有得餃 (已搬遷) 新店位置

今日又去元朗食有得餃~因為掛住佢既蒜頭+醋~再加上佢既餃都係自己包~真係特別好食!!我食粟米豬肉餃~粟米夠新鮮~粒粒卜卜趣~餃子較實淨~可能用既豬肉較瘦~本人很喜歡~麵又彈牙~唔太硬又唔太軟~重點就係D蒜頭+醋~撈埋D麵一齊食~真係無得頂~不過...就要預左食完個口有陣蒜頭味!!有辣有唔辣~我就食唔辣既~但生蒜頭碎本身就係辣辣地~要注意哦!!地方細細~有16-20個位左右~我地二人位等左15分鐘就有勒~

晚上快9時, 仍然很多人等位呢, 不設派籌, 只靠店員記著客人的樣子, 這樣安排好像不太好。店子很少, 位子也很少, 我們坐外面, 還要搭台。芹菜豬肉餃: 大概知道是什麼味道,不會太咸, 餃子大大隻又足料, 不錯。他們的餃子應該是北京style, 因為都是皮比較厚的, 吃了4,5隻已飽。清真豬肉餃: 忘了名字, 總之就是混入外國香草的餃子, 我猜是茴香。挺有外國風味, 像吃西菜, 這個搭配不錯, 但不是人人接受, 我個人挺喜歡,我的朋友就不太愛吃。同樣是大隻足料。餃子都配一種汁料, 分辣和不辣,我們要的是不辣的, 咸咸酸酸, 應該是醋 加上蒜茸之類的東西, 不錯當晚可能人太多, 豆漿都沒有了,只餘汽水。

元朗又新街食店林立，真的花多眼亂，這次來了openrice人氣名店「有得餃」嚐一嚐其水餃。店子空間不多，坐起來真的有點辛苦。但眼見店內人氣旺盛，水準應該不錯吧~我跟男友二人一共點了一份秘製上等德國醉豬手、韮菜豬肉餃(十隻)、一碗家鄉上湯油渣麵。其實看到秘製上等德國醉豬手呢名字，實在有點令人費解為何水餃店吃德國菜，但男友愛吃豬手，所以就點來試試看。賣相跟味道其實跟德國連不上關係，就是一道醉豬手嘛~味道有點像「爽爽麵店」的醉雞，但醉豬手多了一層豬手外皮的Q彈口感，很爽口彈牙，不錯不錯。到主角水餃出場，講真其實有點失望，因為水餃皮實在太厚，雖然內餡味道不錯，但皮厚實屬我的大忌，整個水餃都太扣分，其實水餃皮不單單是太厚，還很容易穿。而且配搭的醬汁亦不能突顯或提升水餃的味道，亦扣了一些分數。我覺得還是八方雲集比較好吃。另外，我還點了家鄉上湯油渣麵，味道有點像小時候吃的「粉仔」，但口感比「粉仔」紮實，湯底的蝦皮雖然算不上是上等貨，但家鄉上湯油渣麵不正正是廉價的街頭小食，反而突出了那份家常味道。整體不計水餃的話，水準是不錯，但主打的水餃反而是弱點，實在是說不通。

記得第一次食的時候是在青衣戲棚內，那時正是真君寶誕的時候，場內塔了一個大戲棚同時附近圍著一些小攤檔和一系列的小食檔。 第一次見時此店座落在戲棚旁邊一個不起眼的位，但那時我已經很聰明地上鼓氣勇氣的一試。猶記得令人印象深刻的是它的醬汁，芫荽，蒜粒，糖，醋，蔥，醬油應有盡有......入口後香味久久不能散去，而為了應付需要所以還有加辣版本，但個人實在少少也受不了。接著一年再去已經大改寫整個景象，位置更好，而人流....多到....嚇死人...最後排了半小時才吃到...後來知道原來元朗有店，今日正好在元朗晚飯，離開時順便經一經，原來店內曾經接受過訪問，難怪附近雖多對手但生意還是很好。為了貫徹第一次的食法所以點了外賣，而且指明要青衣吃到的韮菜餃，等呀等終於等到了，打開盒馬上把醬汁倒入，嘩香味無窮~雖然皮有點厚但內在美值得一讚，料多而混入了汁一點也不會把韮菜味給壓下而更提升了嗅覺 味覺。而在涼風吹著下在街角吃著這熱得來美味的水餃簡直人生一樂也。

