾好喎。以前都覺得幾好食，不過希望改善爐既設計同肉類既質素啦。服務幾好，有主動加茶同湯，同環境都算好，油煙亦唔會太大。

好抵食呀 :*)午市韓燒$58蚊jar!任食, 可以打邊爐同韓燒都幾多甜品, 食得好開心 :*)好鍾意心形格仔餅!

星期日想食餐勁o既, 所以來景福宮食自助晚餐, 燒烤+龜背火鍋再加壽司、甜品、任飲, 108元加一服務費, 價錢都還可以。食物味道不錯, 除了自己可以燒雞翼外, 也有已炸好的雞翼供應, 雞翼很入味, 炸得岩岩好, 皮脆肉滑, 值得一讚。三文魚方面, 有炸三文魚, 也有供火鍋用的三文魚腩,還有刺身, 選擇可說多元化, 適合不同客人的要求。甜品方面, 豆腐花沒有黃沙糖供應, 比較失色, 而龜苓膏就有點像涼粉。其實最不滿這裡的菜洗得很不乾淨, 菜葉間有很多黑色的沙粒, 令我們被迫浪費食物, 取了也沒有吃, 因為太不潔了, 記得這裡在一、兩年前曾有人食物中毒, 新聞也有報導, 希望店主要留意一下食物清潔, 食物好食外,衛生可能更重要啊!

今晚係官塘食飯, 諗緊去滿和定係景福宮好, 同行之中有人想食雪糕, 2間都打左電話去問都係話有雪糕, 景福宮企街個阿姐好落力派傳單, 咁就幫襯下啦~上到去, 未到九點, 鬼咁多人, 可能因為假期啦~等左大約十分鐘已經有位, 但係覺得入面好混亂, d阿姐唔睇人既, 亂衡亂撞, 叫佢又唔多想理咁, 之後想去搵雪糕食, 點知原來雪糕機幾日前已經壞左, 咁求先打電話黎問果時就唔好話有雪糕食啦, 一d都唔老實, 好搵笨, 覺得好似比人呃左咁...雪條又冇晒, 乜都冇...去收銀果度投訴, 佢地話會處理, 最後整左d雪條出黎, 但仲係水黎既, 未整好就唔到拎出黎住啦, 都唔知點做野既!!!真係好差, 其他野食都幾咸, 唯一比較好少少既只有甜品...呢間野d人好唔老實, 唔會再幫襯...

一爐兩食幾特別燒的食物選擇都幾多, 不過咸左d...服務幾好, 問伙記野都幾樂意幫手同解答, 仲會定時定後加水欣賞佢d甜品! 好多選擇! 試好多, 好多都唔錯! 仲可以自己整麥芽糖餅, 格仔餅, 自製雪條(呢個就好冰陣味)...宵夜時段$78+10%=$86 真係幾抵可能因為係平日無人等位可以食多過2小時不過佢11點到會收你爐但同你講可以坐住其他位慢慢食甜品

呢間韓燒基本上同其他韓燒餐廳都係一樣，燒物o既種類都算唔錯，不過就比較上咸左D喇。不過如果講到甜品方面，佢就比起其他韓燒餐廳出色好多，因為有好多選擇(有軟雪糕，雪條，自制pancake，布甸，慕司，蛋糕等...)而服務就...一d都唔得喇，冇人會幫你加水，如想要多一張紙巾，都要自己比錢買。兩位成人限食90分鐘，但當到60分鍾時就需要先埋單喇。

生日去左尼到食韓燒..食lunch..大約$60 1位..咁ga 價錢食左2個鐘左右..雖然野食方面唔可以話好好味..但都唔差..我個人認為咁ga價錢..可以任食咁多野真係唔錯啦特別推介係個到ga 麥芽糖餅!!真係唔錯幾好食!!

