影片
电话号码
35106000
开饭介绍
集川、京、沪、粤等中国四大菜系于一身，为宾客提供多款特色中菜。餐厅采用以五行元素为灵感的现代化设计，每件摆设均活用了金、木、水、火、土的概念，让宾客在高贵典雅的环境中，享用特级中菜。餐厅更多处可见特色莲花装饰，更显雍容华丽。
继续阅读
特色
家庭亲子
附加资料
迪士尼朋友点心只于周末及公众假期午市供应. 凡星期一至五惠顾，需于至少24小时前预订。
营业时间
今日营业
12:00 - 15:00
17:30 - 22:30
星期一至五
12:00 - 15:00
17:30 - 22:30
星期六至日
11:00 - 15:00
17:30 - 22:30
公众假期
11:00 - 15:00
17:30 - 22:30
以上资料只供参考，请与餐厅确认详情
有关奖赏计划
相关文章
【离岛区】【晶荷轩】今年好开心喺生日前夕可以入迪士尼酒店食生日饭，十几年前食过嘅「晶荷轩」仲喺度。我记得佢哋嘅片皮鸭几好食，不过今次我系食「香港居民生日礼遇晚餐」，系各自上菜各自食，好似几高档咁。不得不提佢哋嘅小食同酱料都唔错，食吓食吓都清晒。首先食「晶荷轩迎宾2前菜」，系「蜂蜜叉烧拼梅酒牛展」，真系有嚿蜂蜜喺侧边畀我一齐食，清甜可口，而牛展都好味嘅。之后系个「汤」，系「韮王花胶鸭丝羹」，饮得出系足料嘅，只系味道方面冇乜独特性，相对平庸。饮完就进入「主菜」，有两样。佢哋分别系「柚子蜜珍宝虾球拼蒜片舞茸炒和牛」同「浓鸡汤双色木耳浸菜苗」，前者个虾球整得几清新，个酱可以，后者嘅牛味亦都充足，本身块牛都系靓嘢嚟。到「主食」，系「芝士金瑶蟹盖焗饭」，个饭放喺蟹盖上面焗，系几特别，但系味道都几一般。估唔到个主食先系最普通，都有少少失望。最后系「精美甜点」，系「远年陈皮十胜红豆沙汤丸」，陈皮味劲香浓，有啲水准，令到唔太好红豆嘅我都觉得好正。我唔知餐饭几钱，但总括而言餐饭嘅感受系几好嘅，优质服务，侍应有主动帮手影大合照，抵赞。。。（地址：大屿山竹篙湾香港迪士尼乐园酒店3楼）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am离岛区 #大屿山 #竹篙湾 #晶荷轩 #香港居民生日礼遇晚餐 #晶荷轩迎宾2前菜 #蜂蜜叉烧拼梅酒牛展 #韮王花胶鸭丝羹 #柚子蜜珍宝虾球拼蒜片舞茸炒和牛 #浓鸡汤双色木耳浸菜苗 #芝士金瑶蟹盖焗饭 #远年陈皮十胜红豆沙汤丸 #1am1689 #1ambackup
继续阅读
今日系我哋结婚周年，第一次带埋我哋九个月大嘅BB同埋姐姐一齐出嚟食，好多谢晶荷轩俾咗我哋一个咁温馨嘅晚上。我哋原本book咗七点，但系提早到咗，心谂可能要等一阵，点知职员好好，即刻帮我哋安排咗位，完全冇黑面，仲好有礼貌。成晚所有侍应都超级友善，见到我个BB仲会主动氹佢玩，送饼干俾佢食，BB开心到笑晒口～真系好少餐厅会咁欢迎小朋友，唔系话唔知，平时啲餐厅一见到细路就当你系滋扰，劲怕你嘈到隔离枱。至于食物方面，真系冇得输。我哋叫咗个set menu，份量啱啱好，味道好出色，最正系佢哋知道我哋唔食牛，主动帮我哋转咗其他菜式，完全唔会有「唔好意思唔得㖞」𠮶啲冷淡反应，真系超有善意。整体气氛好似返咗去早几年我哋两公婆去长崎豪斯登堡咁，浪漫又温馨。不过依家有BB喇，要坐飞机真系唔系讲笑，喺香港有得食有得玩，又方便又舒服，晶荷轩真系帮我哋留低咗一个好难忘嘅回忆！
继续阅读
第一次嚟迪士尼乐园酒店𥚃面呢间「晶荷轩」食晚饭，会员生日月份有优惠，所以就嚟试吓。迷你佛跳墙 - 几普通，有啲失望。龙井茶熏鸡 - 算几好食。湘莲脆皮烧鹅 - 块片又真系几脆，味道同埋肉质都几好味。酱皇牛小排炒河 - 见网上面都几多人讃牛河，所以就叫嚟试吓，牛肉嫩，整体来讲唔错。
继续阅读
经Chill E.A.T. 订枱，同屋企人喺奇妙世界迪士尼内享用咗一餐非常丰富又美味嘅午餐！前菜嘅木鱼花金沙豆腐，外皮香脆可口，豆腐却嫩滑非常！As 呢一餐饭嘅第一道菜，留下一个非常深刻嘅记忆点。之后上嘅系传统及现代crossover 嘅点心系列。荔蓉天鹅酥香口酥脆，但唔算太油，都系巧手之作！之后有两道热菜，干锅酱花菜黑毛猪肋肉同一道得奖素菜 - 鸡头米金汤胡瓜藏珍菌。呢个一浓一淡嘅配搭各有风味。前者颇重麻味带微辣，系非常惹味嘅一道菜式，但最惊喜系猪肋肉本身，非常较稔，老人家牙力无咁好之下都食得津津有味。后者素菜嘅金汤指嘅系南瓜汤，好清甜。加埋鲜甜嘅胡瓜同菇菌，喺一道比较重味嘅菜式之后端一道较清新味道嘅菜式，算系恰到好处。去到主食同甜品部份。主食有开心果和牛炒红米饭，味道同份量都啱啱好。喺开心果甜品当道嘅年头，起用开心果嚟做主食嘅配料系几特别嘅选择。作为承先热菜同启后甜品嘅主食，佢都毫不逊色。而以远年陈皮十胜红豆沙汤圆作为呢餐嘅finale，就算唔太好红豆沙嘅人都会想食多一碗，因为碗红豆沙系好绵好滑但唔系死甜，同埋陈皮系闻落去都好香！而入面嘅两粒汤圆仔都好好食。最后员工嘅服务都加分，佢哋都系友善而健谈。仲要好多谢佢哋送咗一杯佢哋刚推出嘅seasonal drink 薄荷仙子，解腻嚟讲不错呢！系值得推荐嘅一餐😌
继续阅读
With the past few years we bought platinum cards with good and warm services,unfortunately my daughter with her friends attended dinner last night for celebrating birthday plus year 6 graduations, there was an old man without hair who served on the other tables used his very unfriendly eyes and upset face looked at the kids because of their rising voice sometimes. We like the afternoon tea and dinner inside the hotel, the food quality decreased,however warm suggestion 1/ Find some young staff to work instead of negative energy man. 2/ Service standard can be improved. 3/ Keep the food standard.
继续阅读