細細的一間有得餃, 內裏充滿人情味和美味的水餃!!!  先來兩杯豆漿, 不太甜又有豆香味!!!  order咗: 手拍青瓜, 野菇白菜豬肉餃和香茜豬肉餃!  原本order咗個蟹粉豬肉餃, 但大姐無時間整餡料, 所以無緣一試!!!!  點餃子的汁有辣有唔辣!!!  醋, 香菜, 蒜蓉和辣椒令到餃子更香口!  很欣賞!!!!!手拍青瓜: 青瓜爽口, 醬汁有醋, 少量芝麻醬, 蒜蓉和芝麻. 甜酸味道恰到好處, 跟青瓜的清香非常夾! 脹卜卜的餃子, 內裏有豐富的餡料, 一D都唔孤寒!  餡料是瘦肉和多菜, 味道也不咸!  吃到新鮮的菜味和香香的豬肉味!  加埋個餃子汁, 真的好味到不得了!!!!  $32有8大隻餃子, 真的物有所值!!!  雖然餃子皮係買來的, 但口感滑和好質素高!!!!  個老細話我知佢地都想自己做餃皮, 但無時間和地方!!!!  但佢地係買最好的餃皮造餃子的!!!!  一D都唔馬虎!!!  10個讚呀!!!寫到這裡...我真的想食番碗餃子呀!!!  下次我要試埋D麵!!!

之前睇金剛、小儀套「街坊廚神」，介紹了元朗區的餃子店「有得餃」。過年吃餃子是北方人的習俗，因為餃子外形似元寶，喻意全家吃過都金銀滿屋。「有得餃」是一間很家庭式的小店，只有十多個位，眼見老闆娘與熟客打成一片，似做街坊生意多。「有得餃」的餃子主打即叫即包，所以點好菜後也要等一會才有得吃。「頂級蟹粉豬肉餃」$68因為愛吃蟹粉，所以先點了個較貴的蟹粉餃來身先士卒。餃子一碗八粒，大得如BB仔拳頭大，蟹粉味不算濃，只能吃到輕滲的蟹油味，是有些少失望，蘸浙醋吃口感似厚皮的蟹粉小籠包，叫做過了口癮。「高纖甘荀溫室雲耳豬肉餃」$30另點一款較清新的口味，我覺得是對胃口得多。蘿蔔絲與雲耳絲都很脆爽，蘿蔔帶甜，吃起來清而不膩，感覺也較健康。「上海式炒烏東」再下一城，試試師傅炒物的功駕。老抽炒麵內混有香菇、肉絲，面頭曬上大量芝麻，很香口，而且炒得不油膩倒也是真的。 

到元朗覓食的經驗總是十分愉快的。今趟少有地並非孤身上路而是偕同同樣為食的太太前來，機會更是少有...最近縱情地大魚大肉的我倆，為了讓腸胃有點喘息的機會，所以今次便選擇食清一點，前來小弟稱之為食街的又新街，吃些餃子便可以了....來到這間叫"有得餃"的店子，不吃餃子的話便真的對不起自己了。看到餐牌，發現這裡有不少自創，款式奇特的餃子 ---- 甚麼法國鵝肝回香豬肉餃、頂級蟹粉豬肉餃等等....不過小弟最鐘愛的，還是最back to basic的韭菜豬肉餃啱我心水....店內推介的二人餐包括有小食雙併、撈麵一大碗及八大隻韭菜豬肉餃，索價亦只一百大洋多小小，實在太抵食了....醉雞翼及豬手兩者的酒味不算特別強，不喜此道的人也可輕易接受。雞翼沒有甚麼特別好談；豬手則是皮爽肉嫩的；燻蹄最美味的當數那層帶著脂肪而又煙韌的皮；醮醬是以大量啄蒜、莞莤、醬油及醋弄成，與味較清淡的配料混將起來，是特別的匹配....撈麵的伴醬與上述用來醮豬手雞翼的那個是一模一樣的。稍覺掌勺的是下得太過多了，弄至那個麵是有點水汪汪的，味道有點過酸了；上海麵本身帶着些微韌勁，還可以....韭菜豬肉餃每隻大大只斤両十足，皮厚饀也

個湯底好甜～有少少冬菇味～雖然d面普通，但餃子同湯底令到碗面好好味～推薦如果淨食餃子就3x蚊6隻～學生碗面就3隻餃仲有豆漿送～ 如果非學生價個人覺得有d貴…入面既丫姨好好人，好有媽媽feel