我去過這裡食很多次,一直都覺得dinner自助餐幾多野食，佢有熟食又有得打邊爐，亦可以燒烤，雖然我好少食燒烤，但只食熟食和打邊爐、多款甜品和壽司，都唔會唔抵。佢仲有龜苓膏任食，都ｏｋ唔錯。但我就不滿兩人去食只可以食一個半小時，未免太急了。而且服務麻麻，一早要人埋單。新年後仲加價添，依家加埋一要＄１１９啊！

上個月我男朋友生日,約左幾個朋友去食..入去無招呼...- -搞到我開頭唔知搵誰人幫..差`打邊爐+韓燒同一個爐..D服務員見到我們個個無咩水就勁+.. 搞到想韓燒都唔得囉`D野食都OK好味`

食物款式極少，味道十分普通。服務方面，就完全不能接受。入黎先講限時間，Okay!我無問題!不過成日未夠鐘就趕人埋單、走人。家陣我無錢? 118 +10% 我去APM食仲平! 添茶要自己加，我真係第一次聽。仲有個爐火根本唔勁，我燒黎燒去都唔熟。咁樣呃左我兩個鐘，好野!今時今日仲有咁既服務態度，我要求唔高都要出下聲!PS:隔離7個人要用一個爐。我呆左...(唯一最好的...隔離檯有6個女,樣唔錯)

食完韓燒覺得幾ok，諗住上網睇吓呢間餐廳嘅食評点樣，都無諗住寫，点知見到下面鬧到飛起(係鬧錯人，鬧到飛起)，真係唔出手都唔得！事緣，上openrice揾「景福宮」，見到下面鬧到咁嚴重，好奇睇真Ｄ，竟然話有鵝腸同羊腩煲食，咁怪嘅！以為自己攪錯，原來係鬧錯人！唔該公平Ｄ，睇清楚餐廳名先好鬧人，人地係叫「景福宮」，唔係叫「景福」！講番「景福宮」，我第1次係o間食韓燒，平時多數喺mk食，前日約咗班舊同學食飯慶祝生日係apm等，搭地鐵就嚟到站，見到一大排紅燈籠好搶眼，裡面仲人好多人唔知攪邊科，睇招牌原來喺食韓燒嘅餐廳，心諗7点未夠就咁多人，難得嚟到觀塘一於唔好蝕底！不如唔食日本嘢改食韓燒，就咁樣上咗去。上到去間餐廳有8成滿，我哋一行4人等咗一陣有位，好在唔洗等好耐唔係實俾人閙，入到去原來俾卡位我地，仲係對正tv，感覺都幾好，抵我撞上嚟，食物方面：我推介必食烤牛肉、雞柳同尤魚鬚；牛肉超好味，雞柳就好夠薑蓉味同juice，尤魚鬚夠香口又夠厚肉大條，食到停唔到口，仲有甜品夠多款式，細細杯有誠意，飲品有豆漿同酸梅湯同....唔記得！豆漿飲得過，有豆味又唔太甜，唔係交行貨嗰隻！有得燒同打边爐，一佰蚊唔駛，

應承咗姨甥除夕同佢去西貢燒烤兼倒數，点知天氣跌到得10度，去西貢燒烤？諗吓都打冷震，同佢講延期啦，点知"小魔怪"即刻發晒癲，左諗右諗有乜辦法呢？比我記起上次嚟食燒烤都幾好味，於是成家人嘅燒烤party由郊外變咗室內，話晒一家大細成棚人，好驚是但一個唔啱食，尤其一老一嫩，点知去到.....姨甥仔一路嘟長個咀唔願食，点知佢見到隔離枱個細路整咗杯雪糕，兩隻眼即刻發青光，一枝箭標咗去攞雪糕，跟住就係夾餅、雪條、jelly糖、壽司...最難頂係佢揸住果件蜜芽糖夾餅，啲蜜芽糖拉到一手一面都係，佢重笑到哈哈聲，千祈唔好走埋嚟呀！講到老媽子，真係估佢唔到，大大話話食咗三碗豬腳薑，佢話係酒樓食計"特点"，啲薑醋用嘅係靚料無溝水，跟住係咁燒雞亦、义燒、金沙骨、豬扒.....睇到我哋個個眼金金，從來都唔知佢咁食得，点知佢話：你班人攞咁多嘢入嚟又唔食，你哋知唔知而家乜鬼嘢都加晒價，食唔晒又攞好折墜鮁 ！收到，即刻食！總結成晚全家人都食得好happy，尤其是"小魔怪"，又食又玩，除夕夜收費$128，比平日假期$98多$30，同什麼大酒店一加就加一倍果種開天殺價比，相對嚟講都好合理。原來食韓燒都可以出温情嘅！ha

我地入去食果陣以為係98蚊...點知食完佢同我地講每個152蚊...真係有少少坤水咁...佢話係假期前夕...但係張紙都寫左假期前夕係98,佢話完旦前夕唔同D,我地問佢有咩唔同佢又答唔出.D野食又唔乾淨,如果唔係我地趕住食野,依家又等得最快都唔會黎!!!