景霖正宗四川麻辣米線 (已搬遷) 新店位置

where can i find it in Jordan? near which area?thanks

佐敦都有一間0架, 一樣咁好味, 唔知係唔係同一個老闆呢

呢間景霖米線其實都開左一段日子喇﹐但最近先第一次幫襯過。米線有好多配料選擇﹐如牛豬雞肉﹑腩肉﹑丸類﹑炸醬﹑冬菇紅腸等﹐其實就似車仔麵﹐不過就改為米線底吧。淨食一種就$17﹐兩種配料$20﹐三種$23﹐四種都只係$26﹐亦可要求加大中小麻辣﹐都算抵食。我試左個炸醬米線加小麻辣﹐米線麵質唔錯﹐都幾好味﹐而呢間店的炸醬其實係似免治豬肉碎一類的炸醬﹐並非真係以醬為主﹐不過味道唔錯﹐連同米線撈勻﹐成碗米線都變得香口﹐但就好似食淨米線。建議炸醬可以配其它配料﹐食落較豐富。另外呢間店有烤雞中翼﹐有香草味同麻辣味選擇﹐$18/6隻﹐我試左麻辣味﹐雖然麻辣味不夠﹐但都烤得幾好﹐作為小食一流。好似係可以兩款味雙拼的﹐不妨一試。仲有沙嗲串燒﹐不過已經食唔落﹐所以無食﹐下次食過再向各位報告。總而言之﹐呢間米線都算幾抵食﹐我食左$35(少麻辣炸醬米線+6隻雞翼)﹐已經飽晒。不過我食完都唔知呢?同四川有咩直接關係﹐麻辣又唔算麻辣﹐炸醬亦唔似係四川做法﹐其它紅腸呀牛丸呀串燒沙嗲更加同四川無關。最多只係個米線算係吧﹖不過無論如何﹐只當呢間係一間專賣四川米線的車仔麵檔﹐就包你食得開心。