這間店實在太小，每次行過人龍總是長到不得了，今晚不知是否天氣太熱，無乜人，一黎到就有位，決定一試。食物選擇不多，一張餐牌睇哂，店內食物用心地改了不少有趣的名字。不過既然出名餃子，當然要叫餃子一試啦。醬汁可選辣與不辣，是晚選了辣的。鹹鹹酸酸，辣味不强，大量蒜同芫荽，很香很開胃，這醬汁好正。野味温室蕃茄豬肉餃 （$32/8）蕃茄切得很大顆，而且出水，如果不是新包的話，皮一定會爛。皮不算薄，而且蕃茄味不濃，勝在新款，都唔錯。芝士比薩炸餃 （$37/6）第一次食炸嘅餃子，芝士茄醬加肉碎真係好似pizza味，好新奇。隻餃超熱，絕不能一口咬下，滆掉的芝士實在太燙咀了。因為是炸的，越吃越油，好膩呢。吃到第三隻嘅時候發覺有異物，吐出來一看居然是有條繩。同老闆講但佢只係笑笑口話你真係好好彩，咁都食到有野，我幫你換返一隻新嘅。聽罷即時O咀，可能見反應唔係咁好，老闆張整碟炸餃收起，換過一碟新嘅，不過食慾已大打節扣。天氣實在太熱，加上門口位無冷氣，叫了一杯凍豆漿解解渴。（$7）我對豆漿一向無乜好感，因為要找一間自家麿的實在太難。果然，這間店亦是現醒野，勁甜無豆味，越喝越渴。餃子其實很好吃，只是今晚太幸運中招。

最近到這邊做兼職，完全沒概念吃啥，就到開飯看看，發現這店的食評多笑臉，再看看價錢還算可以，店面也有不少食客，就走進去試試吧！沒想到，驚喜不斷我是忌蔥茜的，可幸他揚言是為即叫即做的手作製，所以再三查問後，點了野生冬菇有機白菜豬肉餃、芝士比薩炸餃和芝士____薄餐（忘了名字）。啊，對了，兩款芝味食品是同行人之所好。店內早有告示說人流多則等候食物時間會相對久一點。看看鐘，已是晚上八時多近九時了，但小小店子內仍不乏人流，能如此吸引客源的，不禁令人期待！食物來了，先是豆漿。該不是鮮磨的，不要存太多希望；呃，還有點過甜了！繼而是芝味炸餃！看上去有點油，不過有吸油紙可以用。鮮炸的，很脆！咬下根本就是比薩嘛！用料都幾足夠，不過唯一帶點失望是芝味不濃。畢竟我們都嗜芝！再而就是野生冬菇有機白菜豬肉餃。可選湯麵或撈麵的，不過撈麵的醬汁帶茜，就算了。湯都是清湯，頗鮮，味精不多，因為喝了也不會渴。麵帶嚼勁，算是彈牙。正題：餃子又如何呢？用料頗豐，皮不算非常薄，應是考量到餃子餡太多在烹調過程或會破吧最後就是薄餐。看到蔥，已令人目眩……正如上文所言，我忌蔥的。只是既然要嚐新，就得吃一口！不過，吃畢一口，又是一口！薄

今日老公要去鍾屋村攞返之前維修好嘅車, 就順道揸入元朗食DINNER. 之前睇雜誌介紹過呢間餃子店, 就決定嚟試下 睇下menu, 原來喺2月時加咗價, 大部分都加咗$2.00我哋叫咗三碗餃子手攪麵@$34.00+一碗藥膳雞腳湯$37.00+豆漿$7.00 藥膳雞腳湯: 都幾大碗喎, 又足料, 有四隻雞腳, 雞腳又夠林. 飲一啖湯味道很濃啊, 原來內有杞子、圓肉、北芪、黨參.....藥材. 正! 手攪麵嘅湯底係胡椒湯, 好在只有胡椒香味又唔辣. 手攪麵嘅麵質唔會過林, 有點煙韌. 百厭仔都好like, 差不多成碗食晒.西洋菜豬肉餃: 菜同肉嘅比例剛剛好, 睇得出西洋菜係手切, 很爽口, 正! 甘荀雲耳豬肉餃: 一碗有4隻餃. 百厭仔食咗兩隻, 仲有兩隻當然要爸媽埋尾啦, 我自己就唔多like食甘荀嘅, 但百厭仔餵到就...勉為其難咬一啖啦. 竟然有驚喜喎. 甘荀好清甜, 雲耳又爽口. 正! 番茄豬肉餃: 老公話皮有點厚, 中間摺位好似有啲唔熟嘅感覺, 麻麻地. 都係阿仔果碗甘荀餃好味啲 豆漿都ok埋單$146.00

今日在元朗工作過後,在又新街附近,所以就過去睇睇有乜好野食,當行到街尾時就被一陣陣酒香吸引住…類似醉雞鍋的味道,原來喱間鋪頭在門口處煲緊藥膳雞腳湯,見佢個湯咁香就入去試o下 d 野食啦,入到坐低一睇個餐牌就發覺都有頗多特別的菜式出面好少見到有個喎,我就叫o左個炆腩肉撈麵同加o左4隻野味韭菜豬肉餃…喱個炆腩肉做得好好,肥瘦均勻,塊皮好爽,肥的部份好甘香…好入味,d 肉咬落去口感唔錯有嚼頭,一 d 都唔諗,手攪麵都ok$15加o左4隻野味韭菜豬肉餃…韭菜唔太多,份量恰到好處(唔似一般d鋪頭落好多韭菜咁濃味),食落去仲會食到豬肉的鮮味,配搭得好好,佢個秘製醬汁俾到驚喜我哦…有莞西、生蒜、 醋、酸酸地食落好醒胃…正!用餐的時候有幾檯客入o黎都有叫到個藥膳雞腳湯,下次再o黎的時候一定要試試至得

近來心情一般.連去第二區做食評的動力都沒有.不過到了11月我的食評應該精彩一點.呢間店叫有得餃<媽媽水餃>主力當然賣各種餃子,也有少部份小食.亦有熱辣辣的新鮮雞腳湯.普遍的食物只係賣30多元至40元左右.比較貴的蟹粉水餃,鵝肝水餃也70多元左右.價錢合理.服務員主要是40多歲的亞姐.全部都掛上笑容.十分親切.而且很有禮貌,的確是好服務,環境是一間迫迫的小店.三張4人枱.3張2人枱.背貼背坐的.吃完立刻要走.落單後食物是立即做,要等10分鍾食物才會出現.豆漿6元.豆味香濃.甜度只屬中等,質感算順滑,但也順喉.品質合格有餘.玉米水餃麵32元.湯底豬骨湯,但豬骨味末算香濃.反而有淡淡胡椒的香甜.麵火喉剛剛好,不會太林.至於玉米水餃料佔4成.味道香甜.豬肉也有鮮味有肉汁..玉米也是甜粟.服務.味道是好的.根本無可批評,本應笑臉是應該給.但麵上枱時夾住一條長頭髮.我不拘小節.照食....其實無得嘈.但埋單時有向店員提及,店員只講了一句唔好意思.又無答應會改善....(事情是真的..若有效果我承受或願意對質>因一個錯誤.只可評中等.仲有永不回頭.可惜其實呢間店不錯.

因為嗜蟹，所以之前看雜誌，見到元朗有介紹頂級蟹粉豬肉餃，就已經躍躍欲試。這是一間充滿人情味的小店，見到陳老太一家在店裡穿插，跟客人都已經很熟，覺得很有家的味道。叫了一碗蟹粉豬肉餃，雖然是即叫即包，但不用等很久。端來的一碗，餃子像拳頭大，有點傻眼，想必就算是8粒也一定會吃到撐。咬一口，的確見到蟹油和一絲絲蟹肉，不過蟹油的份量比在雜誌看到的打了個七折，豬的味道甚至比蟹更特出。豬肉帶有少許羶味，味道亦偏咸。一見到客人吃不完，他們就很緊張的問到底是否食物味道有問題，完全感覺到他們是何其在乎食物的品質和客人的意見。若下次有機會，倒想試試另一款鎮店之寶﹕法國鵝肝茴香豬肉餃。

上星期有位朋友食過佢地碗豬油渣麵之後, 驚為天人, 即刻post上facebook, 向我地推介。尋晚終於有機會試, 9:30去到, 唔使等位, 但到10點時, 竟然全店滿座!一共試左四樣野, 豬油渣麵, 藥膳雞腳湯, 香茜水餃 & 德國醉豬手, 最鍾意佢不貪味精, 唔會太咸, 而豬手又嫩滑又夠入味, 係四樣之中我最愛既, 其實家庭式小店經營方式, 估唔到有如此水準, 令人非常驚起, 而且服務態度一流, 勁nice, 見我碗豬油渣麵唔夠湯, 就主動加比我, 非常細心, 我仲非常喜愛佢個點水餃既秘製醬汁。我身邊有好多朋友已經成為佢地既fan, 我短期內一定會再去, 因為仲有好多野想試, 好多菜式都係出面冇既。